കേസിലെ കുറ്റപത്രമുൾപ്പെടെ നഷ്ടപ്പെട്ട 11 രേഖകളുടെ സെർട്ടിഫൈഡ് കോപ്പികൾ മാർച്ച് 18ന് പ്രോസിക്യൂഷൻ കോടതിയിൽ ഹാജരാക്കിയിരുന്നു. എന്നാൽ പ്രോസിക്യൂഷൻ ഹാജരാക്കിയ രേഖകളിൽ പ്രതിഭാഗം എതിർപ്പറിയിച്ചു. ഹൈക്കോടതി നിർദേശപ്രകാരമാണ് രേഖകൾ പുൻനിർമിച്ചതെന്നും അത് ചോദ്യം ചെയ്യാൻ പ്രതിഭാഗത്തിനാവില്ലെന്നും കോടതി വ്യക്തമാക്കി.

കേസിന്റെ രേഖകൾ പ്രതിഭാഗത്തിന്റെ കയ്യിലുണ്ട്. ഇതിന്റെ സുതാര്യത പരിശോധിക്കാൻ പ്രോസിക്യൂഷൻ പുനർനിർമിച്ച രേഖകളുമായി ഇവ താരതമ്യം ചെയ്യാമെന്നും അന്ന് കോടതി പറഞ്ഞു. പ്രതിഭാഗത്തിന്റെ വാദത്തിനായി കേസ് ഈ മാസം 25 ലേക്ക് മാറ്റുകയായിരുന്നു.

കേസിലെ രേഖകൾ നഷ്ടപ്പെട്ടത് 2019 ജനുവരിയിലാണെന്ന് എറണാകുളം പ്രിൻസിപ്പൾ സെഷൻസ് കോടതി അറിയിച്ചു. കഴിഞ്ഞ സെപ്തംബർ 23 ന് ഇക്കാര്യം ശ്രദ്ധയിൽപ്പെട്ടതൊടെ ഹൈക്കോടതിയിൽ വിവരം അറിയിച്ചെന്നും കോടതി പറഞ്ഞു. കോടതിയിൽ നിന്ന് രേഖ നഷ്ടപ്പെട്ടത് പരിശോധിക്കാൻ അന്വേഷണ കമ്മിഷനെ ചുമതലപ്പെടുത്തിയിട്ടുണ്ട്. രേഖകൾ കാണാതാവുന്നത് സാധാരണയാണെന്നും കോടതി വ്യക്തമാക്കിയിരുന്നു.

അഭിമന്യു കേസിലെ കുറ്റപത്രം കാണാതായ സംഭവം പുറത്തറിഞ്ഞത് എൻഐഎ എത്തിയപ്പോഴാണ്. പോപ്പുലർ ഫ്രണ്ടുമായി വിവരം തേടി എൻഐഎ സംഘം കോടതിയിൽ എത്തിയപ്പോഴാണ് കേസുമായി ബന്ധപ്പെട്ട പതിനൊന്ന് രേഖകൾ നഷ്ടമായ വിവരം പുറത്തറിയുന്നത്. പോസ്റ്റുമോർട്ടം സർട്ടിഫിക്കറ്റ്, കുറ്റപത്രം എന്നിവ അടക്കമാണ് 11 രേഖകൾ കാണാതായത്.

ക്യാമ്പസ് ഫ്രണ്ട്, എസ്.ഡി.പി.ഐ പ്രവര്‍ത്തകരായ 16 പേരാണ് കേസിലുള്‍പ്പെട്ടത്. ഇതില്‍ അഭിമന്യുവിനെ കുത്തിയ നെട്ടൂര്‍ സ്വദേശി സഹല്‍ (21), അരൂക്കുറ്റിയിലെ മുഹമ്മദ് ഷഹീം (31) എന്നിവരെ ഇതുവരെ പിടികൂടാനായിട്ടില്ല. സി.പി.എം-എസ്.ഡി.പി.ഐ നേതൃത്വത്തിന്റെ ഒത്തുകളിയാണ് ഇതിന് പിന്നിലെന്ന ആരോപണം ശക്തമാണ്. അഭിമന്യുവിന്റെ ഘാതകരെ പിടികൂടാതെ അഭിമന്യുവിന്റെ പേരില്‍ സിനിമകള്‍ പുറത്തിറക്കുകയും പ്രതിമയുണ്ടാക്കുകയും ചെയ്യുന്നതില്‍ എന്തര്‍ത്ഥമാണുള്ളതെന്ന ചോദ്യം പാര്‍ട്ടിക്കുള്ളില്‍ തന്നെ ശക്തമാവുന്നത് സി.പി.എമ്മിനെ പ്രതിരോധത്തിലാക്കിയിട്ടുണ്ട്.

നീണ്ട ചികിത്സക്ക് ശേഷം സെപ്റ്റംബര്‍ 11നാണ് അര്‍ജ്ജുന്‍ ക്യാമ്പസില്‍ തിരിച്ചെത്തിയത്. അക്രമരാഷ്ട്രീയത്തിന്റെ ഇരയെന്ന നിലയില്‍ എസ്.എഫ്.ഐ ഉയര്‍ത്തിക്കാട്ടിയ അര്‍ജ്ജുന്‍ പെട്ടന്ന് തന്നെ വേട്ടക്കാരനായി മാറുന്നതായിരുന്നു പിന്നീട് മഹാരാജാസ് കണ്ടത്. ക്യാമ്പസില്‍ എസ്.എഫ്.ഐ നടത്തുന്ന അക്രമങ്ങളുടെ മുന്‍ നിരയിലെ ഇപ്പോള്‍ അര്‍ജ്ജുനുണ്ട്. കഴിഞ്ഞ ദിവസം മഹാരാജാസില്‍ കെ.എസ്.യു പ്രവര്‍ത്തകരെ ക്രൂരമായി മര്‍ദിക്കുന്ന എസ്.എഫ്.ഐ പ്രവര്‍ത്തകര്‍ക്ക് നേതൃത്വം നല്‍കിയത് അര്‍ജ്ജുനാണ്. ഈ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്.

കൊച്ചി: ‘എസ്ഡിപിയെ പൊലീസിന് ഭയമാണോയെന്ന് സംശയിക്കേണ്ടിയിരിക്കുന്നു, ഈ പൊലീസ് സര്‍ക്കാരിന് ചീത്തപേരുണ്ടാക്കിയിരിക്കുന്നു. രാത്രി തന്നെ മുഴുവന്‍ പ്രതികളെയും അറസ്റ്റ് ചെയ്യാന്‍ കഴിയുമായിരുന്നു. എന്നാല്‍ 12 ദിവസമായിട്ടും പ്രതികളെ പിടിക്കാന്‍ സാധിച്ചിട്ടില്ല. ഗുരുതര വീഴ്ചയാണ് പൊലീസിന്റെ ഭാഗത്തു നിന്നുണ്ടായത്’-മഹാരാജാസില്‍ കഴിഞ്ഞ ജൂലൈയില്‍ കൊല്ലപ്പെട്ട എസ്എഫ്‌ഐ നേതാവ് അഭിമന്യു വധക്കേസിലെ അന്വേഷണത്തില്‍ തുടക്കം മുതല്‍ പൊലീസും അഭ്യന്തര വകുപ്പും അനാസ്ഥ  കാണിച്ചപ്പോള്‍ അന്തരിച്ച മുന്‍ എസ്എഫ്‌ഐ നേതാവും എംഎല്‍എയുമായിരുന്ന സൈമണ്‍ ബ്രിട്ടോയുടെ പ്രതികരണമായിരുന്നു ഇത്.

കാമ്പസ് രാഷ്ട്രീയത്തിന്റെ ഇരയായിരുന്ന സൈമണ്‍ ബ്രിട്ടോയുടെ വീട്ടിലെ നിത്യ സന്ദര്‍ശകരിലൊരാളായിരുന്നു അഭിമന്യു. എഴുത്തു കാര്യങ്ങളില്‍ അടക്കം സൈമണ്‍ ബ്രിട്ടോയെ അഭിമന്യു സഹായിക്കുകയും ചെയ്തിരുന്നു. സ്വന്തം മകനെ പോലെ കണ്ട അഭിമന്യുവിന്റെ വധക്കേസ് അന്വേഷണത്തില്‍ പൊലീസും സര്‍ക്കാരും പൂര്‍ണമായി പരാജയപ്പെട്ടപ്പോള്‍ താന്‍ വിശ്വസിച്ച സര്‍ക്കാരിനെതിരെ തന്നെ അദ്ദേഹത്തിന് പ്രതികരിക്കേണ്ടി വന്നു. അഭിമന്യുവിന് നീതി കിട്ടണമെന്നും കാമ്പസില്‍ ഇനി ഒരു ഇര കൂടി ഉണ്ടാവരുതെന്നും അതിലൂടെ അദ്ദേഹം അതിയായി ആഗ്രഹിച്ചു. പക്ഷേ കാമ്പസ് രാഷ്ട്രീയത്തിന്റെ ജീവിക്കുന്ന രക്തസാക്ഷിയായി സിപിഎമ്മും എസ്എഫ്‌ഐയും എപ്പോഴും ഉയര്‍ത്തി കാട്ടിയിരുന്ന സൈമണ്‍ ബ്രിട്ടോയുടെ ഈ പ്രതികരണം പാര്‍ട്ടിയും ഇടത് സര്‍ക്കാരും സൗകര്യപൂര്‍വം അവഗണിച്ചു.

കേസ് അന്വേഷണത്തില്‍ കാര്യമായി പുരോഗതിയുണ്ടായില്ല. പൊലീസിന്റെ അനാസ്ഥ ഇപ്പോഴും തുടരുന്നു. സംഭവം നടന്ന് അഞ്ചു മാസം പിന്നിടുമ്പോഴും കൊലപാതകത്തില്‍ നേരിട്ട് പങ്കെടുത്ത ഏഴോളം പ്രതികളെ ഇനിയും അന്വേഷണ സംഘത്തിന് പിടികൂടാനായിട്ടില്ല. ഭരിക്കുന്നത് ഇടത് സര്‍ക്കാരായതിനാല്‍ അഭിമന്യുവിന്റെ മുഴുവന്‍ ഘാതകരെയും വേഗത്തില്‍ പിടികൂടുമെന്ന് സൈമണ്‍ ബ്രിട്ടോ പ്രതീക്ഷിച്ചിരുന്നു. ആ ആഗ്രഹം ബാക്കിയാക്കി, ശുഭ വാര്‍ത്തക്ക് ഇനിയും കാത്തിരിക്കാതെ അദ്ദേഹത്തിന് മടങ്ങേണ്ടി വന്നു. അഭിമന്യുവിന് എല്ലാവരെയും സ്‌നേഹമായിരുന്നുവെന്നും എന്റെ കുടുംബത്തിലെ ഒരംഗം തന്നെയായിരുന്നു അവനെന്നും അഭിമന്യു കൊല്ലപ്പെട്ടപ്പോള്‍ സൈമണ്‍ ബ്രിട്ടോ പ്രതികരിച്ചിരുന്നു. അഭിമന്യുവുമായി വൈകാരിക ബന്ധം സൂക്ഷിച്ച ബ്രിട്ടോയുടെ യാത്രാ വിവരണത്തിന്റെ കൂടുതല്‍ എഴുതിയിരുന്നതും അഭിമന്യുവായിരുന്നു.

കോളജ് കാമ്പസില്‍ പോസ്റ്റര്‍ പതിക്കുന്നതുമായി ബന്ധപ്പെട്ട സംഘര്‍ഷത്തിനിടെ കഴിഞ്ഞ ജൂലൈ രണ്ടിന് പുലര്‍ച്ചെയായിരുന്നു മഹാരാജാസ് കോളജിലെ രണ്ടാം വര്‍ഷ കെമിസ്ട്രി ബിരുദ വിദ്യാര്‍ഥിയും ഇടുക്കി വട്ടവട സ്വദേശിയുമായ അഭിമന്യു (20) കൊല്ലപ്പെട്ടത്. 16 അംഗ കൊലപാതക സംഘത്തില്‍ നേരിട്ടു പങ്കെടുത്ത ഏഴു പ്രതികളാണ് ഇപ്പോഴും ഒളിവില്‍ തുടരുന്നത്. കേസില്‍ മുഴുവന്‍ പ്രതികളെ അറസ്റ്റ് ചെയ്യാനായിട്ടില്ലെന്നും വിചാരണക്കായി പ്രത്യേക കോടതി രൂപീകരിക്കുന്ന കാര്യം പരിഗണനയില്‍ ഇല്ലെന്നും സിപിഎം എംഎല്‍എമാരുടെ ചോദ്യത്തിന് മറുപടിയായി കഴിഞ്ഞ നിയമസഭ സമ്മേളനത്തില്‍ ആഭ്യന്തര വകുപ്പിന്റെ കൂടി ചുമതല വഹിക്കുന്ന മുഖ്യമന്ത്രിയും വെളിപ്പെടുത്തിയിരുന്നു.

ഗുഢാലോചനയില്‍ പങ്കാളികളായവര്‍ക്കും പ്രതികളെ സഹായിച്ചവര്‍ക്കുമെതിരെ അടുത്തഘട്ടം കുറ്റപത്രം ഉടന്‍ സമര്‍പ്പിക്കും. മുഹമ്മദ് ഷഹീം ഉള്‍പ്പെടെ ആറ് പ്രതികളെ ഇതുവരെ അറസ്റ്റ് ചെയ്യാന്‍ കഴിഞ്ഞിട്ടില്ല. ഇവര്‍ക്കായി ലുക്കൗട്ട് നോട്ടീസ് പുറപ്പെടുവിച്ചിട്ടുണ്ട്.

മഹാരാജാസ് കോളേജില്‍ ചുവരെഴുതുന്നതുമായി ബന്ധപ്പെട്ട് എസ്.എഫ്.ഐ-ക്യാമ്പസ് ഫ്രണ്ട് പ്രവര്‍ത്തകര്‍ തമ്മിലുണ്ടായ തര്‍ക്കമാണ് അഭിമന്യുവിന്റെ കൊലപാതകത്തിലേക്ക് നയിച്ചത്. സംഘര്‍ഷത്തിനിടെ ഇടത് നെഞ്ചില്‍ കുത്തേറ്റാണ് അഭിമന്യു മരിച്ചത്. നാല് സെന്റിമീറ്റര്‍ വീതിയും ഏഴ് സെന്റീമീറ്റര്‍ നീളവുമുള്ള കത്തിയാണ് കൊലപാതകത്തിന് ഉപയോഗിച്ചതെന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ വ്യക്തമായിരുന്നു.

കൊലപാതകത്തിന് ശേഷം ഇയാള്‍ ഒളിവില്‍ പോയിരുന്നു. ഇയാളെ കണ്ടെത്താന്‍ പൊലീസ് ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. കൊലപാതകം നടത്താന്‍ ആളുകളെ ഏര്‍പ്പെടുത്തിയതെന്നാണ് ഇയാല്‍ക്കെതിരായ കുറ്റം.

അഭിമന്യുവിനെ കൊലപ്പെടുത്തുമ്പോള്‍ കോളേജ് പരിസരത്ത് ആരിഫ് ഉണ്ടായിരുന്നുവെന്ന് അന്വേഷണസംഘം നേരത്തെ കണ്ടെത്തിയിരുന്നു. ആരിഫ് ഉള്‍പ്പെടെ കേസിലെ എട്ട് പ്രതികള്‍ക്കെതിരെയാണ് കഴിഞ്ഞ ദിവസം പൊലീസ് ലുക്കൗട്ട് നോട്ടീസ് പുറപ്പെടുവിച്ചത്. ഇതിന് പിന്നാലെ ആരിഫ് കീഴടങ്ങുകയായിരുന്നു. ഇതോടെ കേസില്‍ നേരിട്ട് പങ്കെടുത്ത 16 പ്രതികളില്‍ ഒന്‍പത് പേര്‍ പൊലീസ് കസ്റ്റഡിയിലായി.

കേസില്‍ റജീബിനെയും നെട്ടൂരില്‍ നിന്നുള്ള തന്‍സീര്‍, സഹല്‍, സാഹിദ് എന്നിവരെയും ചേര്‍ത്ത് പൊലീസ് അന്വേഷണം നടത്തുന്നതായി റിപ്പോര്‍ട്ടുകളുണ്ടായിരുന്നു. കൊലപാതക സംഘത്തിനൊപ്പമുണ്ടായിരുന്ന റജീബ് ആയുധങ്ങള്‍ എത്തിച്ചു നല്‍കിയെന്നും റിപ്പോര്‍ട്ടുകളുണ്ടായിരുന്നു.

നിലവില്‍ 16 പേരാണ് കേസില്‍ അറസ്റ്റിലായിരിക്കുന്നത്. കൊലപാതകത്തില്‍ നേരിട്ട് പങ്കെടുത്ത 8 പേരെക്കൂടെ ഇനിയും അറസ്റ്റ് ചെയ്യാനുണ്ട്.

അതിനിടെ കൊലയാളി സംഘത്തിലെ ഒരാളെ കൂടി പൊലീസ് തിരിച്ചറിഞ്ഞു. കണ്ണൂര്‍ സ്വദേശി റിഫ കൃത്യത്തില്‍ പങ്കെടുത്തതായാണ് പൊലീസിന്റെ കണ്ടെത്തല്‍. കേസിലെ ഒന്നാം പ്രതിയും ക്യാമ്പസ് ഫ്രണ്ട് മഹാരാജാസ് യൂണിറ്റ് പ്രസിഡണ്ടുമായ മുഹമ്മദിനെ കഴിഞ്ഞ ദിവസം പൊലീസ് അറസ്റ്റ് ചെയ്തിരുന്നു. ഇയാളെ ചോദ്യം ചെയ്തപ്പോഴാണ് കൂടുതല്‍ വിവരങ്ങള്‍ പൊലീസിന് ലഭിച്ചത്.