അതേസമയം വിദേശികളല്ലാത്തവര്‍ ഇനി പഴയ നോട്ടുകള്‍ നിക്ഷേപിക്കുമ്പോള്‍ പ്രത്യേക സത്യവാങ്മൂലം സമര്‍പ്പിക്കണം. ഇതിന്റെ മാതൃക റിസര്‍വ് ബാങ്ക് പുറത്തിറക്കും. സത്യവാങ്മൂലം വ്യാജമാണെന്ന് കണ്ടെത്തിയാല്‍ 50000 രൂപ പിഴ ചുമത്തുമെന്ന് വിജ്ഞാപനത്തില്‍ പറയുന്നു.

അഞ്ഞൂറിന്റെയും ആയിരത്തിന്റെയും നോട്ടുകള്‍ പിന്‍വലിച്ച് നവംബര്‍ എട്ടിനാണ് പ്രധാനമന്ത്രി നരേന്ദ്രമോദി പ്രഖ്യാപനം നടത്തിയത്. അസാധു നോട്ടുകളില്‍ 90 ശതമാനവും ബാങ്കുകളിലെത്തിയതായാണ് ആര്‍ബിഐ നല്‍കുന്ന വിവരം.

ഉത്തര്‍പ്രദേശ് തെരഞ്ഞെടുപ്പിനു മുമ്പായി 40 ഇടങ്ങളില്‍ നോട്ട് നിരോധനത്തിനെതിരായ റാലികള്‍ സംഘടിപ്പിക്കുമെന്നും രാഹുല്‍ ഗാന്ധി വ്യക്തമാക്കി.

‘നരേന്ദ്ര മോദി 99 ശതമാനം പാവപ്പെട്ട ജനങ്ങളുടെ രക്തം, അവരോട് ചോദിക്കുക പോലും ചെയ്യാതെ ചിന്തിയിരിക്കുകയാണ്. അഴിമതിക്കും കള്ളപ്പണത്തിനുമെതിരെ എന്ന പേരിലാണ് നവംബര്‍ എട്ടിന് പ്രധാനമന്ത്രി നോട്ട് നിരോധനം പ്രഖ്യാപിച്ചത്. എന്നാല്‍ അത് ബാധിച്ചത് സത്യസന്ധരായ കര്‍ഷകരെയും ദരിദ്രരെയുമാണ്. വലിയ ആളുകളുടെ കടം എഴുതിത്തള്ളുന്ന മോദി പാവപ്പെട്ട കര്‍ഷകരുടെ കടവും എഴുതിത്തള്ളണം’ – രാഹുല്‍ പറഞ്ഞു.

തന്റെ വേദിയില്‍ ‘നരേന്ദ്ര മോദി മുര്‍ദാബാദ്’ വിളിച്ച പ്രവര്‍ത്തകരെ രാഹുല്‍ ഗാന്ധി വിലക്കി. ‘മുര്‍ദാബാദ് ആര്‍.എസ്.എസ്സിന്റെ ആശയത്തോടു ചേര്‍ന്നതാണ്. കോണ്‍ഗ്രസിന്റെ രീതി രാഷ്ട്രീയമായി നേരിടുക എന്നതാണ്.’ അദ്ദേഹം പറഞ്ഞു.

നോട്ട് നിരോധനം കാരണം ജനങ്ങള്‍ നേരിട്ട പ്രയാസത്തിന് ആര് മറുപടി പറയുമെന്നും രാഹുല്‍ ചോദിച്ചു. കള്ളപ്പണത്തില്‍ ആറു ശതമാനം മാത്രമാണ് രാജ്യത്തുള്ളത്. സ്വിസ് ബാങ്കുകളില്‍ കള്ളപ്പണം നിക്ഷേപിച്ച ഇന്ത്യക്കാരുടെ പേരുവിവരങ്ങള്‍ എന്തുകൊണ്ടാണ് മോദി പുറത്തുവിടാത്തത്? ലണ്ടനില്‍ സുഖവാസം നയിക്കുന്ന ലളിത് മോദി, വിജയ് മല്യ തുടങ്ങിയവര്‍ക്കെതിരെ നടപടി കൈക്കൊള്ളാത്തതെന്താണ്? – രാഹുല്‍ ചോദിച്ചു.

പിന്‍വലിച്ച 500, 1000 നോട്ടുകള്‍ ബാങ്കുകളിലേക്ക് വലിയതോതില്‍ മടങ്ങിയെത്തുന്ന സാഹചര്യത്തിലാണ് സര്‍ക്കാരിന്റെ പുതിയ തീരുമാനം.

തമിഴ്‌നാട് സര്‍ക്കാറിന്റെ നിര്‍മാണ പ്രവര്‍ത്തനങ്ങളുടെ കരാറെടുത്ത എസ്. റെഡ്ഡി എന്നയാളുടെയാണ് ഈ പണവും സ്വര്‍ണവും എന്ന് ആദായ നികുതി ഉദ്യോഗസ്ഥര്‍ പറഞ്ഞു.

ഇന്റലിജന്‍സ് സൂചനകളെ തുടര്‍ന്ന് ചെന്നൈയിലെ വിവിധ സ്ഥലങ്ങളിലാണ് വ്യാഴാഴ്ച റെയ്ഡ് നടത്തിയത്. കെട്ടുകളായി സൂക്ഷിച്ചിരുന്ന 2000 നോട്ടുകളില്‍ ബാങ്കിങ് സ്ലിപ്പുകള്‍ ഉണ്ടായിരുന്നില്ല. ബാങ്ക് വഴിയും എ.ടി.എം വഴിയുമുള്ള പണവിതരണം നിയന്ത്രിതമായിട്ടും റെഡ്ഡിക്ക് ഇത്രയധികം പുതിയ നോട്ടുകള്‍ എവിടെ നിന്ന് ലഭിച്ചുവെന്ന് ആദായ നികുതി ഉദ്യോഗസ്ഥര്‍ അന്വേഷണം നടത്തിവരികയാണ്.

ദിവസങ്ങള്‍ മുമ്പ് ബാംഗ്ലൂരില്‍ നിന്ന് 5.7 കോടി രൂപയുടെ പുതിയ നോട്ടുകള്‍ ആദായ നികുതിവകുപ്പ് പിടിച്ചെടുത്തിരുന്നു.

കള്ളപ്പണക്കാര്‍ക്കെതിരായ യുദ്ധം എന്ന പേരില്‍ സത്യസന്ധരായ കോടിക്കണക്കിന് മനുഷ്യരുടെ ജീവിതം തകര്‍ക്കുകയാണ് സര്‍ക്കാര്‍ ചെയ്തതെന്നും അദ്ദേഹം സമര്‍ത്ഥിക്കുന്നു. നേരത്തെ രാജ്യസഭയില്‍ ഡോ. മന്‍മോഹന്‍ സിങ് നടത്തിയ നാലു മിനുട്ട് പ്രസംഗം സര്‍ക്കാറിനെ പ്രതിരോധത്തിലാക്കിയിരുന്നു.

ലേഖനത്തിലെ പ്രസക്ത ഭാഗങ്ങള്‍:

• എല്ലാ ക്യാഷും കള്ളപ്പണമാണെന്നും എല്ലാ കള്ളപ്പണവും ക്യാഷ് ആണന്നുമുള്ള തെറ്റായ ധാരണയാണ് നരേന്ദ്ര മോദി സര്‍ക്കാറിനുള്ളതെന്ന് 500, 1000 രൂപാ നോട്ടുകള്‍ പിന്‍വലിക്കുക വഴി വ്യക്തമായിരിക്കുന്നു.
• പൗരന്മാരുടെ അവകാശങ്ങളും ഉപജീവന മാര്‍ഗവും സംരക്ഷിക്കുക എന്നത് ജനാധിപത്യപരമായി തെരഞ്ഞെടുക്കപ്പെട്ട ഗവണ്‍മെന്റിന്റെ പ്രാഥമിക ചുമതലയാണ്. പണം പിന്‍വലിക്കലിലൂടെ ആ ചുമതലയെ പരിഹസിക്കുകയാണ്.
• കള്ളപ്പണം കൈയിലുള്ളവര്‍ക്ക് ഭൂമി, സ്വര്‍ണം, വിദേശ വിനിമയം തുടങ്ങി സമ്പത്തിന്റെ വിവിധ മേഖലകളില്‍ സ്വാധീനമുണ്ട്. പാവങ്ങളുടെ പണം കറന്‍സി മാത്രമാണ്.
• ഇന്ത്യയിലെ 90 ശതമാനം ജോലിക്കാരും തങ്ങളുടെ വേതനം ക്യാഷ് ആയിട്ടാണ് കൈപ്പറ്റുന്നത്. കള്ളപ്പണത്തെ തകര്‍ക്കാന്‍ എന്ന പേരിലുള്ള സര്‍ക്കാര്‍ നീക്കം പാവപ്പെട്ട കോടിക്കണക്കിന് മനുഷ്യരുടെ ജീവിതം അവതാളത്തിലാക്കി.
• വേതനം ക്യാഷില്‍ കൈപ്പറ്റുന്ന സത്യസന്ധരായ ഇന്ത്യക്കാര്‍ക്ക് കനത്ത പരിക്കാണ് മോദി വരുത്തിയിരിക്കുന്നത്. അതേസമയം, കള്ളപ്പണക്കാരെ തഴുകുക മാത്രമാണ് ചെയ്തത്. 2000 നോട്ട് അവതരിപ്പിക്കുക വഴി കള്ളപ്പണക്കാര്‍ക്ക് കൂടുതല്‍ സൗകര്യവും ചെയ്തു കൊടുത്തിരിക്കുന്നു.
• യുദ്ധസാഹചര്യങ്ങളില്‍ റേഷന്‍ വാങ്ങാന്‍ നില്‍ക്കുന്നതു പോലെയാണ് രാജ്യത്തെ കോടിക്കണക്കിന് മനുഷ്യര്‍ ഇപ്പോള്‍ വരി നില്‍ക്കുന്നത്.
• ഈ നയം സാമ്പത്തിക വ്യവസ്ഥയില്‍ പ്രതികൂലമായ ഫലങ്ങളാണുണ്ടാക്കുക. രാജ്യത്തെ വ്യാപാരം പലമടങ്ങായി കുറഞ്ഞിരിക്കുന്നു, വ്യാവസായി ഉല്‍പ്പന്നം കുറയുന്നു, ജോലികള്‍ നഷ്ടപ്പെടുന്നു.
• ഒറ്റ രാത്രികൊണ്ട് പണം അസാധുവാക്കലിലൂടെ ഉപഭോക്താക്കളുടെ വിശ്വാസവും സര്‍ക്കാര്‍ നഷ്ടപ്പെടുത്തിയിരിക്കുന്നു.
• കള്ളപ്പണം ഇല്ലാതാക്കാന്‍ നടപടികള്‍ കൈക്കൊള്ളുമ്പോള്‍, സത്യസന്ധരായ പൗരന്മാരെ അതെങ്ങനെ ബാധിക്കുമെന്നതടക്കമുള്ള കാര്യങ്ങള്‍ മനസ്സില്‍ കാണേണ്ടിയിരുന്നു.

ഡോ. മന്‍മോഹന്‍ സിങിന്റെ ലേഖനത്തിന്റെ പൂര്‍ണരൂപം ഇവിടെ.

Together, we must ensure #IndiaDefeatsBlackMoney. This will empower the poor, neo-middle class, middle class & benefit future generations.

— Narendra Modi (@narendramodi) December 8, 2016

ഇക്കണോമിസ്റ്റിന്റെ ഇന്ത്യന്‍ പ്രതിനിധി സ്റ്റാന്‍ലി പിഗ്നല്‍ ആണ് ട്വിറ്ററിലൂടെ, തനിക്ക് പ്രവേശനം നിഷേധിച്ച കാര്യം പുറത്തുവിട്ടത്. ‘ആശ്ചര്യം; ഇക്കണോസിറ്റിനെ ആര്‍.ബി.ഐയുടെ പത്രസമ്മേളനത്തിന് ക്ഷണിച്ചില്ല. എന്നെ അകത്തേക്കു കടത്തിവിടുന്നില്ല. സുതാര്യതക്ക് ദുഃഖകരമായ ദിനം’ എന്നാണ് പിഗ്നലിന്റെ ട്വീറ്റ്. ആര്‍.ബി.ഐ വക്താവിന്റെ ആവശ്യപ്രകാരമാണ് തന്നെ പുറത്തുനിര്‍ത്തിയതെന്നും റിസര്‍വ് ബാങ്ക് ഗവര്‍ണര്‍ ഊര്‍ജിത് പട്ടേല്‍ മാധ്യമങ്ങളോട് സംസാരിക്കാത്തതിനെ താന്‍ വിമര്‍ശിച്ചതാവാം കാരണമെന്നും അദ്ദേഹം സൂചിപ്പിച്ചു.

Amazing stuff: @theeconomist us no longer invited to RBI policy meeting press conferences. Won’t let me in. Sad day for transparency.

— Stanley Pignal (@spignal) December 7, 2016

RBI spokeswoman says decision to exclude me has nothing to do with @TheEconomist (critical) coverage of demonetisation.

— Stanley Pignal (@spignal) December 7, 2016

RBI spokeswoman says decision to exclude me has nothing to do with @TheEconomist (critical) coverage of demonetisation.

— Stanley Pignal (@spignal) December 7, 2016

ലോകത്തെ മുന്‍നിര ധനകാര്യ, വാണിജ്യ ജേണല്‍ ആയ ‘ദി ഇക്കണോമിസ്റ്റ്’ മോദിയുടെ നയങ്ങളെ ശക്തമായി വിമര്‍ശിച്ച് രണ്ട് ലേഖനങ്ങള്‍ പ്രസിദ്ധീകരിച്ചിരുന്നു. മോദി സര്‍ക്കാര്‍ ഏറെ കൊട്ടിഘോഷിച്ച പദ്ധതിയെ ബ്രിട്ടനില്‍ നിന്ന് പുറത്തിറങ്ങുന്ന ഇക്കണോമിസ്റ്റ് വസ്തുതകളുടെ വെളിച്ചത്തില്‍ വിമര്‍ശിച്ചത് വലിയ വാര്‍ത്തയാവുകയും ചെയ്തു.

തങ്ങളുടെ ലേഖകര്‍ക്കും ആര്‍.ബി.ഐ പ്രവേശനം നിഷേധിച്ചെന്ന് ബി.ബി.സി കുറ്റപ്പെടുത്തി. കേന്ദ്ര നയത്തെ വിമര്‍ശിച്ചു കൊണ്ടുള്ള റിപ്പോര്‍ട്ടുകള്‍ ബി.ബി.സിയും പ്രസിദ്ധീകരിച്ചിരുന്നു. സര്‍ക്കാര്‍ നയങ്ങളെ വിമര്‍ശിച്ച ചില ദേശീയ മാധ്യമങ്ങളെയും ആര്‍.ബി.ഐ പത്രസമ്മേളനത്തിലേക്ക് ക്ഷണിച്ചിരുന്നില്ല.