തിരുവനന്തപുരം: ശബരിമല സ്വര്ണകൊള്ള കേസില് മുന് ദേവസ്വം ബോര്ഡ് അംഗം വിജയകുമാര് അറസ്റ്റില്. പത്മകുമാര് അധ്യക്ഷനായ ബോര്ഡിലെ അംഗമാണ്. ശങ്കര്ദാസിലേക്കും വിജയകുമാറിലേക്കും അന്വേഷണം എത്താത്തതില് എസ്ഐടിയെ ഹൈക്കോടതി വിമര്ശിച്ചിരുന്നു. ഇതിനെ തുടര്ന്ന് അറസ്റ്റിന് സാധ്യത തെളിഞ്ഞതോടെ ഇരുവരുടെയും മുന്കൂര് ജാമ്യത്തിന് നീക്കം നടത്തുകയും ചെയ്തു. പിന്നാലെയാണ് വിജയകുമാറിന്റെ അറസ്റ്റ്.
കേസില് ബോര്ഡിലെ എല്ലാ അംഗങ്ങള്ക്കും തുല്യ ഉത്തരവാദിത്തം ഉണ്ടെന്ന് ഹൈക്കോടതി കഴിഞ്ഞ ദിവസം നിരീക്ഷിച്ചിരുന്നു. 2018 നവംബറില് കെ രാഘവന്റെ ഒഴിവിലേക്കാണ് എന് വിജയകുമാര് ദേവസ്വം ബോര്ഡില് സിപിഎമ്മിന്റെ പ്രതിനിധിയായി വരുന്നത്. ഉണ്ണികൃഷ്ണന് പോറ്റിക്ക് സ്വര്ണ്ണപ്പാളികള് കൈമാറിയതില് അടക്കം ബോര്ഡിലെ എല്ലാ അംഗങ്ങള്ക്കും കൂട്ടുത്തരവാദിത്തം ഉണ്ടെന്നായിരുന്നു പത്മകുമാറിന്റെയും മൊഴി.