മുസ്‌ലിം ലീഗ് സ്ഥാപക നേതാവും മുന്‍ സ്പീക്കറുമായ സീതി സാഹിബിന്റെ നാമത്തിലാണ് പാഠശാല ആരംഭിച്ചിരിക്കുന്നത്. പഞ്ചായത്ത് തലങ്ങളില്‍ നടന്ന് വരുന്ന പാഠശാലകള്‍ നാലാം എഡിഷനിലേക്ക് കടക്കുകയാണ്. പഞ്ചായത്ത് കമ്മിറ്റി മുഖാന്തരം രജിസ്‌ട്രേഷന്‍ നടത്തിയ പഠിതാക്കള്‍ക്ക് സംസ്ഥാന കമ്മിറ്റി പരിശീലനം നല്‍കിയ ഫാക്കല്‍റ്റികളാണ് ക്ലാസിന് നേതൃത്വം നല്‍കുന്നത്.

ഫാക്കല്‍റ്റികള്‍ക്കുള്ള മൂന്നാമത്തെ റിഫ്രഷ്‌മെന്റ് കോഴ്‌സ് ആണ് ശനിയാഴ്ച നടക്കുന്നത്. അധ്യാപകര്‍, അഭിഭാഷകര്‍ തുടങ്ങി വിവിധ മേഖലകളില്‍ നിന്നായി തെരഞ്ഞെടുക്കപ്പെട്ട ഫാക്കല്‍റ്റികള്‍ക്കാണ് സംസ്ഥാന കമ്മിറ്റി തുടര്‍ പരിശീലനം നല്‍കുന്നത്. രാവിലെ 9.30ന് ആരംഭിക്കുന്ന ഫാക്കല്‍റ്റി മീറ്റില്‍ പ്രമുഖര്‍ നയിക്കുന്ന ക്ലാസ്സ് ഉണ്ടാകും, വൈകിട്ട് 4 മണി വരെ കോഴ്‌സ് തുടരും. ജില്ല കമ്മിറ്റികള്‍ തെരഞ്ഞെടുത്ത ഫാക്കല്‍റ്റികള്‍ സമയ കൃത്യതയോടെ മീറ്റില്‍ സംബന്ധിക്കണമെന്ന് മുസ്‌ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി. കെ ഫിറോസ് അറിയിച്ചു.

രാജ്യത്തെ ഏറ്റവും ദരിദ്രരായ ജനങ്ങള്‍ വസിക്കുന്ന ഗ്രാമത്തിലാണ് വിദ്യാഭ്യാസത്തിന്റെ തണലൊരുക്കിയിരിക്കുന്നത്. സാമ്പത്തികമായും സാമൂഹികമായും കടുത്ത പിന്നാക്കാവസ്ഥയില്‍ കഴിയുന്നവരുടെ ഉന്നമനത്തിനായി സ്ഥാപനം ഇനി ചുവടുറപ്പിക്കും.

കേരളം പോലെ ഉയര്‍ന്ന ജീവിത നിലവാരമുള്ള ഒരു സംസ്ഥാനത്തിലിരുന്ന് സങ്കല്‍പ്പിക്കാന്‍ പോലും കഴിയാനാവാത്തത്രയും ഗുരുതരമാണ് ഇവിടുത്തെ സ്ഥിതി. നിരക്ഷരരും അതിദരിദ്രരുമായ പട്ടിണിപ്പാവങ്ങള്‍. അന്നന്നത്തെ ആഹാരത്തിന് പോലും ഗതിയില്ലാത്തവര്‍. നിത്യചെലവിന് വഴികണ്ടെത്താന്‍ കൊച്ചുകുഞ്ഞുങ്ങള്‍ പോലും ജോലി ചെയ്യേണ്ടി വരുന്ന പരിതഃസ്ഥിതി. ഇത്തരം പരിതസ്ഥിതി നിലനില്‍ക്കുന്ന പ്രദേശത്താണ് വിദ്യാഭാസവിപ്ലവത്തിനായ് ഖുര്‍തുബ ഉയര്‍ന്നിരിക്കുന്നത്. ഖുര്‍ത്വുബ ഇന്‍സ്റ്റിറ്റിയൂട്ട് ഓഫ് അക്കാദമിക് എക്‌സലന്‍സിന്റെ ഉദ്ഘാടനവേദിയില്‍ സയ്യിദ് സാദിഖലി ശിഹാബ് തങ്ങള്‍ പറഞ്ഞു.

ഖുര്‍ത്വുബ ഒരു വലിയ ചരിത്രത്തിന്റെ ഓര്‍മ്മപ്പെടുത്തലാണ്. സ്‌പെയിനുകാര്‍ കൊര്‍ദോവ എന്നും അറബികള്‍ ഖുര്‍ത്വുബ എന്നും വിളിച്ചുപോരുന്ന സ്‌പെയിനിലെ സര്‍വകലശാല. ഈ വിദ്യാഭ്യാസ സ്ഥാപനത്തിന്റെ ചരിത്രത്തില്‍ നിന്നും പ്രേരണയുള്‍ക്കൊണ്ട് നന്മയെ പുനഃസൃഷ്ടിക്കുകയാണ് സ്ഥാപനമെന്നും തങ്ങള്‍ ഓര്‍ത്തു.

കിഷന്‍ഗഞ്ചിലെ അധസ്ഥിത ജനത്തിന് ഇസ്ലാമിക മൂല്യങ്ങളും മികച്ച വിദ്യാഭ്യാസവും പുതിയ സാങ്കേതിക വിദ്യകളും പകര്‍ന്നു നല്‍കി ജീവിത നിലവാരം ഉയര്‍ത്തുകയെന്നതാണ് ഖുര്‍ത്വുബ ഇന്‍സ്റ്റിറ്റിയൂട്ട് ഓഫ് അക്കാദമിക് എക്‌സലന്‍സിയിലൂടെ ലക്ഷ്യമിടുന്നത്.