Health
അമിതവണ്ണവും കുടവയറും കുറയാന് ഇതാ ഒരു എളുപ്പ വഴി
അമിതവണ്ണം കുറക്കാന് കൃത്രിമ മാര്ഗങ്ങള് തേടിപ്പോവുന്നത് ഗുണത്തേക്കാളേറെ ദോഷമാണ് ചെയ്യുക.
അമിത വണ്ണവും കുടവയറും ഇന്ന് അധികമാളുകളേയും അലട്ടുന്ന ഒരു പ്രധാന പ്രശ്നമാണ്. ഇതിന് പരിഹാരമായി കൃത്രിമ മാര്ഗങ്ങള് അന്വേഷിച്ചു പോവുന്നവരാണ് ഭൂരിഭാഗവും. എന്നാല് ഇത് ഗുണത്തേക്കാളേറെ ദോഷം വരുത്തുന്ന ഒന്നാണ്. തടിയും വയറും കുറയ്ക്കുകെയന്നത് അപ്രാപ്യമായ ഒന്നല്ല. എന്നാല് അതിന് അതിന്റേതായ ബുദ്ധിമുട്ടുണ്ട്. കൃത്രിമ വഴികള് തേടിപ്പോയി ബുദ്ധിമുട്ടിലാകണം എന്നില്ല. പല പ്രകൃതിദത്ത വഴികളും ഇതിനായി സഹായിക്കുന്നുണ്ട്. ഇത്തരത്തില് ഒന്നിനെ കുറിച്ചറിയൂ. അടുപ്പിച്ച് അല്പദിവസം കുടിച്ചാല് തടി കുറയ്ക്കാന് സഹായിക്കുന്ന ഒരു പ്രത്യേക പാനീയം തന്നെയാണ് ഇത്.
നാരങ്ങയും ശര്ക്കരയും അടങ്ങിയ ഒന്നാണിത്. ചെറുനാരങ്ങ കാഴ്ചയില് കുഞ്ഞനാണെങ്കിലും നല്കുന്ന ഗുണങ്ങള് പലതാണ്. ആന്റി ഓക്സിഡന്റുകളുടെ കലവറയാണിത്. വൈറ്റമിന് സിയുടെ പ്രധാന ഉറവിടം. തടി കുറയ്ക്കാന് സഹായിക്കുന്ന ഇത് പല തരത്തിലും ആരോഗ്യപരമായ ഗുണങ്ങള്ക്കുപയോഗിയ്ക്കാം. ഒരു ഗ്ലാസ് നാരങ്ങാവെള്ളം മതിയാകും, ഊര്ജത്തിനും ക്ഷീണമകറ്റാനും. നാരങ്ങാവെള്ളം ചെറുചൂടോടെ രാവിലെ കുടിയ്ക്കുന്നതാണ് തടിയും വയറും കുറയ്ക്കാനുളള പ്രധാനപ്പെട്ടൊരു വഴി. ശരീരത്തിലെ ടോക്സിനുകള് നീക്കാനും അപചയ പ്രക്രിയ ശക്തിപ്പെടുത്താനുമെല്ലാം ഇതേറെ സഹായിക്കുന്നു.
പഞ്ചസാരയുടെ ആരോഗ്യകരമായ പകരക്കാരനാണ് ശര്ക്കര. ഇതില് കലോറി കുറവാണ് ആന്റിഓക്സിഡന്റുകള്, സിങ്ക്, സെലിനിയം എന്നിവയാല് സമ്പുഷ്ടവുമാണ്, ഇത് പ്രതിരോധശേഷി വര്ദ്ധിപ്പിക്കാനും ദോഷകരമായ വിഷവസ്തുക്കളെ പുറന്തള്ളുന്നതിനും സഹായിക്കുന്നു. കൂടാതെ, ഇവ നിങ്ങളുടെ ശരീരത്തിന്റെ മെറ്റബോളിസം മെച്ചപ്പെടുത്തുകയും കൂടുതല് കലോറി എരിയാന് സഹായിക്കുകയും ചെയ്യുന്നു. ഭക്ഷണം കഴിച്ചയുടനെ ഒരു ചെറിയ കഷണം ശര്ക്കര കഴിക്കുന്നത് ഭക്ഷണം ശരിയായ രീതിയില് ദഹിക്കുവാന് സഹായിക്കുന്നു. ഇതിനുപുറമെ, ശ്വസന, ദഹനവ്യവസ്ഥയുടെ പ്രവ്രര്ത്തനം സുഗമമാക്കാനും ശര്ക്കര ഉത്തമമാണ്.
കൊഴുപ്പ് എളുപ്പത്തില് കുറയ്ക്കാന് സഹായിക്കുന്ന മിശ്രിതം തയ്യാറാക്കാന് ഒരു ഗ്ലാസ് ചെറുചൂടുള്ള വെള്ളം എടുത്ത് അതില് ഒരു ടീസ്പൂണ് നാരങ്ങ നീരും ഒരു ചെറിയ കഷണം ശര്ക്കരയും ചേര്ക്കുക. ശര്ക്കരയുടെ കഷണം വെള്ളത്തില് പൂര്ണ്ണമായും അലിഞ്ഞുപോകുന്നതുവരെ ഈ മിശ്രിതം നന്നായി കലക്കുക. ഭാരം കുറയ്ക്കുന്നതിനുള്ള ഏറ്റവും ഉത്തമമായ പാനീയം തയ്യാര്.ഈ മിശ്രിതം ദിവസവും രാവിലെ വെറും വയറ്റില് കുടിക്കുക.
ശരീരത്തിന്റെ ചൂടു വര്ധിപ്പിച്ച് അപചയ പ്രക്രിയ ശക്തിപ്പെടുത്തി ഇത് ശരീരത്തിലെ കൊഴുപ്പു നീക്കുന്നു. ഇതു പോലെ ശരീരത്തിലെ കൊഴുപ്പു പുറന്തള്ളാന് വൈറ്റമിന് സി ഏറെ നല്ലതുമാണ്. ഗ്യാസ്, അസിഡിറ്റി പ്രശ്നങ്ങള്ക്കുള്ള നല്ലൊരു പരിഹാരം കൂടിയാണിത്.നല്ല ദഹനത്തിനും ശോധനയ്ക്കുമെല്ലാം സഹായിക്കുന്നതിലൂടെയും ഇത് വയറ്റിലെ കൊഴുപ്പു നീക്കാന് സഹായിക്കുന്നു. കരളില് അടിഞ്ഞു കൂടുന്ന വിഷവസ്തുക്കളെ നീക്കം ചെയ്യാനുള്ള മികച്ച മാര്ഗ്ഗമാണിത്.ഈ പ്രത്യേക പാനീയം മറ്റു പല ആരോഗ്യപരമായ ഗുണങ്ങളും നല്കുന്നുണ്ട്.
Health
തമിഴ്നാട്ടിലെ കര്ഷകര്ക്കിടയില് വൃക്കരോഗം വര്ധിക്കുന്നു; മുന്നറിയിപ്പുമായി ലാന്സെറ്റ് പഠന റിപ്പോര്ട്ട്
ലാന്സെറ്റ് ( The Lancet ) പ്രസിദ്ധീകരിച്ച റിപ്പോര്ട്ടനുസരിച്ച് സംസ്ഥാനത്തെ 5.13 ശതമാനം കര്ഷകര്ക്ക് വൃക്കസംബന്ധമായ അസുഖങ്ങള് കണ്ടത്തിയിട്ടുണ്ട്.
ചെന്നൈ: തമിഴ്നാട്ടിലെ കര്ഷകരില് വൃക്കരോഗം ആശങ്കാജനകമായി വര്ധിക്കുന്നതായി പുതിയ പഠനം വെളിപ്പെടുത്തുന്നു. പ്രശസ്ത മെഡിക്കല് ജേണലായ ലാന്സെറ്റ് ( The Lancet ) പ്രസിദ്ധീകരിച്ച റിപ്പോര്ട്ടനുസരിച്ച് സംസ്ഥാനത്തെ 5.13 ശതമാനം കര്ഷകര്ക്ക് വൃക്കസംബന്ധമായ അസുഖങ്ങള് കണ്ടത്തിയിട്ടുണ്ട്. മദ്രാസ് മെഡിക്കല് കോളേജ് നെഫ്രോളജി വിഭാഗത്തിന്റെ നേതൃത്വത്തിലാണ് ഈ പഠനം 2023 ഓഗസ്റ്റ്-സെപ്റ്റംബര് മാസങ്ങളില് നടത്തിയത്. 125 ഗ്രാമങ്ങളിലെ 3350 കര്ഷക തൊഴിലാളികളുടെ വൃക്കകളുടെ പ്രവര്ത്തനം വിലയിരുത്തിയപ്പോള് 17 ശതമാനം പേര്ക്ക് വൃക്കരോഗത്തിന്റെ ലക്ഷണങ്ങള് കണ്ടെത്തി. ആരോഗ്യപരിപാലന മാര്ഗ്ഗനിര്ദ്ദേശങ്ങള് നല്കിയ ശേഷം മൂന്ന് മാസത്തിന് ശേഷമുള്ള പുനര്പരിശോധനയില് ഈ നിരക്ക് 5.31 ശതമാനമായി കുറഞ്ഞു. ഗണ്യമായ കാര്യം രോഗം കണ്ടെത്തിയവരില് പകുതിയലധികം പേര്ക്ക് പ്രമേഹം, രക്തസമ്മര്ദ്ദം, ഹൃദ്രോഗം, ജനിതക വൈകല്യങ്ങള് തുടങ്ങിയവ ഉണ്ടായിരുന്നില്ല എന്നതാണ്. നേരിട്ടുള്ള സൂര്യപ്രകാശത്തില് ദീര്ഘനേരം ജോലി ചെയ്യുന്നതാണ് വൃക്കകളുടെ പ്രവര്ത്തനത്തെ ദോഷകരമായി ബാധിക്കുന്നതെന്ന് പഠനത്തിന് നേതൃത്വം നല്കിയ സംസ്ഥാന അവയവമാറ്റ കമ്മിഷന്റെ സെക്രട്ടറി ഡോ.എന്. ഗോപാലകൃഷ്ണന് വ്യക്തമാക്കി. അത്യുഷ്ണമായ സാഹചര്യങ്ങളില് ജോലി ചെയ്യുന്ന കര്ഷകര്, നിര്മ്മാണ തൊഴിലാളികള്, ഇഷ്ടിച്ചൂള തൊഴിലാളികള്, കീടനാശിനി തളിക്കുന്നവര്, ഉപ്പുനിര്മ്മാണ മേഖലയിലെ ജോലിക്കാര് തുടങ്ങിയവര്ക്ക് ഈ അപകടം കൂടുതലാണെന്ന് റിപ്പോര്ട്ട് വ്യക്തമാക്കുന്നു. ദിവസേന കഠിന ചൂടില് ജോലി ചെയ്യുമ്പോള് ശരീരത്തിലെ ജലാംശം നഷ്ടപ്പെടുന്നത്. (ഡീഹൈഡ്രേഷന്) വൃക്കകളില് സമ്മര്ദ്ദം സൃഷ്ടിക്കുന്നു. പ്രാരംഭഘട്ടത്തില് രോഗലക്ഷണങ്ങള് പ്രകടമാകത്തതിനാല് കര്ഷകര്ക്ക് അപകടം തിരിച്ചറിയാന് വൈകുന്നു. ഇത്തരം തൊഴിലുകളില് ഏര്പ്പെടുന്നവര് മതിയായ വെള്ളം കുടിക്കുകയും, ചെറിയ അസ്വസ്ഥതകള് കാണിച്ചാല് ഉടന് തന്നെ രക്ത പരിശോധന, യൂറിയ, ക്രിയാറ്റിന്, മൂത്ര പരിശോധന എന്നിവ നടത്തുകയും ചെയ്യണമെന്നും റിപ്പോര്ട്ടില് നിര്ദ്ദേഷിക്കുന്നു. ചൂടും നിര്ജലീകരണവും ചേര്ന്നതാണ് കര്ഷകര്ക്കിടയിലെ വൃക്കരോഗ വര്ധനവിന് പ്രധാന കാരണമെന്ന് പഠനം വ്യകതമാക്കുന്നു.
Health
അമീബിക് മസ്തിഷ്ക ജ്വരം ബാധിച്ച് ഒരാള് കൂടി മരിച്ചു
കോഴിക്കോട് മെഡിക്കല് കോളജില് ചികിത്സയിലായിരുന്ന മലപ്പുറം വണ്ടൂര് തിരുവാലി സ്വദേശി എം. ശോഭന ആണ് മരിച്ചത്.
സംസ്ഥാനത്ത് അമീബിക് മസ്തിഷ്കജ്വരം ബാധിച്ച് ഒരാള് കൂടി മരിച്ചു. കോഴിക്കോട് മെഡിക്കല് കോളജില് ചികിത്സയിലായിരുന്ന മലപ്പുറം വണ്ടൂര് തിരുവാലി സ്വദേശി എം. ശോഭന ആണ് മരിച്ചത്. സംസ്ഥാനത്ത് രോഗം ബാധിച്ച് ഒരുമാസത്തിനിടെ അഞ്ചു പേരാണ് മരിച്ചത്. ഈ മാസം നാലിനാണ് ശോഭനക്ക് രോഗം സ്ഥിരീകരിച്ചത്.
കഴിഞ്ഞ ദിവസം രോഗം ബാധിച്ച് കോഴിക്കോട് മെഡിക്കല് കോളജ് വെന്റിലേറ്ററില് കഴിഞ്ഞിരുന്ന വയനാട് സുല്ത്താന് ബത്തേരി സ്വദേശി മരിച്ചിരുന്നു. രണ്ടാഴ്ച മുമ്പ് മൂന്ന് മാസം പ്രായമായ കുഞ്ഞ് അമീബിക് മസ്തിഷ്ക ജ്വരം ബാധിച്ച് മരണപ്പെട്ടിരുന്നു. മൂന്ന് മാസം പ്രായമായ ആണ്കുഞ്ഞും വേങ്ങര സ്വദേശി റംലയുമാണ് മരിച്ചത്. നിലവില് കോഴിക്കോട് മെഡിക്കല് കോളജില് രോഗം ബാധിച്ച് 10 പേരാണ് ചികിത്സയില് കഴിയുന്നത്.
അമീബിക് മസ്തിഷ്ക ജ്വരം ബാധിച്ച് മരിച്ച മൂന്നു പേരെയും നെഗ്ലേറിയ എന്ന വിഭാഗത്തില്പ്പെട്ട അമീബയാണ് ബാധിച്ചതെന്ന് കോഴിക്കോട് മെഡിക്കല് കോളജ് പ്രിന്സിപ്പല് വ്യക്തമാക്കിയിരുന്നു.
Health
ചൈനയില് വീണ്ടും പകര്ച്ചവ്യാധി വ്യാപിക്കുന്നുവോ?, ആശുപത്രികള് രോഗികളാല് തിങ്ങിനിറയുന്നു, ആശങ്കയോടെ ലോകം
രാജ്യത്തുടനീളം ഹ്യൂമന് മെറ്റാപ്ന്യൂമോവൈറസ് (എച്ച്എംപിവി) പടരുന്നതായി സാമൂഹ്യ മാധ്യമ പോസ്റ്റുകളില് പറയുന്നു
കോവിഡ് മഹാമാരി സ്ഥിരീകരിച്ച് അഞ്ച് വര്ഷം പൂര്ത്തീകരിക്കുന്നതിനിടെ ചൈനയില് വീണ്ടും ആശങ്ക പരത്തി പുതിയ പകര്ച്ചവ്യാധി വ്യാപിക്കുന്നു. രാജ്യത്തുടനീളം ഹ്യൂമന് മെറ്റാപ്ന്യൂമോവൈറസ് (എച്ച്എംപിവി) പടരുന്നതായി സാമൂഹ്യ മാധ്യമ പോസ്റ്റുകളില് പറയുന്നു. ഹ്യൂമന് മെറ്റാപ്ന്യൂമോവൈറസ്, ഇന്ഫ്ലുവന്സ എ, കോവിഡ്19 വൈറസുകള് എന്നിങ്ങനെ ഒന്നിലധികം വൈറസ് ബാധകള് ചൈനയിലുണ്ടെന്ന റിപ്പോര്ട്ടുകള് പുറത്തുവരുന്നുണ്ട്.
പുതിയ വൈറസ് വ്യാപിച്ചതിനെ തുടര്ന്ന് മരണസംഖ്യ വര്ധിച്ചിരിക്കുകയാണ്. അതേസമയം പുതിയ മഹാമാരി സ്ഥിരീകരിക്കുകയോ ജാഗ്രത പാലിക്കണമെന്ന് മുന്നറിയിപ്പ് നല്കുകയോ ആരോഗ്യ അടിയന്തരാവസ്ഥ പ്രഖ്യാപിക്കുകയൊ ചൈനീസ് ആരോഗ്യ അധികാരികളും ലോകാരോഗ്യ സംഘടനയും ചെയ്തിട്ടില്ല. ചൈനയിലേതാണെന്ന അടിക്കുറിപ്പോടെ സോഷ്യല്മീഡിയയില് വ്യാപകമായി പ്രചരിക്കുന്ന വീഡിയോയില് ഒരു ആശുപത്രിയില് മാസ്ക് ധരിച്ച രോഗികള് തിങ്ങിനിറഞ്ഞിരിക്കുന്നത് കാണാം. ചിലര് ചുമയ്ക്കുന്നുമുണ്ട്. എന്നാല് ചിത്രീകരണത്തിന്റെ ഉറവിടമൊ തിയതിയോ വ്യക്തമല്ല. മറ്റൊരു വീഡിയോയില് ആശുപത്രിയിലെ ഇടനാഴി മുഴുവന് മുതിര്ന്ന ആളുകളെക്കൊണ്ട് നിറഞ്ഞിരിക്കുന്നു. 12 മില്യണ് പേരാണ് ഈ വീഡിയേ കണ്ടിരിക്കുന്നത്. ”ഇന്ഫ്ലുവന്സ എ, ഹ്യൂമന് മെറ്റാപ്ന്യൂമോവൈറസ് എന്നീ വൈറസുകളുടെ വ്യാപനത്തെ തുടര്ന്ന് ചൈനയിലെ ആശുപത്രികള് നിറഞ്ഞിരിക്കുന്നു. മൂന്ന് വര്ഷം മുന്പത്തെ ചൈനയിലെ കോവിഡ് കാലത്തെയാണ് ഇത് സൂചിപ്പിക്കുന്നത്” എന്ന് പോസ്റ്റില് പറയുന്നു.
ഉറവിടം വ്യക്തമല്ലാത്ത ന്യുമോണിയ കേസുകള് നിരീക്ഷിച്ചു വരിയാണെന്നാണ് ചൈനയുടെ രോഗ നിയന്ത്രണ അതോറിറ്റി റോയിട്ടേഴ്സിനോട് വ്യക്തമാക്കി. നാഷണല് ഡിസീസ് കണ്ട്രോള് ആന്ഡ് പ്രിവന്ഷന് അഡ്മിനിസ്ട്രേഷന് ലബോറട്ടറികള്ക്ക് കേസുകള് പരിശോധിക്കാനും സ്ഥിരീകരിക്കാനുമുള്ള ചട്ടവും മാര്ഗനിര്ദേശങ്ങളും പുറത്തിറക്കിയിട്ടുണ്ട്. പൊതുസ്ഥലങ്ങളില് മാസ്ക് ധരിക്കാനും സാമൂഹിക അകലം പാലിക്കാനും നിര്ദേശം നല്കിയതായും അധികൃതര് വ്യക്തമാക്കി.
അക്യൂട്ട് റെസ്പിറേറ്ററി രോഗങ്ങളുടെ ഡാറ്റ ഡിസംബര് 16 മുതല് 22 വരെയുള്ള വാരത്തില് അണുബാധകളുടെ വര്ധനവ് കാണിക്കുന്നതായി വ്യാഴാഴ്ച പുറത്തിറക്കിയ ഔദ്യോഗിക പ്രസ്താവനയില് നല്കിയിട്ടുണ്ട്. ശൈത്യകാലത്തും വസന്തകാലത്തും ചൈനയെ വിവിധ ശ്വാസകോശ സംബന്ധമായ പകര്ച്ചവ്യാധികള് ബാധിക്കാന് സാധ്യതയുണ്ടെന്ന് മറ്റൊരു ഉദ്യോഗസ്ഥനായ കന് ബിയാവോ വാര്ത്താ സമ്മേളനത്തില് പറഞ്ഞു. അടുത്തിടെ കണ്ടെത്തിയ കേസുകളില് റിനോവൈറസ്, ഹ്യൂമന് മെറ്റാപ്ന്യൂമോവൈറസ് തുടങ്ങിയ രോഗാണുക്കളും ഉള്പ്പെടുന്നു. പ്രത്യേകിച്ച് വടക്കന് പ്രവിശ്യകളില് 14 വയസിന് താഴെയുള്ളവരില് ഹ്യൂമന് മെറ്റാപ്ന്യൂമോവൈറസ് കേസുകള് വര്ധിച്ചിട്ടുണ്ട്. ഹ്യൂമന് മെറ്റാപ്ന്യൂമോവൈറസ് ബാധിച്ചവര്ക്ക് ആന്റിവൈറല് മരുന്നുകള് നല്കുന്നതിനെതിരെ ഷാങ്ഹായ് ആശുപത്രിയിലെ ഡോക്ടര് മുന്നറിയിപ്പ് നല്കിയിട്ടുണ്ട്.
ഹ്യൂമന് മെറ്റാപ്ന്യൂമോവൈറസ് (HMPV) സാധാരണയായി ജലദോഷത്തിന് സമാനമായ ലക്ഷണങ്ങള് ഉണ്ടാക്കുന്ന ഒരു വൈറസാണ്. ചെറിയ കുട്ടികള്, പ്രായമായവര്, പ്രതിരോധശേഷി കുറഞ്ഞവര് എന്നിവരില് രോഗം ഗുരുതരമാകാന് സാധ്യതയുണ്ട്. ചുമയ്ക്കുമ്പോഴോ തുമ്മുമ്പോഴോ പുറത്തുവരുന്ന സ്രവങ്ങളിലൂടെ പടരുന്നതിനാല് പെട്ടെന്ന് രോഗം പകരാനുള്ള സാധ്യത കൂടും. രോഗബാധിതരുമായുള്ള അടുത്ത സമ്പര്ക്കം മൂലവും രോഗം പകരാം. ചുമ, പനി, ശ്വാസം മുട്ടല് തുടങ്ങിയവയാണ് രോഗത്തിന്റെ ലക്ഷണങ്ങള്. എച്ച്എംപിവിക്കെതിരെ വാക്സിന് ലഭ്യമല്ല. നിലവില് രോഗലക്ഷണങ്ങള് കുറയ്ക്കാനുള്ള ചികില്സയാണ് നല്കി വരുന്നത്.
-
kerala3 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala2 days agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
News3 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala2 days agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
kerala15 hours agoയുഡിഎഫ് സ്ഥാനാര്ത്ഥിയുടെ വ്യാജ ചിത്രവുമായി സിപിഎമ്മുകാരുടെ വര്ഗീയ പ്രചാരണം; കുറ്റക്കാര്ക്കെതിരെ നിയമ നടപടി
-
GULF2 days agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
india3 days agoതന്നെക്കാള് സൗന്ദര്യം കൂടുതല്; സ്വന്തം കുട്ടി ഉള്പ്പെടെ നാല് കുഞ്ഞുങ്ങളെ കൊലപ്പെടുത്തിയ സ്ത്രീ അറസ്റ്റില്
-
india3 days agoവഖഫ് സ്വത്തുക്കളുടെ രജിസ്ട്രേഷന്; സമയം ദീര്ഘിപ്പിക്കണം, മുസിലിംലീഗ് എംപിമാര് വീണ്ടും കേന്ദ്രമന്ത്രിയെ സമീപിച്ചു