സംഘടന തെരഞ്ഞെടുപ്പ് ഒഴിവാക്കി ചാണ്ടിയെ അധ്യക്ഷനാക്കുന്നത് ശരിയായ നടപടിയല്ലെന്നാണ് ശശീന്ദ്രന്‍ പക്ഷം പറയുന്നത്. പാര്‍ട്ടിയില്‍ ശശീന്ദ്രന്‍ വിഭാഗത്തിനുള്ള ആധിപത്യത്തെ അവഗണിച്ചാണ് സംസ്ഥാന അധ്യക്ഷ പദവിയിലേക്ക് തോമസ് ചാണ്ടിയെ ദേശീയ നേതൃത്വം കൊണ്ടുവരുന്നത്.

മന്ത്രി ശശീന്ദ്രന്‍ നല്‍കിയ പേരുകള്‍ സംസ്ഥാന അധ്യക്ഷനാകാന്‍ ഉതുകുന്നതല്ലെന്ന നിലപാടിലാണ് ശരത് പവാര്‍. നോമിനേഷനു പകരം സംസ്ഥാനസമിതി വിളിച്ചുകൂട്ടി തീരുമാനം എടുക്കണമന്ന നിര്‍ദേശമാണ് ദേശീയ നേതൃത്വം മുന്നോട്ടുവെക്കുന്നത്.

തിരുവനന്തപുരം സിജെഎം കോടതിയിലെ കേസ് റദ്ദാക്കാന്‍ നല്‍കിയ ഹര്‍ജിയാണ് പിന്‍വലിച്ചത്. കേസ് ഒത്തുതീര്‍പ്പാക്കിയെന്നും തുടരേണ്ടതില്ലെന്നായിരുന്നു ഹര്‍ജിയിലെ ആവശ്യം. കോടതി നടപടികള്‍ നിര്‍ത്തിവെക്കണന്നായിരുന്നു നേരത്തെ മംഗളം ചാനലിലെ മാധ്യമപ്രവര്‍ത്തക കൂടിയായ പരാതിക്കാരിയുടെ ആവശ്യം.

അതേസമയം ഹര്‍ജി പിന്‍വലിച്ചതിനെ സംബന്ധിച്ച് അറിയില്ലെന്ന് എകെ ശശീന്ദ്രന്‍ പ്രതികരിച്ചു. മന്ത്രി സ്ഥാനവും ഹരജി പിന്‍വലിക്കലും തമ്മില്‍ ബന്ധമില്ലെന്നും ശശീന്ദ്രന്‍ പറഞ്ഞു.

നിയമസഭയില്‍ രണ്ട് എം.എല്‍.എമാര്‍ മാത്രമുള്ള എന്‍.സി.പിക്ക് തോമസ് ചാണ്ടിയെ മന്ത്രിയാക്കലെല്ലാതെ നിലവില്‍ മറ്റൊരു മാര്‍ഗമില്ല. എകെ ശശീന്ദ്രന്‍ ഫോണ്‍വിളി വിവാദത്തില്‍ കുരുങ്ങി രാജിവെച്ചതോചെ കാര്യങ്ങള്‍ തോമസ് ചാണ്ടിക്ക് അനുകൂലമായി മാറുകയായിരുന്നു.

പാര്‍ട്ടി സംസ്ഥാന അധ്യക്ഷന്‍ ഉഴവൂര്‍ വിജയന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനമായത്. പാര്‍ട്ടിക്ക് മന്ത്രിവേണം എന്ന ആവശ്യത്തെ പിന്തുണച്ച മുന്‍ മന്ത്രി എ.കെ ശശീന്ദ്രനാണ് തോമസ് ചാണ്ടിയുടെ പേര് മുന്നോട്ടുവച്ചതെന്ന് ഉഴവൂര്‍ വിജയന്‍ പറഞ്ഞു. യോഗത്തില്‍ എ.കെ ശശീന്ദ്രനും തോമസ് ചാണ്ടിയും പങ്കെടുത്തു.
അതേസമയം തോമസ് ചാണ്ടിയെ മന്ത്രിയാക്കുന്നതില്‍ സി.പി.എമ്മില്‍ ഭിന്നതയുള്ളതായി റിപ്പോര്‍ട്ട്. ഗോവയില്‍ എന്‍സിപി ബി.ജെ.പി സര്‍ക്കാരിനെ പിന്തുണക്കുന്നത് നേരത്തെ സിപിഎമ്മില്‍ അസ്വാരസ്യമുണ്ടാക്കുന്ന പ്രശനമാണ്. എന്‍സിപിയില്‍ നിന്നും വീണ്ടും മന്ത്രി പ്രതിപക്ഷം ആയുധമാക്കാനുള്ള സാധ്യതയാണ് സി.പി.എം മുന്നില്‍ കാണുന്നത്. അതേസമയം വിഷയത്തില്‍ ഗോവയിലെ എന്‍.സി.പി പ്രതിനിധിയായ ചര്‍ച്ചില്‍ അലിമാവോയോട് വിശദീകരണം ചോദിച്ചതായി എന്‍.സി.പി നേതൃത്വം അറിയിച്ചു.

മന്ത്രിസ്ഥാനത്തിന് അവകാശവാദം ഉന്നയിച്ച് ചൊവ്വാഴ്ച രാവിലെയാണ് തോമസ് ചാണ്ടി എം.എല്‍.എ തിരുവനന്തപുരത്ത് വിമാനമിറങ്ങിയത്. മന്ത്രിയാകാന്‍ പ്രാപ്തിയുള്ളവര്‍ പാര്‍ട്ടിയിലുണ്ടെന്ന് അദ്ദേഹം വിമാനത്താവളത്തില്‍ വച്ച് മാധ്യമങ്ങളോട് പറയുകയും ചെയ്തു.
ശശീന്ദ്രനായിരിക്കും പുതിയ പാര്‍ലമെന്ററി പാര്‍ട്ടി നേതാവ്.താന്‍ മന്ത്രിയാകുന്നതിനോട് മുഖ്യമന്ത്രിക്ക് എതിര്‍പ്പില്ലെന്നും, ശശീന്ദ്രന്‍ കുറ്റമുക്തനായാല്‍ ആ നിമിഷം മാറിക്കൊടുക്കുമെന്നും തിരുവനന്തപുരത്ത് തോമസ് ചാണ്ടി പറഞ്ഞു.

അതേ സമയം ശശീന്ദ്രനെതിരായ ആരോപണം അന്വേഷിക്കാന്‍ സര്‍ക്കാര്‍ തീരുമാനിച്ചു. മുഖ്യമന്ത്രി പിണറായി വിജയനും ഡി.ജി.പി ലോക്‌നാഥ് ബെഹ്‌റയും തമ്മില്‍ നടത്തിയ കൂടിക്കാഴ്ചയിലാണ് അന്വഷണത്തിന് തീരുമാനമായത്. അഭ്യന്തര അഡീഷണല്‍ ചീഫ് സെക്രട്ടറിയും കൂടിക്കാഴ്ചയില്‍ പങ്കെടുത്തു. യോഗതീരുമാനങ്ങളും തുടര്‍നടപടികളും വിശദീകരിച്ച് മുഖ്യമന്ത്രി 12.30ന് മാധ്യമങ്ങളെ കാണും. അന്വേഷണ സംഘത്തെ തീരുമാനിച്ചിട്ടെല്ലെന്നാണറിയുന്നത്.

ഞായറാഴ്ച ഒരു സ്വകാര്യ ചാനലാണ് ശശീന്ദ്രന്റെ രാജിയില്‍ കലാശിച്ച വാര്‍ത്ത പുറത്തുവിട്ടത്. അജ്ഞാതയായ സ്ത്രീയോട് ലൈംഗിക ചുവയുളള പുരുഷശബ്ദമാണ് പുറത്തുവിട്ട ഫോണ്‍സംഭാഷണത്തിലുള്ളത്. പരാതിക്കാരായി ആരും നിലവിലില്ലാത്തതിനാല്‍ അന്വേഷണം എങ്ങനെയായിരിക്കണമെന്നതെല്ലാം കൂടിക്കാഴ്ചയില്‍ ചര്‍ച്ച ചെയ്തതായറിയുന്നു.

എന്നാല്‍ ഓഡിയോ ക്ലിപ്പിന്റെ ആധികാരികതയെക്കുറിച്ച് കൂടുതല്‍ വ്യക്തമല്ല. സംഭവത്തെ എതിര്‍ത്തും അനുകൂലിച്ചും സോഷ്യല്‍മീഡിയയില്‍ പ്രതികരണങ്ങളെത്തിയിട്ടുണ്ട്. സംഭവം ഗൗരവകരമായി കാണുന്നുവെന്ന് മുഖ്യമന്ത്രി പറഞ്ഞു.