ശ്രീജിത് ദിവാകരന്
വിദ്യഭ്യാസം കണ്കറന്റ് ലിസ്റ്റില് പെട്ട ഐറ്റമാണ്. കേന്ദ്രത്തിനും സംസ്ഥാന സര്ക്കാരിനും ഒരുപോലെ ചുമതലയുള്ളത്. അതില് സാങ്കേതികത്വം മാത്രമേയുള്ളൂ. പൊതുവിദ്യാഭ്യാസത്തിന് ഒരു കേന്ദ്രബജറ്റില് നീക്കിവയ്ക്കുന്ന നക്കാപിച്ചയില് ശമ്പളമൊക്കെ കഴിഞ്ഞ് ബാക്കിയുള്ളത് വച്ച് പുതിയ പുതിയ സംരംഭങ്ങള് തുടങ്ങും. പ്രധാനമന്ത്രിയുടെ മണ്ഡലങ്ങളില്, കേന്ദ്രം ഭരിക്കുന്ന പാര്ട്ടി ഭരിക്കുന്ന സംസ്ഥാനങ്ങളില്, കേന്ദ്രം ഭരിക്കുന്ന പാര്ട്ടി ഭരണം പിടിക്കാനുദ്ദേശിക്കുന്ന സംസ്ഥാനങ്ങളില്… അങ്ങനെ വീതം വച്ചു കഴിയുമ്പോള് ബാക്കിയുള്ളത് എപ്പോഴും പുതിയ പദ്ധതികള് ആവശ്യപ്പെട്ടുകൊണ്ടിരിക്കുന്ന മുഖ്യമന്ത്രിമാരുടെയും നിരന്തരം അപേക്ഷകള് നല്കുന്ന എം.പിമാരുടെയും സമ്മര്ദ്ദത്തിന് വഴങ്ങി സംസ്ഥാനങ്ങള്ക്ക് ലഭിക്കും.