Aadhaar card – Chandrika Daily https://www.chandrikadaily.com Fri, 10 Oct 2025 12:48:15 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg Aadhaar card – Chandrika Daily https://www.chandrikadaily.com 32 32 ആധാര്‍: 17 വയസുവരെ ബയോമെട്രിക് പുതുക്കല്‍ ഇനി സൗജന്യം https://www.chandrikadaily.com/aadhaar-biometric-renewal-now-free-for-those-up-to-17-years-of-age.html https://www.chandrikadaily.com/aadhaar-biometric-renewal-now-free-for-those-up-to-17-years-of-age.html#respond Fri, 10 Oct 2025 12:47:38 +0000 https://www.chandrikadaily.com/?p=357791 തിരുവനന്തപുരം: അഞ്ച് വയസു മുതല്‍ 17 വയസ്സുവരെയുള്ള കുട്ടികളുടെ നിര്‍ബന്ധിത ബയോമെട്രിക് പുതുക്കല്‍ സൗജന്യമാക്കി യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ(യു.ഐ.ഡി.എ.ഐ). നേരത്തെ 5 മുതല്‍ 7 വരെയും 15 മുതല്‍ 17 വയസുവരെയുള്ളവര്‍ക്കുമുള്ള നിര്‍ബന്ധിത പുതുക്കല്‍ മാത്രമാണ് സൗജന്യമായി ലഭിച്ചിരുന്നത്. എന്നാല്‍, പുതിയ നിര്‍ദ്ദേശമനുസരിച്ച് 7 വയസു മുതല്‍ 15 വയസുവരെയുള്ള കുട്ടികള്‍ക്കും ഒരു നിശ്ചിത കാലാവധിവരെ ഈ സൗജന്യ പുതുക്കല്‍ സൗകര്യം ലഭിക്കും.

നവജാത ശിശുക്കള്‍ക്ക് ജനന സര്‍ട്ടിഫിക്കറ്റ് ഉപയോഗിച്ച് ആധാറിന് എന്റോള്‍ ചെയ്യാം. 0-5 വയസ്സില്‍ ബയോമെട്രിക്‌സ് ശേഖരിക്കാത്തതിനാല്‍ കുട്ടികള്‍ക്ക് അഞ്ചാം വയസിലും 15-ാം വയസിലും ബയോമെട്രിക്‌സ് (വിരലടയാളം, കൃഷ്ണമണി രേഖ) നിര്‍ബന്ധമായും പുതുക്കേണ്ടതുണ്ട്. പുതുക്കല്‍ നടത്താത്ത ആധാര്‍ കാര്‍ഡുകള്‍ അസാധുവാകാന്‍ സാധ്യതയുള്ളതിനാല്‍, സ്‌കോളര്‍ഷിപ്പ്, റേഷന്‍ കാര്‍ഡ്, സ്‌കൂള്‍ അഡ്മിഷന്‍, നീറ്റ്, ജി.ഇ.ഇ തുടങ്ങിയ മത്സര പരീക്ഷകള്‍ക്ക് രജിസ്‌ട്രേഷന്‍ ചെയ്യുമ്പോള്‍ ഉണ്ടാകുന്ന ബുദ്ധിമുട്ടുകള്‍ ഒഴിവാക്കാന്‍ എല്ലാ കുട്ടികളും ഈ സൗജന്യ അവസരം പ്രയോജനപ്പെടുത്തണമെന്ന് സംസ്ഥാന ഐ.ടി. മിഷന്‍ ഡയറക്ടര്‍ അറിയിച്ചു.

കേരളത്തില്‍ ആധാറിന്റെ നോഡല്‍ ഏജന്‍സിയായി പ്രവര്‍ത്തിക്കുന്നത് ഐ.ടി. മിഷനാണ്. ആധാറുമായി ബന്ധപ്പെട്ട സംശയങ്ങള്‍ക്കും പരാതികള്‍ക്കും 1800-4251-1800 / 04712335523 (സിറ്റിസണ്‍ കോള്‍ സെന്റര്‍) അല്ലെങ്കില്‍ 0471-2525442 (സംസ്ഥാന ഐ.ടി. മിഷന്‍) എന്നീ നമ്പറുകളില്‍ ബന്ധപ്പെടാവുന്നതാണ്.

]]> https://www.chandrikadaily.com/aadhaar-biometric-renewal-now-free-for-those-up-to-17-years-of-age.html/feed 0 പുതിയ കാറിന്റെ റീല്‍ ചിത്രീകരണത്തിനായി ഹൈവേ തടഞ്ഞു; പോലീസിനെ രൂക്ഷമായി വിമര്‍ശിച്ച് ഛത്തീസ്ഗഢ് ഹൈക്കോടതി https://www.chandrikadaily.com/after-buying-the-car-the-highway-was-blocked-for-the-filming-of-the-reel-chhattisgarh-high-court-severely-criticized-the-police.html https://www.chandrikadaily.com/after-buying-the-car-the-highway-was-blocked-for-the-filming-of-the-reel-chhattisgarh-high-court-severely-criticized-the-police.html#respond Tue, 22 Jul 2025 05:52:52 +0000 https://www.chandrikadaily.com/?p=348158 പുതിയ കാര്‍ വാങ്ങിയതിനു പിന്നാലെ റീല്‍ ചിത്രീകരണത്തിനായി യുവാക്കള്‍ സംഘടിപ്പിച്ച ഫോട്ടോഷൂട്ടിനിടെ ദേശീയ പാത-130ല്‍ അനധികൃതമായി പാര്‍ക്ക് ചെയ്തിരുന്ന ആഡംബര കാറുകള്‍ കണ്ടുകെട്ടുന്നതില്‍ പരാജയപ്പെട്ടതിന് ഛത്തീസ്ഗഡ് ഹൈക്കോടതി ബിലാസ്പൂര്‍ പോലീസിനെ രൂക്ഷമായി ശാസിച്ചു.

ചീഫ് ജസ്റ്റിസ് രമേഷ് കുമാര്‍ സിന്‍ഹ, ജസ്റ്റിസ് ബിഡി ഗുരു എന്നിവരടങ്ങിയ ഡിവിഷന്‍ ബെഞ്ച്, പോലീസിന്റെ മൃദുവായ നടപടിയില്‍ ഗൗരവമായ ഉത്കണ്ഠ രേഖപ്പെടുത്തുകയും സംസ്ഥാന സര്‍ക്കാരിനോട് സത്യവാങ്മൂലത്തിന്റെ രൂപത്തില്‍ വിശദീകരണം ആവശ്യപ്പെടുകയും ചെയ്തു. ഒരു പ്രധാന ഹൈവേയില്‍ ഗതാഗതക്കുരുക്കുണ്ടാക്കുന്ന ഇത്തരം നഗ്‌നമായ നിയമലംഘനം ചെറിയ ശിക്ഷാ നടപടികളിലേക്ക് നയിച്ചത് എന്തുകൊണ്ടാണെന്ന് കോടതി ചോദിച്ചു.

ഹിരി, ചകര്‍ഭാത പോലീസ് സ്റ്റേഷന്‍ പരിധിയില്‍ നടന്ന സംഭവത്തില്‍ ബിലാസ്പൂര്‍-റായ്പൂര്‍ ദേശീയ പാതയ്ക്ക് കുറുകെ ആഡംബര കാറുകള്‍ പാര്‍ക്ക് ചെയ്തു, പ്രൊഫഷണല്‍ ക്യാമറാമാന്‍മാരും ഡ്രോണുകളും ഉയര്‍ന്ന നിലവാരമുള്ള വാഹനങ്ങളുടെ ഒരു കൂട്ടം പ്രദര്‍ശിപ്പിക്കുന്ന നിമിഷം ഇന്‍സ്റ്റാഗ്രാം റീലുകളില്‍ പകര്‍ത്തി.

പ്രധാന പ്രതികളിലൊരാളായ വേദാന്‍ഷ് ശര്‍മ്മ രണ്ട് പുതിയ വിലകൂടിയ കാറുകള്‍ വാങ്ങിയിരുന്നുവെന്നും കറുത്ത എസ്യുവികളുടെ ഒരു വാഹനവ്യൂഹം ഒപ്പമുണ്ടായിരുന്നുവെന്നും റിപ്പോര്‍ട്ടുണ്ട്. ദൃക്സാക്ഷികള്‍ പറയുന്നതനുസരിച്ച്, രാത്രിയില്‍ ഹൈവേ തടഞ്ഞു, ഇരുവശത്തും വാഹനങ്ങള്‍ ക്യൂ നിന്നു, എന്നാല്‍ സംഘം ക്യാമറയ്ക്ക് പോസ് ചെയ്തതിനാല്‍ ആരും ഇടപെടാന്‍ ധൈര്യപ്പെട്ടില്ല.

ആദ്യം ഇന്‍സ്റ്റാഗ്രാമില്‍ വേദാന്‍ഷ് അപ്ലോഡ് ചെയ്ത ഷൂട്ടിന്റെ വീഡിയോകള്‍ വൈറലായിരുന്നു. എന്നാല്‍ പൊതുജന രോഷത്തിന് പിന്നാലെ അക്കൗണ്ട് ഇല്ലാതാക്കി.

മോട്ടോര്‍ വെഹിക്കിള്‍ ആക്ട് സെക്ഷന്‍ 184 പ്രകാരം ബിലാസ്പൂര്‍ പോലീസ് ആദ്യം ചലാന്‍ പുറപ്പെടുവിക്കുകയും ഡ്രൈവര്‍മാരുടെ ലൈസന്‍സ് സസ്പെന്‍ഡ് ചെയ്യണമെന്ന് ആവശ്യപ്പെട്ട് റീജിയണല്‍ ട്രാന്‍സ്പോര്‍ട്ട് ഓഫീസിന് (ആര്‍ടിഒ) കത്തെഴുതുകയും ചെയ്തു. എന്നിരുന്നാലും, വാഹനങ്ങള്‍ ഉടന്‍ പിടിച്ചെടുക്കല്‍ നടത്തിയില്ല, ഉള്‍പ്പെട്ട സ്വാധീനമുള്ള വ്യക്തികള്‍ക്കെതിരെ നടപടിയെടുക്കുന്നതില്‍ പോലീസിന്റെ മടിയെക്കുറിച്ച് ഗുരുതരമായ ചോദ്യങ്ങള്‍ ഉയര്‍ന്നു.

എഫ്‌ഐആര്‍ രജിസ്റ്റര്‍ ചെയ്തിട്ടുണ്ടെന്നും വാഹനം പിടിച്ചെടുക്കാനുള്ള നടപടികള്‍ പുരോഗമിക്കുകയാണെന്നും ബിലാസ്പൂര്‍ എസ്എസ്പി രജനേഷ് സിംഗ് എന്‍ഡിടിവിയോട് പറഞ്ഞു. ‘ദേശീയപാത തടയുന്നത് ക്രിമിനല്‍ കുറ്റമാണ്. ഉള്‍പ്പെട്ട എല്ലാവര്‍ക്കും കര്‍ശനമായ നിയമ പ്രത്യാഘാതങ്ങള്‍ നേരിടേണ്ടിവരും,’ അദ്ദേഹം പറഞ്ഞു.

വീഡിയോ സമൂഹമാധ്യമങ്ങളില്‍ വ്യാപകമായി പ്രചരിക്കുകയും പൊതുതാല്‍പര്യ ഹര്‍ജിയായി കോടതിയുടെ ശ്രദ്ധയില്‍പ്പെടുത്തുകയും ചെയ്തതിനെ തുടര്‍ന്നാണ് ഹൈക്കോടതി സ്വമേധയാ കേസെടുത്തത്. മതിയായ നടപടി സ്വീകരിച്ചിട്ടുണ്ടോയെന്നും എന്തുകൊണ്ട് ഗൗരവതരമായ വകുപ്പുകള്‍ നേരത്തെ ചുമത്തിയില്ലെന്നും വ്യക്തമാക്കാന്‍ സംസ്ഥാന സര്‍ക്കാരിനോട് ബെഞ്ച് നിര്‍ദേശിച്ചിട്ടുണ്ട്.

]]> https://www.chandrikadaily.com/after-buying-the-car-the-highway-was-blocked-for-the-filming-of-the-reel-chhattisgarh-high-court-severely-criticized-the-police.html/feed 0 ‘ആധാറിന് അധികാരിയെത്തുന്നു’; യു.ഐ.ഡി.എ.ഐയുടെ പുതിയ സി.ഇ.ഒ ആയി ഭുവ്‌നേഷ് കുമാറിന് നിയമനം https://www.chandrikadaily.com/aadhaar-comes-to-power-bhuvanesh-kumar-appointed-as-new-ceo-of-uidai.html https://www.chandrikadaily.com/aadhaar-comes-to-power-bhuvanesh-kumar-appointed-as-new-ceo-of-uidai.html#respond Thu, 02 Jan 2025 06:45:23 +0000 https://www.chandrikadaily.com/?p=324470 ന്യൂഡല്‍ഹി: തിരിച്ചറിയല്‍ സംവിധാനമായ ആധാര്‍ നടപ്പിലാക്കുന്ന യുനീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയുടെ (യു.ഐ.ഡിഎ.ഐ) പുതിയ സി.ഇ.ഒ ആയി ഭുവ്‌നേഷ് കുമാറിന് ലിയമനം. മുന്‍ സി.ഇ.ഒ അമിത് അഗര്‍വാള്‍ ഫാര്‍മസ്യൂട്ടിക്കല്‍ വകുപ്പ് സെക്രട്ടറിയായി നിയമിതനായതിനാലാണ് ഭുവ്‌നേഷ് കുമാര്‍ സി.ഇ.ഒ എത്തുന്നത്.

ഇതിനു മുമ്പ് ഭുവ്‌നേഷ് കുമാര്‍ ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രാലയത്തിലെ അഡീഷണല്‍ സെക്രട്ടറിയും ഉത്തര്‍പ്രദേശ് കേഡറില്‍ നിന്നുള്ള 1995 ബാച്ച് ഐ.എ.എസ് ഉദ്യോഗസ്ഥനുമായിരുന്നു. അഡീഷണല്‍ സെക്രട്ടറി സ്ഥാനത്തിനൊടൊപ്പമാണ് ഭുവ്‌നേഷ് കുമാര്‍ യു.ഐ.ഡി.എ.ഐയുടെ സി.ഇ.ഒ പദവിയും വഹിക്കുന്നത്. ഉത്തര്‍പ്രദേശില്‍ മൃഗസംരക്ഷണം, ക്ഷീരവികസനം, മത്സ്യബന്ധനം എന്നീ വകുപ്പുകളില്‍ പ്രിന്‍സിപ്പല്‍ സെക്രട്ടറിയായും ഇദ്ദേഹം പ്രവര്‍ത്തിച്ചിട്ടുണ്ട്.

]]> https://www.chandrikadaily.com/aadhaar-comes-to-power-bhuvanesh-kumar-appointed-as-new-ceo-of-uidai.html/feed 0 റേഷന്‍ കാര്‍ഡ് ആധാറുമായി ബന്ധിപ്പിക്കല്‍: സമയപരിധി മൂന്ന് മാസം കൂടി നീട്ടി https://www.chandrikadaily.com/linking-ration-card-with-aadhaar-deadline-extended-by-three-months.html https://www.chandrikadaily.com/linking-ration-card-with-aadhaar-deadline-extended-by-three-months.html#respond Thu, 13 Jun 2024 11:51:24 +0000 https://www.chandrikadaily.com/?p=300114 ന്യൂഡല്‍ഹി: റേഷന്‍ കാര്‍ഡ് ആധാറുമായി ബന്ധിപ്പിക്കാനുള്ള സമയപരിധി നീട്ടി. സെപ്റ്റംബര്‍ 30 വരെയാണ് നീട്ടിയത്. ജൂണ്‍ 30ന് സമയപരിധി തീരാനിരിക്കേയാണ് നീട്ടിയത്.

കേരളത്തില്‍ ഭൂരിഭാഗം ഗുണഭോക്താക്കളും ആധാറും റേഷന്‍ കാര്‍ഡും തമ്മില്‍ ബന്ധിപ്പിച്ചിട്ടുണ്ട്. ബന്ധിപ്പിക്കാന്‍: bit.ly/rationaadhaarcivilsupplieskerala.gov.in ല്‍ കയറി സിറ്റിസണ്‍ ലോഗിന്‍ എന്ന ബട്ടണ്‍ ക്ലിക്ക് ചെയ്ത് ഓണ്‍ലൈനായി റേഷന്‍ കാര്‍ഡിനെ ആധാറുമായി ബന്ധിപ്പിക്കാവുന്നതാണ്.

ആധാറിന്റെ പകര്‍പ്പും റേഷന്‍കാര്‍ഡും കൂടി നല്‍കി അക്ഷയ സെന്ററുകള്‍ മുഖേനയും ലിങ്ക് ചെയ്യാവുന്നതാണ്. താലൂക്ക് സപ്ലൈ ഓഫീസിനും ഇതിനുള്ള സൗകര്യം ഒരുക്കിയിട്ടുണ്ട്. ഇ-പോസ് മെഷീനുകള്‍ മുഖേന റേഷന്‍കടകളിലും ആധാറുമായി ബന്ധിപ്പിക്കാവുന്നതാണ്.

]]> https://www.chandrikadaily.com/linking-ration-card-with-aadhaar-deadline-extended-by-three-months.html/feed 0 ആധാര്‍ വിവരങ്ങള്‍ സൗജന്യമായി അപ്‌ഡേറ്റ് ചെയ്യാന്‍ ഒരാഴ്ച കൂടി മാത്രം അവസരം https://www.chandrikadaily.com/only-one-more-week-to-update-aadhaar-details-for-free.html https://www.chandrikadaily.com/only-one-more-week-to-update-aadhaar-details-for-free.html#respond Thu, 06 Jun 2024 08:59:28 +0000 https://www.chandrikadaily.com/?p=299497 ന്യൂഡല്‍ഹി: സൗജന്യമായി ആധാർ കാർഡ് ജൂൺ 14 വരെ അപ്ഡേറ്റ് ചെയ്യാം. 10 വർഷം പഴക്കമുള്ള ആധാർ കാർഡുകൾ പുതുക്കേണ്ടതുണ്ട്. അക്ഷയ കേന്ദ്രങ്ങൾ വഴിയും ആധാർ കേന്ദ്രങ്ങൾ വഴിയും സേവനം ലഭ്യമാകുന്നതിന് 50 രൂപയാണ് ഫീസ് നൽകേണ്ടത്. myaadhaar.uidai.gov.in വഴി ആധാർ നമ്പർ ഉപയോഗിച്ച് ലോഗിൻ ചെയ്തശേഷം ഡോക്യുമെന്റ് അപ്‌ഡേറ്റ് ചെയ്യാം.

മൊബൈൽ നമ്പർ ആധാറുമായി ബന്ധിപ്പിച്ചവർക്ക് മാത്രമേ ഓൺലൈൻ സംവിധാനം ഉപയോഗിക്കാൻ കഴിയൂ. ആധാറിൽ മൊബൈൽ നമ്പർ, ഇ-മെയിൽ എന്നിവ നൽകണം. ഇതുവരെ ആധാറിൽ മൊബൈൽ നമ്പർ, ഇ-മെയിൽ എന്നിവ നൽകാതിരുന്നവർക്കും നിലവിലുള്ള ആധാറിൽ മൊബൈൽ നമ്പർ, ഇ-മെയിൽ എന്നിവ മാറ്റം വന്നവർക്കും അക്ഷയ ആധാർ കേന്ദ്രങ്ങൾ വഴി അപ്‌ഡേറ്റ് ചെയ്യാം.

2024 ജൂൺ 14 ന് ശേഷം ആധാർ ഓൺലൈനായി അപ്‌ഡേറ്റ് ചെയ്യാൻ കഴിയുമെങ്കിലും, ഫീസ് ബാധകമാകും. ഓൺലൈൻ അപ്‌ഡേറ്റുകൾക്ക് 25 രൂപയും ഓഫ്‌ലൈൻ അപ്‌ഡേറ്റുകൾക്ക് 50 രൂപയും ഈടാക്കുമെന്നാണ് വിവരം. നവജാതശിശുക്കൾക്കും ആധാർ എൻറോൾമെന്റ് ചെയ്യണം. അഞ്ച് വയസിന് താഴെയുള്ള കുട്ടികളുടെ ആധാർ എന്റോൾമെന്റിന് ബയോമെട്രിക് വിവരങ്ങൾ ശേഖരിക്കില്ല. എൻറോളിങ്ങിന് കുട്ടിയുടെ ജനന സർട്ടിഫിക്കറ്റും മാതാപിതാക്കളിൽ ഒരാളുടെ ആധാറും മതി. കുട്ടികളുടെ ബയോമെട്രിക്‌സ് അഞ്ച് വയസിലും 15 വയസിലും നിർബന്ധമായും പുതുക്കണം.

]]> https://www.chandrikadaily.com/only-one-more-week-to-update-aadhaar-details-for-free.html/feed 0 ആധാറുമായി ലിങ്ക് ചെയ്ത ഫോണ്‍ നമ്പര്‍ വാഹന്‍ ഡാറ്റാ ബേസില്‍ ചേര്‍ക്കണം; നിര്‍ദേശവുമായി എംവിഡി https://www.chandrikadaily.com/phone-number-linked-with-aadhaar-should-be-added-in-vehicle-data-base-mvd-with-instructions.html https://www.chandrikadaily.com/phone-number-linked-with-aadhaar-should-be-added-in-vehicle-data-base-mvd-with-instructions.html#respond Sat, 03 Feb 2024 06:14:27 +0000 https://www.chandrikadaily.com/?p=289488 മോട്ടോര്‍ വാഹന വകുപ്പ് സേവനങ്ങള്‍ സുതാര്യമായും വേഗത്തിലും ലഭ്യമാക്കുന്നതിന്റെ ഭാഗമായി വാഹന ഉടമകള്‍ ആധാര്‍ ലിങ്ക്ഡ് മൊബൈല്‍ നമ്പറുകള്‍ വാഹന്‍ ഡേറ്റാ ബേസില്‍ ഉള്‍പ്പെടുത്തണമെന്ന് മോട്ടോര്‍ വാഹന വകുപ്പ്. ഫെബ്രുവരി 29 ആണ്. അതേസമയം ഫോണ്‍ നമ്പര്‍ അപ്‌ഡേഷന്‍ നിങ്ങള്‍ക്ക് സ്വയം ചെയ്യാവുന്നതാണ്.

അതിനായി sarathi.parivahan.gov.in എന്ന് വൈബ്‌സൈറ്റ് ഓപണ്‍ ചെയ്ത് സ്റ്റേറ്റ് സെലക്ട് ചെയ്ത ശേഷം വരുന്ന ഓപ്ഷനില്‍ നിന്ന് others ക്ലിക്ക് ചെയ്ത് കാണുന്ന ലിസ്‌റ്‌റില്‍ നിന്ന് മൊബൈല്‍ നമ്പര്‍ അപ്‌ഡേറ്റ് എന്ന ഓപ്ഷന്‍ നല്‍കി നമ്പര്‍ ആഡ് ചെയ്യാം. ഇങ്ങനെ സ്വയം അപ്‌ഡേറ്റ് ചെയ്യുവാന്‍ സാധിക്കാത്ത സാഹചര്യത്തില്‍ മാത്രം വാഹന ഉടമകള്‍ക്ക് രജിസ്റ്ററിങ് അതോറിറ്റിയുമായി ബന്ധപ്പെട്ടു മൊബൈല്‍ അപ്‌ഡേഷന്‍ പൂര്‍ത്തീകരിക്കാം.

]]> https://www.chandrikadaily.com/phone-number-linked-with-aadhaar-should-be-added-in-vehicle-data-base-mvd-with-instructions.html/feed 0 ജനന തീയ്യതി തെളിയിക്കാന്‍ ഇനി ആധാര്‍ സ്വീകരിക്കില്ല; തീരുമാനവുമായി ഇപിഎഫ്‌ഒ https://www.chandrikadaily.com/epfo-no-longer-accepts-aadhaar-to-prove-date-of-birth.html https://www.chandrikadaily.com/epfo-no-longer-accepts-aadhaar-to-prove-date-of-birth.html#respond Fri, 19 Jan 2024 11:42:48 +0000 https://www.chandrikadaily.com/?p=288421 ന്യൂഡല്‍ഹി: ജനന തീയ്യതി തെളിയിക്കാനുള്ള അംഗീകൃത രേഖകളുടെ പട്ടികയില്‍ നിന്ന് ആധാര്‍ ഒഴിവാക്കി എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷൻ.

യുനീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയില്‍ നിന്ന് ലഭിച്ച നിര്‍ദേശത്തിന്റെ അടിസ്ഥാനത്തിലാണ് ജനന തീയ്യതി തെളിയിക്കാന്‍ ആധാര്‍ സ്വീകാര്യമല്ലെന്ന തരത്തില്‍ ഇപിഎഫ്‌ഒ നിബന്ധനകളില്‍ മാറ്റം വരുത്തിയത്. ജനുവരി 16ന് ഇത് സംബന്ധിച്ച ഔദ്യോഗിക അറിയിപ്പ് പുറത്തിറക്കുകയും ചെയ്തു.

ജനന തീയ്യതി നിര്‍ണയിക്കുന്നതിനുള്ള രേഖയായി കണക്കാക്കിയിരുന്ന ആധാര്‍ ഇനി ആ ആവശ്യത്തിനായി കണക്കാക്കില്ലെന്ന് അറിയിപ്പില്‍ വ്യക്തമാക്കുന്നു. ആധാര്‍ ഒരു തിരിച്ചറിയല്‍ പരിശോധനാ രേഖയാണെന്നും അത് ജനന തീയ്യതി പരിശോധിക്കാനുള്ള രേഖയല്ലെന്നും വിശദീകരണമുണ്ട്. അടുത്തിടെ പുറത്തുവന്ന ചില കോടതി വിധികളും ആധാറിനെ ജനന തീയ്യതി നിര്‍ണയത്തിനുള്ള രേഖയായി കണക്കാക്കാതിരിക്കാനുള്ള തീരുമാനത്തിന് ശക്തി പകരുന്നതാണെന്ന് ഇപിഎഫ്‌ഒ വ്യക്തമാക്കിയിട്ടുണ്ട്.

യുനീഫ് ഐഡന്റിഫിക്കേഷന്‍ അതോരിറ്റിയില്‍ നിന്ന് ലഭിച്ച കത്തില്‍ ജനന തീയ്യതി തെളിയിക്കാനുള്ള അംഗീകൃത രേഖകളില്‍ നിന്ന് ആധാര്‍ നീക്കം ചെയ്യണമെന്ന് ആവശ്യപ്പെട്ടിരിക്കുന്നു. ഇതനുസരിച്ചാണ് പുതിയ മാറ്റം കൊണ്ടുവരുന്നതെന്ന് സെന്‍ട്രല്‍ പ്രൊവിഡന്റ് ഫണ്ട് കമ്മീഷണറുടെ അംഗീകാരത്തോടെ പുറത്തിറക്കിയ സര്‍ക്കുലറില്‍ വിശദീകരിക്കുന്നുണ്ട്.

ആധാര്‍ ഒഴിവാക്കിയ തീരുമാനം പ്രാബല്യത്തില്‍ വരുന്നതോടെ ജനന തീയ്യതി തെളിയിക്കാനുള്ള രേഖകള്‍ താഴെ പറയുന്നവയാണ്. അംഗീകൃത സര്‍ക്കാര്‍ ബോര്‍ഡ് അല്ലെങ്കില്‍ സര്‍വകലാശാല നല്‍കിയ മാര്‍ക്ക് ഷീറ്റ്, പേരും ജനന തീയ്യതിയും രേഖപ്പെടുത്തിയ എസ്‌എസ്‌എല്‍സി സര്‍ട്ടിഫിക്കറ്റ് / സ്കൂള്‍ ട്രാന്‍സ്ഫര്‍ സര്‍ട്ടിഫിക്കറ്റ്, സര്‍വീസ് റെക്കോര്‍ഡുകള്‍ പ്രകാരം നല്‍കുന്ന സര്‍ട്ടിഫിക്കറ്റുകള്‍, പാൻ കാര്‍ഡ്, സെന്‍ട്രല്‍/സ്റ്റേറ്റ് പെന്‍ഷന് പേയ്മെന്റ് ഓര്‍ഡര്‍, സര്‍ക്കാര്‍ നല്‍കുന്ന സ്ഥിരതാമസ സര്‍ട്ടിഫിക്കറ്റ്, പാസ്‍പോര്‍ട്ട്, സര്‍ക്കാര്‍ പെൻഷൻ, സിവില്‍ സര്‍ജന്‍ നല്‍കുന്ന
മെഡിക്കല്‍ സര്‍ട്ടിഫിക്കറ്റ്

]]> https://www.chandrikadaily.com/epfo-no-longer-accepts-aadhaar-to-prove-date-of-birth.html/feed 0 ആധാര്‍- ആര്‍സി പൊരുത്തമില്ലെങ്കില്‍ വാഹന വകുപ്പിന്റെ സേവനം മുടങ്ങും https://www.chandrikadaily.com/if-aadhaar-rc-does-not-match-the-service-of-the-vehicle-department-will-be-suspended.html https://www.chandrikadaily.com/if-aadhaar-rc-does-not-match-the-service-of-the-vehicle-department-will-be-suspended.html#respond Sat, 07 Oct 2023 13:02:57 +0000 https://www.chandrikadaily.com/?p=278233 മോട്ടര്‍ വാഹന വകുപ്പിന്റെ ‘പരിവാഹന്‍’ സൈറ്റില്‍ വാഹന റജിസ്‌ട്രേഷന്‍ (ആര്‍സി) രേഖയും ഉടമകളുടെ ആധാറും ലിങ്ക് ചെയ്തതോടെ ആധാര്‍ കാര്‍ഡിലും ആര്‍സിയിലും പേരും ഫോണ്‍ നമ്പറും മാറ്റമുള്ളവര്‍ക്ക് വാഹനസംബന്ധമായ സേവനങ്ങള്‍ക്കു ബുദ്ധിമുട്ടനുഭവപ്പെട്ടുതുടങ്ങി. വാഹനവുമായി ബന്ധപ്പെട്ട എല്ലാ സേവനങ്ങള്‍ക്കും ഫീസ് അടയ്ക്കുന്നതിനു വാഹന ഉടമയുടെ ആര്‍സിയിലെ പേരും ആധാറിലെ പേരും ഒന്നായിരിക്കണം.

ആധാറില്‍ നല്‍കിയ ഫോണ്‍ നമ്പര്‍ ആര്‍സിയിലും നല്‍കണം. നിലവില്‍ നേരത്തേ എടുത്ത ആധാര്‍ കാര്‍ഡിലും പേരിനൊപ്പം ഇനിഷ്യല്‍ ഇല്ലാത്ത പ്രശ്‌നമുണ്ട്. എന്നാല്‍ ആര്‍സിയില്‍ ഇനിഷ്യല്‍ ഉണ്ടാകും. ഈ വ്യത്യാസം ഉള്ളവര്‍ക്കു മോട്ടര്‍ വാഹന വകുപ്പിന്റെ സേവനം ലഭിക്കുന്നതിനു ഇനി തടസ്സം വരും.

ബാങ്ക് വായ്പയില്‍ വാങ്ങുന്ന വാഹനങ്ങള്‍ക്ക് തിരിച്ചടവു കഴിഞ്ഞാല്‍ ആര്‍സിയില്‍ നിന്നു ബാങ്ക് വായ്പ ഭാഗം ഒഴിവാക്കുന്നതിനും ഉടമവകാശം മാറ്റുന്നതിനുമൊന്നും ആധാര്‍, ആര്‍സി വിവരങ്ങള്‍ വ്യത്യസ്തമായാല്‍ പരിവാഹന്‍ സൈറ്റില്‍ ഫീസടയ്ക്കാന്‍ കഴിയില്ല. ഇത്തരക്കാര്‍ ആര്‍സിയിലെ വിവരങ്ങള്‍ മാറ്റുകയോ അതല്ലെങ്കില്‍ ആധാര്‍ കാര്‍ഡില്‍ ആര്‍സിയിലെപ്പോലെ പേരും ഫോണ്‍ നമ്പറും നല്‍കുകയോ വേണ്ടിവരും.10 ദിവസം മുന്‍പാണ് വാഹന റജിസ്‌ട്രേഷന്‍ (ആര്‍സി) രേഖയും ആധാറും കേന്ദ്ര സര്‍ക്കാര്‍ ലിങ്ക് ചെയ്തത്. പരിവാഹന്‍ സൈറ്റില്‍ ഫീസ് അടയ്ക്കാന്‍ ഓണ്‍ലൈന്‍ കേന്ദ്രങ്ങളില്‍ എത്തിയ പലര്‍ക്കും സൈറ്റില്‍ പ്രവേശിക്കാന്‍ കഴിയാതെയായി. ഇത്തരം വാഹന ഉടമകള്‍ മാറ്റം വരുത്തി ആര്‍ടിഒ അപ്രൂവല്‍ നേടിയാലേ ഇനി പരിവാഹന്‍ സൈറ്റില്‍ പണം അടയ്ക്കാന്‍ കഴിയൂ.

ഏതൊരു വാഹന ഉടമയ്ക്കും ഓണ്‍ലൈനില്‍ ആര്‍സിയും ആധാറും ലിങ്ക് ചെയ്യാന്‍ കഴിയും. പരിവാഹന്‍ സൈറ്റില്‍ ആര്‍സിയിലെ പേരും ഫോണ്‍ നമ്പറും തിരുത്താം. ശേഷം ഓണ്‍ലൈനില്‍ തന്നെ ആര്‍ടിഒ അപ്രൂവല്‍ ഓപ്ഷന്‍ എന്ന ബട്ടന്‍ ക്ലിക് ചെയ്ത് അപ്രൂവലിനു അയയ്ക്കണം. ആര്‍ടിഒ അപ്രൂവല്‍ ലഭിച്ചാല്‍ വിവിധ ഫീസുകള്‍ അടയ്ക്കാന്‍ കഴിയും. എന്നാല്‍ ഓണ്‍ലൈനില്‍ മാറ്റത്തിനു സര്‍ക്കാര്‍ ഫീസ് ഈടാക്കുന്നില്ല.

]]> https://www.chandrikadaily.com/if-aadhaar-rc-does-not-match-the-service-of-the-vehicle-department-will-be-suspended.html/feed 0 ആധാര്‍ അപ്‌ഡേറ്റ്: ഐഡന്റിറ്റിയോ അഡ്രസ് പ്രൂഫ് രേഖകളോ ഇമെയിലോ വാട്ട്‌സ്ആപ്പ് വഴിയോ പങ്കിടരുതെന്ന് മുന്നറിയിപ്പ് https://www.chandrikadaily.com/aadhaar-update-warning-not-to-share-identity-or-address-proof-documents-via-email-or-whatsapp.html https://www.chandrikadaily.com/aadhaar-update-warning-not-to-share-identity-or-address-proof-documents-via-email-or-whatsapp.html#respond Mon, 21 Aug 2023 06:50:07 +0000 https://www.chandrikadaily.com/?p=270746 ആധാര്‍ കാര്‍ഡ് അപ്ഡേറ്റ് ചെയ്യുന്നതിനായി ആളുകള്‍ തങ്ങളുടെ ഐഡന്റിറ്റി അല്ലെങ്കില്‍ അഡ്രസ് പ്രൂഫ് രേഖകള്‍ ഇമെയില്‍ വഴിയോ വാട്ട്സ്‌ആപ്പ് വഴിയോ പങ്കിടരുതെന്ന് യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ (യുഐഡിഎഐ) മുന്നറിയിപ്പ് നല്‍കി.

വ്യക്തികളോട് തങ്ങളുടെ രേഖകള്‍ ഇങ്ങനെ പങ്കുവെക്കാന്‍ ഒരിക്കലും ആവശ്യപ്പെടാറില്ലെന്നും ഇത്തരം കാര്യങ്ങള്‍ ആവശ്യപ്പെടുന്നത് തട്ടിപ്പുകാരാകാമെന്നും അതോറിറ്റി അറിയിച്ചു. നിങ്ങളുടെ ആധാര്‍ അപ്ഡേറ്റ് ചെയ്യുന്നതിന് നിങ്ങളുടെ ഐഡന്റിറ്റി പ്രൂഫ് അല്ലെങ്കില്‍ അഡ്രസ് പ്രൂഫ് ഡോക്യുമെന്റുകള്‍ ഇമെയില്‍ വഴിയോ വാട്ട്സ്‌ആപ്പ് വഴിയോ പങ്കിടാന്‍ യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ ആവശ്യപ്പെടുന്നില്ല. യുഐഡിഎഐയുടെ വെബ്സൈറ്റായ myAadhaarPortal വഴിയോ നിങ്ങളുടെ അടുത്തുള്ള ഒരു ആധാര്‍ കേന്ദ്രം സന്ദര്‍ശിച്ചോ ആധാര്‍ ഓണ്‍ലൈനായി അപ്ഡേറ്റ് ചെയ്യാം.

ഇലക്‌ട്രോണിക്സ് ആന്‍ഡ് ഇന്‍ഫര്‍മേഷന്‍ ടെക്നോളജി മന്ത്രാലയത്തിന് കീഴിലുള്ള യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ (യുഐഡിഎഐ) കഴിഞ്ഞ വര്‍ഷം ആദ്യം ആധാര്‍ കാര്‍ഡുകളുടെ ഫോട്ടോകോപ്പികള്‍ ഏതെങ്കിലും സംഘടനകളുമായി പങ്കിടരുതെന്ന് നിര്‍ദ്ദേശിച്ചിരുന്നു. ആധാര്‍ കാര്‍ഡ് ദുരുപയോഗം ചെയ്യാന്‍ സാധ്യതയുള്ളതിനാലാണിത്.

ഐഡന്റിറ്റി തെളിയിക്കുന്നതിനും ഇടപാടുകള്‍ നടത്തുന്നതിനും ആധാര്‍ കാര്‍ഡ് നിയമപരമായി ഉപയോഗിക്കാമെങ്കിലും ഇവ ട്വിറ്റര്‍, ഫേസ്ബുക്ക് തുടങ്ങിയ പൊതു പ്ലാറ്റ്ഫോമുകളില്‍ ഇടരുത്. മറ്റ് ഐഡി കാര്‍ഡുകളുടെ കാര്യത്തില്‍ നിങ്ങള്‍ ചെയ്യുന്നതുപോലെ കൂടുതല്‍ ജാഗ്രത പുലര്‍ത്തുക.

10 വര്‍ഷത്തിലേറെ മുമ്ബ് ആധാര്‍ കാര്‍ഡ് ലഭിച്ചവരും വിശദാംശങ്ങള്‍ അപ്ഡേറ്റ് ചെയ്യാത്തവരുമായ ആളുകള്‍ എത്രയും വേഗം അത് ചെയ്യണമെന്ന് യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ നിര്‍ദ്ദേശിച്ചു. സര്‍ക്കാര്‍ സേവനങ്ങള്‍ ആക്സസ് ചെയ്യാനും ബാങ്ക് അക്കൗണ്ടുകള്‍ തുറക്കാനും പുതുക്കിയ ആധാര്‍ കാര്‍ഡ് സഹായിക്കുമെന്ന് യുഐഡിഎഐ പറയുന്നു.

]]> https://www.chandrikadaily.com/aadhaar-update-warning-not-to-share-identity-or-address-proof-documents-via-email-or-whatsapp.html/feed 0 ആധാര്‍ രേഖകള്‍ പുതുക്കാന്‍ 3 മാസം കൂടി സമയം https://www.chandrikadaily.com/3-more-months-to-renew-aadhaar-documents.html https://www.chandrikadaily.com/3-more-months-to-renew-aadhaar-documents.html#respond Sat, 10 Jun 2023 08:30:09 +0000 https://www.chandrikadaily.com/?p=258563 ന്യുഡല്‍ഹി: ആധാര്‍ അനുബന്ധ രേഖകള്‍ യുഐഡി എഐ പോര്‍ട്ടല്‍ വഴി സൗജന്യമായി പുതുക്കാനുള്ള സമയം സെപ്റ്റംബര്‍ 14 വരെ നീട്ടി. ഈ മാസം 14 വരെയാണ് ആദ്യം പ്രഖ്യാപിച്ചിരുന്നത്.

myaadhaar.uidai.gov.in എന്ന വെബ്‌സൈറ്റില്‍ document update ഓപ്ഷന്‍ വഴി രേഖകള്‍ പുതുക്കാം. നേരിട്ടു ചെയ്യുകയാണെങ്കില്‍ സൗജന്യമാണ്. അക്ഷയ സെന്ററുകള്‍ അടക്കമുള്ള ആധാര്‍ കേന്ദ്രങ്ങളില്‍ പോയി ചെയ്യുന്നതിന് 50 രൂപ നല്‍കണം.

10 വര്‍ഷത്തിലൊരിക്കല്‍ ആധാറിന്റെ അനുബന്ധ തിരിച്ചറിയല്‍ രേഖകള്‍ പുതുക്കുന്നതു നിര്‍ബന്ധമല്ലെങ്കിലും രേഖകള്‍ അപ്‌ഡേറ്റ് ചെയ്യാന്‍ യുഐഡിഎഐ ഉപയോക്താക്കളെ പ്രേരിപ്പിക്കുന്നുണ്ട്. ആധാര്‍ വിവരശേഖരത്തിന്റെ കൃത്യത വര്‍ധിപ്പിക്കുകയാണ് ലക്ഷ്യം.

]]> https://www.chandrikadaily.com/3-more-months-to-renew-aadhaar-documents.html/feed 0