കോഴിക്കോട്: തൃശൂര് ജില്ലാ കളക്ടര് അനുപമക്കെതിരെ വര്ഗീയ പരാമര്ശവുമായി ആര്.എസ്.എസ് നേതാവ് ടി.ജി മോഹന്ദാസ്. അനുപമ കൃസ്ത്യാനിയാണെന്നും ഗുരുവായൂര് ദേവസ്വം ബോര്ഡ് മെമ്പറായ ജില്ലാ കളക്ടര് ഈ നിമിഷം രാജിവെക്കണമെന്നുമാണ് ടി.ജി മോഹന്ദാസ് ട്വീറ്റ് ചെയ്തത്.
അയ്യപ്പന്റെ പേരില് വോട്ട് ചോദിച്ചതിന് ബി.ജെ.പി സ്ഥാനാര്ത്ഥിയായ സുരേഷ് ഗോപിക്ക് കളക്ടര് വിശദീകരണം ആവശ്യപ്പെട്ട് നോട്ടീസ് നല്കിയിരുന്നു. ഇതോടെയാണ് സംഘപരിവാര് കേന്ദ്രങ്ങള് അനുപമക്കെതിരെ സൈബര് ആക്രമണം തുടങ്ങിയത്. അനുപമ കൃസ്ത്യാനിയാണെന്ന് ആരോപിച്ചാണ് പ്രധാനം വിമര്ശനം. ഇതിന് ആര്.എസ്.എസ് പിന്തുണയുണ്ടെന്ന് വ്യക്തമാക്കുന്നതാണ് ടി.ജി മോഹന്ദാസിന്റെ ട്വീറ്റ്.
അനുപമ കൃസ്ത്യാനിയാണോ? ആണെങ്കിൽ ഗുരുവായൂർ ദേവസ്വം ഭരണസമിതിയിൽ നിന്ന് രാജിവെയ്ക്കണം. ഇപ്പോൾ.. ഈ നിമിഷം…
— mohan das (@mohandastg) April 7, 2019
തൃശ്ശൂർ ജില്ലാ കളക്ടർ എപ്പോഴും ഗുരുവായൂർ ദേവസ്വം ഭരണസമിതിയിൽ സർക്കാർ പ്രതിനിധിയാണ്. അതിനാൽ തൃശ്ശൂർ ജില്ലയിൽ ഹിന്ദുവിനെ മാത്രമാണ് കളക്ടറായി വെയ്ക്കാറുള്ളത്. അനുപമ കൃസ്ത്യാനിയാണെങ്കിൽ ഉടനെ മാറ്റേണ്ടതാണ്
— mohan das (@mohandastg) April 7, 2019