പത്തനംതിട്ട: ശബരിമല ദര്ശനത്തിന് അനുമതി നല്കണമെന്ന് ആവശ്യപ്പെട്ട് ബി.ജെ.പി സംസ്ഥാന ജനറല് സെക്രട്ടറി കെ.സുരേന്ദ്രന് സമര്പ്പിച്ച ഹര്ജി കോടതി തള്ളി. റാന്നി മജിസ്ട്രേറ്റ് കോടതിയാണ് തള്ളിയത്. നേരത്തെ ഇതേ ആവശ്യമുന്നയിച്ച് സുരേന്ദ്രന് ഹൈക്കോടതിയെ സമീപിച്ചിരുന്നു. എന്നാല് മജിസ്ട്രേറ്റ് കോടതിയെ സമീപിക്കാനായിരുന്നു ഹൈക്കോടതിയുടെ നിര്ദേശം.
ശബരിമല യുവതീ പ്രവേശനവുമായി ബന്ധപ്പെട്ട് സംഘപരിവാര് അഴിച്ചുവിട്ട അക്രമങ്ങള്ക്ക് നേതൃത്വം നല്കിയ ബി.ജെ.പി നേതാക്കളില് ഒരാളാണ് കെ.സുരേന്ദ്രന്. ചിത്തിര ആട്ട വിശേഷത്തിനെത്തിയ സ്ത്രീയെ ആക്രമിക്കാന് ശ്രമിച്ചതുള്പ്പെടെ നിരവധി കേസുകളില് പ്രതിയാണ് സുരേന്ദ്രന്.