തൃശൂര് പറപ്പൂക്കരയില് യുവാക്കള് തമ്മിലുണ്ടായ തര്ക്കത്തിനിടെയുണ്ടായ കത്തിക്കുത്തില് ഒരാള് കൊല്ലപ്പെട്ടു. പറപ്പൂക്കര ഉന്നതിയിലെ പാണ്ടിയത്ത് വീട്ടില് മദനന്റെ മകന് അഖില് (28 ) ആണ് മരിച്ചത്. അയല്വാസിയായ രോഹിത്ത് ആണ് കുത്തിയത് ,സംഭവ ശേഷം പ്രതി ബൈക്കില് രക്ഷപ്പെട്ടു.
ഇന്നലെ രാത്രി പത്തുമണിയോടെയാണ് സംഭവം. രോഹിത്തിന്റെ സഹോദരിയോട് അഖില് മോശമായി സംസാരിച്ചതിനെ തുടര്ന്നുണ്ടായ തര്ക്കമാണ് കത്തിക്കുത്തില് കലാശിച്ചത്.