പേരാവൂര് എംഎല്എയും മുതിര്ന്ന കോണ്ഗ്രസ് നേതാവുമായ സണ്ണി ജോസഫ് പുതിയ കെപിസിസി അദ്ധ്യക്ഷന്. കോണ്ഗ്രസ് ദേശീയ അദ്ധ്യക്ഷന് മല്ലികാര്ജുന് ഖര്ഗെയാണ് പ്രഖ്യാപനം നടത്തിയത്. നിലവില് സംസ്ഥാന അദ്ധ്യക്ഷനായിരുന്ന കെ സുധാകരനെ കോണ്ഗ്രസ് പ്രവര്ത്തക സമിതി സ്ഥിരം ക്ഷണിതാവാക്കും.
അതേസമയം അടൂര് പ്രകാശിനെ യുഡിഎഫ് കണ്വീനറായും തിരഞ്ഞെടുത്തു. പി സി വിഷ്ണുനാഥ്, എ പി അനില്കുമാര്, ഷാഫി പറമ്പില് എന്നിവരെ പുതിയ വര്ക്കിംഗ് പ്രസിഡന്റുമാരായി നിയമിച്ചു.
ബിഹാറിലെ മുന് പിസിസി അദ്ധ്യക്ഷന് ഡോ. അഖിലേഷ് പ്രസാദ് സിങും പ്രവര്ത്തക സമിതിയിലെ സ്ഥിരം ക്ഷണിതാവായിരിക്കുമെന്ന് എഐസിസി ജനറല് സെക്രട്ടറി കെ സി വേണുഗോപാല് അറിയിച്ചു.