ഡല്ഹി: കേന്ദ്ര ധനമന്ത്രി നിര്മ്മല സീതാരാമന് ബജറ്റവതരണം തുടങ്ങി. പേപ്പര് രഹിത ബജറ്റാണ് അവതരിപ്പിക്കുന്നത്. ഇതിനായി ടാബുമായാണ് നിര്മ്മല സീതാരാമന് പാര്ലമെന്റില് എത്തിയത്. എം.പിമാര്ക്ക് ബജറ്റിന്റെ സോഫ്റ്റ് കോപ്പികളാണ് നല്കിയിരിക്കുന്നത്.
കോവിഡിന്റെ പശ്ചാത്തലത്തിലാണ് പേപ്പര് രഹിത ബജറ്റ് അവതരിപ്പിക്കാന് തീരുമാനിച്ചത്. ബജറ്റ് രേഖകള് ലഭ്യമാക്കുന്നതിനായി മൊബൈല് ആപ്പും തയ്യാറാക്കിയിട്ടുണ്ട്. അതേസമയം ബജറ്റ് അവതണം തുടങ്ങുന്നതിന് മുന്പായി പാര്ലമെന്റില് പ്രതിപക്ഷം പ്രതിഷേധം നടത്തി. കര്ഷകസമരത്തെ ചൊല്ലിയായിരുന്നു പ്രതിപക്ഷ എം.പിമാര് പ്രതിഷേധിച്ചത്.
സാമ്പത്തികമാന്ദ്യം ഗ്രസിച്ചു തുടങ്ങിയ ഘട്ടത്തിലാണ് രാജ്യത്തെ കോവിഡ് ബാധിച്ചത്. 2019-20ല് മൊത്ത ആഭ്യന്തര ഉത്പാദനം നാലു ശതമാനമായി കുറഞ്ഞു. നിക്ഷേപരംഗത്തും കനത്ത ഇടിവ് ഉണ്ടായിരുന്നു. കേരളത്തിന് 65,000 കോടിയുടെ റോഡുകള്. 600 കിലോ മീറ്റര് മുംബൈ – കന്യാകുമാരി പാത. മധുര – കൊല്ലം ഉള്പ്പെടെ തമിഴ്നാട്ടിലെ ദേശീയപാത വികസനത്തിന് 1.03 ലക്ഷം കോടിയുടെ പദ്ധതി. കൊച്ചി മെട്രോയുടെ രണ്ടാംഘട്ടത്തിന് 1,967 കോടി രൂപയും അനുവദിച്ചു.