തിരുവനന്തപുരം: സ്ഥിര ഗതാഗത നിയമ ലംഘകരുടെ ഇന്ഷുറന്സ് പ്രീമിയം വര്ദ്ധിപ്പിക്കുന്നത് പരിഗണനയില്. നിയമം പാലിക്കുന്നവര്ക്ക് ഇന്ഷുറന്സ് പ്രീമിയം കുറച്ചു നല്കാനാണ് ആലോചന. ഇന്ന് ചേര്ന്ന ഗതാഗത വകുപ്പ് ഉന്നത തല യോഗത്തിലാണ് തീരുമാനം.
എഐ ക്യാമറ വഴി പിഴ ചുമത്തുന്നുണ്ടെങ്കിലും തുക അടയ്ക്കാന് പലര്ക്കും വിമുഖതയാണ്. ഇതോടെ പിഴ അടക്കാതെ ഇന്ഷുറന്സ് പുതുക്കി നല്കാത്ത രീതി ഗതാഗത വകുപ്പ് ആലോചിച്ചു. ഇതിനൊപ്പം സ്ഥിരം നിയമലംഘകരുടെ ഇന്ഷുറന്സ് പ്രീമിയം കൂട്ടുന്നതും പരിഗണനയിലുണ്ട്.