Connect with us

Video Stories

വികസന പദ്ധതികള്‍ രാഷ്ട്രത്തിന് സമര്‍പ്പിച്ചു

Published

on

അല്‍കോബാര്‍: വിവിധ മന്ത്രാലയങ്ങള്‍ കിഴക്കന്‍ പ്രവിശ്യയില്‍ പൂര്‍ത്തിയാക്കിയ പദ്ധതികള്‍ ഭരണാധികാരി സല്‍മാന്‍ രാജാവ് രാജ്യത്തിന് സമര്‍പ്പിച്ചു. ആരോഗ്യം, ജലം, ഊര്‍ജം, വിദ്യാഭ്യാസം, ഗതാഗതം തുടങ്ങിയ മന്ത്രാലയങ്ങള്‍ പൂര്‍ത്തിയാക്കിയ പദ്ധതികളാണ് ഉദ്ഘാടനം ചെയ്തത്. അല്‍കോബാര്‍ അസീസിയ കൊട്ടാരത്തില്‍ സംഘടിപ്പിച്ച പ്രൗഢ ചടങ്ങിലാണ് വികസന പദ്ധതികള്‍ രാജാവ് ഉദ്ഘാടനം ചെയ്തത്.

500 രോഗികളെ കിടത്തി ചികിത്സിക്കാന്‍ ശേഷിയുളള ദമാം മെറ്റേണിറ്റി ആന്റ് ചില്‍ഡ്രന്‍സ് ആസ്പത്രി, 500 ബെഡുള്ള മാനസിക ആസ്പത്രി, അല്‍ഹസയില്‍ 300 കിടക്കകളുളള സഊദ് ബിന്‍ ജലവി ആസ്പത്രി, 200 ബെഡുള്ള കിംഗ് ഫൈസല്‍ ജനറല്‍ ആസ്പത്രി, 100 കിടക്കയുള്ള അല്‍ഇംറാന്‍ ജനറല്‍ ആസ്പത്രി എന്നിവയാണ് ആരോഗ്യ മന്ത്രാലയത്തിന്റെ ഉദ്ഘാടനം ചെയ്ത പദ്ധതികള്‍. പദ്ധതികള്‍ വകുപ്പ് മന്ത്രി ഡോ. തൗഫീഖ് അല്‍റബീഅ വിശദീകരിച്ചു. പദ്ധതികള്‍ വിശദീകരിക്കുന്ന സചിത്ര പ്രദര്‍ശനവും നടന്നു.

പരിസ്ഥിതി, ജല, കൃഷി മന്ത്രാലയം കിഴക്കന്‍ പ്രവിശ്യയില്‍ നടപ്പാക്കിയ പുതിയ പദ്ധതികള്‍ മന്ത്രി എഞ്ചിനീയര്‍ അബ്ദുറഹ്മാന്‍ അല്‍ഫദ്‌ലി വിശദീകരിച്ചു. ജല, മലിനജല പദ്ധതികള്‍, ദമാം കിംഗ് അബ്ദുല്‍അസീസ് തുറമുഖത്തെ ഗോതമ്പ് സംഭരണകേന്ദ്രം വിപുലീകരണ പദ്ധതി, അല്‍ഹസ ഗോതമ്പ് സംഭരണ-മൈദ ഉല്‍പാദന കേന്ദ്രം, ദാറൈന്‍, അല്‍കോബാര്‍, അല്‍സൂര്‍, ഖത്തീഫ് എന്നിവിടങ്ങളിലെ മത്സ്യബന്ധന ഹാര്‍ബറുകള്‍ എന്നിവയും സല്‍മാന്‍ രാജാവ് ഉദ്ഘാടനം ചെയ്തു.

 
ഊര്‍ജ, വ്യവസായ മന്ത്രാലയം നടപ്പാക്കിയ വൈദ്യുതി പദ്ധതികള്‍ മന്ത്രി എഞ്ചിനീയര്‍ ഖാലിദ് അല്‍ഫാലിഹും ഗതാഗത മന്ത്രാലയം പൂര്‍ത്തിയാക്കിയ പദ്ധതികള്‍ മന്ത്രി സുലൈമാന്‍ അല്‍ഹംദാനും വിശദീകരിച്ചു. പ്രതിവര്‍ഷം പതിനഞ്ച് ലക്ഷം കണ്ടെയ്‌നറുകള്‍ കൈകാര്യം ചെയ്യാന്‍ ശേഷിയുളള ദമാം തുറമുഖത്ത് നിര്‍മിച്ച രണ്ടാമത് കണ്ടെയ്‌നര്‍ ടെര്‍മിനലാണ് ഗതാഗത മന്ത്രാലയം നടപ്പാക്കിയ പദ്ധതികളില്‍ പ്രധാനം.

പുതിയ കണ്ടെയ്‌നര്‍ ടെര്‍മിനല്‍ ഉദ്ഘാടനം ചെയ്തതോടെ ദമാം തുറമുഖത്തിന്റെ പ്രതിവര്‍ഷ ശേഷി 40 ലക്ഷം കണ്ടെയ്‌നര്‍ ആയി ഉയര്‍ന്നു. അല്‍ഹസ കിംഗ് ഫൈസല്‍ സര്‍വകലാശാലാ, കിംഗ് ഫഹദ് പെട്രോളിയം യൂനിവേഴ്‌സിറ്റി എന്നിവയുടെ രണ്ടാം ഘട്ട വികസനം, ദമാം യൂനിവേഴ്‌സിറ്റി ആസ്പത്രിയുടെയും ആദ്യ ഘട്ടം, ഹഫര്‍ അല്‍ബാത്തിന്‍ യൂനിവേഴ്‌സിറ്റി പദ്ധതികള്‍ എന്നിവ ഉള്‍പ്പെടെയുള്ളവയും രാജാവ് രാഷ്ട്രത്തിന് സമര്‍പ്പിച്ചു.

ദമാം യൂനിവേഴ്‌സിറ്റിയുടെ പേര് ഇമാം അബ്ദുറഹ്മാന്‍ അല്‍ഫൈസല്‍ എന്നാക്കി മാറ്റുന്നതിന് രാജാവ് നിര്‍ദേശം നല്‍കി. സഊദി അറേബ്യയുടെ സ്ഥാപകന്‍ അബ്ദുല്‍ അസീസ് രാജാവിന്റെ പിതാവാണ് ഇമാം അബ്ദുറഹ്മാന്‍ അല്‍ഫൈസല്‍. മുന്‍ കിരീടാവകാശി അമീര്‍ മുഖ്‌രിന്‍ ബിന്‍ അബ്ദുല്‍ അസീസ്, സഹമന്ത്രി അമീര്‍ ഡോ. മന്‍സൂര്‍ ബിന്‍ മിത്അബ്, നാഷണല്‍ ഗാര്‍ഡ് മന്ത്രി അമീര്‍ മിത്അബ് ബിന്‍ അബ്ദുല്ല, കിഴക്കന്‍ പ്രവിശ്യ ഗവര്‍ണര്‍ അമീര്‍ സഊദ് ബിന്‍ നായിഫ്, കിരീടാവകാശി അമീര്‍ മുഹമ്മദ് ബിന്‍ നായിഫ്, ഡെപ്യൂട്ടി കിരീടാവകാശി അമീര്‍ മുഹമ്മദ് ബിന്‍ സല്‍മാന്‍ തുടങ്ങി നിരവധി രാജകുടുംബാംഗങ്ങളും മന്ത്രിമാരും ഉദ്ഘാടന ചടങ്ങില്‍ പങ്കെടുത്തു.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Trending