ചുരുക്കും വാക്കുകള്‍ കൊണ്ട് കഠോര സത്യധ്വനിപ്പെരുക്കം സൃഷ്ടിക്കുന്ന നല്ല കവിതകളെന്നാണ് അവതാരികയില്‍ ലീലാവതി ടീച്ചറുടെ കുറിപ്പ്. പൊതുവാക്യ സമ്മേളനം, അരോമയുടെ വസ്ത്രങ്ങള്‍ തുടങ്ങിയ കഥാ സമാഹാരങ്ങളും അനുജ അകത്തൂട്ടിന്റേതായി പ്രസിദ്ധീകരിച്ചിട്ടുണ്ട്. ഒ.എന്‍.വി യുവ സാഹിത്യ പുരസ്‌കാരം, വെണ്‍മണി അവാര്‍ഡ്, തിരൂര്‍ തുഞ്ചന്‍ സ്മാരക സമിതി പുരസ്‌കാരം, വൈലോപ്പിള്ളി അവാര്‍ഡ്, ഡോ.അയ്യപ്പപണിക്കര്‍ സ്മാരക കവിത പുരസ്‌കാരം, അറ്റ്ലസ്-കൈരളി കവിത പുരസ്‌കാരം, അങ്കണം പുരസ്‌കാരം തുടങ്ങിയ അംഗീകാരങ്ങള്‍ നേരത്തെ ലഭിച്ചിരുന്നു.
സാഹിത്യ അക്കാദമി മുന്‍ സെക്രട്ടറി പായിപ്ര രാധാകൃഷ്ണന്റെയും എഴുത്തുകാരി നളിനി ബേക്കലിന്റെയും മകളാണ്. കേരള വെറ്റിനറി സര്‍വകലാശാലയിലെ അസി.പ്രൊഫസര്‍ ഡോ.മുഹമ്മദ് അസ്ലമാണ് ഭര്‍ത്താവ്. ഡല്‍ഹി ഇന്ത്യന്‍ അഗ്രികള്‍ച്ചറല്‍ സ്റ്റാറ്റിസ്റ്റിക്സ് റിസര്‍ച്ച് ഇന്‍സ്റ്റിറ്റ്യൂട്ടില്‍ ശാസ്ത്രജ്ഞയായി ജോലി ചെയ്യുന്ന അനൂജയ്ക്ക് ഐ.ആര്‍.എസില്‍ ഒന്നാം റാങ്കും ലഭിച്ചിരുന്നു.

ബാലസാഹിത്യത്തില്‍ മലയാളത്തില്‍ നിന്ന് മലയത്ത് അപ്പുണ്ണിയ്ക്കാണ് പുരസ്‌കാരം. ബാലസാഹിത്യത്തിന് നല്‍കിയ സമഗ്രസംഭാവനകള്‍ പരിഗണിച്ചാണ് പുരസ്‌കാരം. 50,000 രൂപയും ഫലകവുമാണ് അവാര്‍ഡ്. ശിശുദിനമായ നവംബര്‍ 14ന് അവാര്‍ഡുകള്‍ വിതരണം ചെയ്യും.

യുഎ ഖാദര്‍, ഡോ. കെഎസ് രവി കുമാര്‍, ഇളവൂര്‍ ശ്രീകുമാര്‍ എന്നിവരായിരുന്നു ബാലസാഹിത്യപുരസ്‌കാര ജൂറി അംഗങ്ങള്‍. ഡോ. ഗീത പുതുശ്ശേരി, ഡോ. പിഎസ് രാധാകൃഷ്ണന്‍, ഡോ. നെടുമുടി ഹരികുമാര്‍ എന്നിവരായിരുന്നു യുവപുരസ്‌കാരത്തിന്റെ ജൂറി അംഗങ്ങള്‍

ബി.ജെ.പി പിന്തുണച്ച ഒഡീഷ എഴുത്തുകാരി പ്രതിഭ റായിയെ 29നെതിരെ 56 വോട്ടുകള്‍ക്ക് പരാജയപ്പെടുത്തിയാണ് കമ്പാര്‍ അക്കാദമി തലപ്പത്തേക്ക് തെരഞ്ഞെടുക്കപ്പെട്ടത്.

ജ്ഞാനപീഠ പുരസ്‌കാര ജേത്രി കൂടിയായ പ്രതിഭാ റായിയെ മുന്നില്‍ നിര്‍ത്തി കേന്ദ്ര സാഹിത്യ അക്കാദമി ഭരണ സമിതി പിടിച്ചടുക്കാനുള്ള തീവ്ര ശ്രമത്തിലായിരുന്നു സംഘപരിവാര്‍. എന്നാല്‍ നിലവില്‍ അക്കാദമി ഉപാധ്യക്ഷന്‍ കൂടിയായ കന്നഡ സാഹിത്യകാരന്‍ കമ്പാറിനെ പുരോഗമന പക്ഷം വിജയത്തിലെത്തിക്കുകയായിരുന്നു.രഹസ്യ ബാലറ്റിലൂടെയായിരുന്നു വോട്ടെടുപ്പ്.

പരമ്പരാഗത രീതികളെ ഖണ്ഡിച്ച എഴുത്തുകാരി എന്ന നിലയിലാണ് കൃഷ്ണ സോബ്ദി ഹിന്ദി സാഹിത്യത്തില്‍ അടയാളപ്പെടുത്തപ്പെട്ടത്. 1925ല്‍, ഇന്നത്തെ പാകിസ്താന്റെ ഭാഗമായ പഞ്ചാബിലെ ഗുജ്‌റാത്തിലായിരുന്നു ജനനം. ഡല്‍ഹിയിലെ വിദ്യാഭ്യാസ കാലത്തു തന്നെ സാഹിത്യത്തില്‍ മികവു തെളിയിച്ചു. വിശാലമായ ക്യാന്‍വാസ് ആയിരുന്നു സോബ്ദിയുടെ കൃതികളുടെ പ്രത്യേകത. ഇന്ത്യാ -പാക് വിഭജനവും സ്ത്രീ – പുരുഷ ബന്ധവും ഇന്ത്യന്‍ സാമൂഹിക ജീവിതത്തിന്റെ പരിവര്‍ത്തനങ്ങളും മാനവിക മൂല്യങ്ങളുമെല്ലാം എഴുത്തിന് പശ്ചാത്തലമായി.
ദാര്‍ സെ ബിച്ചുഡി, മിത്രോ മര്‍ജാനി, സിന്ദഗിനാമ, ദില്‍ ഒ ഡാനിഷ്, ബദലോം കെ ഗേരേ, എ ലഡ്കി, ഗുജ്‌റാത്ത് പാകിസ്താന്‍ സേ ഗുജ്‌റാത്ത് ഹിന്ദുസ്താന്‍ തുടങ്ങിയവ കൃഷ്ണസോബ്ദിയുടെ ശ്രദ്ധേയമായ കൃതികളാണ്. പല കൃതികളും വിവിധ ഇന്ത്യന്‍ ഭാഷകളിലേക്കും സ്വീഡിഷ്, റഷ്യന്‍, ഇംഗ്ലീഷ് ഭാഷകളിലേക്കും വിവര്‍ത്തനം ചെയ്യപ്പെട്ടിട്ടുണ്ട്. ഹിന്ദി അക്കാദമി അവാര്‍ഡ്, ഷിരോമണ്‍ അവാര്‍ഡ്, മൈതില്‍ ശരണ്‍ ഗുപ്ത സമ്മാന്‍, സാഹിത്യ അക്കാദമി ഫെല്ലോഷിപ്പ്, പത്മഭൂഷണ്‍ തുടങ്ങിയ പുരസ്‌കാരങ്ങള്‍ തേടിയെത്തിയിട്ടുണ്ട്.

ശ്രീലങ്കയിലെ തമിഴ് വംശജരുടെ പോരാട്ടത്തിന്റെ കഥപറയുന്ന നോവലാണ് അവാര്‍ഡിനര്‍ഹമായ സുഗന്ധി എന്ന ആണ്ടാള്‍ ദേവനായകി. തമിഴ് മനുഷ്യാവകാശ പ്രവര്‍ത്തകയും ഫെമിനിസ്റ്റുമായ രജനി തിരണഗാമയുടെ ജീവിത കഥയാണ് നോവലിന് പ്രചോദനം. ശ്രീലങ്കന്‍ സര്‍ക്കാരും തമിഴ് വംശജരും തമ്മിലുള്ള പോരാട്ടത്തിന്റെ ചരിത്രവും പ്രതിപാദ്യവിഷയമായ നോവല്‍, ദേശവംശ സങ്കല്‍പങ്ങള്‍ മനുഷ്യജീവിതത്തെ എങ്ങനെ മാറ്റിമറിക്കുന്നു എന്നു പറഞ്ഞു തരുന്നതാണ്.

2014ല്‍ പ്രസിദ്ധികരിച്ച നോവല്‍ മലയാറ്റൂര്‍ പുരസ്‌കാരം, മാവേലിക്കര വായനാ പുരസ്‌കാരം, കെ.സുരേന്ദ്രന്‍ നോവല്‍ അവാര്‍ഡ്, എ.പി കളയ്ക്കാട് സാഹിത്യപുരസ്‌കാരം തുടങ്ങിയവ ലഭിച്ചിട്ടുണ്ട്. ഏറെ ചര്‍ച്ചചെയ്യപ്പെട്ട ‘ഫ്രാന്‍സിസ് ഇട്ടിക്കോര’യാണ് രാമകൃഷ്ണന്റെ മറ്റൊരു പ്രധാന കൃതി.

പ്രൊഫ. തോമസ് മാത്യു, ഡോ.കെ.പിമോഹനന്‍,ഡോ.അനില്‍കുമാര്‍ എന്നിവരായിരുന്നു വയലാര്‍ അവാര്‍ഡ് നിര്‍ണയത്തിനുള്ള കമ്മിറ്റി അംഗങ്ങള്‍. വയലാര്‍ രാമവര്‍മ്മയുടെ സ്മരാണാര്‍ത്ഥം സാഹിത്യത്തിലെ സംഭാവനകള്‍ക്ക് 1977 ലാണ് വയലാര്‍ പുരസ്‌കാരം നല്‍കി തുടങ്ങുന്നത്. വയലവാര്‍ രാമവര്‍മ്മയുടെ ചരമദിനമായ ഒക്ടോബര്‍ 27ന് പുരസ്‌കാരം സമ്മാനിക്കും.