‘നിയോം സ്റ്റേഡിയം’ എന്ന പേരില്‍ 350 മീറ്റര്‍ (ഏകദേശം 1150 അടി) ഉയരത്തില്‍ നിര്‍മ്മിക്കാന്‍ ഉദ്ദേശിക്കുന്ന ഈ അതിശയ പദ്ധതി ഏകദേശം 100 കോടി ഡോളര്‍ ചെലവില്‍ പൂര്‍ത്തിയാക്കാനാണ് തീരുമാനം.

2027ല്‍ നിര്‍മാണം ആരംഭിക്കാനും, 2032 ഓടെ പൂര്‍ത്തിയാക്കി ലോകകപ്പിന് രണ്ടു വര്‍ഷം മുന്‍പ് തന്നെ പ്രവര്‍ത്തനസജ്ജമാക്കാനും പദ്ധതിയുണ്ട്. സ്റ്റേഡിയത്തിന് 46,000 ഇരിപ്പിട ശേഷിയുണ്ടാകും.

2024 ഡിസംബറില്‍ നിയോം അവരുടെ ഔദ്യോഗിക ‘എക്‌സ്’ പേജിലൂടെ ഈ ”മേഘങ്ങള്‍ തൊടുന്ന” സ്റ്റേഡിയത്തിന്റെ ആശയം ആദ്യമായി അവതരിപ്പിച്ചിരുന്നു.

എന്നാല്‍ ഈ അതുല്യ ആശയത്തെ കുറിച്ച് പിന്തുണയും സംശയവുമാണ് സോഷ്യല്‍ മീഡിയയില്‍ ഒരുമിച്ച് ഉയരുന്നത്.
ആകാശത്ത് ഇത്ര ഉയരത്തില്‍ ലോകകപ്പ് പോലൊരു മത്സരം എങ്ങനെ നടത്തും, സമുദ്രനിരപ്പില്‍നിന്നുള്ള വ്യത്യാസം കളിക്കാര്‍ക്ക് ശാരീരികമായി ബുദ്ധിമുട്ടുണ്ടാക്കുമോ, ആയിരക്കണക്കിന് കാണികള്‍ എങ്ങനെ മുകളിലേക്ക് പ്രവേശിക്കും എന്നൊക്കെ പലരും ചോദിക്കുന്നത്.

അതേസമയം, സൗദിയുടെ അതിവേഗ സാങ്കേതിക പുരോഗതിയും ഭാവിനഗര പദ്ധതികളും പരിഗണിച്ച്, ഈ പുതിയ ആശയം ”സാഹസികവും ഭാവിയിലേക്ക് തുറക്കുന്ന ചുവടുവെയ്പും” ആണെന്ന് മറ്റുചിലര്‍ വിലയിരുത്തുന്നു.

നിയോം നഗരം ഇതിനകം തന്നെ ”ദ ലൈന്‍”, ”ഓക്‌സഗണ്‍” തുടങ്ങിയ ഭാവിനഗര പദ്ധതികളിലൂടെ ലോകശ്രദ്ധ നേടിയിരിക്കുകയാണ്. അതില്‍ ഇപ്പോള്‍ ”നിയോം സ്റ്റേഡിയം” കൂടി ചേര്‍ന്നതോടെ 2034 ലോകകപ്പിന് മുന്‍കൂറായുള്ള സൗദിയുടെ ആധിപത്യം ഉറപ്പാക്കാനാണ് ശ്രമം.

2034 ലോകകപ്പ് ഏഷ്യന്‍ രാജ്യങ്ങളില്‍ നടത്താന്‍ ശ്രമം നടത്തിയെങ്കിലും അവസാനം പിന്മാറുകയായിരുന്നു. ശേഷം ഓസ്ട്രേലിയ പല രാജ്യങ്ങളെയും ഒപ്പം കൂട്ടി ശ്രമങ്ങള്‍ നടത്തി. എന്നാല്‍ ചര്‍ച്ചകള്‍ പുരോഗതിയില്ലാതെ അവസാനിച്ചു. ഒടുവില്‍ തങ്ങള്‍ പിന്മാറുന്നതായി ഓസ്ട്രേലിയ ഇന്ന് അറിയിക്കുകയായിരുന്നു.

2026ലെ ലോകകപ്പ് വടക്കന്‍ അമേരിക്കയിലെ കാനഡ, മെക്സികോ, യുഎസ് എന്നീ രാജ്യങ്ങളിലായാണ് നടക്കുക. 2030 ലോകകപ്പ് നടക്കുന്നത് മൂന്ന് ഭൂഖണ്ഡങ്ങളിലായാണ്. മൊറോക്കോ, പോര്‍ച്ചുഗല്‍, സ്പെയിന്‍ എന്നീ രാജ്യങ്ങളാണ് 2030 ലോകകപ്പിന്റെ പ്രധാന സംഘാടകര്‍. അര്‍ജന്റീന, പരാഗ്വേ, ഉറുഗ്വേ എന്നീ രാജ്യങ്ങളും വേദിയൊരുക്കും.