ജിദ്ദ: റമദാനിലെ ആദ്യ 20 ദിവസങ്ങളില് ഇരുഹറമുകളിലെത്തിയത് 9.6 കോടി സന്ദര്ശകരെന്ന് ഇരുഹറം കാര്യാലയം. 5.7 കോടി വിശ്വാസികളാണ് മസ്ജിദുല് ഹറം സന്ദര്ശിച്ചത്. കൂടാതെ 1.5 കോടി തീര്ഥാടകര് ഉംറ നിര്വഹിച്ചു. 2.1 കോടി വിശ്വാസികളാണ് മസ്ജിദുന്നബവിയിലെത്തിയത്. ഇതില് 5,79,100 പേര് റൗദ ശരീഫ് സന്ദര്ശിക്കുകയും ചെയ്തു. അതോറിറ്റിയുടെ കാര്യക്ഷമമായ പ്രവര്ത്തനങ്ങളുടെയും തീര്ഥാടകര്ക്ക് നല്കുന്ന മികച്ച സേവനങ്ങളുടെയും ഫലമായാണ് സന്ദര്ശകരുടെ എണ്ണത്തില് വലിയ വര്ധനവുണ്ടായിരിക്കുന്നതെന്ന് അധികൃതര് വ്യക്തമാക്കി.