ധാക്ക: സുരക്ഷാ ഭീഷണി കണക്കിലെടുത്ത് ബംഗ്ലാദേശിലെ രണ്ട് വിസ അപേക്ഷാ കേന്ദ്രങ്ങള് ഇന്ത്യ അടച്ചുപൂട്ടി. രാജ്ഷാഹി ഖുല്ന എന്നിവിടങ്ങളിലെ വിസ കേന്ദ്രങ്ങളാണ് അടച്ചു പൂട്ടിയത്. അപേക്ഷകള് സമര്പ്പിക്കാനായി മുന്കൂട്ടി അനുമതിയെടുത്ത എല്ലാ അപേക്ഷകര്ക്കും പിന്നീട് ഒരു സ്ലോട്ട് നല്കുമെന്ന് ഇന്ത്യന് വിസ അപ്ലിക്കേഷന് സെന്റര്(ഐവിഎസി) വ്യക്തമാക്കി.
ധാക്കയിലെ ഇന്ത്യന് ഹൈക്കമ്മീഷന് നേരെ അടുത്ത കാലത്തുണ്ടായ ഭീഷണികകളുടെയും ബംഗ്ലാദേശ് രാഷ്ട്രീയ നേതാക്കളുടെ പ്രകോപനപരമായ ഇന്ത്യ വിരുദ്ധ പ്രസ്താവനകളുടെയും പശ്ചാത്തത്തിലാണ് നീക്കം. ബംഗ്ലാദേശിന്റെ ഹൈക്കമ്മീഷണര് മുതിര്ന്ന നയതന്ത്രജ്ഞന് മുഹമ്മദ് റിയാസ് ഹമീദുള്ളയെ വിളിച്ച് പ്രതിഷേധം അറിയിച്ചതിന് ശേഷമാണ് ഈ നീക്കം.