വിദ്യാര്ത്ഥികളില് അനാവശ്യ മത്സരബുദ്ധിയും സമ്മര്ദവും സൃഷ്ടിക്കുന്ന തരത്തില് കുട്ടികളുടെ ഫോട്ടോ വെച്ച് സ്കൂളുകള് പ്രദര്ശിപ്പിക്കുന്ന ഫ്ളക്സ് ബോര്ഡുകളും പരസ്യങ്ങളും ഒഴിവാക്കണമെന്ന് ബാലാവകാശ കമ്മീഷന്. നിർദ്ദേശിച്ചു. ഇതിനാവശ്യമായ ഉത്തരവുകള് പുറപ്പെടുവിക്കാന് പൊതുവിദ്യാഭ്യാസ വകുപ്പ് പ്രിന്സിപ്പല് സെക്രട്ടറി, ഡയറക്ടര്, പരീക്ഷാ സെക്രട്ടറി എന്നിവര്ക്ക് കമ്മീഷന് നിര്ദേശം നല്കി. ഉത്തരവിന്മേല് സ്വീകരിച്ച നടപടിയുടെ റിപ്പോര്ട്ട് ഒരുമാസത്തിനകം ലഭ്യമാക്കാനും കമ്മീഷന് നിര്ദേശം നല്കി. കുട്ടികളില് അനാവശ്യ മത്സരബുദ്ധി, സമ്മര്ദം, വിവേചനം എന്നിവ സൃഷ്ടിക്കുന്ന തരത്തില് നടത്തുന്ന മത്സര പരീക്ഷകളില് മാറ്റം വരുത്താനും കമ്മീഷന് നിര്ദേശിച്ചിട്ടുണ്ട്.