സംഭവത്തില്‍ പന്തല്‍ തയാറാക്കാന്‍ വന്ന നീതിഷ് (18), സഹോദരന്‍ രോഹിത് എന്നിവരെ പൊലീസ് പിടികൂടി. ഇവര്‍ക്കെതിരെ ഐ.പി.സി 363, 376 എന്നീ വകുപ്പുകള്‍ പ്രകാരം കേസെടുത്തതായി പൊലീസ് അറിയിച്ചു. മറ്റുള്ളവരെ കണ്ടെത്താനായുള്ള ശ്രമം നടക്കുന്നതായി പൊലീസ് അറിയിച്ചു.

വിവാഹ വീട്ടില്‍ നിന്നും പെണ്‍കുട്ടിയെ പരിചയപ്പെട്ട നിതീഷ് രാത്രി എട്ടു മണിയോടെ തൊട്ടടുത്ത ഗ്രാമത്തിലെ ക്ഷേത്രത്തിലേക്ക് പ്രാര്‍ത്ഥിക്കാനെന്ന വ്യാജേന വശീകരിച്ച് കൊണ്ടു പോവുകയായിരുന്നു. ഇരുവരും അടുത്ത ഗ്രാമത്തില്‍ എത്തുമ്പോള്‍ അവിടെ നിതീഷിന്റെ കൂട്ടുകാരായ യുവാക്കളുടെ സംഘം കാത്തു നില്‍ക്കുന്നുണ്ടായിരുന്നു. ഇവര്‍ പെണ്‍കുട്ടിയെ കൂട്ടബലാത്സംഗം ചെയ്യുകയായിരുന്നെന്ന് പൊലീസ് അറിയിച്ചു. സംഭവത്തിന് ശേഷം അബോധാവസ്ഥയിലായ പെണ്‍കുട്ടിയെ തൊട്ടടുത്ത വയലില്‍ സംഘം ഉപേക്ഷിക്കുകയായിരുന്നു. പെണ്‍കുട്ടിയെ കാണാതായതോടെ തെരച്ചില്‍ ആരംഭിച്ച ബന്ധുക്കള്‍ പിറ്റെ ദിവസം രാവിലെ അഞ്ചു മണിയോടെയാണ് ഇവരെ കണ്ടെത്തിയത്. സംഭവത്തിന്റെ വീഡിയോ ചിത്രീകരിച്ചതായും പെണ്‍കുട്ടി പൊലീസിന് പരാതി നല്‍കിയിട്ടുണ്ട്. പെണ്‍കുട്ടിയുടെ സഹോദരന്‍ നല്‍കിയ പരാതിയില്‍ പൊലീസ് അന്വേഷണം ആരംഭിച്ചിട്ടുണ്ട്. പ്രതികള്‍ ഉടന്‍ പിടിയിലാവുമെന്ന് ബുലന്ദ്ഷഹര്‍ എസ്.പി റഈസ് അക്തര്‍ അറിയിച്ചു.

റാഞ്ചി: കത്വ സംഭവത്തിന് ശേഷവും പെണ്‍കുട്ടികള്‍ക്കെതിരായ അതിക്രമം രാജ്യത്ത് അവസാനിക്കുന്നില്ല. ബി.ജെ.പി ഭരിക്കുന്ന ജാര്‍ഖണ്ഡില്‍ 16കാരിയെ നാലു പേര്‍ ചേര്‍ന്ന് കൂട്ട ബലാത്സംഗം ചെയ്ത ശേഷം കുടുംബത്തിന്റെ മുമ്പിലിട്ട് ചുട്ടു കൊന്നു. ജാര്‍ഖണ്ഡിലെ ചത്രയിലാണ് രാജ്യത്തെ നടുക്കിയ സംഭവം. പെണ്‍കുട്ടിയുടെ കുടുംബം ഒരു വിവാഹത്തില്‍ പങ്കെടുക്കാനായി പോയ സമയത്ത് നാലംഗ സംഘം വീട്ടില്‍ അതിക്രമിച്ച് കയറി പെണ്‍കുട്ടിയെ തട്ടിക്കൊണ്ടു പോവുകയായിരുന്നു.
ചത്രയിലെ ഇത്‌കോരി പൊലീസ് സ്റ്റേഷന്‍ പരിധിയിലാണ് സംഭവം. പ്രായപൂര്‍ത്തിയാവാത്ത പെണ്‍കുട്ടിയെ നാലംഗ സംഘം കൂട്ട ബലാത്സംഗം ചെയ്ത സംഭവം വിവാദമായതോടെ പ്രശ്‌നത്തില്‍ ഇടപെട്ട ഗ്രാമ പഞ്ചായത്ത് ഇരയുടെ കുടുംബത്തിന് 50,000 രൂപ നല്‍കി പ്രശ്‌നം അവസാനിപ്പിക്കാന്‍ പ്രതികളോട് ആവശ്യപ്പെടുകയായിരുന്നു.
എന്നാല്‍ പഞ്ചായത്ത് തീരുമാനത്തില്‍ കുപിതരായ പ്രതികള്‍ പെണ്‍കുട്ടിയുടെ വീട്ടിലെത്തുകയും കുടുംബാംഗങ്ങളെ ക്രൂരമായി മര്‍ദ്ദിക്കുകയും ചെയ്തു ശേഷം പെണ്‍കുട്ടിയെ വീട്ടില്‍ നിന്നും പിടിച്ചിറക്കി ജീവനോടെ ചൂട്ടുകൊല്ലുകയായിരുന്നു. പെണ്‍കുട്ടിയുടെ കുടുംബം നല്‍കിയ പരാതിയില്‍ ഇത്‌കോരി പൊലീസ് കേസെടുത്തിട്ടുണ്ട്. ഒളിവില്‍ പോയ പ്രതികള്‍ക്കായി അന്വേഷണം ആരംഭിച്ചതായി പൊലീസ് അറിയിച്ചു.