2019 Loksabha – Chandrika Daily

സഊദിയില്‍ ഇന്ന് 213 പേര്‍ക്ക് കോവിഡ്; മൂന്ന് മരണം

web desk 1 — Mon, 25 Jan 2021 13:56:31 +0000

സഊദി അറേബ്യയില്‍ 213 പേര്‍ക്ക് കൂടി പുതുതായി കോവിഡ് സ്ഥിരീകരിച്ചു. 198 പേര്‍ സുഖം പ്രാപിച്ചു. രാജ്യത്ത് വിവിധ ഭാഗങ്ങളിലായി മൂന്നുപേര്‍ മരിച്ചു. ഇതോടെ രാജ്യത്ത് റിപ്പോര്‍ട്ട് ചെയ്ത കോവിഡ് കേസുകളുടെ ആകെ എണ്ണം 366584 ഉം രോഗമുക്തരുടെ എണ്ണം 358137 ഉം ആയി. ആകെ മരണസംഖ്യ 6355 ആയി ഉയര്‍ന്നു.

അസുഖ ബാധിതരായി ചികിത്സയില്‍ കഴിയുന്നവരുടെ എണ്ണം വീണ്ടും 2092 ആയി ഉയര്‍ന്നു. ഇതില്‍ ഗുരുതരാവസ്ഥയിലുള്ളവരുടെ എണ്ണം 333 ആയി. ഇവര്‍ രാജ്യത്തെ വിവിധ ആശുപത്രികളില്‍ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുന്നു.

പ്രതിപക്ഷ നിര കരുത്തുകാട്ടേണ്ട സുപ്രധാന സാഹചര്യം: കുഞ്ഞാലിക്കുട്ടി

Test User — Wed, 22 May 2019 12:09:46 +0000

മലപ്പുറം: മുസ്‌ലിം ലീഗ് രാജ്യത്തെ മതനിരപേക്ഷ ജനാധിപത്യ വിശ്വാസികളോട് ഒന്നിച്ച് നില്‍ക്കാനാണ് എന്നും ആഹ്വാനം ചെയ്തിട്ടുള്ളത്. പ്രതിപക്ഷ ഐക്യനിര കൂടുതല്‍ ശക്തിപ്പെടുത്തി മുന്നോട്ട് പോവേണ്ട സുപ്രധാന സാഹചര്യമാണ് രാജ്യത്തുള്ളതെന്നും മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി പറഞ്ഞു. രാജ്യത്തിന്റെ അഖണ്ഡതയിലും നിലനില്‍പിലും വിശ്വസിക്കുന്ന എല്ലാ രാഷ്ട്രീയകക്ഷികളെയും ഭൂരിപക്ഷ ഫാസിസത്തിനെതിരെ ഒന്നിച്ചു നിര്‍ത്തുന്നതിനുള്ള കോണ്‍ഗ്രസ്സിന്റെ നേതൃത്വത്തിലുഎള്ള നീക്കങ്ങള്‍ക്ക് കരുത്തുപകരുന്ന നിലപാടാണ് എന്നും മുസ്‌ലിം ലീഗ് സ്വീകരിച്ചിട്ടുള്ളത്. ദേശീയ ജനറല്‍ സെക്രട്ടറിയെന്ന നിലയില്‍ പ്രതിപക്ഷനിര ശക്തിപ്പെടുത്തുന്നതിനായി പ്രവര്‍ത്തിക്കാനും ഇതിനുവേണ്ടിയുള്ള കൂടിയാലോചനകളില്‍ സജീവമായി പങ്കെടുക്കാനും സാധിച്ചിട്ടുണ്ട്. കഴിഞ്ഞ ദിവസം നടന്ന 22 പ്രതിപക്ഷ പാര്‍ട്ടികളുടെ യോഗത്തില്‍ മുസ്‌ലിം ലീഗിനെ പ്രതിനിധീകരിച്ച് ദേശീയ സെക്രട്ടറി ഖുറം അനീസ് ഉമര്‍ പങ്കെടുത്തിരുന്നു. തെരഞ്ഞെടുപ്പ് കാലത്ത് ദേശീയ തലത്തില്‍ പ്രചാരണ പരിപാടികള്‍ ഏകോപിപ്പിക്കുന്നതില്‍ ഖുറം അനീസ് പ്രശംസനീയമായ പങ്ക് വഹിച്ചു.

ഭരണഘടനാ മൂല്യങ്ങള്‍ ഉയര്‍ത്തിപ്പിടിക്കേണ്ട ഭരണകൂടം തന്നെ അതിന്റെ അന്തകരായി മാറുന്നു എന്ന ആശങ്കകള്‍ക്കിടയിലാണ് രാജ്യം പോളിംഗ് ബൂത്തിലേക്ക് പോയത്. വര്‍ഷങ്ങളായുള്ള പരിശ്രമങ്ങളുടെയും ജനാധിപത്യ വിശ്യാസികളുടെ നിതാന്ത ജാഗ്രതയുടെയും ഫലമായി നിര്‍മ്മിക്കപ്പെട്ട ഭരണഘടനാസ്ഥാപനങ്ങളല്ലാം ഇല്ലാതാക്കാനുള്ള ശ്രമങ്ങള്‍ തകൃതിയായി ഒരു ഭാഗത്ത് നടക്കുമ്പോള്‍ അതിനെതിരെ ഐക്യനിരരൂപപ്പെടേണ്ടതിന്റെ ആവശ്യകതയെപറ്റി മുസ്‌ലിം ലീഗ് പാര്‍ട്ടിക്ക് കൃത്യമായ ബോധ്യമുണ്ട്. പ്രതിപക്ഷ കക്ഷികള്‍ ഭിന്നിച്ചാല്‍ സംഘപരിവാര്‍ ശക്തികള്‍ക്ക് അവരുടെ വിധ്വംസക അജണ്ട നടപ്പാക്കാന്‍ എളുപ്പമാവുമെന്ന വിലയിരുത്തലിലാണ് പ്രതിപക്ഷ പാര്‍ട്ടികള്‍ ഒന്നിക്കണമെന്ന് മുസ്ലിംലീഗ് ദേശീയ കമ്മറ്റി ആഹ്വാനം ചെയ്തത്. മുസ്‌ലിം ലീഗ് പാര്‍ട്ടി തങ്ങള്‍ക്ക് ശക്തമായ സാന്നിദ്ധ്യമുള്ള കേരളത്തിലും തമിഴ്‌നാട്ടിലും രാജ്യത്തെ ഏറ്റവും വലിയ ജനാധിപത്യമതനിരപേക്ഷ കക്ഷിയായ ഇന്ത്യന്‍ നാഷണല്‍ കോണ്‍ഗ്രസ് കൂടി ഉള്‍പ്പെട്ട മുന്നണിയുടെ ഭാഗമായാണ് മല്‍സരിച്ചത്. പാര്‍ട്ടിക്ക് സ്വാധീനമുള്ള ജാര്‍ഖഢ്, പശ്ചിമബംഗാള്‍, ഉത്തര്‍പ്രദേശ്, ഡല്‍ഹി, മഹാരാഷ്ട്ര തുങ്ങിയ സംസ്ഥാനങ്ങളില്‍ പാര്‍ട്ടി സ്വന്തം സ്ഥാനാര്‍ത്ഥികളെ നിര്‍ത്തി പേരിനൊരു മല്‍സരം കാഴ്ച്ചവെക്കാന്‍ തയ്യാറായതുമില്ല. ബിജെപി വിരുദ്ധ വോട്ടുകള്‍, അതെത്ര കുറവാണങ്കിലും, ഭിന്നിക്കരുത് എന്ന ഉത്തമ ബോധ്യത്തിന്റെ അടിസ്ഥാനത്തിലാണ് അങ്ങനെയൊരു സമീപനം പാര്‍ട്ടി സ്വീകരിച്ചതെന്നും പി.കെ കുഞ്ഞാലിക്കുട്ടി പറഞ്ഞു.

എക്‌സിറ്റ് പോള്‍ ഫലങ്ങളില്‍ എന്‍.ഡി.എ ക്ക് മുന്‍തൂക്കം; കേരളത്തില്‍ യു.ഡി.എഫ് മുന്നേറ്റം

Test User — Sun, 19 May 2019 14:39:38 +0000

2019ലെ ലോക്‌സഭാ തെരഞ്ഞെടുപ്പുമായി പുറത്ത് വരുന്ന എക്‌സിറ്റ് പോള്‍ ഫലങ്ങളെല്ലാം എന്‍ഡിഎയ്ക്ക് മേല്‍ക്കൈ. യുപിഎക്ക് ഒരു ഫലവും വലിയ മുന്നേറ്റം പ്രവചിക്കുന്നില്ലെങ്കിലും കഴിഞ്ഞ തെരഞ്ഞെടുപ്പിനേക്കാളും മുന്നേറ്റമുണ്ടാവുമെന്നാണ് ഫലങ്ങള്‍ സൂചിപ്പിക്കുന്നത്. എന്‍ഡിഎ 300 വരെ സീറ്റുകള്‍ നേടുമെന്ന് ഫലങ്ങള്‍ പ്രവചിക്കുമ്പോള്‍ യുപിഎക്ക് 100 മുതല്‍ 150ലധികം സീറ്റുകള്‍ പ്രവചിക്കുന്നു. മറ്റുള്ളവര്‍ 100 വരെ സീറ്റുകള്‍ നേടുമെന്നാണ് പ്രവചനം.
ടൈംസ് നൗ വിഎംആര്‍ എക്‌സിറ്റ് പോള്‍ ഫലം എന്‍ഡിഎയ്ക്ക് മേല്‍ക്കൈ നല്‍കുന്നു. 306 സീറ്റുകള്‍ എന്‍ഡിഎ നേടുമെന്നാണ് പ്രവചനം. യുപിഎ 132 സീറ്റുകളിലും മറ്റുള്ളവര്‍ 104 സീറ്റുകളിലും വിജയം നേടുമെന്നാണ് പ്രവചനം. ഉത്തര്‍പ്രദേശിലും എന്‍ഡിഎ നേട്ടമുണ്ടാക്കുമെന്നാണ് ടൈംസ് നൗ എക്‌സിറ്റ് പോള്‍ ഫലം. 58 സീറ്റുകളാണ് എന്‍ഡിഎയ്ക്ക് പ്രവചിക്കുന്നത്. 20 സീറ്റ് മഹാസഖ്യത്തിനും രണ്ട് സീറ്റ് യുപിഎക്കും ലഭിക്കുമെന്നും പ്രവചനം. എന്നാല്‍ മറ്റ് ചില ഫലങ്ങള്‍ ഉത്തര്‍പ്രദേശില്‍ ബിജെപിക്ക് തിരിച്ചടിയുണ്ടാവുമെന്നും പ്രവചിക്കുന്നുണ്ട്. കേരളത്തില്‍ യുഡിഎഫ് വന്‍ തരംഗമുണ്ടാക്കുമെന്ന് ഇന്ത്യാ ടുഡെ എക്‌സിറ്റ് പോള്‍. ഭൂരിപക്ഷം സീറ്റിലും വിജയിക്കുന്നത് യുഡിഎഫ് ആകുമെന്നാണ് സര്‍വെ ഫലം. 20 സീറ്റില്‍ 15 മുതല്‍ 16 വരെ സീറ്റാണ് സര്‍വെയില്‍ യുഡിഎഫിന് പ്രവചിക്കുന്നത്.
മെയ് 23നാണ് തെരഞ്ഞെടുപ്പ് ഫലം പുറത്ത് വരിക.

മന്‍മോഹന്‍ സിങിനെ കളിയാക്കിയിരുന്ന മോദിയെ ഇന്ന് രാജ്യം മുഴുവന്‍ കളിയാക്കുന്നു – രാഹുല്‍ ഗാന്ധി

Test User — Wed, 15 May 2019 13:23:51 +0000

പ്രധാനമന്ത്രി നരേന്ദ്രമോദി ദിവസം കഴുയും തോറും ജനങ്ങള്‍ക്കിടയില്‍ പരിഹാസനാവുകയാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി . മോദി കരുതുന്നത് ഈ രാജ്യം മുന്നോട്ട് നീങ്ങുന്നത് അദ്ദേഹം കാരണമെന്നാണ്. ജനങ്ങളാണ് ഈ രാജ്യത്തെ മുന്നോട്ട് നയിക്കുന്നതെന്ന് അദ്ദേഹം മറന്നിരിക്കുന്നു രാഹുല്‍ ഗാന്ധി പറഞ്ഞു. പഞ്ചാബിലെ ബര്‍ഗരിയില്‍ നടന്ന തെരഞ്ഞെടുപ്പ് റാലിയില്‍ സംസാരിക്കുകയായിരുന്നു അദ്ദേഹം. മുന്‍ പ്രധാനമന്ത്രി മന്‍മോഹന്‍ സിങിനെ ഫലിതം എന്നായിരുന്നു മോദി കളിയാക്കിയിരുന്നത് എന്നാല്‍ ഇപ്പോള്‍ ഇന്ത്യയിലെ ജനങ്ങള്‍ മുഴുവന്‍ കളിയാക്കുന്നത് ആരെയാണെന്ന് എല്ലാവര്‍ക്കും അറിയാം. ഞാന്‍ എപ്പോഴും മോദിയുമായി സംവാദത്തിന് തയ്യാറാണ് റഫാല്‍ അഴിമതിയും നോട്ട് നിരോധനവും പ്രധാനമന്ത്രി മറന്നിരിക്കുന്നു രാഹുല്‍ കൂട്ടിച്ചേര്‍ത്തു.

‘മുഹറം ഘോഷയാത്ര മാറ്റിയാലും ദുര്‍ഗാ പൂജ നടത്തും’ ; വീണ്ടും വിവാദ പ്രസംഗവുമായി യോഗി

Test User — Wed, 15 May 2019 11:11:57 +0000

പശ്ചിമബംഗാളിലെ തെരഞ്ഞെടുപ്പ് റാലിയില്‍ വീണ്ടും വര്‍ഗീയപരാമര്‍ശവുമായി യോഗി ആദിത്യനാഥ്. ഉത്തര്‍പ്രദേശില്‍ മുഹറവും ദുര്‍ഗാ പൂജയും ഒരേ ദിവസമാണ്. മുഹറത്തിന്റെ ഘോഷയാത്ര മാറ്റിയാലും ദുര്‍ഗാ പൂജയുടെ സമയം മാറ്റില്ലെന്നും ഇതുമായി ബന്ധപ്പെട്ട് തന്നെ സമീപിച്ച പൊലീസ് ഉദ്യോഗസ്ഥരോട് കാര്യങ്ങള്‍ നിര്‍ദേശിച്ചിട്ടുണ്ടെന്നും യോഗി പറഞ്ഞു. യോഗിയുടെ റാലികള്‍ക്ക് നേരത്തേ പശ്ചിമബംഗാളില്‍ പൊലീസ് അനുമതി നല്‍കിയിരുന്നില്ല. പശ്ചിമബംഗാളിലെ പ്രധാന ഉത്സവമാണ് ദുര്‍ഗാ പൂജ അത് കണക്കിലെടുത്താണ് മത വികാരം ഉണര്‍ത്താനുള്ള യോഗിയുടെ പുതിയ പ്രസ്താവന.
അക്രമങ്ങള്‍ മുതല്‍ മതവും ഹിന്ദുത്വവും വര്‍ഗീയതയും പ്രകടമായ ആയുധങ്ങളാക്കിയാണ് മമതക്കെതിരെ ബിജെപി പോരിനിറങ്ങുന്നത്. അവസാനഘട്ട വോട്ടെടുപ്പ് നടക്കുന്ന മെയ് 19ന് പശ്ചിമബംഗാളിലെ ഒമ്പത് സീറ്റുകളിലേക്കും തെരഞ്ഞെടുപ്പ് നടക്കുന്നുണ്ട്. ‘ജയ് ശ്രീറാം’ എന്ന് വിളിച്ച് റാലി നടത്തുമെന്നും മമത എന്ത് ചെയ്യുമെന്ന് കാണട്ടെ എന്നും വെല്ലുവിളിച്ചുകൊണ്ട് അമിത് ഷാ നടത്തിയ ‘സേവ് റിപ്പബ്ലിക്’ റാലി ഇന്നലെ അക്രമാസക്തമായിരുന്നു.

ബൂത്തിനുള്ളില്‍ വോട്ടര്‍മാരെ സ്വാധീനിച്ചു: ബി.ജെ.പി പോളിംഗ് ഏജന്റ് അറസ്റ്റില്‍

Test User — Mon, 13 May 2019 11:40:30 +0000

ഹരിയാനയിലെ ഫരീദാബാദില്‍ വോട്ടര്‍മാരെ സ്വാധീനിക്കാന്‍ ശ്രമിച്ച ബിജെപിയുടെ പോളിങ് ഏജന്റ് ഗിരിരാജ് സിംഗിനെ പൊലീസ് അറസ്റ്റ് ചെയ്തു. ഇയാളെ അറസ്റ്റ് ചെയ്യുന്നുമെന്ന് തിരഞ്ഞെടുപ്പ് കമ്മീഷണര്‍ അശോക് ലവാസ മുന്‍പ് അറിയിച്ചിരുന്നു. സ്വാധീക്കാന്‍ ശ്രമിക്കുന്ന വീഡിയോ പുറത്ത് വന്നതോടെയാണ് നടപടി.
ഇയാള്‍ പോളിങ് ബൂത്തില്‍ വോട്ടര്‍മാരെ സ്വാധീനിക്കുന്നതിന്റെ വീഡിയോ കഴിഞ്ഞ ദിവസം വൈറലായി മാറിയിരുന്നു. ഇയാള്‍ വോട്ടിങ് മെഷീനിന്റെ അടുത്തേക്ക് പോയി മൂന്നോളം വോട്ടര്‍മാര്‍ക്ക് ചിഹ്നം കാണിച്ച് കൊടുക്കുകയോ വോട്ട് ചെയ്യുകയോ ആണ് ചെയ്യുന്നത്. പോളിംഗ് ഓഫീസര്‍ നിര്‍ത്താനവശ്യപ്പെട്ടിട്ടും അയാള്‍ അത് ശ്രദ്ധിക്കാതെ തന്റെ പ്രവര്‍ത്തി തുടരുകയായിരുന്നു.

A BJP polling agent has been arrested by Palwal Police for trying to influence voters at a polling booth in Asaoti, which falls under the Faridabad Lok Sabha constituency, on Sunday. @IndianExpress pic.twitter.com/bjksDe7pdm
— Sakshi Dayal (@sakshi_dayal) May 13, 2019

1987 ല്‍ ഡിജിറ്റല്‍ ക്യാമറ സ്വന്തമാക്കി; വീണ്ടും വിവരക്കേട് പറഞ്ഞ് മോദി

Test User — Mon, 13 May 2019 08:09:20 +0000

വീണ്ടും വിവരക്കേട് പറഞ്ഞ് വിവാദത്തില്‍ ഇടംപിടിച്ച് പ്രധാനമന്ത്രി നരേന്ദ്രമോദി.ഇന്ത്യയില്‍ ഡിജിറ്റല്‍ ക്യാമറ സ്വന്തമാക്കുന്ന ആദ്യത്തെ കുറച്ച് പേരില്‍ ഒരാളാണ് താനെന്നാണ് മോദിയുടെ പുതിയ വെളിപ്പെടുത്തല്‍. അന്ന് താന്‍ പകര്‍ത്തിയ എല്‍.കെ അദ്വാനിയുടെ ചിത്രം അദ്ദേഹത്തിന് മെയില്‍ ചെയ്തുകൊടുത്തു എന്നാണ് മറ്റൊരു വാദം. ബാലക്കോട്ട് ആക്രമണ ദിവസം മഴയും കാര്‍മേഘവും ഇന്ത്യന്‍ പോര്‍ വിമാനങ്ങളെ പാകിസ്ഥാന്‍ റഡാറുകളില്‍ നിന്ന് മറയ്ക്കുമെന്നും മോദി പറഞ്ഞിരുന്നു. ന്യൂസ് നാഷന് നല്‍കിയ അഭിമുഖത്തിലാണ് അദ്ദേഹം രണ്ട് പരാമര്‍ശങ്ങളും നടത്തിയത്. മോദിയുടെ ഗാഡ്ജറ്റ് ഇഷ്ട്ടത്തെ കുറച്ച് അവതാരകന്‍ ചോദിച്ച ചോദ്യത്തിന്റെ മറുപടിയായാണ് അദ്ദേഹം വിവാദമായ പരാമര്‍ശം നടത്തിയത്. സമൂഹമാധ്യമങ്ങള്‍ പരിഹാസത്തോടെയാണ് പരാമര്‍ശത്തെ ചര്‍ച്ച ചെയ്തത്.

ആറാം ഘട്ട വോട്ടെടുപ്പില്‍ 60 ശതമാനം പോളിങ് രേഖപ്പെടുത്തി

Test User — Sun, 12 May 2019 14:20:57 +0000

ആറാം ഘട്ട വോട്ടെടുപ്പില്‍ 6 മണി വരെ 60 ശതമാനം പോളിങ് രേഖപ്പെടുത്തി. ബംഗാളില്‍ വ്യാപക അക്രമം. രണ്ടു പേര്‍ കൊല്ലപ്പെട്ടു. ബിജെപി തൃണമൂല്‍ ഏറ്റമുട്ടലില്‍ നിരവധി പേര്‍ക്ക് പരിക്കേറ്റു. ആറാം ഘട്ടത്തില്‍ വോട്ടെടുപ്പ് നടത്തിയ ജാഡ് ഗ്രാം ജില്ലയിലാണ് കഴിഞ്ഞ രാത്രിയില്‍ ബിജെപി പ്രവര്‍ത്തകനെ മരിച്ച നിലയില്‍ കണ്ടെത്തിയത്. ജാഡ് ഗ്രാമിലുണ്ടായി ഏറ്റുമുട്ടലില്‍ നിരവധി ബിജെപി തൃണമൂല്‍ പ്രവര്‍ത്തകര്‍ക്ക് പരിക്കേറ്റു. മേദിനിപ്പൂരിലെ കാന്തിയില്‍ തൃണമൂല്‍ പ്രവര്‍ത്തകനെ മരിച്ച നിലയില്‍ കണ്ടെത്തി. മേദിനിപ്പൂരില്‍ രണ്ടു ബിജെപി പ്രവര്‍ത്തകര്‍ക്ക് വെടിയേറ്റു. ഇലക്ട്രോണിക് വോട്ടിങ് യന്ത്രത്തിലെ തകരാറു കാരണം ആറാം ഘട്ടത്തിലും വോട്ടെടുപ്പ് വൈകി. തകരാറിലായ ഇവിഎമ്മുകള്‍ വോട്ടെടുപ്പിന് ഉപയോഗിച്ചതിനെതിരെ ആം അദ്മി പാര്‍ട്ടിയും കോണ്‍ഗ്രസും തിരഞ്ഞെടുപ്പ് കമ്മിഷന് പരാതി നല്‍കിയിട്ടുണ്ട്. ശക്തമായ ത്രികോണ മത്സരമാണ് ദില്ലിയിലെങ്കിലും തലസ്ഥാനത്ത് തണുപ്പന്‍ പ്രതികരണമായിരുന്നു വോട്ടര്‍മാരുടേത് .
രാഷ്ട്രപതി രാം നാഥ് കോവിന്ദ്, യുപിഎ അധ്യക്ഷ സോണിയാ ഗാന്ധി , കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി, പ്രിയങ്ക ഗാന്ധി , കേന്ദ്രമന്ത്രി സുഷമ സ്വരാജ് , ദില്ലി മുഖ്യമന്ത്രി അരവിന്ദ് കെജ്‌രിവാള്‍ , പ്രകാശ് കാരാട്ട് , ബിജെപി സ്ഥാനാര്‍ഥി ഗൗതം ഗംഭീര്‍ തുടങ്ങിയവര്‍ ദില്ലിയില്‍ വോട്ടു ചെയ്തു.

തെരഞ്ഞെടുപ്പ് അട്ടിമറിക്കാന്‍ സി.പി.എം ഗൂഡാലോചന, 10 ലക്ഷം യു.ഡി.എഫ് വോട്ടുകള്‍ വെട്ടി : ഉമ്മന്‍ ചാണ്ടി

Test User — Thu, 09 May 2019 11:34:21 +0000

തെരഞ്ഞെടുപ്പ് അട്ടിമറിക്കാന്‍ സി.പി.എം ഗൂഡാലോചന നടത്തിയെന്ന് ഉമ്മന്‍ചാണ്ടി. കള്ളവോട്ടിന് പുറമെ വോട്ടര്‍ പട്ടികയില്‍ വ്യാപകമായി ക്രമക്കേട് നടത്തിയിട്ടുണ്ട്. 10 ലക്ഷം യു.ഡി.എഫ് വോട്ടര്‍മാരെയാണ് പട്ടികയില്‍ നിന്ന് ഒഴിവാക്കിയത്. തെരഞ്ഞെടുപ്പ് അട്ടിമറിക്കാന്‍ സി.പി.എം നിരവധി കാര്യങ്ങള്‍ ചെയ്ത് കൂട്ടിയിട്ടുണ്ട് അതില്‍ ഒന്ന് മാത്രമാണ് ഇത്. 2016 ല്‍ 2.6 കോടി വോട്ടര്‍മാരുണ്ടായിരുന്നു എന്നാല്‍ 2019 ല്‍ കൂടിയത് 1.32 ലക്ഷം പേര്‍ മാത്രമാണെന്നും വാര്‍ത്താസമ്മേളനത്തില്‍ അദ്ദേഹം ചൂണ്ടിക്കാട്ടി.

പണം നല്‍കി സ്വാധീനിക്കാന്‍ ശ്രമം ; ബി.ജെ.പിക്കെതിരെ പരാതിയുമായി മാധ്യമപ്രവര്‍ത്തകര്‍

Test User — Wed, 08 May 2019 11:01:03 +0000

ജമ്മുകാശ്മീരിലെ ബി.ജെ.പി നേതാക്കള്‍ക്കെതിരെ പരാതിയുമായി മാധ്യമപ്രവര്‍ത്തകര്‍ രംഗത്ത്. പണം നല്‍കി സ്വാധീനിക്കാന്‍ ശ്രമിച്ചു എന്നതാണ് പരാതി. ബി.ജെ.പി സംസ്ഥാന അധ്യക്ഷനും എം.എല്‍.എ ക്കുമെതിരെയാണ് പരാതി നല്‍കിയത്. ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ബി.ജെ.പിക്കെതിരെ വാര്‍ത്ത നല്‍കാതിരിക്കാനാണ് പണം നല്‍കാന്‍ ശ്രമിച്ചത്. ലേയിലെ പ്രസ്‌ക്ലബ്ബില്‍ വെച്ചായിരുന്നു സംഭവം. ജില്ലയിലെ വരണാധികാരിക്ക് വിഷയവുമായി ബന്ധപ്പെട്ട് മാധ്യമപ്രവര്‍ത്തകര്‍ പരാതി നല്‍കിയിട്ടുണ്ട്. സംഭവത്തിന്റെ ദൃശ്യങ്ങള്‍ ഒരു ദേശീയ മാധ്യമം പുറത്തു വിട്ടിട്ടുണ്ട്. കുറ്റം തെളിയുന്ന രീതിയില്‍ പെരുമാറ്റചട്ട ലംഘനമായതിനാല്‍ ക്രിമിനല്‍ നടപടിയെടുക്കുമെന്ന് വരണാധികാരി അറിയിച്ചു. ജമ്മുകാശ്മീര്‍ ബി.ജെ.പി അധ്യക്ഷന്‍ രവീന്ദര്‍ റെയ്‌ന, എം.എല്‍.എ വിക്രം രണ്‍ദ് വെ എന്നിവര്‍ക്കെതിരെയാണ് ആരോപണം ഉയര്‍ന്നിരിക്കുന്നത്. നേതാക്കള്‍ ആരോപണം നിഷേധിച്ചെങ്കിലും വീഡിയോകള്‍ പുറത്ത് വിട്ടത് വന്‍ പ്രഹരമായിരിക്കുകയാണ്.