I’ve made a big decision today pic.twitter.com/In0jyquPOK

— AB de Villiers (@ABdeVilliers17) May 23, 2018

പരുക്കുകള്‍ കാര്യമായി എബിയെ അലട്ടിയിരുന്നു. ഈയിടെ പലവട്ടം വിശ്രമിക്കേണ്ടി വന്നു. പുറം വേദനയാണ് കലശല്‍. ഈ സാഹചര്യത്തിലാണ് അദ്ദേഹം വിരമിക്കാന്‍ തീരുമാനിച്ചത്. ഇന്ത്യന്‍ പ്രീമിയര്‍ ലീഗ് ക്രിക്കറ്റില്‍ ബാംഗ്ലൂര്‍ റോയല്‍ ചാലഞ്ചേഴ്‌സിനായി ഇത്തവണയും ഗംഭീര പ്രകടനം അദ്ദേഹം നടത്തിയിരുന്നു.

114 ടെസ്റ്റുകളിലും 228 ഏകദിനങ്ങളിലും 78 ടി-20 മല്‍സരങ്ങളിലും ഞാന്‍ രാജ്യത്തിനായി കളിച്ചു. ഇനി എന്റെ പിന്‍ഗാമികള്‍ വരട്ടെ. അവര്‍ക്കായി വഴി മാറാനുളള സമയമാണ്. സത്യസന്ധമായി പറഞ്ഞാല്‍ ഞാന്‍ ക്ഷീണതനുമാണ്-വിരമിക്കാനുളള തീരുമാനം വീഡിയോയിലുടെ അറിയിച്ച എബിയുടെ വാക്കുകള്‍. ബുദ്ധിമുട്ടുള്ള തീരുമാനമായിരുന്നു ഇത്. കാരണം ഞാന്‍ ഇപ്പോഴും നന്നായി കളിക്കുന്നു എന്നാണ് വിശ്വാസം. പക്ഷേ ഇന്ത്യ, ഓസ്‌ട്രേലിയ എന്നിവര്‍ക്കെതിരായ വലിയ പരമ്പര നേട്ടത്തിന് ശേഷമുള്ള ഈ സമയമാണ് അത്തരത്തിലൊരു തീരുമാനത്തിന് നല്ലതെന്ന് തോന്നി. ദക്ഷിണാഫ്രിക്കക്കായി പച്ച ബാഗി ക്യാപ്പില്‍ കളിക്കുകയെന്നത് ജീവിതത്തിലെ ഏറ്റവും വലിയ നേട്ടമാണ്. രാജ്യത്തിനായി കളിക്കുമ്പോള്‍ സ്വയം മറന്നിരുന്നു. ദക്ഷിണാഫ്രിക്കന്‍ ക്രിക്കറ്റ് ബോര്‍ഡിനോടും കോച്ചിംഗ് സ്റ്റാഫിനോടും എന്റെ സഹതാരങ്ങളോടുമാണ് തീര്‍ത്താല്‍ തീരാത്ത കടപ്പാട്. അവരാണ് എന്നെ ഞാനാക്കിയത്. സമ്പാദിക്കുകയല്ല പ്രധാനം. ശരിയായ തീരുമാനമെടുക്കുന്നതാണ് പ്രധാനമെന്ന് ഞാന്‍ കരുതുന്നു. എല്ലാത്തിനും ഒരവസാനമുണ്ട്. ദക്ഷിണാഫ്രിക്കയിലെ മുഴുവന്‍ ക്രിക്കറ്റ് ആരാധകരോടും നന്ദി-എബി പറഞ്ഞു.

റാഷിദ് ഖാന്‍ വളരെ മികച്ച ക്രിക്കറ്ററാണ്, അദ്ദേഹത്തോട് തനിക്ക് വലിയ ബഹുമാനമുണ്ട്. തങ്ങള്‍ അധികം മത്സരങ്ങളില്‍ നേര്‍ക്ക് നേര്‍ വന്നിട്ടില്ല, എന്നാല്‍ കളിച്ചപ്പോളൊക്കെ അദ്ദേഹത്തിന്റെ ബൗളിംഗ് മികച്ചതായിരുന്നു. അവസാന മത്സരത്തില്‍ അദ്ദേഹം എന്നെ ബൗള്‍ഡാക്കുകയും ചെയ്തു- ഡിവില്ലിയേഴ്‌സ് പറഞ്ഞു.

അതേസമയം ഇന്ത്യന്‍ നായകന്‍ വിരാട് കോഹ്‌ലിക്കൊപ്പം ബാറ്റ് ചെയ്യുന്നതിലെ സന്തോഷവും ഡിവില്ലിയേഴ്‌സ് വ്യക്തമാക്കി. കോഹ്‌ലി എപ്പോഴും കളിക്കാരെ പ്രചോദിപ്പിച്ച് കൊണ്ടിരിക്കുമെന്നും, അത് കൊണ്ടു തന്നെ അദ്ദേഹത്തോടൊപ്പമുള്ള ബാറ്റിംഗ് വളരെ രസകരമാണെന്നും സഹതാരങ്ങള്‍ എന്നതിലുപരി വളരെ അടുത്ത സുഹൃത്തുക്കളാണ് തങ്ങളെന്നും ഡിവില്ലേഴ്‌സ് വ്യക്തമാ്ക്കി.

.@rashidkhan_19 troubled two modern-day legends. #IPL2018 pic.twitter.com/gQjMjtmy8t

— CricTracker (@Cricketracker) May 8, 2018

നടപ്പു സീസണില്‍ ഇന്ത്യന്‍ പ്രീമിയര്‍ ലീഗില്‍ 10 കളിയില്‍ മൂന്നു ജയവും ഏഴു തോല്‍വിയുമായി പുറത്താകലിന്റെ വക്കിലാണ് റോയല്‍ ചലഞ്ചോഴ്‌സ് ബാംഗ്ലൂര്‍. പനിയെത്തുടര്‍ന്ന് രണ്ട് മത്സരത്തെ ഇടവേളയ്ക്ക് ശേഷം ഡിവില്ലേഴ്‌സ് സണ്‍ റൈസേഴ്‌സ് ഹൈദരാബാദിനെതിരെ തിരിച്ചെത്തിയെങ്കിലും 5 റണ്‍സ് മാത്രമെടുത്ത് സ്പിന്നര്‍ റാഷിദ് ഖാനു ബൗളില്‍ പുറത്താകുകയായിരുന്നു. മത്സരത്തില്‍ അഞ്ചു റണ്‍സിന് ബാംഗ്ലൂര്‍ തോല്‍ക്കുകയും ചെയ്തു. അതേസമയം 10 മത്സരങ്ങളില്‍ നിന്നായി 22 ശരാശരിയില്‍ 13 വിക്കറ്റുമായി റാഷിദ് ഖാന്‍ മികച്ച ഫോം തുടരുകയാണ്. 16 പോയന്റുള്ള ഹൈദരബാദാണ് ലീഗില്‍ തലപ്പത്ത്.

ജൊഹന്നാസ്ബര്‍ഗ്ഗ്: ഇന്ത്യക്കെതിരെ നാളെ ആരംഭിക്കുന്ന ആറ് മല്‍സര ഏകദിന പരമ്പരയിലെ ആദ്യ മൂന്ന് മല്‍സരങ്ങളില്‍ ദക്ഷിണാഫ്രിക്കയുടെ ഏറ്റവും മികച്ച ബാറ്റ്‌സ്മാന്‍ എബി ഡി വില്ലിയേഴ്‌സ് കളിക്കില്ല. മൂന്നാം ടെസ്റ്റിനിടെ കൈവിരലിനേറ്റ പരുക്ക് കാരണമാണ് ഡി വില്ലിയേഴ്‌സ് മാറി നില്‍ക്കുന്നത്. രണ്ടാഴ്ച്ചയാണ് അദ്ദേഹത്തിന് വിശ്രമം നിര്‍ദ്ദേശിച്ചിരിക്കുന്നത്.

നാലാം ഏകദിനത്തില്‍ കളിക്കാനാണ് സാധ്യത. ഡി വില്ലിയേഴ്‌സിന് പകരം ആരെയും ടീമില്‍ എടുത്തിട്ടില്ല. കായ സോന്‍ഡോക്ക് ഏകദിന അരങ്ങേറ്റത്തിന് ടീം അവസരം നല്‍കും. ആഭ്യന്തര ക്രിക്കറ്റില്‍ മികച്ച ഫോം പ്രകടപ്പിപ്പിച്ചിരുന്നു സോന്‍ഡോ. ടെസ്റ്റ് പരമ്പര നഷ്ടമായ ഇന്ത്യക്ക് മൂന്നാം ടെസ്റ്റിലെ വിജയം വഴി വലിയ പ്രതീക്ഷയാണ് ഏകദിന പരമ്പരയില്‍.

ദക്ഷിണാഫ്രിക്കന്‍ ക്രിക്കറ്റിന് വെട്ടിക്കെട്ട് ബാറ്റ്‌സ്മാന്‍ എബി ഡിവില്ലേഴ്‌സിന് പിന്‍മുറക്കാരനെ കിട്ടിയിരിക്കുന്നു എന്നാണ് ദക്ഷിണാഫ്രിക്കന്‍ ക്രിക്കറ്റിലെ ഇപ്പോഴത്തെ സംസാരം. 24 കാരനായ മാര്‍ക്കോ മാറെയ്‌സ് ഫസ്റ്റ് ക്ലാസ് ക്രിക്കറ്റില്‍ ഏറ്റവും വേഗതയേറിയ ട്രിപ്പിള്‍ സെഞ്ച്വറി നേടി ഞെട്ടിച്ചതോടെയാണ് പ്രിയതാരം ഡിവില്ലേഴ്‌സിന്റെ പിന്‍മുറക്കാരനെന്ന വിശേഷണം മാര്‍ക്കോ മാറെയ്‌സിന് നേടിക്കൊടുത്തത്.

സൗത്ത് ആഫ്രിക്കയിലെ ഈസ്റ്റ് ലണ്ടനില്‍ നടന്ന രണ്ടാം ടയര്‍ ഫസ്റ്റ് ക്ലാസ് ക്രിക്കറ്റിലാണ് അതിവേഗ ട്രിപ്പിള്‍ സെഞ്ച്വറിയടിച്ചത്. ബോര്‍ഡര്‍ ഇലവന് വേണ്ടി ഈസ്‌റ്റേണ്‍ പ്രൊവിന്‍സിനെതിരേ നടന്ന ത്രിദിന മത്സരത്തില്‍ 191 ബോളില്‍ നിന്നാണ് മാറെയ്‌സ് 300 റണ്‍സെടുത്തത്. ഇതോടെ 96 വര്‍ഷം പഴക്കമുള്ള റെക്കോഡാണ് പഴങ്കഥയായത്. 1921ല്‍ നോട്ടിങ്ഹാംഷെയറിനെതിരേ ഓസ്‌ട്രേലിയന്‍ താരം ചാള്‍സ് മക്കാര്‍ട്ട്ണി നേടിയ 221 ബോളില്‍ 300 റണ്‍സ് എന്ന റെക്കോഡാണ് മാറെയ്‌സ് മറികടന്നത്.

മത്സരത്തില്‍ 68 പന്തില്‍ സെഞ്ച്വറിയടിച്ച മാറെയ്‌സ്130 ാം പന്തില്‍ ഡബിള്‍ തികച്ചു. 35 ഫോറും 13 സിക്‌സുമടക്കം പുറത്താകാതെ ട്രിപ്പിള്‍ തികച്ചതോടെ ബോര്‍ഡര്‍ ഇലവന്‍ ഡിക്ലയര്‍ ചെയ്യുകയായിരുന്നു. ക്രിക്കറ്റ് ലോകത്തിന്റെ ശ്രദ്ധ പിടിച്ചുപറ്റിയത്.

കൃഷിപ്പണിക്കാരനായ താരം ആഴ്ചയില്‍ നാല് തവണയുള്ള പരിശീലനത്തിന് 95 കിലോമീറ്റര്‍ താണ്ടിയാണ് എത്തിക്കൊണ്ടിരുന്നതെന്നാണ് റിപ്പോര്‍ട്ടുകള്‍. 34 ഫസ്റ്റ് ക്ലാസ് മത്സരങ്ങള്‍ കളിച്ച താരം 1773 റണ്‍സാണ് ഇതുവരെ നേടിയിരിക്കുന്നത്.

300* in 1 session and a half special knock Marco Marais #forthelads #whoisthisguy #EpvBears pic.twitter.com/UuzsQI5zl1

— somila seyibokwe (@seyibokwe) November 23, 2017

87 പന്തില്‍ നിന്നാണ് ഡിവില്ലിയേഴ്‌സ് സെഞ്ച്വറി കുറിച്ചത്. പിന്നെ അഭിമുഖീകരിച്ച 16 പന്തില്‍ നിന്ന് 34 റണ്‍സും അടിച്ചുകൂട്ടി. അന്‍പത് ഓവറില്‍ 200 റണ്‍സ് വിജയലക്ഷ്യമായി ഇറങ്ങിയ നോര്‍ത്തേന്‍സ് ടീം എബി ഡിവില്ലിയേഴ്‌സിന്റെ സെഞ്ച്വറിയുടെ മികവില്‍ 19.3 ഓവറില്‍ ജയിച്ചു. ഇടത് കൈമുട്ടിനേറ്റ പരിക്കിനെ തുടര്‍ന്നാണ് ഡിവില്ലിയേഴ്‌സ്  ടീമില്‍ നിന്ന് പുറത്തായത്. അതിനിടെ ടെസ്റ്റ് ക്രിക്കറ്റില്‍ നിന്ന് ഡിവില്ലിയേഴ്‌സ് വിരമിക്കുമെന്ന വാര്‍ത്തകളും സജീവമായിരുന്നു.

ശ്രീലങ്കയ്‌ക്കെതിരെ ഇപ്പോള്‍ നടക്കുന്ന ടി20 പരമ്പരയില്‍ ഇടം നേടാനാണ് ഡിവില്ലിയേഴ്‌സ് ലക്ഷ്യമിടുന്നത്. ഏകദിനത്തില്‍ 21 സെഞ്ച്വറിയും ടെസ്റ്റില്‍ 24 സെഞ്ച്വറികളും ഡിവില്ലിയേഴ്‌സിന്റെ പേരിലുണ്ട്. ചാമ്പ്യന്‍സ് ട്രോഫിയുള്‍പ്പെടെ ദക്ഷിണാഫ്രിക്കന്‍ നിരയില്‍ ഡിവില്ലിയേഴ്‌സിന്റെ സാന്നിധ്യമുണ്ടാകുമെന്നാണ് ക്രിക്കറ്റ് പ്രേമികള്‍ കരുതുന്നത്.

കൈമുട്ടിനേറ്റ പരിക്കിനെ തുടര്‍ന്ന് ന്യൂസിലാന്‍ഡ്, ഓസ്‌ട്രേലിയ പര്യടനത്തില്‍ ഡിവില്ലിയേഴ്‌സിന് കളിക്കാനായിരുന്നില്ല. ഈ മാസം 26ന് ശ്രീലങ്കയ്‌ക്കെതിരായ പരമ്പരയിലും ഡിവില്ലിയേഴ്‌സിനെ ഉള്‍പ്പെടുത്തിയിട്ടില്ല. എന്നാല്‍ ഡുപ്ലെസിയുടെ കീഴില്‍ ഓസ്‌ട്രേലിയയില്‍ പരമ്പര വിജയിക്കുകയും ചെയ്തു. എബി ഡിവില്ലിയേഴ്‌സ് ടെസ്റ്റില്‍ നിന്ന് വിരമിച്ചേക്കുമെന്നും വാര്‍ത്തകള്‍ വന്നിരുന്നു. ടി20, ഏകദിനത്തില്‍ ശ്രദ്ധ കേന്ദ്രീകരിക്കാനാണ് നീക്കമെന്നും റിപ്പോര്‍ട്ടുകളുണ്ടായിരുന്നു.

എന്നാല്‍ ഇക്കാര്യത്തില്‍ തീരുമാനം എടുക്കേണ്ടത് ഡിവില്ലിയേഴ്‌സാണെന്നാണ് ദക്ഷിണാഫ്രിക്കന്‍ ക്രിക്കറ്റ് അധികാരികള്‍ വ്യക്തമാക്കുന്നത്. ഡിവില്ലിയേഴ്‌സിന് പരിക്കില്‍ നിന്ന് മോചിതനാകാന്‍ മൂന്നോ, നാലോ ആഴ്ചകള്‍ വേണ്ടിവരും. ലങ്കയ്‌ക്കെതിരായ ഏകദിന പരമ്പരക്ക് ടീമില്‍ മടങ്ങിയെത്താനാവുമെന്നാണ് ക്രിക്കറ്റ് ദക്ഷിണാഫ്രിക്ക വ്യക്തമാക്കുന്നത്.