ന്യൂഡല്‍ഹി: അഞ്ഞൂറിന്റെയും ആയിരത്തിന്റെയും നോട്ടുകള്‍ പിന്‍വലിച്ച് 11 ദിവസം പിന്നിടുമ്പോള്‍ നോട്ട് മാറ്റിയെടുക്കലിന് കൂടുതല്‍ നിബന്ധനകളുമായി കേന്ദ്ര സര്‍ക്കാര്‍. ഇന്ന് മുതിര്‍ന്ന പൗരന്മാര്‍ക്കു മാത്രമാണ് നോട്ടുകള്‍ മാറ്റി വാങ്ങാനുള്ള അവസരം. ബാങ്കുകള്‍ക്ക് സ്വന്തം ഇടപാടുകാരുടെ ജോലികള്‍ പൂര്‍ത്തീകരിക്കാനാണ് ഒരു ദിവസം നിയന്ത്രണം ഏര്‍പ്പെടുത്തിയത്. ഇന്ത്യന്‍ ബാങ്ക് അസോസിയേഷന്‍ അധ്യക്ഷന്‍ രാജീവ് ഋഷിയാണ് ഇക്കാര്യം അറിയിച്ചത്. അക്കൗണ്ടുള്ളവര്‍ക്ക് അതത് ബാങ്കുകളില്‍ ഇടപാടു നടത്തുന്നതിന് തടസ്സമില്ല. നോട്ടു മാറ്റം ഒഴികെയുള്ള എല്ലാ സേവനങ്ങളും ബാങ്കുകളില്‍ നിന്ന് എല്ലാവര്‍ക്കും ഇന്നു ലഭ്യമാകുമെന്നും അസോസിയേഷന്‍ നേതൃത്വം അറിയിച്ചു. അതേസമയം നാളെ ബാങ്കുകള്‍ക്ക് അവധിയായിരിക്കുമെന്ന് അധികൃതര്‍ അറിയിച്ചു. നോട്ടു പിന്‍മാറ്റം പ്രാബല്യത്തില്‍ വന്നതിനു തൊട്ടു പിന്നാലെയുള്ള കഴിഞ്ഞ ഞായറാഴ്ച ബാങ്കുകള്‍ പ്രവര്‍ത്തിച്ചിരുന്നു. മറ്റന്നാള്‍ മുതല്‍ എല്ലാവര്‍ക്കും സാധാരണ രീതിയില്‍ നോട്ട് മാറ്റാനാകും. അതേസമയം ആവശ്യത്തിന് കറന്‍സി ഇല്ലാത്തതിനാലാണ് കേന്ദ്രസര്‍ക്കാര്‍ നോട്ടുമാറ്റത്തിന് നിയന്ത്രണം ഏര്‍പ്പെടുത്തുന്നതെന്ന് ബംഗാള്‍ മുഖ്യമന്ത്രി മമത ബാനര്‍ജി ആരോപിച്ചു.

‘ഈ തീരുമാനം മൂന്നു ദിവസത്തിനകം പിന്‍വലിക്കുക. ജനങ്ങളുടെ ക്ഷമ ഇനിയും പരീക്ഷിക്കരുത്. ഇല്ലെങ്കില്‍ ജനങ്ങള്‍ നയിക്കുന്ന കലാപമുണ്ടാകും.’ കേജ്രിവാള്‍ പറഞ്ഞു. 1947-നു ശേഷം രാജ്യംകണ്ട ഏറ്റവും വലിയ കുംഭകോണമാണ് നോട്ട് പിന്‍വലിക്കല്‍ എന്നും അദ്ദേഹം കൂട്ടിച്ചേര്‍ത്തു.

People will deposit 10 lakh crore, Modiji will forgive 8 lakh crore in loans, what do we get? Zilch: @ArvindKejriwal #demonetisation pic.twitter.com/GZyGnFtsCj

— NDTV (@ndtv) November 17, 2016

തീരുമാനം പിന്‍വലിച്ചില്ലെങ്കില്‍ കേന്ദ്ര സര്‍ക്കാര്‍ ശക്തമായ സമരമുറകളെ നേരിടേണ്ടി വരുമെന്നും ഇപ്പോഴത്തെ അവസ്ഥയില്‍ രഹസ്യവോട്ട് നടത്തിയാല്‍ ബി.ജെ.പിയില്‍ നിന്നും സ്വന്തം കുടുംബത്തില്‍ നിന്നു പോലും നരേന്ദ്ര മോദിക്ക് വോട്ട് കിട്ടില്ലെന്ന് തൃണമൂല്‍ കോണ്‍ഗ്രസ് അധ്യക്ഷ മമതാ ബാനര്‍ജി പറഞ്ഞു.

Modi ji please don’t mind. If secret voting’s done, your own party won’t vote for you, not even your family: @MamataOfficial#demonetisation pic.twitter.com/ZOJrduYtu4

— NDTV (@ndtv) November 17, 2016

‘പ്രധാനമന്ത്രി ഭരണഘടനാ നിയമങ്ങള്‍ ലംഘിച്ചിരിക്കുകയാണ്. നോട്ട് പിന്‍വലിക്കുന്നതിനു മുമ്പ് കൃത്യമായ പദ്ധതി തയാറാക്കാതിരുന്നത് എന്തുകൊണ്ടാണ്? സാധാരണക്കാരാണ് ഇതുകൊണ്ട് ഏറ്റവുമധികം ബുദ്ധിമുട്ടുന്നത്. ഞങ്ങള്‍ മൂന്നു ദിവസം നല്‍കുകയാണ്. അതിനുള്ളില്‍ എല്ലാ പ്രശ്‌നങ്ങളും പരിഹരിച്ചില്ലെങ്കില്‍ നിങ്ങളെ വെറുതെ വിടുകയില്ല.’ മമത പറഞ്ഞു.

ഇരുനേതാക്കളും ഒരുമിച്ച് റിസര്‍വ് ബാങ്ക് ആസ്ഥാനം സന്ദര്‍ശിക്കുകയും പുതിയ നോട്ടുകളുടെ അച്ചടിയിലെ പുരോഗതി ആരായുകയും ചെയ്തു. ബി.ജെ.പിയുടെ സഖ്യകക്ഷിയായ ശിവസേനയുമായി പ്രതിഷേധ പരിപാടിയില്‍ സഹകരിക്കേണ്ടതില്ലെന്നാണ് ആം ആദ്മി പാര്‍ട്ടിയുടെയും തൃണമൂലിന്റെയും തീരുമാനം.

നോട്ട് വിഷയത്തില്‍ പ്രതിപക്ഷ പാര്‍ട്ടികളുടെ പ്രതിഷേധത്തെ തുടര്‍ന്ന് ലോക്‌സഭയും രാജ്യസഭയും നാളത്തേക്ക് പിരിഞ്ഞു. പ്രധാനമന്ത്രി നരേന്ദ്ര മോദി സഭയോട് സംസാരിക്കണമെന്ന് പ്രതിപക്ഷം രാജ്യസഭയില്‍ ആവശ്യപ്പെട്ടെങ്കിലും സര്‍ക്കാര്‍ വഴങ്ങിയില്ല. നിലവിലെ തീരുമാനത്തില്‍ നിന്ന് പിന്നോട്ടില്ലെന്ന് ധനമന്ത്രി അരുണ്‍ ജെയ്റ്റ്‌ലി പറഞ്ഞു. പ്രശ്‌നം പരിശോധിക്കാന്‍ സംയുക്ത പാര്‍ലമെന്ററി കമ്മിറ്റി വേണമെന്ന ആവശ്യവും ജെയ്റ്റ്‌ലി തള്ളി.

കള്ളപ്പണത്തിന്റെ പേരില്‍ രാജ്യത്തെ നിരപരാധികളായ ജനങ്ങള്‍ പൊരിവെയിലത്തു നില്‍ക്കുമ്പോള്‍ ദുബൈയിലെ ഡൗണ്‍ടൗണില്‍ ആഢംബര സുഖവാസത്തിലാണ് മോയിന്‍. മുന്‍ സി.ബി.ഐ ഡയറക്ടര്‍മാരായ എ.പി സിങ്, രഞ്ജിത് സിന്‍ഹ എന്നിവരുടെ സഹായം ഇയാള്‍ക്ക് ലഭിച്ചിട്ടുണ്ടെന്ന് വാര്‍ത്ത പുറത്തുവിട്ട മില്ലേനിയം പോസ്റ്റ് പറയുന്നു.

ഹവാല രാജാവിന് ഉന്നതങ്ങളില്‍ നിന്ന് സഹായം

500, 1000 കറന്‍സികള്‍ പിന്‍വലിക്കുന്ന കാര്യം പ്രധാനമന്ത്രി നരേന്ദ്ര മോദി പ്രഖ്യാപിക്കുന്നതിന് 23 ദിവസം മുമ്പാണ് മോയിന്‍ ഖുറേഷി ദുബൈയിലേക്ക് പറന്നത്. ലുക്കൗട്ട് നോട്ടീസില്‍ പേര് കണ്ടതിനെ തുടര്‍ന്ന് ഇമിഗ്രേഷന്‍ ഉദ്യോഗസ്ഥര്‍ ഇയാളെ വിമാനത്താവളത്തില്‍ തടഞ്ഞുവെച്ചിരുന്നു. എന്നാല്‍, എന്‍ഫോഴ്‌സ്‌മെന്റ് ഉദ്യോഗസ്ഥര്‍ സ്ഥലത്തെത്തുംമുമ്പ് ‘ഉന്നതങ്ങളില്‍ നിന്ന്’ വിളി വന്നതിനെ തുടര്‍ന്ന് ഇമിഗ്രേഷന്‍ ഉദ്യോഗസ്ഥര്‍ ഖുറേഷിയെ വിട്ടയക്കുകയായിരുന്നു. ആഭ്യന്തര മന്ത്രാലയത്തിലെ ഉന്നത ഉദ്യോഗസ്ഥര്‍ക്കും രാഷ്ട്രീയക്കാര്‍ക്കും ഇതില്‍ പങ്കുണ്ടെന്നാണ് സൂചന.

മോയിന്‍ ഖുറേഷി രക്ഷപ്പെട്ട സംഭവത്തില്‍ മുന്‍ ഡയറക്ടര്‍മാരായ എ.പി സിങിനും രഞ്ജിത് സിന്‍ഹക്കുമെതിരെ കേസെടുത്ത് അന്വേഷണം നടത്തണമെന്നാവശ്യപ്പെട്ട് എന്‍ഫോഴ്‌സ്‌മെന്റ് സി.ബി.ഐ ഡയറക്ടര്‍ അനില്‍ സിന്‍ഹക്ക് കത്തയച്ചിട്ടുണ്ട്. എന്നാല്‍, പ്രാഥമിക അന്വേഷണത്തിനപ്പുറം ഒന്നും നടന്നിട്ടില്ലെന്നാണ് സൂചന.

ഖുറേഷി മറ്റൊരു മല്യ, വിദേശത്ത് ആഢംബര ജീവിതം

ഇന്ത്യന്‍ ജനതയെയും അധികൃതരെയും നോക്കുകുത്തിയാക്കി വിദേശത്തേക്ക് പറന്ന വിജയ് മല്ല്യയുടേതിന് സമാനമാണ് ഖുറേഷിയുടെയും വിദേശ സുഖവാസം. ലോകപ്രശസ്ത ഡിസൈനര്‍ ജോണ്‍ ഗലിയാനോ ഡിസൈന്‍ ചെയ്ത 70 ലക്ഷത്തിന്റെ വെഡ്ഡിങ് ഗൗണ്‍ അണിഞ്ഞ് ഖുറേഷിയുടെ മകള്‍ വാര്‍ത്തകളില്‍ ഇടംനേടിയിരുന്നു. ഡല്‍ഹിയിലെ പോഷ് ഏരിയയില്‍ ഇയാള്‍ക്ക് സ്വന്തമായി ബംഗ്ലാവുണ്ട്. ഫ്രഞ്ച് ഇന്റീരിയര്‍ ഡെക്കറേറ്റര്‍ ജീന്‍ ലൂയിസ് ദിന്യൂ ആണ് ഈ ബംഗ്ലാവ് ഒരുക്കിയത്. മുന്‍ സി.ബി.ഐ ഡയറക്രടര്‍ എ.പി. സിങിന്റെ മകള്‍ രാഗിണി ബ്രാര്‍, ജീന്‍ ലൂയിസ് ദിന്യൂവിന്റെ കമ്പനിയില്‍ ജോലി ചെയ്തിരുന്നു.

മോയിന്‍ ഖുറേഷിയുടെ മകള്‍ പെര്‍ണിയ ഖുറേഷി ബോളിവുഡ് നടി സോനം കപൂറിനൊപ്പം

ദുബൈയില്‍ റസിഡന്‍സ് പെര്‍മിറ്റ് ഉള്ള മോയിന്‍ ഖുറേഷിയുടെ ഭാര്യ നസ്‌റീന്‍ പാക് പൗരയാണ്. രണ്ട് പെണ്‍മക്കള്‍ക്ക് അമേരിക്കന്‍ പൗരത്വമുണ്ട്. എമിറേറ്റ്‌സ് ബാങ്ക്, ദുബൈ ആന്റ് അബുദാബി കമേഴ്‌സ്യല്‍ ബാങ്ക് എന്നിവിടങ്ങളില്‍ മോയിന്‍ ഖുറേഷിക്ക് അക്കൗണ്ടുകളുണ്ട്. ഹോങ്കോങിലും അമേരിക്കയിലുമടക്കം ലോകത്തിന്റെ വിവിധ ഭാഗങ്ങളില്‍ ഖുറേഷിക്ക് സ്വത്തുവകകള്‍ ഉണ്ട്.

ദുബൈയില്‍ നിന്നാണ് മോയിന്‍ ഖുറേഷി ഹവാല നെറ്റ്‌വര്‍ക്കിന്റെ ചരടുവലിക്കുന്നതെന്ന് ആദായ നികുതി വകുപ്പ് വ്യക്തമാക്കുന്നു. ഹോങ്കോങിലും ഇയാള്‍ക്ക് ബിസിനസുണ്ട്. മകള്‍ പെര്‍നിയ ഖുറേഷിയുടെ വിവാഹച്ചടങ്ങില്‍ പാടാന്‍ പാക് ഗായകന്‍ റാഹത് ഫത്തേ അലി ഖാന് 25 ലക്ഷം രൂപയാണ് ഖുറേഷി പ്രതിഫലം നല്‍കിയത്.

അധികസമയം ജോലി ചെയ്യേണ്ടി വരുന്നതിനാല്‍ ബാങ്ക് ശാഖകളിലെ ഓഫീസര്‍മാരും ജീവനക്കാരും വന്‍ സമ്മര്‍ദ്ദമാണ് നേരിടുന്നത്. മുന്നറിയിപ്പും പകരം സംവിധാനവുമില്ലാതെ കറന്‍സി പിന്‍വലിച്ചത് ബാങ്കുകളുമായി ബന്ധപ്പെട്ട കാര്യങ്ങള്‍ അലങ്കോലമാക്കി. ഇപ്പോള്‍ ഏറ്റവുമധികം ആവശ്യക്കാരുള്ള 100 രൂപാ നോട്ടുകള്‍ക്ക് വന്‍ ക്ഷാമമാണ് അനുഭവപ്പെടുന്നത്. കേന്ദ്ര സര്‍ക്കാറും റിസര്‍വ് ബാങ്കും ഇക്കാര്യം തിരിച്ചറിയുകയും പ്രശ്‌ന പരിഹാരത്തിന് മുന്നിട്ടിറങ്ങുകയും വേണം – കത്തില്‍ പറയുന്നു.

2015-16 സാമ്പത്തിക വര്‍ഷത്തില്‍ 100 രൂപാ നോട്ടുകള്‍ 535 എണ്ണമാണ് ആവശ്യമായി വന്നിരുന്നത്. എന്നാല്‍ 490 കോടി എണ്ണം മാത്രമേ എത്തിയിരുന്നുള്ളൂ. പുതിയ 500 രൂപാ നോട്ട് ലഭ്യമാക്കാതെ പഴയ നോട്ട് പിന്‍വലിച്ചതിനു പിന്നിലെ യുക്തി മനസ്സിലാവുന്നില്ല – കത്തില്‍ ചൂണ്ടിക്കാട്ടുന്നു.

റിസര്‍വ് ബാങ്ക് ആവശ്യമായ നോട്ടുകള്‍ വിതരണം ചെയ്യുന്നുണ്ടെന്ന് ബാങ്കുകളുടെ സംഘടന ഉറപ്പുവരുത്തണമെന്നും ജീവനക്കാരുടെയും ഉപഭോക്താക്കളുടെയും സമ്മര്‍ദ്ദം കുറക്കണമെന്നും കത്തില്‍ ആവശ്യപ്പെടുന്നു.

താന്‍ പിതാവിനൊപ്പം വെല്ലൂര്‍ മെഡിക്കല്‍ കോളേജില്‍ ആണെന്നും പണമില്ലാത്തതിനാല്‍ ആളുകള്‍ക്ക് ഭക്ഷണം പോലും കഴിക്കാന്‍ ആകുന്നില്ലെന്നും ഹവ്വ വൈറലായ വീഡിയോയില്‍ പറഞ്ഞിരുന്നു. 500, 1000 നോട്ടുകള്‍ പിന്‍വലിക്കുമ്പോള്‍ മോദി കോമണ്‍ സെന്‍സ് ഉപയോഗിക്കണമായിരുന്നുവെന്നും ഹവ്വ പറയുന്നു. ലക്ഷക്കണക്കിന് ആളുകളാണ് ഫേസ്ബുക്കിലും വാട്‌സാപ്പിലും മറ്റുമായി വീഡിയോ കണ്ടത്.

പൊലീസ് അന്വേഷണം നേരിടുന്ന കള്ളപ്പണക്കാരന്റെ മകളാണെന്നും മലപ്പുറത്തെ എസ്.ഡി.പി.ഐക്കാരന്റെ മകളാണെന്നും മറ്റുമാണ് ഹവ്വക്കെതിരെ മോദി അനുകൂലികള്‍ പ്രചരണം നടത്തിയിരുന്നത്. തീരെ മോശം ഭാഷയിലുള്ള പ്രതികരണങ്ങളും പല ഭാഗങ്ങളില്‍ നിന്നുണ്ടായി. എന്നാല്‍, സംസാര ശൈലിയില്‍ നിന്നു തന്നെ ഹവ്വ മലപ്പുറത്തുകാരിയല്ലെന്ന് നേരത്തെ തന്നെ വ്യക്തമായിരുന്നു.

അതിനിടെ, മോദിയെ അനുകൂലിച്ച് കൊച്ചു പെണ്‍കുട്ടിയെക്കൊണ്ട് പറയിക്കുന്ന വീഡിയോയും വൈറലായി. ‘മോദി ബുദ്ധിമാനാണ്, വേറെ പലരും മണ്ടന്‍മാരാണ്’ എന്നു പറഞ്ഞ ശേഷം ‘ഇത്രേം മതിയോ അച്ഛാ? ഇത് വൈറലാകുമോ?’ എന്ന് കുട്ടി ചോദിക്കുന്നതാണ് വീഡിയോയില്‍.

പുതിയ തീരുമാനത്തിന്റെ പിന്നിലും അത് നടപ്പില്‍ വരുത്തുന്നതും സര്‍ക്കാറിന് പിഴച്ചു. സാധരണക്കാര്‍ക്ക് വന്‍ പ്രതിസന്ധിയാണ് ഇപ്പോള്‍ വന്ന് പെട്ടിരിക്കുന്നതെന്നും അദ്ദേഹം പറഞ്ഞു. കഴിഞ്ഞ ജനുവരിയില്‍ എന്തുകൊണ്ടാണ് ബാങ്കുകളില്‍ കൂടുതല്‍ നിക്ഷേപം നടന്നത്, മൂന്നുമാസത്തിനിടെ കോടിക്കണക്കിന് രൂപയുടെ ഇടപാടാണ് ബാങ്കുകളിലൂടെ നടന്നത് ഇത് സംശയതത്തിനിടയാക്കുന്നു. കള്ളപ്പണക്കാര്‍ക്ക് സര്‍ക്കാറിന്റെ നടപടിയെക്കുറിച്ച് മുന്‍കൂറായി വിവരം ലഭിച്ചുവെന്നാണ് ഇക്കാര്യം വ്യക്തമാക്കുന്നതെന്നും കെജരിവാള്‍ ആരോപിച്ചു. സര്‍ക്കാര്‍ തീരുമാനം പിന്‍വലിക്കണമെന്നും അദ്ദേഹം ആവശ്യപ്പെട്ടു.