കുട്ടിയെ മര്‍ദിച്ചത് പുറത്ത് വന്നതിന് പിന്നാലെ പ്രതികള്‍ മൂന്നുപേരും നെടുമ്പാശ്ശേരിക്ക് സമീപം ഒരു ലോഡ്ജില്‍ ഒളിവില്‍ താമസിക്കുകയായിരുന്നു. ഇവിടെ നിന്നാണ് പൊലീസ് പ്രതികളെ പിടികൂടിയത്. ഈ മാസം 21നാണ് കേസിനാസ്പദമായ സംഭവം. കുട്ടിയുടെ അമ്മയുടെ സുഹൃത്ത് നിരന്തരം വീട്ടിലെത്തുന്നത് കുട്ടി ചോദ്യം ചെയ്യുമായിരുന്നു. ഇതിനെ തുടര്‍ന്നുണ്ടായ തര്‍ക്കമാണ് മര്‍ദനത്തിലേക്ക് നയിച്ചതെന്നാണ് വിവരം. കയ്യൊടിച്ചതിന് പുറമെ കുട്ടിയുടെ ശരീരത്തില്‍ കത്രിക കൊണ്ട് പ്രതികള്‍ കുത്തി പരിക്കേല്‍പ്പിച്ചിട്ടുണ്ട്.