‘ബ്രേക്ക് നന്നാക്കാന്‍ സാധിച്ചിട്ടില്ല,പകരം ഹോണ്‍ കൂട്ടിവെച്ചിട്ടുണ്ട്’; ബജറ്റിനെ പരിഹസിച്ച് ശശി തരൂര്‍

ഡല്‍ഹി: കേന്ദ്ര ബജറ്റ് പ്രഖ്യാപനത്തിന് പിന്നാലെ പരിഹാസവുമായി ശശി തരൂര്‍. കേന്ദ്രത്തിന്റെ ബജറ്റ് കേട്ടപ്പോള്‍ ബ്രേക്ക് നന്നാക്കാന്‍ ഗാരേജിലെത്തിയ ഉപഭോക്താവിനോട് മെക്കാനിക്ക് പറഞ്ഞ കാര്യമാണ് ഓര്‍മ വരുന്നതെന്ന് ശശി തരൂര്‍ പറഞ്ഞു.സമ്പദ് വ്യവസ്ഥയ്ക്ക് പ്രയോജനമില്ലാത്ത ബജറ്റാണിതെന്നും അദ്ദേഹം കൂട്ടിചേര്‍ത്തു.

‘എനിക്ക് നിങ്ങളുടെ ബ്രേക്ക് നന്നാക്കാന്‍ സാധിച്ചിട്ടില്ല,പകരം ഹോണ്‍ കൂട്ടിവെച്ചിട്ടുണ്ട് എന്ന് ഉപഭോക്താവിനോട് പറഞ്ഞ മെക്കാനിക്കിനെയാണ് ബി.ജെ.പി സര്‍ക്കാര്‍ ഓര്‍മപ്പെടുത്തുന്നത്’ ശശി തരൂര്‍ ട്വിറ്ററില്‍ കുറിച്ചു.

This BJP government reminds me of the garage mechanic who told his client, “I couldn’t fix your brakes, so I made your horn louder.” #Budget2021

— Shashi Tharoor (@ShashiTharoor) February 1, 2021

ബജറ്റ് അവതരണത്തില്‍ നിയമസഭാ തെരഞ്ഞെടുപ്പ് അടുത്ത കേരളം, പശ്ചിമ ബംഗാള്‍, തമിഴ്‌നാട് സംസ്ഥാനങ്ങള്‍ക്ക് വേണ്ടിയുള്ള പദ്ധതികള്‍ നിര്‍മ്മല സീതാരാമന്‍ പ്രഖ്യാപിച്ചിരുന്നു.