25 killed – Chandrika Daily

ഹിസ്ബുല്ല തലവൻ ഹസൻ നസ്റുല്ല കൊല്ലപ്പെട്ടു; സ്ഥിരീകരിച്ച് ഹിസ്ബുല്ല

webdesk13 — Sat, 28 Sep 2024 12:07:53 +0000

ഹിസ്ബുല്ല തലവന്‍ സയ്യിദ് ഹസന്‍ നസ്‌റുല്ല ഇസ്രാഈല്‍ വ്യോമാക്രമണത്തില്‍ കൊല്ലപ്പെട്ടു. ഇന്നലെ ലബനാന്‍ തലസ്ഥാനമായ ബെയ്‌റൂത്തിലുണ്ടായ ആക്രമണത്തിലാണ് നസ്‌റുല്ല കൊല്ലപ്പെട്ടത്.

ഹിസ്ബുല്ലയുടെ ആസ്ഥാനത്തിന് നേരെ ആക്രമണം നടത്തുകയായിരുന്നുവെന്ന് ഇസ്രായേല്‍ അറിയിച്ചു. മരണവിവരം ഹിസ്ബുല്ല സ്ഥിരീകരിച്ചു. ഹിസ്ബുല്ലയുടെ മറ്റൊരു നേതാവായ അലി കരാകിയും കൊല്ലപ്പെട്ടതായി ഇസ്രാഈലി സൈനിക വക്താവ് അവിചായ് അഡ്രായീ പറഞ്ഞു.

ഇറാന്‍ പിന്തുണയുള്ള രാഷ്ട്രീയ പാര്‍ട്ടിയും സായുധ വിഭാഗവുമായ ഹിസ്ബുല്ലയുടെ സെക്രട്ടറി ജനറലാണ് ഹസന്‍ നസ്‌റുല്ല. കഴിഞ്ഞ 32 വര്‍ഷമായി അദ്ദേഹമാണ് സംഘടനയെ നയിക്കുന്നത്. 1992 ഫെബ്രുവരിയിലാണ് ഇദ്ദേഹം ചുമതലയേല്‍ക്കുന്നത്.

മണിപ്പൂരില്‍ വീണ്ടും സംഘര്‍ഷം; മൂന്ന് ദിവസത്തിനിടെയുണ്ടായ വെടിവെപ്പില്‍ 6 പേര്‍ കൊല്ലപ്പെട്ടു

webdesk13 — Fri, 01 Sep 2023 04:52:26 +0000

മാസങ്ങള്‍ കഴിയുമ്പോഴും മണിപ്പൂരില്‍ സംഘര്‍ഷാവസ്ഥ തുടരുന്നു. 3 ദിവസത്തിനിടെയുണ്ടായ വെടിവെപ്പില്‍ ആറുപേര്‍ കൊല്ലപ്പെട്ടു. 18 പേര്‍ക്ക് പരിക്കേറ്റു. ചുരാചന്ദ്പൂര്‍ബിഷ്ണുപൂര്‍ അതിര്‍ത്തിയില്‍ വെടിവെപ്പ് തുടരുകയാണ്. ബന്ദിന് ആഹ്വാനം ചെയ്ത കുകികള്‍ റോഡ് ഉപരോധിക്കുകയാണ്.

പ്രധാനമന്ത്രി അടക്കമുള്ളവര്‍ മണിപ്പൂര്‍ ശാന്തമായെന്ന് പറയുമ്പോഴും സംഘര്‍ഷാവസ്ഥക്ക് ശമനമില്ലെന്നാണ് മണിപ്പൂരില്‍നിന്നുള്ള റിപ്പോര്‍ട്ടുകള്‍ സൂചിപ്പിക്കുന്നത്. കുകിമെയ്‌തെയ് വിഭാഗങ്ങളുടെ താമസിക്കുന്നത പ്രദേശങ്ങളുടെ അതിര്‍ത്തിയിലാണ് വെടിവെപ്പ് നടന്നത്. മോഷ്ടിച്ചു കൊണ്ടുപോയ ആയുധങ്ങള്‍ ഉപയോഗിച്ചാണ് ഇരു വിഭാഗവും ആക്രമണം നടത്തുന്നത്.

പഞ്ചാബ് മുഖ്യമന്ത്രിയുടെ ഓഫീസിനു സമീപം ബോംബ് സ്‌ഫോടനം; 25 മരണം

chandrika — Mon, 24 Jul 2017 14:24:13 +0000

ന്യൂഡല്‍ഹി: അക്രമങ്ങള്‍ പതിവായ ലാഹോറില്‍ പഞ്ചാബ് മുഖ്യമന്ത്രി ഷഹബാസ് ഷരീഫിന്റെ ഓഫീസിനു സമീപമുണ്ടായ ചാവേര്‍ ബോംബ് സ്‌ഫോടനത്തില്‍ 25 മരണം. 53 പേര്‍ക്കു പരുക്കേറ്റതായും പാക്ക് മാധ്യമം ‘ഡോണ്‍’ റിപ്പോര്‍ട്ട് ചെയ്തു.

പാക്കിസ്ഥാനിലെ ലാഹോറില്‍ ഫിറോസ്പുര്‍ റോഡില്‍ അറഫ കരീം ഐടി ടവറിന് അടുത്തായിരുന്നു ചാവേര്‍ പൊട്ടിത്തെറിച്ചതെന്നു ലാഹോര്‍ ഡെപ്യൂട്ടി കമ്മിഷണര്‍ പറഞ്ഞു. സ്‌ഫോടനം നടന്ന പ്രദേശത്തു കൂടുതല്‍ സുരക്ഷാസേനയെ നിയോഗിച്ചതായി എസ്പി ഇമ്രാന്‍ അവാന്‍ അറിയിച്ചു. പരുക്കേറ്റവരെ റെസ്‌ക്യു 1122 പ്രവര്‍ത്തകര്‍ ആശുപത്രിയിലെത്തിച്ചു.

25 പേരുടെ മരണം സ്ഥിരീകരിച്ചതായി ദുരന്തനിവാര സേനയിലെ സജ്ജാദ് ഹുസൈന്‍ അറിയിച്ചു. പൊലീസിനെ ലക്ഷ്യമിട്ടായിരുന്നു ആക്രമണമെന്നും റിപ്പോര്‍ട്ടുണ്ട്. ഒരു മോട്ടോര്‍ സൈക്കിള്‍ ഉള്‍പ്പെടെ രണ്ടു വാഹനങ്ങള്‍ക്കു തകരാറുണ്ട്. ഫൊറന്‍സിക് വിഭാഗം സ്ഥലത്ത് തെളിവെടുപ്പ് നടത്തി.

ദുരന്തത്തില്‍ പാക്ക് പ്രധാനമന്ത്രി നവാസ് ഷരീഫ്, പഞ്ചാബ് മുഖ്യമന്ത്രി ഷഹബാസ് ഷരീഫ്, പാക്ക് സേനാ മേധാവി ജനറല്‍ ഖമര്‍ ജാവേദ് ബജ്!വ തുടങ്ങിയവര്‍ അനുശോചിച്ചു.

അടുത്തിടെ ലാഹോറില്‍ ആക്രമണങ്ങള്‍ പതിവാണ്. കഴിഞ്ഞ ഫെബ്രുവരിയില്‍ പഞ്ചാബ് നിയമസഭയ്ക്കു മുന്‍പിലുണ്ടായ ചാവേര്‍ സ്‌ഫോടനത്തില്‍ 13 പേരാണു കൊല്ലപ്പെട്ടത്. 70 പേര്‍ക്കു പരുക്കേറ്റു. കഴിഞ്ഞവര്‍ഷം ഇഖ്ബാല്‍ പാര്‍ക്കില്‍ ഈസ്റ്റര്‍ ആഘോഷത്തിനിടെ ഉണ്ടായ സ്‌ഫോടനത്തില്‍ 72 പേര്‍ കൊല്ലപ്പെട്ടു. 300 പേര്‍ക്കു പരുക്കേറ്റു.

#LahoreBlast footage. 2 died 19 injured. Initial reports pic.twitter.com/fd72joty5g

— Raza Mehdi (@SyedRezaMehdi) July 24, 2017

Rescue 1122 is shifting injured to the hospitals, where emergency has been imposed #LahoreBlast pic.twitter.com/fEBMUBISev

— Punjab 2013-18 (@Punjab13to18) July 24, 2017