a.k antony – Chandrika Daily

ആര്‍.എസ്.എസിന് അടിത്തറയൊരുക്കുകയാണ് പിണറായി ചെയ്യുന്നതെന്ന് എ.കെ ആന്റണി

ചന്ദ്രിക വെബ് ഡെസ്‌ക്‌ — Mon, 26 Nov 2018 11:09:28 +0000

തിരുവനന്തപുരം: ശബരിമല വിഷയത്തിലൂടെ ആര്‍.എസ്.എസിനും ബി.ജെ.പിക്കും കേരളത്തില്‍ അടിത്തറയുണ്ടാക്കി കൊടുക്കുന്നത് മുഖ്യമന്ത്രി പിണറായി വിജയനാണെന്ന് എ.കെ ആന്റണി. ശബരിമലയില്‍ അനാവശ്യ നിയന്ത്രണങ്ങളും 144ഉം ഏര്‍പ്പെടുത്തിയതിലൂടെ ആര്‍.എസ്.എസിന് വളരാന്‍ ഇടം നല്‍കി. സമാധാനപ്രിയരായ കേരളത്തിലെ ജനങ്ങള്‍ ഇതെല്ലാം കാണുന്നുണ്ടെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.

പിണറായിയെക്കാളും മുന്നേ രാഷ്ട്രീയപ്രവര്‍ത്തനം തുടങ്ങിയ ആളാണ് താന്‍. തനിക്കൊന്നും മറക്കാനില്ല. നിലപാട് എന്നും തുറന്നു പറഞ്ഞിട്ടുണ്ട്. കേരളത്തില്‍ ആര്‍.എസ്.എസ് വളരണം എന്നാഗ്രഹിക്കുന്ന ഒരേയൊരു പാര്‍ട്ടി സി.പി.എമ്മാണ്. ശബരിമല സംഘര്‍ഷ ഭൂമിയാക്കിയതില്‍ ഒന്നാംപ്രതി മുഖ്യമന്ത്രി. ആര്‍.എസ്.എസും ബി.ജെ.പിയും കൂട്ടുപ്രതികളാണ്. കോണ്‍ഗ്രസ് നിലപാടായിരുന്നു ശരിയെന്ന് കാലം തെളിയിക്കുമെന്നും ആന്റണി പറഞ്ഞു.

ദൈവത്തിന്റെ സ്വന്തം നാടെന്ന് ഇനി പറയരുത്: എ.കെ ആന്റണി

chandrika — Sun, 05 Mar 2017 05:01:06 +0000

തിരുവനന്തപുരം: കേരളത്തെ ദൈവത്തിന്റെ സ്വന്തം നാടെന്ന് ഇനി വിശേഷിപ്പിക്കരുതെന്ന് മുന്‍ കേന്ദ്രമന്ത്രിയും മുതിര്‍ന്ന കോണ്‍ഗ്രസ് നേതാവുമായ എ.കെ ആന്റണി. സംസ്ഥാനത്ത് സ്ത്രീപീഡനങ്ങള്‍ വര്‍ധിച്ചുവരുന്ന സാഹചര്യത്തിലാണ് ആന്റണിയുടെ പ്രതികരണം. സ്ത്രീകള്‍ക്കു നേരെയുള്ള ലൈംഗിക അതിക്രമങ്ങള്‍ തികച്ചും ലജ്ജാകരമാണ്. ഇത്തരം ആക്രമണങ്ങള്‍ തടയാന്‍ ശാശ്വത നടപടിയുണ്ടാകുന്നതുവരെ ദൈവത്തിന്റെ സ്വന്തം നാട് എന്ന പേര് കേരളത്തിന് യോജിക്കില്ല. അതിനാല്‍ കേരളത്തെ ഇനി അത്തരത്തില്‍ വിശേഷിപ്പിക്കരുതെന്നും അദ്ദേഹം പറഞ്ഞു. യുവനടി ആക്രമിക്കപ്പെട്ടതിന്റെയും കൊട്ടിയൂരില്‍ വൈദികന്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ സംഭവത്തിന്റെയും പശ്ചാത്തലത്തിലാണ് ആന്റണിയുടെ പ്രതികരണം. കൊട്ടിയൂര്‍ പീഡനം ഹീനമായ പ്രവൃത്തിയാണ്. വൈദികന്റേത് മാപ്പ് അര്‍ഹിക്കാത്ത കുറ്റമാണെന്നും ആന്റണി പറഞ്ഞു.