2006ല്‍ ചിദംബരം കേന്ദ്രമന്ത്രിയായിരിക്കെ എയര്‍സെല്‍ മാക്‌സിന് ഇടപാടിനായി വിദേശ നിക്ഷേപ പ്രമോഷന്‍ ബോര്‍ഡിന്റെ അനുമതി വാങ്ങിനല്‍കിയതിന് കീര്‍ത്തി കോഴ വാങ്ങിയെന്നാണ് കേസ്. മുന്‍കൂര്‍ജാമ്യത്തിനായി കാര്‍ത്തി നല്‍കിയ അപേക്ഷയില്‍ വാദംകേള്‍ക്കാന്‍ എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) കൂടുതല്‍ സമയം ആവശ്യപ്പെട്ടെങ്കിലും കോടതി അനുവദിച്ചില്ല. സമാനമായ കേസ് ജൂലൈ രണ്ടിനാണ് സുപ്രീംകോടതി വിചാരണക്കെടുക്കുന്നതെന്നും അതിനാല്‍ അതുവരെ അപേക്ഷ പരിഗണിക്കരുതെന്നുമാണ് ഇ ഡിയുടെ ആവശ്യം.

നീരവ് മോദിക്കെതിരെ ശക്തമായ നടപടിയെടുക്കുമെന്ന് മോദി പ്രഖ്യാപിച്ചതിനു പിന്നാലെയാണ് രൂക്ഷ വിമര്‍ശവുമായി കോണ്‍ഗ്രസ് രംഗത്തെത്തിയത്. യു.പി.എ സര്‍ക്കാറിന്റെ കാലത്ത് കോണ്‍ഗ്രസ് 1.76 ലക്ഷം കോടിയുടെ ടുജി അഴിമതി നടത്തിയെന്ന് മോദി എല്ലാദിവസവും പറയാറുണ്ട്. അതൊരു ഊഹക്കണക്കാണ്. അഴിമതി നടന്നിട്ടില്ലെന്ന് പിന്നീട് കോടതി വ്യക്തമാക്കുകയും ചെയ്തു.

അതേ സമയം വജ്രവ്യാപാരി നീരവ് മോദിയുടേയും റോട്ടാമാക് പേന കമ്പനി ഉടമ വിക്രം കോത്താരിയുടെയും വായ്പാ തട്ടിപ്പ് യാഥാര്‍ത്ഥ്യമാണ് എന്നിട്ടും ഈ വിഷയത്തില്‍ എന്തു കൊണ്ട് മോദി മൗനം പാലിക്കുന്നെന്നും അദ്ദേഹം ചോദിച്ചു. മോദിയുടെ കാവലില്‍ ഇത്രയേറെ തട്ടിപ്പുകള്‍ നടക്കുന്നത് എങ്ങിനെയെന്ന് അദ്ദേഹം വിശദീകരിക്കണം. രാജ്യം വിട്ട തട്ടിപ്പുകാര്‍ക്കെല്ലാം ബി.ജെ.പിയുമായി അടുത്ത ബന്ധമുണ്ടെന്നും കപില്‍ സിബല്‍ ആരോപിച്ചു. പി.എന്‍.ബി തട്ടിപ്പില്‍ മോദിയെ വിമര്‍ശിച്ച് നേരത്തെ രാഹുല്‍ ഗാന്ധിയും രംഗത്തെത്തിയിരുന്നു.

My press conference today on the PNB https://t.co/eHcTAgHss8

— Kapil Sibal (@KapilSibal) February 24, 2018

യു.പി.എയുടെ കാലത്താണ് പി.എന്‍.ബി തട്ടിപ്പ് നടന്നതെന്നായിരുന്നു നേരത്തെ പ്രതിരോധമന്ത്രി നിര്‍മല സീതാരാമന്‍ പറഞ്ഞിരുന്നത്. എന്നാല്‍ തട്ടിപ്പ് നടന്നത് 2017-18ലാണെന്ന് സി.ബി.ഐ എഫ്.ഐ.ആറില്‍ വ്യക്തമാക്കിയിട്ടുണ്ട്.

ന്യൂഡല്‍ഹി: 2 ജി സ്‌പെക്ട്രം അഴിമതി കേസില്‍ വിചാരണ കോടതി വെറുതെ വിട്ട മുന്‍ കേന്ദ്ര ടെലികോം മന്ത്രി എ. രാജ, രാജ്യത്ത് ഏറെ കോളിളക്കം സൃഷ്ടിച്ച കേസ് ഉയര്‍ത്തിക്കൊണ്ടുവന്ന മുന്‍ സി.എ.ജി വിനോദ് റായ്‌ക്കെതിരെ പരസ്യമായി രംഗത്ത്. രാജ്യം കണ്ട ഏറ്റവും വലിയ അഴിമതി എന്ന് വിശേഷിപ്പിക്കപ്പെട്ട 2 ജി സ്‌പെക്ട്രം കേസ് സംബന്ധിച്ച് റായ് സംവാദത്തിനുണ്ടോ എന്ന് എ. രാജ എന്‍.ഡി.ടി.വിയില്‍ വെല്ലുവിളിച്ചു.

Ex CAG Vinod Rai should be prosecuted, he was used as a gun to kill UPA-2: A Raja tells me in @timesofindia pic.twitter.com/pGvH1DD1gj

— Sagarika Ghose (@sagarikaghose) January 19, 2018

‘കണ്ണടച്ച ശേഷം ലോകം ഇരുട്ടാണെന്ന് പറയുന്ന പൂച്ചയെ പോലെയാണ് വിനോദ് റായ്. ഈ ചാനലില്‍ ഞാന്‍ അദ്ദേഹത്തെ വെല്ലുവിളിക്കുകയാണ്. നമുക്ക് വസ്തുതകള്‍ പരിശോധിക്കാം. 2 ജി സ്‌പെക്ട്രം അനുവദിച്ചതില്‍ നഷ്ടമൊന്നുമില്ലെന്ന് സി.എ.ജി പരിശോധനയില്‍ വ്യക്തമായതാണ്. എന്നിട്ടും എന്തിനാണ് വിനോദ് റായ് കേസ് ഉണ്ടാക്കിയത്?…’ 2ജി സ്‌പെക്ട്രവുമായി ബന്ധപ്പെട്ട പരിപാടിയില്‍ രാജ ചോദിച്ചു.

രണ്ടാം യു.പി.എ സര്‍ക്കാറിനെ താഴെയിറക്കാനുള്ള ഗൂഢാലോചനയില്‍ പങ്കാളിയായിരുന്നു റായ് എന്നും അദ്ദേഹത്തിനെതിരെ നിയമ നടപടി സ്വീകരിച്ച് സത്യം പുറത്തു കൊണ്ടുവരണമെന്നും രാജ ആവശ്യപ്പെട്ടു.

2010-ല്‍ കംപ്‌ട്രോളര്‍ – ഓഡിറ്റര്‍ ജനറല്‍ (സി.എ.ജി) തലവനായിരിക്കവെയാണ് വിനോദ് റായ് സ്‌പെക്ട്രം അനുവദിച്ചതില്‍ 1.76 ലക്ഷം കോടി രൂപ പൊതു ഖജനാവിന് നഷ്ടമുണ്ടായി എന്ന ആരോപണമുയര്‍ത്തിയത്. മന്ത്രിസഭയിലെ ഡി.എം.കെ പ്രതിനിധിയായിരുന്ന രാജക്ക് ആ വര്‍ഷം തന്നെ രാജിവെക്കേണ്ടി വരികയും ചെയ്തു. ഇതേ കേസില്‍ കോടതി അദ്ദേഹം 15 മാസം ജയിലില്‍ കഴിഞ്ഞു.

കഴിഞ്ഞ മാസം വിചാരണാ കോടതി രാജയെയും 17 പ്രതികളെയും കുറ്റവിമുക്തരാക്കിയിരുന്നു. എല്ലാവരെയും വെറുതെ വിടുകയും ചെയ്തു.

TOI exclusive: A Raja says Vinod Rai was part of a political conspiracy against UPA 2 https://t.co/z2iXzPOBhT pic.twitter.com/EJBqbIyBIo

— Times of India (@timesofindia) January 19, 2018

2 ജി കേസില്‍ പ്രതികളെ വെറുതെ വിട്ട സംഭവം ‘സി.എ.ജിയുടെ ചരിത്രത്തിലെ കറുത്ത പാട്’ ആയി അവശേഷിക്കുമെന്ന് കോണ്‍ഗ്രസ് പറഞ്ഞിരുന്നു. ഇതിന് കാരണക്കാരനായ വിനോദ് റായ്‌യെ അറസ്റ്റ് ചെയ്ത് വിചാരണ ചെയ്യണമെന്നും കോണ്‍ഗ്രസ് ആവശ്യപ്പെട്ടു. നിലവില്‍ ക്രിക്കറ്റ് ഭരണസമിതി ചെയര്‍മാനാണ് വിനോദ് റായ്.

Tamil Nadu: DMK workers & supporters gather at Chennai Airport as Kanimozhi & A. Raja arrive, they were recently acquitted in the #2GScam case. pic.twitter.com/2vdLA3VdE4

— ANI (@ANI) December 23, 2017

കരുണാനിധിയും അര്‍ധ സഹോദരന്‍ എം.കെ സ്റ്റാലിനുമായും ഇരുവരും കൂടിക്കാഴ്ച നടത്തി. സ്റ്റാലിന്‍ സുവര്‍ണ നിറത്തിലുള്ള പൊന്നാടയണിയിച്ചാണ് ഇരുവരേയും വരവേറ്റത്. തന്നെ കുറ്റവിമുക്തയാക്കിയ ശേഷം കണ്ടതില്‍ പിതാവ് കരുണാനിധിക്ക് അതിയായ സന്തോഷമുണ്ടെന്ന് കനിമൊഴി പറഞ്ഞു.

ദേശീയ രാഷ്ട്രീയത്തെ പിടിച്ചുലച്ച ടുജി സ്‌പെക്ട്രം അഴിമതിക്കേസിനു പിന്നാലെ കല്‍ക്കരിപ്പാടം, കോമണ്‍വെല്‍ത്ത് അഴിമതി ആരോപണങ്ങള്‍ കൂടി ശക്തമായതോടെയാണ് 2014 ലെ ലോക്‌സഭാ തെരഞ്ഞെടുപ്പില്‍ തുടര്‍ച്ചയായ മൂന്നാം തവണയും ഭരണം പിടിക്കാമെന്ന യു.പി.എയുടെ പ്രതീക്ഷകള്‍ അസ്ഥാനത്തായത്. രണ്ടാം യു.പി.എയുടെ അഴിമതി ഉയര്‍ത്തികാട്ടിയാണ് ബി.ജെ.പി തെരഞ്ഞെടുപ്പ് പ്രചാരണങ്ങള്‍ നയിച്ചത്. അതില്‍ ഏറ്റവും മുന്‍പന്തിയില്‍ നിന്നത് ടുജി സ്‌പെക്ട്രം അഴിമതിയായായിരുന്നു. പ്രധാനമന്ത്രി നരേന്ദ്രമോദി ദേശീയ രാഷ്ട്രീയത്തിലേക്ക് അനിഷേധ്യനായി ഉദയം ചെയ്യുന്നതു തന്നെ ഇത്തരം അഴിമതിയെ തുറുപ്പു ചീട്ടാക്കിയായിരുന്നു. ഒരു ഘട്ടത്തില്‍ മന്‍മോഹന്‍ സിംഗിനെയും സോണിയ ഗാന്ധിയേയും തന്നെ ആരോപണങ്ങളിലേക്ക് ബി.ജെ.പി വലിച്ചിഴക്കുകയും ചെയ്തിരുന്നു.

സര്‍ക്കാറിനെതിരെ അണ്ണാഹസാരെ ഉള്‍പ്പെടെയുള്ളവര്‍ തലസ്ഥാന നഗരിയില്‍ പ്രതിഷേധവുമായി രംഗത്തെത്തിയതും കോണ്‍ഗ്രസിന് തിരിച്ചടിയായി. ടുജി സ്‌പെക്ട്രം ലൈസന്‍സ് വിതരണത്തില്‍ ക്രമക്കേടുകള്‍ ചൂണ്ടിക്കാട്ടി സി.എ.ജി റിപ്പോര്‍ട്ട് പുറത്തു വന്ന ശേഷം പാര്‍ലമെന്റിന്റെ ഇരു സഭകളും ദിവസങ്ങളോളം പ്രക്ഷുബ്ധമായി. ആരോപണം സംയുക്ത പാര്‍ലമെന്ററി സമിതി അന്വേഷിക്കണമെന്നാവശ്യപ്പെട്ട് ബി.ജെ.പി പാര്‍ലമെന്റ്ിന് അകത്തും പുറത്തും പ്രക്ഷോഭം ശക്തമാക്കി. രാജയുടെ രാജി ആവശ്യപ്പെട്ടുള്ള പ്രതിഷേധം ഭരണ പ്രതിപക്ഷ അംഗങ്ങള്‍ തമ്മിലുള്ള കയ്യാങ്കളിയില്‍ വരെ എത്തുകയും ചെയ്തു. കേസുമായി ബന്ധപ്പെട്ട് സി.ബി.ഐക്കെതിരെ സുപ്രീംകോടതി നടത്തിയ വിമര്‍ശം പ്രധാനമന്ത്രിയായിരുന്ന ഡോ.മന്‍മോഹന്‍ സിങിനെ പ്രതിരോധത്തിലാക്കി. ഇതിനു പിന്നാലെ മകന്‍ കനിമൊഴിയുടെ അറസ്റ്റും ഭാര്യ ദയാലു അമ്മാളുവിനെതിരായ അന്വേഷണവും കരുണാനിധിയെ കോണ്‍ഗ്രസുമായി അകറ്റുകയും ചെയ്തു.

അഴിമതിക്കെതിരായ പ്രതിഷേധവും ഹിന്ദുത്വ അജണ്ടയും സമം ചേര്‍ത്ത് ബി.ജെ.പിയും മോദിയും നടത്തിയ പ്രചരണം ബി.ജെ.പിയെ ഏറ്റവും വലിയ ഒറ്റകക്ഷിയായി ഉയര്‍ത്തുകയും അവര്‍ ഭരണം പിടിക്കുകയും ചെയ്തു. അപ്പീല്‍ പോകുമെന്ന് സി.ബി,ഐ പറയുമ്പോഴും നിലവിലെ വിധി ഡി.എം.കെ യോടൊപ്പം തന്നെ കോണ്‍ഗ്രസിനും ആശ്വസിക്കാന്‍ വക നല്‍കുന്നതാണ്. ഇത് കോണ്‍ഗ്രസിന്റെ ദേശീയ നേതൃത്വത്തിന് കൂടുതല്‍ ആത്മവിശ്വാസം നല്‍കുമെന്ന കാര്യത്തില്‍ സംശയമില്ല.

അതേസമയം, ബി.ജെ.പി ദേശീയ നേതൃത്വത്തെ ഇത് കൂടുതല്‍ പ്രതിരോധത്തിലാക്കും. ജയലളിതയുടെ മരണശേഷം തമിഴ്‌നാട് രാഷ്ട്രീയത്തിലേക്ക് ലക്ഷ്യമിട്ട് കാത്തിരിക്കുന്ന ബി.ജെ.പിക്ക് ഇനി കാര്യങ്ങള്‍ പ്രതീക്ഷിച്ചത്ര എളുപ്പമാകില്ല. അണ്ണാഡി.എം.കെയില്‍ ഭിന്നിപ്പുണ്ടാക്കി പ്രബല വിഭാഗത്തെ കൂടെ നിര്‍ത്തി തമിഴ്‌നാട് രാഷ്ട്രീയത്തില്‍ ഇടപെടാമെന്ന ബി.ജെ.പി മോഹത്തിനാണ് വിധിയോടെ തിരിച്ചടിയായിരിക്കുന്നനത്. കോടതി വിധിയുടെ പശ്ചാത്തലത്തില്‍ തമിഴ്‌നാടില്‍ ഡി.എം.കെ കൂടുതല്‍ ശക്തമാവും. കേസില്‍ കുറ്റവിമുക്തരായതോടെ ഡി.എം.കെയുമായി കോണ്‍ഗ്രസിന് പൂര്‍വ്വാധികം ശക്തമായി കൈകോര്‍ക്കുകയുമാകാം.

എന്നാല്‍ പ്രധാനമന്ത്രി നരേന്ദ്രമോദി ഡിഎംകെ നേതാവ് കരുണാനിധിയെ സന്ദര്‍ശിച്ച സംഭവവും രാഷ്ട്രീയ നിരീക്ഷകര്‍ ഗൗരവത്തോടെയാണ് കാണുന്നത്. ഡിഎംകെ നേതാവുമായുള്ള മോദിയുടെ അപ്രതീക്ഷിത കൂടിക്കാഴ്ചയുടെ രഹസ്യങ്ങള്‍ ഇതുവകെ പുറത്തായിട്ടില്ല. അതുകൊണ്ട് തന്നെ അടുത്ത തമിഴ്‌നാട് നിയമസഭാ തെരഞ്ഞെടുപ്പിലും 2019 ദേശീയ തെരഞ്ഞെടുപ്പിലും ടുജി കേസിലെ വിധി നിര്‍ണായകമാകും.