kerala
വിന്സിയുടെ വെളിപ്പെടുത്തല് ഷൈന് ടോം ചാക്കോയും പങ്കുവെച്ചു; പരാതി നല്കിയതോടെ ചര്ച്ചയായി താരത്തിന്റെ ഇന്സ്റ്റഗ്രാം സ്റ്റോറി
വിന്സി പരാതി നല്കിയതോടെയാണ് നേരത്തെ നടന് പങ്കുവെച്ച ഇന്സ്റ്റഗ്രാം സ്റ്റോറി സോഷ്യല് മീഡിയ ഏറ്റെടുത്തിരിക്കുന്നത്
കൊച്ചി: ലഹരി ഉപയോഗിച്ച് നടന് സിനിമാ സെറ്റില് വെച്ച് മോശമായി പെരുമാറിയെന്ന് ചൂണ്ടിക്കാട്ടിയുള്ള നടി വിന്സി അലോഷ്യസിന്റെ വെളിപ്പെടുത്തല് നടന് ഷൈന് ടോം ചാക്കോയും പങ്കുവെച്ചിരുന്നു. പിന്നാലെ, ഷൈന് ടോം ചാക്കോയില് നിന്നാണ് ഇത്തരത്തില് അനുഭവമുണ്ടായതെന്ന് പറഞ്ഞ് വിന്സി പരാതി നല്കിയതോടെയാണ് നേരത്തെ നടന് പങ്കുവെച്ച ഇന്സ്റ്റഗ്രാം സ്റ്റോറി സോഷ്യല് മീഡിയ ഏറ്റെടുത്തിരിക്കുന്നത്.
‘ലഹരി ഉപയോഗിച്ച പ്രധാന നടനില് നിന്നും മോശം അനുഭവം ഉണ്ടായി. അയാള് സെറ്റിലിരുന്ന വെള്ളപൊടി തുപ്പി. ലഹരി ഉപയോഗിക്കുന്നവര്ക്കൊപ്പം അഭിനയിക്കില്ല’, എന്നായിരുന്നു വിന്സിയുടെ വെളിപ്പെടുത്തല്. ഈ വാര്ത്തയാണ് ഷൈന് പങ്കുവെച്ചത്. നേരത്തെ വിന്സി നടന്റെ പേര് വെളിപ്പെടുത്തിയിരുന്നില്ല. പിന്നീട് നടന്റെ പേരുള്പ്പെടെ പരാമര്ശിച്ച് ഫിലിം ചേംബറിന് പരാതി നല്കുകയായിരുന്നു. ‘സൂത്രവാക്യം’ എന്ന സിനിമയുടെ ലൊക്കേഷനില് വെച്ച് ഷൈന് ടോം ചാക്കോയില് നിന്നും മോശം അനുഭവം നേരിടേണ്ടി വന്നുവെന്ന് ചൂണ്ടികാട്ടിയാണ് വിന്സി ഫിലിം ചേംബറിന് പരാതി നല്കിയത്. സിനിമയുടെ ആഭ്യന്തര പരാതി കമ്മിറ്റിക്കും പരാതി നല്കിയിട്ടുണ്ട്.
വിന്സിയുടെ വെളിപ്പെടുത്തലിന്റെ പൂര്ണ്ണരൂപം:
കുറച്ച് ദിവസങ്ങള്ക്ക് മുമ്പ് ലഹരി വിരുദ്ധ ക്യാംപെയിന് മുന്നിര്ത്തിക്കൊണ്ട് നടത്തിയ ഒരു പരിപാടിയില് പങ്കെടുക്കുകയും അവിടെ സംസാരിക്കുന്നതിനിടെ ഒരു പ്രസ്താവന നടത്തുകയും ചെയ്തിരുന്നു. എന്റെ അറിവില് ലഹരി ഉപയോഗിക്കുന്നവരുമായി ഞാന് ഇനി സിനിമ ചെയ്യില്ലെന്നായിരുന്നു ആ പ്രസ്താവന. ഇത് മാധ്യമങ്ങളില് വാര്ത്തയാവുകയും ചെയ്തിരുന്നു. എന്നാല് ആ വാര്ത്തകളുടെ കമന്റുകള് വായിച്ചപ്പോഴാണ് ചില കാര്യങ്ങളില് വ്യക്തത വരുത്തേണ്ടതുണ്ടെന്ന് തീരുമാനിച്ചത്. എന്തുകൊണ്ട് ഞാന് ആ പ്രസ്താവന നടത്തിയെന്നും എന്റെ നിലപാടുകള് വ്യക്തമാക്കണമെന്നുമുള്ള തോന്നലിന്റെ പുറത്താണ് ഈ വീഡിയോ ചെയ്യുന്നത്.
പലതരം കാഴ്ചപ്പാടാണ് ആളുകള്ക്കുള്ളതെന്ന് കമന്റുകള് വായിച്ചപ്പോഴാണ് മനസിലായത്. വ്യക്തമായി അതിന്റെ കാരണം പറഞ്ഞാല് ആളുകള്ക്ക് പല കഥകള് ഉണ്ടാക്കേണ്ട കാര്യമില്ലല്ലോ. ഞാനൊരു സിനിമയുടെ ഭാഗമായപ്പോള് ആ സിനിമയിലെ പ്രധാന താരത്തില് നിന്ന് നേരിടേണ്ടിവന്ന അനുഭവമാണ് ആ പ്രസ്താവനക്ക് കാരണം. അയാള് ലഹരി ഉപയോഗിച്ച് മോശമായ രീതിയില് പറഞ്ഞാലും മനസിലാവാത്ത രീതിയില് എന്നോടും എന്റെ സഹപ്രവര്ത്തകയോടും പെരുമാറി. എന്റെ ഡ്രസ്സില് ഒരു പ്രശ്നം വന്ന് അത് ശരിയാക്കാന് പോയപ്പോള്, ‘ഞാനും വരാം, ഞാന് വേണമെങ്കില് റെഡിയാക്കിത്തരാം’ എന്നൊക്കെ എല്ലാവരുടേയും മുന്നില്വെച്ച് പറയുന്നരീതിയിലുള്ള പെരുമാറ്റമുണ്ടായി. അയാളുമായി സഹകരിച്ച് മുന്നോട്ടുപോകുന്നത് ബുദ്ധിമുട്ടായിരുന്നു. വേറൊരു സംഭവം പറയുകയാണെങ്കില്, ഒരു സീന് പ്രാക്റ്റീസ് ചെയ്യുന്നതിനിടയില് ഈ നടന് വെളുത്ത നിറത്തിലുള്ള പൊടി തുപ്പുകയാണ്. സിനിമാ സെറ്റില് ഇതെല്ലാം ഉപയോഗിക്കുന്നുണ്ടെന്നത് വളരെ വ്യക്തമാണ്. സിനിമാ സെറ്റില് ലഹരി ഉപയോഗിച്ച് അതൊരു ശല്യമായി മാറുമ്പോള് അവര്ക്കൊപ്പം ജോലി ചെയ്യുന്നത് അത്ര സുഖമല്ല. എനിക്ക് അങ്ങനെ വര്ക്ക് ചെയ്യാന് താത്പര്യമില്ല. അത്രയും ബോധം ഇല്ലാത്ത ഒരാള്ക്കൊപ്പം വര്ക്ക് ചെയ്യണമെന്ന് താത്പര്യമില്ല. ഇത് എന്റെ വ്യക്തിപരമായ അനുഭവം കൊണ്ട് ഞാനെടുക്കുന്ന തീരുമാനമാണ്. ഞാന് അണ്കംഫര്ട്ടബിളായത് സെറ്റില് എല്ലാവരും അറിയുകയും സംവിധായകന് അയാളോട് സംസാരിക്കുകയുമുണ്ടായി. പ്രധാനതാരമായി തിരഞ്ഞെടുത്ത വ്യക്തിയാണ്. അവര്ക്ക് എങ്ങനെയെങ്കിലും ഈ സിനിമ തീര്ക്കണമല്ലോ. ആ ഒരു നിസ്സഹായാവസ്ഥയും ഞാന് കണ്ടിട്ടുണ്ടായിരുന്നു. പ്ലീസ് എന്ന് എല്ലാവരും പറഞ്ഞ് എന്നെ കംഫര്ട്ടാക്കിയാണ് ആ സിനിമ തീര്ത്തത്.
നല്ലൊരു സിനിമയായിരുന്നു അത്. പക്ഷേ ആ വ്യക്തിയില് നിന്നുണ്ടായ അനുഭവത്തിന്റെ പേരിലാണ് ഞാനാ തീരുമാനമെടുക്കുന്നത്. അതിന്റെ ഭാഗമായി ഓരോരോ വ്യാഖ്യാനങ്ങളാണ് ആളുകളില് നിന്നുണ്ടാവുന്നത്. അതിനെ നല്ല രീതിയിലെടുത്ത എല്ലാവരോടും നന്ദിയുണ്ട്. എന്തിനേയും കളിയാക്കുന്ന മറുവിഭാഗമുണ്ടല്ലോ. നിനക്കെവിടെയാണ് സിനിമ? ഇങ്ങനെ നിലപാടെടുക്കാന് നീ ആര് സൂപ്പര്സ്റ്റാര് ആണോ? സിനിമ ഇല്ലാത്തതുകൊണ്ട് ഈ കാരണവും പറഞ്ഞ് സിനിമയില്നിന്ന് പുറത്തായി എന്ന് വരുത്തിത്തീര്ക്കാനുള്ള ബുദ്ധിയല്ലേ ഇത് എന്നെല്ലാം പറയുന്നവര്ക്കുള്ള മറുപടിയാണിത്.
സിനിമയുണ്ടെങ്കിലും ഇല്ലെങ്കിലും ഞാനല്ലേ അനുഭവിക്കേണ്ടത്. സിനിമയില്ലെങ്കില് സിനിമയില്ല എന്നുപറയാനുള്ള മനോധൈര്യവും മനക്കട്ടിയും ഉള്ള വ്യക്തിയാണ് ഞാന്. അതുപോലെ സിനിമയാണ് എന്റെ ജീവിതം, അതില്ലാത്ത പറ്റില്ല എന്നും ചിന്തിക്കുന്ന വ്യക്തിയല്ല ഞാന്. സിനിമ എന്റെ ജീവിതത്തിന്റെ ഭാഗം മാത്രമാണ്. എവിടെ നിന്നാണ് വന്നതെന്നും എത്തിനില്ക്കുന്നതെന്നും ഇനി മുന്നോട്ടെങ്ങനെ പോകണമെന്നും വ്യക്തമായ ധാരണയുണ്ട്. അവസരങ്ങള് കിട്ടുകയെന്നത് പ്രധാനമാണ്. അങ്ങനെയൊരു പ്രതീക്ഷയിലാണ് മുന്നോട്ടുപോകുന്നതെങ്കിലും അങ്ങനെ സംഭവിക്കുന്നില്ല. സൂപ്പര്സ്റ്റാറാണെങ്കിലും സാധാരണക്കാരനാണെങ്കിലും ഒരു നിലപാട് ഒരു വ്യക്തി എടുക്കുന്നുണ്ടെങ്കില് അത് നിലപാട് തന്നെയാണ്. അത് ചിന്തിക്കാനുള്ള ബോധം കമന്റിടുന്നവര്ക്കുണ്ടാവണം.
ലഹരി ഉപയോഗിക്കുന്നവര് വ്യക്തിജീവിതത്തില് എന്തും ചെയ്തോട്ടേ. പക്ഷേ പൊതുവിടത്ത് ശല്യമാകുമ്പോഴാണ് എല്ലാത്തിന്റെയും പ്രശ്നം. അങ്ങനെയുള്ളവര്ക്ക് പരോക്ഷമായി കൊടുക്കുന്ന പിന്തുണയാണ് എനിക്ക് കമന്റ് ബോക്സുകളില് കാണാനായത്. അവരെപ്പോലുള്ളവര്ക്ക് സിനിമകളുണ്ട്. അവരെവെച്ച് സിനിമകള് ചെയ്യാന് ആള്ക്കാരുണ്ട്. അങ്ങനെയൊക്കെ ചെയ്യുന്നത് അവര്ക്ക് വിനോദമാണ്. എന്റെ ജീവിതത്തില് ആല്ക്കഹോള്, സിഗരറ്റ്, മയക്കുമരുന്ന് തുടങ്ങി എന്റെ മനസിനേയോ ആരോഗ്യത്തെയോ ബാധിക്കുന്ന ഒന്നും ജീവിതത്തിലുണ്ടാവില്ല എന്ന് അത്രയും ഉറപ്പിച്ചതാണ്.
കൊല്ലം: കൊല്ലത്ത് ഗ്യാസ് സിലിണ്ടര് പൊട്ടിത്തെറിച്ച് അപകടം. കൊല്ലം തങ്കശ്ശേരി ആല്ത്തറമൂട്ടിലാണ് സംഭവം.
അഞ്ച് വീടുകള്ക്ക് തീപിടിച്ചു. ഫയര്ഫോഴ്സ് സ്ഥലത്തെത്തി തീഅണയ്ക്കാനുള്ള ശ്രമം തുടരുകയാണ്. നാല് യൂണിറ്റ് ഫയര്ഫോഴ്സ് സ്ഥലത്തുണ്ട്.
kerala
ശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
പ്രത്യേക അന്വേഷണ സംഘത്തിന് നല്കിയ മൊഴിയുടെ വിവരമാണ് പുറത്തുവന്നത്.
തിരുവനന്തപുരം: ശബരിമല സ്വര്ണ്ണക്കൊള്ളക്കേസുമായി ബന്ധപ്പെട്ട് മുന് ദേവസ്വം മന്ത്രി കടകംപള്ളി സുരേന്ദ്രനെതിരെ കുരുക്ക് മുറുകുന്നു. കേസില് ഇന്ന് അറസ്റ്റിലായ മുന് തിരുവിതാംകൂര് ദേവസ്വം ബോര്ഡ് അധ്യക്ഷന് എ പത്മകുമാറിന്റെ മൊഴി പുറത്ത്. പ്രത്യേക അന്വേഷണ സംഘത്തിന് നല്കിയ മൊഴിയുടെ വിവരമാണ് പുറത്തുവന്നത്.
സ്വര്ണ്ണപ്പാളി അറ്റകുറ്റപ്പണി നടത്തുന്നതിനായി കൊണ്ടുപോകുന്നതിന് ഉണ്ണികൃഷ്ണന് പോറ്റി സര്ക്കാരിന് അപേക്ഷ നല്കിയിരുന്നുവെന്നും ആ അപേക്ഷയിലാണ് ഫയല് നീക്കം നടന്നതെന്നുമാണ് പത്മകുമാര് മൊഴി നല്കിയിരിക്കുന്നത്. അറ്റകുറ്റപ്പണിക്ക് കൊണ്ടുപോകുന്നതിന് പോറ്റി ആദ്യം അപേക്ഷ നല്കിയത് സേര്ക്കാരിനാണെന്നാണ് മൊഴിയില് പറയുന്നത്. ആ അപേക്ഷയാണ് ദേവസ്വം ബോര്ഡിലേക്ക് എത്തിയത്. അന്നത്തെ ദേവസ്വം മന്ത്രിയായ കടകംപള്ളി സുരേന്ദ്രന് അടക്കമുള്ളവര് അറിയാതെ അപേക്ഷ ദേവസ്വം ബോര്ഡിലേക്ക് എത്തില്ല. ആ അപേക്ഷയിന്മേലാണ് ദേവസ്വം ബോര്ഡ് ഉദ്യോഗസ്ഥരും ഭരണസിമിതിയും താന് അടക്കമുള്ള ആളുകളും തുടര്നടപടി സ്വീകരിച്ചത്. ഫയല്നീക്കം നടത്തിയതെല്ലാം ഉദ്യോഗസ്ഥരാണെന്നും പത്മകുമാര് നല്കിയ മൊഴിയില് പറയുന്നു. എഡിജിപിയുടെ ചോദ്യം ചെയ്യലിലാണ് പത്മകുമാറിന്റെ നിര്ണായക മൊഴി.
ശബരിമല സ്വര്ണ്ണക്കൊള്ളയില് ഇന്ന് ഉച്ചയോടെയാണ് ദേവസ്വം ബോര്ഡ് മുന് പ്രസിഡന്റ് എ പത്മകുമാറിന്റെ അറസ്റ്റ് എസ്ഐടി രേഖപ്പെടുത്തിയത്. തിരുവനന്തപുരത്തെ ക്രൈംബ്രാഞ്ച് ആസ്ഥാനത്ത് വെച്ച് നടന്ന ചോദ്യം ചെയ്യലിന് പിന്നാലെ ഇന്ന് എഡിജിപി എച്ച് വെങ്കിടേഷിന്റെ നേതൃത്വത്തിലാണ് പത്മകുമാറിനെ ചോദ്യംചെയ്തത്. കേസിലെ മറ്റൊരു പ്രതിയായ മുന് ദേവസ്വം ബോര്ഡ് അധ്യക്ഷന് എന് വാസുവിനെ കസ്റ്റഡിയില് വാങ്ങിയിട്ടുണ്ട്. ഇരുവരെയും ഒരുമിച്ചിരുത്തിയായിരുന്നു ചോദ്യം ചെയ്യല്.
പത്മകുമാറിന്റെ അറിവോടെയാണഅ ശബരിമലയിലെ സ്വര്ണക്കൊള്ളയെന്നാണ് പ്രത്യേക അന്വേഷണസംഘത്തിന്റെ കണ്ടെത്തല്. സ്പോണ്സര് ഉണ്ണികൃഷ്ണന് പോറ്റിക്ക് പത്മകുമാര് എല്ലാ ഒത്താശയും നല്കിയെന്നും പത്മകുമാറിന്റെ നിര്ദേശത്തിലാണ് മഹ്സറില് ചെമ്പ് തകിടുകള് എന്ന് രേഖപ്പെടുത്തിയതെന്നും എസ്ഐടി കണ്ടെത്തി. ഉണ്ണികൃഷ്ണന് പോറ്റിയും പത്മകുമാറും തമ്മില് സാമ്പത്തിക ഇടപാടുകള് നടത്തിയിരുന്നുവെന്നും പത്മകുമാറിന്റെ വീട്ടില് വെച്ച് ഉണ്ണികൃഷ്ണന് പോറ്റിയുമായി ചേര്ന്ന് ഗൂഢാലോചനകള് നടന്നുവെന്നുമാണ് എസ്ഐടി നിഗമനം.
kerala
മാവേലിക്കര – ചെങ്ങന്നൂര് പാതയില് അറ്റകുറ്റപ്പണി; നാളെയും മറ്റന്നാളും ട്രെയിന് ഗതാഗതത്തില് നിയന്ത്രണം
നാളെ രാത്രി പുറപ്പെടേണ്ട കൊല്ലം ജങ്ഷന് എറണാകുളം ജങ്ഷന് എക്സ്പ്രസ് പൂര്ണമായി റദ്ദാക്കി.
തിരുവനന്തപുരം: മാവേലിക്കര – ചെങ്ങന്നൂര് പാതയില് അറ്റകുറ്റുപ്പണി നടക്കുന്നതിനാല് നാളെയും മറ്റന്നാളും ട്രെയിന് ഗതാഗതത്തില് നിയന്ത്രണം. നാളെ രാത്രി പുറപ്പെടേണ്ട കൊല്ലം ജങ്ഷന് എറണാകുളം ജങ്ഷന് എക്സ്പ്രസ് പൂര്ണമായി റദ്ദാക്കി. ചില ട്രെയിനുകള് ഭാഗികമായി റദ്ദാക്കിയതായും ചില ട്രെയിനുകള് ആലപ്പുഴ വഴി തിരിച്ചുവിടുമെന്നും റെയില്വേ അറിയിച്ചു.
ട്രെയിന് നമ്പര് 16327 മധുര- ഗുരുവായൂര് എക്സ്പ്രസ്: നവംബര് 22ന് മധുരയില് നിന്ന് പുറപ്പെടുന്ന ട്രെയിന് കൊല്ലത്ത് യാത്ര അവസാനിപ്പിക്കും. കൊല്ലത്തിനും ഗുരുവായൂരിനും ഇടയില് സര്വീസ് ഭാഗികമായി റദ്ദാക്കി.
ട്രെയിന് നമ്പര് 16328 ഗുരുവായൂര് – മധുര എക്സ്പ്രസ്: നവംബര് 23ന് ഗുരുവായൂരില് നിന്ന് പുറപ്പെടേണ്ട ട്രെയിന് ഗുരുവായൂരിനും കൊല്ലത്തിനും ഇടയില് ഭാഗികമായി റദ്ദാക്കി. കൊല്ലത്ത് നിന്ന് പകല് 12.10-ന് മധുരയിലേക്ക് യാത്ര തുടങ്ങും.
ട്രെയിന് നമ്പര് 16366 നാഗര്കോവില് – കോട്ടയം എക്സ്പ്രസ്: നവംബര് 22ന് നാഗര്കോവിലില് നിന്ന് പുറപ്പെടുന്ന ട്രെയിന് കായംകുളം ജങ്ഷനില് യാത്ര അവസാനിപ്പിക്കും. കായംകുളം ജങ്ഷനും കോട്ടയത്തിനും ഇടയില് സര്വീസ് ഉണ്ടാകില്ല.
ട്രെയിന് നമ്പര് 12695 എംജിആര് ചെന്നൈ സെന്ട്രല് തിരുവനന്തപുരം സെന്ട്രല് സൂപ്പര്ഫാസ്റ്റ് എക്സ്പ്രസ്: നവംബര് 21-ന് ചെന്നൈയില് നിന്ന് പുറപ്പെടുന്ന ട്രെയിന് കോട്ടയത്ത് യാത്ര അവസാനിപ്പിക്കും.
ട്രെയിന് നമ്പര് 12696 തിരുവനന്തപുരം സെന്ട്രല് എംജിആര് ചെന്നൈ സെന്ട്രല് സൂപ്പര്ഫാസ്റ്റ് എക്സ്പ്രസ്: നവംബര് 22-ന് തിരുവനന്തപുരം സെന്ട്രലില് നിന്ന് പുറപ്പെടേണ്ട ട്രെയിന് തിരുവനന്തപുരം സെന്ട്രലിനും കോട്ടയത്തിനും ഇടയില് ഭാഗികമായി റദ്ദാക്കി. ഇത് കോട്ടയത്ത് നിന്ന് അതിന്റെ സമയക്രമം അനുസരിച്ച് രാത്രി 8.05-ന് ചെന്നൈയിലേക്ക് യാത്ര പുറപ്പെടും.
വഴിതിരിച്ചുവിട്ട ട്രെയിന് സര്വീസുകള്:
നവംബര് 22-ന് പുറപ്പെടേണ്ട 9 ട്രെയിനുകള് ആലപ്പുഴ വഴിയായിരിക്കും സര്വീസ് നടത്തുക. ഈ സര്വീസുകള് മാവേലിക്കര, ചെങ്ങന്നൂര്, തിരുവല്ല, ചങ്ങനാശ്ശേരി, കോട്ടയം, പിറവം റോഡ്, തൃപ്പൂണിത്തുറ എന്നിവിടങ്ങളിലെ സ്റ്റോപ്പുകള് ഒഴിവാക്കും. പകരം, കായംകുളം, ഹരിപ്പാട്, അമ്പലപ്പുഴ, ആലപ്പുഴ, ചേര്ത്തല, എറണാകുളം ജംഗ്ഷന് തുടങ്ങിയ സ്റ്റേഷനുകളില് അധിക സ്റ്റോപ്പുകള് അനുവദിച്ചിട്ടുണ്ട്.
വഴിതിരിച്ചുവിട്ട ട്രെയിനുകള്:
ട്രെയിന് നമ്പര് 12624 തിരുവനന്തപുരം സെന്ട്രല് എംജിആര് ചെന്നൈ സെന്ട്രല് സൂപ്പര്ഫാസ്റ്റ് എക്സ്പ്രസ്സ്
ട്രെയിന് നമ്പര് 16312 തിരുവനന്തപുരം നോര്ത്ത് ശ്രീ ഗംഗാനഗര് വീക്ക്ലി എക്സ്പ്രസ്സ്
ട്രെയിന് നമ്പര് 01464 തിരുവനന്തപുരം നോര്ത്ത് ലോകമാന്യ തിലക് ടെര്മിനസ് വീക്ക്ലി സ്പെഷ്യല്
ട്രെയിന് നമ്പര് 16319 തിരുവനന്തപുരം നോര്ത്ത് SMVT ബംഗളൂരു ഹംസഫര് എക്സ്പ്രസ്സ്
ട്രെയിന് നമ്പര് 16629 തിരുവനന്തപുരം സെന്ട്രല് മംഗളൂരു സെന്ട്രല് മലബാര് എക്സ്പ്രസ്സ്
ട്രെയിന് നമ്പര് 22503 കന്യാകുമാരി ദിബ്രുഗഡ് വിവേക് സൂപ്പര്ഫാസ്റ്റ് എക്സ്പ്രസ്സ്
ട്രെയിന് നമ്പര് 16343 തിരുവനന്തപുരം സെന്ട്രല് രാമേശ്വരം അമൃത എക്സ്പ്രസ്സ്
ട്രെയിന് നമ്പര് 16349 തിരുവനന്തപുരം നോര്ത്ത് നിലമ്പൂര് റോഡ് രാജ്യറാണി എക്സ്പ്രസ്സ്
ട്രെയിന് നമ്പര് 16347 തിരുവനന്തപുരം സെന്ട്രല് മംഗളൂരു സെന്ട്രല് എക്സ്പ്രസ്സ്
-
india2 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala1 day agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala1 day agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala1 day agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala24 hours agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്
-
kerala1 day agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്
-
Film1 day agoമമ്മൂട്ടി-വിനായകന് ചിത്രം ‘കളങ്കാവല്’: വിനായകന് ചെയ്ത വേഷം ആദ്യം പൃഥ്വിരാജിനായി കരുതിയതെന്ന് സംവിധായകന്
-
kerala2 days agoവാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി