കൊയിലാണ്ടി: കോഴിക്കോട് കൊയിലാണ്ടിക്ക് സമീപം കുറുവങ്ങാടില് ഇന്ന് പുലര്ച്ചയുണ്ടായ വാഹനാപകടത്തില് മൂന്ന് എം.ബി.ബി.എസ് വിദ്യാര്ഥികള് മരിച്ചു. മൂന്നു പേരും മലബാര് മെഡിക്കല് കോളേജ് വിദ്യാര്ഥികളാണ്. ഇലക്ട്രിക് സ്കൂട്ടര് നിയന്ത്രണം വിട്ട് പോസ്റ്റിലിടിച്ച് ഓടയിലേക്ക് മറിഞ്ഞാണ് അപകടമുണ്ടായത്. ഇന്ന് പുലര്ച്ച രണ്ടരയോടെയാണ് ദാരുണമായ സംഭവം നടന്നത്.
നന്ദകിഷോര്, അഭിയാന്, അഭിനവ് എന്നിവരാണ് മരിച്ചത്. മൂന്ന് പേരും സംഭവസ്ഥലത്തുവെച്ച് തന്നെ മരിച്ചിരുന്നു. നിലവില് മൃതദേഹങ്ങള് കോഴിക്കോട് മെഡിക്കല് കോളേജ് മോര്ച്ചറിയിലാണ്. നിയമനടപടികള് പൂര്ത്തിയാക്കിയ ശേഷം മൃതദേഹങ്ങള് ബന്ധുക്കള്ക്ക് വിട്ടുനല്കും.