പെരുമ്പാവൂര്‍ പ്രൈവറ്റ് ബസ് സ്റ്റാന്‍ഡിലെ ഷോപ്പിങ് കോംപ്ലക്സിലെ മുറിയില്‍ വ്യാജ ആധാര്‍ കാര്‍ഡ് നിര്‍മാണ കേന്ദ്രം കണ്ടെത്തിയത്. അസം മൊബൈല്‍ ഷോപ്പിലാണ് വ്യാജരേഖ നിര്‍മിക്കുന്ന കേന്ദ്രം പ്രവര്‍ത്തിച്ചിരുന്നത്. സംഭവവുമായി ബന്ധപ്പെട്ട് അസം സ്വദേശി ഹാരിസുല്‍ ഇസ്ലാമിനെ(26) പെരുമ്പാവൂര്‍ എഎസ്പി ശക്തി സിങ് ആര്യയുടെ നേതൃത്വത്തിലുള്ള പ്രത്യേക അന്വേഷണ സംഘം അറസ്റ്റ് ചെയ്തു. അസം സ്വദേശി റെയ്ഹാനുദീനെ (20) കസ്റ്റഡിയിലെടുത്തിട്ടുമുണ്ട്.

അതിഥിത്തൊഴിലാളികള്‍ക്കാണ് ഇയാള്‍ വ്യാജ രേഖകള്‍ നിര്‍മിച്ചു നല്‍കിയിരുന്നത്. ഏതു പേരിലും ഏതു ഫോട്ടോ ഉപയോഗിച്ചും ആധാര്‍ കാര്‍ഡ് നിര്‍മിച്ചു നല്‍കുന്ന രീതിയായിരുന്നു. ഒരേ ഫോട്ടോ ഉപയോഗിച്ചു വിവിധ പേരുകളില്‍ നിര്‍മിച്ച വ്യാജ ആധാര്‍ കാര്‍ഡുകള്‍ പൊലീസ് കണ്ടെടുത്തു. ആധാര്‍ കാര്‍ഡുകള്‍, ലാപ്ടോപ്, പ്രിന്റര്‍, മൊബൈല്‍ ഫോണുകള്‍, അര ലക്ഷത്തോളം രൂപ എന്നിവയും പിടികൂടി. സംഭവത്തില്‍ കൂടുതല്‍ പ്രതികളും മൊബൈല്‍ ഷോപ്പുകളും ഉള്‍പ്പെട്ടിട്ടുണ്ടെന്നാണ് നിഗമനം. പൊലീസ് അന്വേഷണം വ്യാപിപ്പിച്ചു.

ഡിസംബര്‍ 14ന് സൗജന്യ സേവനം അവസാനിക്കാനിരിക്കെയാണ് തിയതി നീട്ടിയത്. ആധാര്‍ പുതുക്കാനായി അക്ഷയ കേന്ദ്രങ്ങളിലും ആധാര്‍ സേവന കേന്ദ്രങ്ങളിലും വലിയ തോതില്‍ തിരക്കനുഭവപ്പെട്ടിരുന്നു. തിയതി നീട്ടിയതോടെ ഇതില്‍ കുറവുണ്ടാകുമെന്നാണ് പ്രതീക്ഷിക്കുന്നത്. എന്റോള്‍മെന്റ് തിയതി മുതല്‍ 10 വര്‍ഷത്തിലൊരിക്കലെങ്കിലും ആധാര്‍ വിവരങ്ങള്‍ അപ്‌ഡേറ്റ് ചെയ്യണം എന്നാണ് യുണീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയുടെ നിര്‍ദേശം. ആധാര്‍ വിവരങ്ങള്‍ പുതുക്കുന്നതിനുള്ള ആദ്യ സമയപരിധി നേരത്തെ ജൂണ്‍ 14 വരെ ആയിരുന്നു. ഇതാണ് പിന്നീട് ഡിസംബര്‍ 14 വരെ ആക്കിയത്.

ആധാര്‍ പുതുക്കേണ്ടത് ഇങ്ങനെ

യുഐഡിഎഐ പോര്‍ട്ടല്‍ വഴി ആധാര്‍ രേഖകള്‍ സൗജന്യമായി പുതുക്കുന്നതിനുള്ള സൗകര്യമാണ് ഒരുക്കിയിരിക്കുന്നത്. myaadhaar.uidai.gov.in എന്ന വെബ്സൈറ്റില്‍ ഡോക്യൂമെന്റ് അപ്‌ഡേറ്റ് ഓപ്ഷന്‍ വഴി രേഖകള്‍ പുതുക്കാം. അക്ഷയ സെന്ററുകള്‍ അടക്കമുള്ള ആധാര്‍ കേന്ദ്രങ്ങളില്‍ പോയി ചെയ്യുന്നതിന് 50 രൂപ നല്‍കണം. 10 വര്‍ഷത്തിലൊരിക്കല്‍ ആധാറിലെ വിവരങ്ങള്‍ പുതുക്കാനാണ് യുഐഡിഎഐ പ്രേരിപ്പിക്കുന്നത്. തിരിച്ചറിയല്‍, മേല്‍വിലാസ രേഖകളുടെ സഹായത്തോടെയാണ് ഓണ്‍ലൈനായി സൗജന്യമായി വിവരങ്ങള്‍ പുതുക്കേണ്ടത്.

ഓണ്‍ലൈനായി വിവരങ്ങള്‍ പുതുക്കുമ്പോള്‍ മൊബൈല്‍ നമ്പര്‍ ആധാറുമായി ബന്ധിപ്പിച്ചിട്ടുണ്ടോ എന്ന് ഉറപ്പാക്കേണ്ടതാണ്. തുടര്‍ന്ന് ലഭിക്കുന്ന ഒടിപി അനുസരിച്ചാണ് തുടര്‍നടപടികള്‍ സ്വീകരിക്കേണ്ടത്. തിരിച്ചറിയല്‍, മേല്‍വിലാസം, ജനനത്തീയതി തുടങ്ങിയവ തെളിയിക്കുന്നതിന് ആവശ്യമായ രേഖകളുടെ സ്‌കാന്‍ ചെയ്ത കോപ്പികള്‍ വേണം. സൈറ്റില്‍ കയറി ഡോക്യൂമെന്റ് അപ്‌ഡേറ്റില്‍ ക്ലിക്ക് ചെയ്ത് വേണം മുന്നോട്ടുപോകാന്‍.

തുടര്‍ന്ന് ആധാര്‍ നമ്പര്‍ നല്‍കണം. അപ്ഡേറ്റ് ചെയ്യേണ്ട വിശദാംശങ്ങള്‍ തെരഞ്ഞെടുത്ത് മുന്നോട്ടുപോകുക. ഈ സമയത്താണ് സ്‌കാന്‍ ചെയ്ത കോപ്പികള്‍ അപ്ലോഡ് ചെയ്യേണ്ടത്. സബ്മിറ്റ് ചെയ്ത് കഴിഞ്ഞാല്‍ അപ്ഡേറ്റ് റിക്വസ്റ്റ് നമ്പര്‍ ലഭിക്കും. സ്റ്റാറ്റസ് ട്രാക്ക് ചെയ്യാന്‍ ഈ നമ്പര്‍ ഉപകരിക്കും.

പ​ത്ത്​ വ​ർ​ഷം ക​ഴി​ഞ്ഞ ആ​ധാ​ർ വി​വ​ര​ങ്ങ​ൾ പു​തു​ക്കാ​നാ​ണ്​ അ​ധാ​ർ അ​തോ​റി​റ്റി​യു​ടെ​യും അ​ക്ഷ​യ ഡ​യ​റ​ക്ട​റേ​റ്റി​ന്‍റെ​യും നി​ർ​ദേ​ശം. ആ​ധാ​റി​ലു​ള്ള പേ​രും വി​ലാ​സ​വും തെ​ളി​യി​ക്കു​ന്ന ര​ണ്ട്​ രേ​ഖ​ക​ൾ സ്കാ​ൻ ചെ​യ്ത്​ അ​പ്​​ലോ​ഡ്​ ചെ​യ്യു​ക​യാ​ണ്​ വേ​ണ്ട​ത്. 50 രൂ​പ​യാ​ണ്​ ഇ​തി​ന്​ നി​ശ്ച​യി​ച്ച നി​ര​ക്ക്.

എ​ന്നാ​ൽ, ഒ​രു​വി​ഭാ​ഗം കേ​ന്ദ്ര​ങ്ങ​ൾ സ്വ​ന്തം നി​ല​ക്ക്​​ ബ​യോ​മെ​ട്രി​ക്​ വി​വ​ര​ങ്ങ​ൾ അ​പ്​​ഡേ​റ്റ്​ ചെ​യ്യി​ച്ചും ഫോ​ട്ടോ മാ​റ്റി​ച്ചും കാ​ർ​ഡ്​ അ​ടി​പ്പി​ച്ചു​മെ​ല്ലാം കൂ​ടു​ത​ൽ തു​ക ഈ​ടാ​ക്കു​ക​യാ​ണെ​ന്നാ​ണ്​ പ​രാ​തി. രേ​ഖ​ക​ൾ അ​പ്​​ഡേ​റ്റ്​ ചെ​യ്യാ​നെ​ത്തു​ന്ന​വ​രെ അ​നു​വാ​ദ​മി​ല്ലാ​തെ ബ​യോ​മെ​ട്രി​ക്​ അ​പ്​​ഡേ​ഷ​ന്​ വി​ധേ​യ​മാ​ക്കി​യാ​ൽ പി​ഴ​യും ക​ർ​ശ​ന ന​ട​പ​ടി​യു​മു​ണ്ടാ​കു​മെ​ന്നാ​ണ്​ ഡ​യ​റ​ക്ട​​​​റേ​റ്റി​ന്‍റെ മു​ന്ന​റി​യി​പ്പ്.

ആധാര്‍ കാര്‍ഡില്‍ രജിസ്റ്റര്‍ ചെയ്ത മൊബൈല്‍ നമ്പര്‍ എങ്ങനെ മാറ്റാം?

UIDAI വെബ്‌സൈറ്റില്‍ (uidai.gov.in), ‘എന്റോള്‍മെന്റ് സെന്റര്‍ കണ്ടെത്തുക’ എന്നതില്‍ ക്ലിക്ക് ചെയ്യുക. നിങ്ങളുടെ മൊബൈല്‍ നമ്പര്‍ അപ്‌ഡേറ്റ് ചെയ്യാന്‍ കഴിയുന്ന ഏറ്റവും അടുത്തുള്ള ആധാര്‍ എന്റോള്‍മെന്റ് സെന്റര്‍ കണ്ടെത്താന്‍ ഇത് നിങ്ങളെ സഹായിക്കും.

ആധാര്‍ എന്റോള്‍മെന്റ് സെന്ററിലെ ആധാര്‍ ഹെല്‍പ്പ് എക്‌സിക്യൂട്ടീവിനെ സമീപിക്കുക.

ഫോണ്‍ നമ്പര്‍ അപ്‌ഡേറ്റ് ചെയ്യുന്നതിന് നിങ്ങള്‍ ഒരു ഫോം പൂരിപ്പിക്കേണ്ടതുണ്ട്. തെറ്റുകള്‍ ഒഴിവാക്കാന്‍ വിവരങ്ങള്‍ രണ്ടുതവണ പരിശോധിക്കാന്‍ മറക്കരുത്.

ആധാര്‍ കാര്‍ഡിലെ ഫോണ്‍ നമ്പര്‍ അപ്‌ഡേറ്റ് ചെയ്യുന്നതിന് നിങ്ങള്‍ 50 രൂപ ഫീസ് നല്‍കണം.

ആധാര്‍ ഹെല്‍പ്പ് എക്‌സിക്യൂട്ടീവിന് ഫോം സമര്‍പ്പിക്കുക, അവര്‍ അത് കൃത്യതയ്ക്കായി അവലോകനം ചെയ്യും. ഐഡന്റിറ്റി പ്രൂഫ്, അഡ്രസ് പ്രൂഫ്, നിലവിലുള്ള ആധാര്‍ കാര്‍ഡ് എന്നിവ പോലെ ആവശ്യമായ എല്ലാ സഹായ രേഖകളും നിങ്ങളുടെ കൈവശം ഉണ്ടെന്ന് ഉറപ്പാക്കുക.

ഫീസ് പേയ്‌മെന്റ് പൂര്‍ത്തിയായിക്കഴിഞ്ഞാല്‍, ആധാര്‍ ഹെല്‍പ്പ് എക്‌സിക്യൂട്ടീവ് നിങ്ങള്‍ക്ക് ഒരു അപ്‌ഡേറ്റ് അഭ്യര്‍ത്ഥന നമ്പര്‍ (URN) സ്ലിപ്പ് നല്‍കും. നിങ്ങളുടെ മൊബൈല്‍ നമ്പര്‍ അപ്‌ഡേറ്റ് അഭ്യര്‍ത്ഥനയുടെ സ്റ്റാറ്റസ് ട്രാക്ക് ചെയ്യാന്‍ URN നിങ്ങളെ സഹായിക്കും.

myaadhaar.uidai.gov.in എന്ന യുഐഡിഎഐയുടെ ഔദ്യോഗിക വെബ്‌സൈറ്റ് സന്ദര്‍ശിച്ച് നിങ്ങളുടെ മൊബൈല്‍ നമ്ബര്‍ അപ്‌ഡേറ്റിന്റെ പുരോഗതി നിരീക്ഷിക്കാനാകും. ‘ചെക്ക് എന്റോള്‍മെന്റ്’ വിഭാഗത്തില്‍ ക്ലിക്ക് ചെയ്ത് മറ്റ് വിശദാംശങ്ങള്‍ക്കൊപ്പം നിങ്ങളുടെ URN നല്‍കുക. നിങ്ങളുടെ മൊബൈല്‍ നമ്പര്‍ അപ്‌ഡേറ്റ് അഭ്യര്‍ത്ഥനയുടെ നിലവിലെ നില ദൃശ്യമാകും.

ജൂണ്‍ 30നകം ഇരു കാര്‍ഡുകളും ലിങ്ക് ചെയ്തില്ലെങ്കില്‍ 1000 രൂപ ഫീസായി ഈടാക്കുമെന്ന് ആദായ നികുതി വകുപ്പ് അറിയിച്ചു. ഇപേ ടാക്‌സ് ഫീച്ചറിലൂടെയാണ് ഫീസ് നല്‍കേണ്ടത്. പാന്‍കാര്‍ഡ് അസാധുവായാല്‍ ആ കാര്‍ഡ് ഉപയോഗിച്ച് ചെയ്യുന്ന ആദായ നികുതി റിട്ടേണുകള്‍ക്ക് റീഫണ്ട് ലഭിക്കില്ല. പാന്‍കാര്‍ഡ് പിന്നീട് ആക്ടീവായതിന് ശേഷമേ റീഫണ്ട് ലഭിക്കും.

ഇക്കാലയളവില്‍ പിടിച്ചുവെച്ച റീഫണ്ട് തുകക്ക് പലിശയും ലഭിക്കില്ല. ടി.ഡി.എസിനും ഉയര്‍ന്ന നിരക്കായിരിക്കും ഈടാക്കുക. കുട്ടികളുടെ ആധാറും പാന്‍കാര്‍ഡും ലിങ്ക് ചെയ്യുന്നതില്‍ വീഴ്ച വരുത്തിയാല്‍ 500 രൂപയായിരിക്കും ഫീസായി ഈടാക്കുക.

പാന്‍ ആധാറുമായി ലിങ്ക് ചെയ്തില്ലെങ്കില്‍ ആദായ നികുതി അടക്കാനും സാധിക്കില്ല. പാന്‍ നമ്പര്‍ ഒരു പ്രധാന കെവൈസി സംവിധാനം ആയതിനാല്‍ ബാങ്ക് ഇടപാടുകളും നടക്കില്ല. നിരവധി തവണയാണ് ആധാറുമായി പാന്‍ ബന്ധിപ്പിക്കുന്നതിന് ഉള്ള സമയ പരിധി നീട്ടിയത്. അവസാനമായി ആയിരം രൂപ പിഴ ഒടുക്കി ആധാറുമായി പാന്‍ ബന്ധിപ്പിക്കുന്നതിനുള്ള സമയപരിധിയാണ് ജൂണ്‍ 30 വരെ നീട്ടിയത്.

ഈ സമയപരിധി അവസാനിക്കാന്‍ ഇനി ദിവസങ്ങള്‍ മാത്രം അവശേഷിക്കേ വീണ്ടും ഓര്‍മ്മപ്പെടുത്തലുമായി രംഗത്ത് വന്നിരിക്കുകയാണ് ആദായ നികുതി വകുപ്പ്. ഇനിയും ആധാറുമായി പാന്‍ ബന്ധിപ്പിച്ചില്ലെങ്കില്‍ അതിന്റെ മുഴുവന്‍ ഉത്തരവാദിത്തം ഉപയോക്താവിന് ആയിരിക്കുമെന്നാണ് മുന്നറിയിപ്പില്‍ പറയുന്നത്. 1961ലെ ആദായ നികുതി നിയമം അനുസരിച്ച് എല്ലാ പാന്‍ ഉടമകളും ജൂണ്‍ 30നകം ആധാറുമായി ബന്ധിപ്പിക്കണമെന്നും ട്വീറ്റില്‍ വിശദീകരിക്കുന്നു.

കേരളത്തിൻറെ പൊതുവിതരണ സംവിധാനത്തിന്റെ ഔദ്യോഗിക വെബ്സൈറ്റ് തുറക്കുക. ഓരോ സംസ്ഥാനത്തിനും സ്വന്തം പോർട്ടൽ ഉണ്ടായിരിക്കുന്നതാണ്. ആധാർ ബന്ധിപ്പിക്കുന്നതിനുള്ള ഓപ്ഷൻ തിരഞ്ഞെടുക്കുക. അതിനുശേഷം തുറന്നുവരുന്ന പേജിൽ റേഷൻകാർഡ്, ആധാർ കാർഡ് , രജിസ്റ്റർ ചെയ്ത മൊബൈൽ നമ്പർ നൽകുക. അതിന് ശേഷം “തുടരുക/സമർപ്പിക്കുക” എന്ന ഓപ്ഷനിൽ ക്ലിക്ക് ചെയ്യുക.

ഇതിന് പിന്നാലെ നിങ്ങളുടെ രജിസ്റ്റർ ചെയ്ത മൊബൈൽ നമ്പറിലേക്ക് ഒരു ഒടിപി ലഭിക്കും. ആ ഒടിപി നൽകുക. റേഷൻ കാർഡ് ആധാറുമായി ലിങ്ക് ചെയ്തുകഴിഞ്ഞാൽ രജിസ്റ്റർ ചെയ്ത നമ്പറിലേക്ക് സന്ദേശം ലഭിക്കും. ആധാറുമായി റേഷൻ കാർഡ് ലിങ്കായിക്കഴിഞ്ഞു.

ആധാറില്‍ കൃതൃമം നടത്തുന്നത് കണ്ടെത്താന്‍ സഹായിക്കുമെന്നാണ് അധികൃതര്‍ വ്യക്തമാക്കുന്നത്. സംസ്ഥാന സര്‍ക്കാരുകളോടും ആധാര്‍ വെരിഫിക്കേഷന്‍ സംബന്ധിച്ച നിര്‍ദേശം കേന്ദ്രം നല്‍കിയിട്ടുണ്ട്. തിരിച്ചറിയല്‍ രേഖ സ്ഥിരീകരിക്കുന്നതില്‍ യുണീക് ഐഡന്റിഫിക്കേഷന്‍ അതേറിറ്റി ഓഫ് ഇന്ത്യക്കു ആധാര്‍ ഉടമസ്ഥരുടെ അനുമതി വേണമെന്നും നിര്‍ദേശത്തിലുണ്ട്.