അമേരിക്കയിലെ വടക്കന് കാലിഫോര്ണിയയില് ശക്തമായ ഭൂചലനം.റിക്ടര് സ്കെയിലില് 7.0 തീവ്രത രേഖപ്പെടുത്തിയെന്ന് യുഎസ് ജിയോളജിക്കല് സര്വേ അറിയിച്ചു.
ഭൂചലനത്തിന് പിന്നാലെ കാലിഫോര്ണിയ, ഒറിഗോണ് തീരപ്രദേശങ്ങളില് സുനാമി മുന്നറിയിപ്പ് പ്രഖ്യാപിച്ചു. പെട്രോളിയ, സ്കോട്ടിയ, കോബ് എന്നിവയുള്പ്പെടെ വിവിധ പ്രദേശങ്ങളിലും ശക്തമായ ഭൂചലനം രേഖപ്പെടുത്തി.
യുഎസ് ജിയോളജിക്കല് സര്വേയുടെ കണക്കനുസരിച്ച് ഒറിഗണ് അതിര്ത്തിക്കടുത്തുള്ള ഫെണ്ഡെയ്ലിലാണ് ഭൂചലനമുണ്ടായത്. വ്യാഴാഴ്ച രാത്രിയാണ് ഭൂചലനമുണ്ടായത്.
ഭൂകമ്പത്തിന്റെ പ്രഭവകേന്ദ്രത്തില് നിന്ന് 300 കിലോമീറ്റര് ചുറ്റളവില് സ്ഥിതി ചെയ്യുന്ന തീരങ്ങളില് അപകടകരമായ സുനാമിക്ക് സാധ്യതയുണ്ടെന്ന് കാലാവസ്ഥാ വിഭാഗം അറിയിച്ചു. തീരപ്രദേശത്തിന് സമീപമുള്ളവര് അപകടസാധ്യത കണക്കിലെടുത്ത് ജാഗ്രത പാലിക്കണമെന്നും മുന്നറിയിപ്പില് പറയുന്നു.