ഐഎസ്എല് ആദ്യ മത്സരത്തില് ജയത്തില് തുടങ്ങി കേരള ബ്ലാസ്റ്റേഴ്സ്. ബംഗളൂരു എഫ്സിയെ ഒന്നിനെതിരെ രണ്ടു ഗോളുകള്ക്കാണ് തോല്പ്പിച്ചത്. മൂന്നു ഗോളുകളും രണ്ടാം പകുതിയിലാണ് പിറന്നത്. കഴിഞ്ഞവര്ഷത്തെ ഹൃദയഭേദകമായ തോല്വിയിലും പുറത്താകലിലും ഏറ്റ മുറിവിന് പകരം ചോദിച്ചായിരുന്നു ബ്ലാസ്റ്റേഴ്സ് മത്സരത്തിനിറങ്ങിയത്. കനത്ത മഴയിലും പോരാട്ടവീര്യം ചോരാതെ ടീം ജയിച്ചു കയറി.
52ാം മിനിറ്റിലാണ് സെല്ഫ് ഗോളിന്റെ പിറവി. കെസിയ വിന്ഡ്രോപ്പിന്റെ ഷോട്ടാണ് സെല്ഫ് ഗോളായി കലാശിച്ചത്. ബ്ലാസ്റ്റേഴ്സിന്റെ ലൂണാ 69ാം മിനിറ്റില് വീണ്ടും ലീഡ് ഉയര്ത്തി. 90ാം മിനിറ്റില് കര്ട്ടീസ് മെയിന് ആണ് ബാംഗ്ലൂരിന് വേണ്ടി ആശ്വാസ ഗോള് നേടിയത്.