അപകടത്തില്‍ മൂന്ന് പേര്‍ വാഹനത്തിന്റെ അടിയില്‍ കുടുങ്ങി. ഇവരെ രക്ഷപ്പെടുത്താന്‍ നാട്ടുകാര്‍ അഗ്നിരക്ഷാസേനയെ വിവരം അറിയച്ചു. അപകടം സംഭവിച്ചത് മൊബൈല്‍ നെറ്റ് വര്‍ക്ക് കുറഞ്ഞ പ്രദേശത്തായതിനാല്‍ വിവരമറിയാന്‍ വൈകിയിട്ടുണ്ട്.

നാല് ദിവസം പ്രായമായ പെണ്‍കുഞ്ഞിന്റെ മൃതദേഹമാണ് കണ്ടെത്തിയിരിക്കുന്നത്. കോളനിയിലെ യുവതി പ്രസവിച്ച പെണ്‍കുഞ്ഞിന്റെ മൃതദേഹമാണെന്നാണ് സംശയിക്കപ്പെടുന്നത്.

തൃശൂര്‍ ചാലക്കുടി ദേശീയപാതയിലെ നടവരമ്പിനടത്താണ് അപകടമുണ്ടായത്. കണ്ടെയ്‌നര്‍ ലോറിയുടെ പിറകില്‍ കാര്‍ ചെന്നിടിച്ചാണ് അപകടമുണ്ടായത്. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു.

ഇരുവരും തത്ക്ഷണം മരിക്കുകയായിരുന്നു. കാറോടിച്ചിരുന്ന ഹരിപ്രസാദിനെ ഗുരുതരമായ പരിക്കുകളോടെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. അപകടകാരണം വ്യക്തമായിട്ടില്ല.

മംഗളൂരു ഭാഗത്ത് നിന്നും ചരക്കുമായി കൊച്ചിയിലേക്ക് പോവുകയായിരുന്ന കെ.എ 23 സി. 0803 നമ്പര്‍ നാഷണല്‍ പെര്‍മിറ്റ് ലോറിയും കാസര്‍കോട് ഭാഗത്ത് നിന്നും കര്‍ണാടകയിലേക്ക് പോവുകയായിരുന്ന കെ.എ 15 പി.9999 നമ്പര്‍ ഫോഴ്സ് ട്രാക്ക് തൂഫാന്‍ ജീപ്പും കൂട്ടിയിടിച്ചാണ് അപകടം. അപകടത്തില്‍ ജീപ്പ് പൂര്‍ണമായും തകര്‍ന്നു.

ലോറിയുടെ മുന്‍ വശത്തെ ടയര്‍ പൊട്ടിയത് മൂലം നിയന്ത്രണംവിട്ടു ജീപ്പില്‍ ഇടിക്കുകയായിരുന്നു. അപകടത്തില്‍പ്പെട്ടവരെ നാട്ടുകാരും ഫയര്‍ഫോഴ്‌സും ചേര്‍ന്ന് ജീപ്പ് വെട്ടിപൊളിച്ചാണ് പുറത്തെടുത്തത്. മൂന്നുസ്ത്രീകളും ജീപ്പ് ഡ്രൈവര്‍ അടക്കം രണ്ടു പുരുഷന്മാരുമാണ് മരിച്ചത്. ജീപ്പ് ഡ്രൈവറുടെ മൃതദേഹം ഒരു മണിക്കൂറിനു ശേഷമാണ് പുറത്തെടുക്കാന്‍ കഴിഞ്ഞത്.

അപകടത്തില്‍ ഗുരുതര പരിക്കേറ്റ നാല് കുട്ടികളെ മംഗളൂരിലെ ആശുപത്രിയില്‍ തീവ്ര പരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്. ഇതില്‍ രണ്ടുപേരുടെ നില അതീവ ഗുരുതരമാണ്. തീര്‍ത്ഥാടനത്തിന് പോയ കുടുംബമാണ് അപകടത്തില്‍പെട്ടത്.

മെഡിക്കല്‍ കോളജ് ആസ്പത്രിയിലേക്ക് പോകുകയായിരുന്ന ആംബുലന്‍സ് അശ്രദ്ധമായി ഓടിച്ച് പിഞ്ചുകുഞ്ഞുങ്ങളുമായി സഞ്ചരിക്കുന്ന കാറില്‍ ഇടിച്ച സംഭവത്തില്‍ വ്യാജവാര്‍ത്ത സൃഷ്ടിച്ച് കേസുകളൊഴിവാക്കാന്‍ ആംബുലന്‍സ് ഡ്രൈവര്‍ ശ്രമിക്കുന്നതായി പരാതി. ബുധനാഴച പുലര്‍ച്ചെയാണ് താമരക്കുളം മേക്കുംമുറി പാറയില്‍ പുത്തന്‍വീട്ടില്‍ പരേതനായ പരീത് റാവുത്തറുടെ ഭാര്യ എഴുപത്തഞ്ചുകാരിയായ ഉമൈബാന്‍ ബീവിയെ മാവേലിക്കരയിലെ സ്വകാര്യ ആസ്പത്രയില്‍ ചികിത്സയില്‍ കഴിയുന്നതിനിടെ രോഗം മൂര്‍ച്ഛിച്ചപ്പോള്‍ മെഡിക്കല്‍ കോളജ് ആസ്പത്രിയിലേക്ക് മാറ്റാന്‍ ശ്രമിക്കുന്നതിനിടെ അപകടം സംഭവിച്ചത്. സ്നേഹതീരം ഗ്രൂപിന്റെ ആംബുലന്‍സില്‍ രോഗിയെ ആലപ്പുഴയിലേക്ക് കൊണ്ടുവരുന്നതിനിടെ ദേശീയപാതയില്‍ തോട്ടപ്പളളിക്കു സമീപം വെച്ച് പുലര്‍ച്ചെ 1.40നായിരുന്നു അപകടം. തിരുവനന്തപുരത്ത് നിന്ന് രണ്ട് പിഞ്ചുകുഞ്ഞുങ്ങളെയും സ്ത്രീകളെയുമായി വരികയായിരുന്ന കാറിന്റെ പിന്നില്‍ അമിതവേഗതയിലെത്തിയ ആംബുലന്‍സ് ഇടിച്ചു. പാതയില്‍ കനത്തമഴയെ തുടര്‍ന്ന് ഗതാഗതതടസ്സമുണ്ടായിരുന്നു. നിയന്ത്രിത വേഗതയില്‍ വാഹനങ്ങള്‍ ഒന്നിനുപിറകെ മറ്റൊന്നായി സാവകാശം കടന്നുപോകുന്നതിനിടെയായിരുന്നു ആംബുലന്‍സ് ഡ്രൈവറുടെ പരാക്രമം. ആംബുലന്‍സ് ഇടിച്ചിട്ട കാര്‍ തൊട്ടുമുന്നിലുള്ള ട്രക്കിന്റെ പിന്‍ഭാഗത്തേക്കു കയറി. ഇതിന്റെ അടയാളങ്ങള്‍ കാറിലും ട്രക്കിലും കാണാം. അപകടത്തെ തുടര്‍ന്ന് പരിഭ്രാന്തിയിലായ കാറില്‍ യാത്ര ചെയ്തിരുന്ന ഗൃഹനാഥന്‍ കുട്ടികളെയും സ്ത്രീകളെയും സുരക്ഷിതരാക്കാനുള്ള തത്രപ്പാടിലായിരുന്നു. ആംബുലന്‍സ് ഡ്രൈവര്‍ കാര്‍ യാത്രക്കാര്‍ക്ക് എന്തെങ്കിലും സംഭവിച്ചോ എന്നന്വേഷിക്കാനുള്ള സാമാന്യ മര്യാദ പോലും കാണിച്ചില്ല. വാഹനത്തിലെ കുഞ്ഞുങ്ങളെ രക്ഷിക്കാനുള്ള ശ്രമവുമുണ്ടായില്ല. ആംബുലന്‍സില്‍ നെഴ്സുണ്ടായിട്ടും ഇതിനു യാതൊരു സൗകര്യവും ഏര്‍പ്പെടുത്തിയില്ല. ആംബുലന്‍സില്‍ രോഗിയുണ്ടെന്ന് മനസ്സിലാക്കിയതിനെ തുടര്‍ന്ന് ഗൃഹനാഥനായ റമീസ് എത്രയും പെട്ടെന്ന് ആംബുലന്‍സിലെ രോഗിയെ ആസ്പത്രിയിലെത്തിക്കണമെന്ന് ഡ്രൈവറോട് ആവശ്യപ്പെട്ടെങ്കിലും ഈ ആംബുലന്‍സ് ഇനി ഓടില്ലെന്നും മറ്റൊന്ന് സംഘടിപ്പിക്കണമെന്നുമായിരുന്നു ആംബുലന്‍സ് ഡ്രൈവര്‍ പറഞ്ഞത്. സംഭവം നടന്നയുടനെ റമീസ് പൊലീസിനെ വിളിക്കുകയും അവര്‍ സ്ഥലത്തെത്തുകയും ചെയ്തു. ഇതിനിടെ വണ്ടാനത്തു നിന്നു മറ്റൊരു ആംബുലന്‍സെത്തിച്ച് രോഗിയെ മെഡിക്കല്‍ കോളജിലേക്ക് കൊണ്ടുപോകാന്‍ സൗകര്യമൊരുങ്ങി. ആംബുലന്‍സ് ഡ്രൈവര്‍ റമീസിനോടും കുടുംബത്തോടും തട്ടിക്കയറുകയും സംഭവം മൊബൈലില്‍ പകര്‍ത്താന്‍ ശ്രമിച്ച റമീസിന്റെ ഭാര്യയുടെ മൊബൈല്‍ തട്ടിയെടുക്കാന്‍ ശ്രമവും നടത്തി.
ആസ്പത്രിയിലെത്തിച്ച രോഗിയെ ഡോക്ടര്‍മാരുടെ സംഘം പരിശോധിക്കുന്നതിനിടെ അവര്‍ മരിച്ചു. ഡ്രൈവര്‍ തന്റെ അശ്രദ്ധയിലുണ്ടായ അപകടത്തില്‍ നിന്നു തടിയൂരാന്‍ പിന്നീട് വ്യാജവാര്‍ത്തകളുണ്ടാക്കുന്നതാണ് പൊലീസും കാറില്‍ യാത്രചെയ്തവരും നാട്ടുകാരും പിന്നീട് കണ്ടത്. ആംബുലന്‍സ് ജീവനക്കാരെ കാര്‍ യാത്രക്കാര്‍ കയ്യേറ്റം ചെയ്യാന്‍ ശ്രമിച്ചുവെന്നാണ് ഹാഷിമിന്റെ കെട്ടിച്ചമച്ച വാര്‍ത്ത. കൊച്ചുകുട്ടികള്‍ സഞ്ചരിക്കുന്ന വാഹനം അപകടത്തില്‍പെട്ടാല്‍ കയ്യേറ്റത്തിനു ശ്രമിക്കാനാണോ വാഹനത്തിലുളള മാതാപിതാക്കള്‍ ശ്രമിക്കുക. സാമാന്യയുക്തിക്കു നിരക്കാത്ത വാദങ്ങളുമായി കാര്‍ യാത്രക്കാര്‍ക്കും പൊലീസിനും മേല്‍ കുറ്റംചുമത്താനാണ് ഡ്രൈവര്‍ ഹാഷിം ശ്രമിക്കുന്നത്.
സംഭവസ്ഥലത്തെത്തിയ പൊലീസ് ആംബുലന്‍സ് കസ്റ്റഡിയിലെടുത്തിരുന്നു. നാട്ടുകാരുടെയും കാര്‍ യാത്രക്കാരുടെയും മൊഴികളനുസരിച്ച് ആംബുലന്‍സ് ഡ്രൈവര്‍ക്കെതിരെ ജാമ്യമില്ലാ വകുപ്പുപ്രകാരം കേസെടുക്കുകയും ചെയ്തു. ഇതോടെ പ്രതിസന്ധിയിലായ ഡ്രൈവര്‍ രക്ഷപ്പെടാന്‍ കള്ളക്കഥകള്‍ സൃഷ്ടിക്കുകയും പൊലീസിനും കുടുംബത്തിനും മേല്‍ പഴിചാരി ഉമൈബാന്റെ ചികിത്സ വൈകിയെന്നാരോപിച്ച് രക്ഷപ്പെടാന്‍ ശ്രമിക്കുകയാണ്. സ്ത്രീകളെ അപമാനിക്കാന്‍ ശ്രമിച്ചതിനു സ്ത്രീസുരക്ഷാ നിയമപ്രകാരവും അപകടത്തില്‍പെട്ട പിഞ്ചുകുഞ്ഞുങ്ങളെ അപായപ്പെടുത്തുന്ന വിധം പെരുമാറിയതിനു കുട്ടികളുടെ സംരക്ഷണ നിയമങ്ങള്‍ പ്രകാരവും ആംബുലന്‍സ് ഡ്രൈവര്‍ക്കെതിരെ കേസ് നല്‍കുമെന്ന് കാര്‍ യാത്രക്കാരനായ റമീസ് പത്രമാധ്യമങ്ങളെ അറിയിച്ചു.
ആംബുലന്‍സ് ഡ്രൈവര്‍ മുമ്പും ഇത്തരം അപകടങ്ങള്‍ വരുത്തിയതായി നാട്ടുകാര്‍ പറയുന്നു. ദേശീയപാതയില്‍ ആംബുലന്‍സുകളുടെ കൊലവിളി സഞ്ചാരം ഏറെ അപകടങ്ങള്‍ വരുത്തിവെക്കുന്നതായും ഒരു ജീവന്‍ രക്ഷിക്കാന്‍ മറ്റനേകം ജീവനുകളെ കുരുതികൊടുക്കുന്നതില്‍ യാതൊരു മനസ്സങ്കോചവുമില്ലാതെയാണ് ചില ആംബുലന്‍സ് ഡ്രൈവര്‍മാര്‍ പെരുമാറുന്നതെന്ന് വിഷയത്തില്‍ നിയമം കൊണ്ടുവരാന്‍ സര്‍ക്കാര്‍ തയ്യാറാവണമെന്നും പൊലീസ് പറയുന്നു.

തീര്‍ത്ഥാടനത്തിനു പോയ കോട്ടയം മുണ്ടക്കയം സ്വദേശികളായ ഏഴുപേര്‍ പഴനിയില്‍ വാഹനപകടത്തില്‍ മരിച്ചു. കോരുത്തോട് സ്വദേശി ശശി, ഭാര്യ വിജയമ്മ, സുരേഷ്, ഭാര്യ രേഖ, മകന്‍ മനു അഭിജിത്ത് സജിനി എന്നിവരാണ് മരിച്ചത്. അപകടത്തില്‍ പരിക്കേറ്റ ആദിത്യന്‍ അതീവ ഗുരുതരാവസ്ഥയില്‍ ചികിത്സയിലാണ്.
ഇവര്‍ സഞ്ചരിച്ചിരുന്ന വാന്‍ തമിഴനാട് രജിസ്‌ട്രേഷനുള്ള ഒരു ലോറിയുമായി കൂട്ടിയിടിച്ചാണ് അപകടമുണ്ടായത്. കോരുത്തോടുള്ള രണ്ട കുടുംബങ്ങളിലെ ഏഴ് അംഗങ്ങളാണ് മരിച്ചത്. രണ്ടു പേര്‍ക്ക് ഗുരുതരമായ പരിക്കേറ്റു. പഴനി ആയക്കുടിയില്‍ അര്‍ധരാത്രി 12 മണിയോടെയായിരുന്നു അപകടം.

തിരുവനന്തപുരം: യാത്രക്കാരന് ശുഭയാത്ര നേരുന്ന ഇന്ത്യന്‍ റെയില്‍വേ, സംസ്ഥാനത്ത് ഓടിക്കുന്ന മിക്ക ട്രെയിനുകളിലും കാലപ്പഴക്കം ചെന്ന കോച്ചുകള്‍. സംസ്ഥാനത്ത് സര്‍വീസ് നടത്തുന്ന പാസഞ്ചര്‍ ട്രെയിനുകളിലിടക്കമുള്ള മിക്ക ബോഗികള്‍ക്കും 25 വര്‍ഷത്തിനടത്ത് പഴക്കമുണ്ട്. രാജ്യത്തെ മറ്റു റെയില്‍വേ ഡിവിഷനുകളില്‍ അത്യാധുനിക കോച്ചുകള്‍ എത്തുമ്പോഴാണ് കേരളത്തിന് മാത്രം ഈ ദുര്‍ഗതി. ട്രെയിന്‍ അപകടങ്ങള്‍ വര്‍ധിക്കുന്നതിന് കാരണം കോച്ചുകളുടെ കാലപ്പഴക്കമാണെന്ന് റെയില്‍വേ സുരക്ഷാവിഭാഗവും വിലയിരുത്തിയിരുന്നു. കേരളത്തില്‍ ഓടുന്ന ട്രെയിനുകളുടെ കോച്ചുകള്‍ കാലപ്പഴക്കം മൂലം അപകടാവസ്ഥയിലാണെന്നതിന്റെ അവസാന ഉദാഹരണമാണ് ന്യൂഡല്‍ഹിയില്‍ നിന്ന് തിരുവനന്തപുരത്തേക്ക് വന്ന കേരളാ എക്‌സ്പ്രസിന്റെ കോച്ചിന്റെ അടിയില്‍ വിള്ളല്‍ കണ്ടെത്തിയ സംഭവം. അടുത്തിടെ ആലപ്പുഴയില്‍ ബോഗി ചക്രങ്ങളില്‍ നിന്ന് വേര്‍പെട്ട സാഹചര്യമുണ്ടായിരുന്നു.

1800 ഓളം കോച്ചുകളാണ് തിരുവനന്തപുരം ഡിവിഷന് കീഴിലുള്ളത്. എന്നാല്‍ ഇതില്‍ പകുതിയും കാലപ്പഴക്കം ചെന്നവയാണെന്ന് റെയില്‍വേ തന്നെ സമ്മതിക്കുന്നുണ്ട്. കേരളത്തില്‍ സര്‍വീസ് നടത്തുന്ന ട്രെയിനുകളിലെ കോച്ചുകള്‍ തീരേ പഴകിയവയാണെന്നാണ് റെയില്‍വേ ബോര്‍ഡ് (വര്‍ക്‌സ്)അഡീഷണല്‍ മെമ്പര്‍ അജിത് പണ്ഡിറ്റ്, കേന്ദ്രമന്ത്രി അല്‍ഫോണ്‍സ് കണ്ണന്താനത്തിന്റെ നേതൃത്വത്തില്‍ നടന്ന റെയില്‍വേ ബോര്‍ഡ് മീറ്റിംഗില്‍ അറിയിച്ചത്. ബോഗികളുടെ എണ്ണക്കുറവും കാലപ്പഴക്കവും തിരുവനന്തപുരം ഡിവിഷന് കീഴിലെ ട്രെയിന്‍ ഗതാഗതത്തെയും ബാധിക്കുന്നുണ്ട്.

കോച്ചുകള്‍ സമയബന്ധിത പരിശോധനയ്ക്ക് അയക്കുമ്പോള്‍ ആനുപാതികമായി കോച്ചുകള്‍ കിട്ടാനില്ലാത്ത സ്ഥിതിയാണുള്ളത്. വാര്‍ഷിക അറ്റകുറ്റപ്പണിക്കുള്ള കാരിയേജ് വര്‍ക്ക് ഷോപ്പ് കേരളത്തിലില്ല. അറ്റകുറ്റപ്പണിക്കുള്ള സൗകര്യം ചെന്നൈ പെരമ്പൂരിലും തിരുച്ചിറപ്പള്ളിയിലുമാണുള്ളത്. അറ്റകുറ്റപ്പണികള്‍ക്കായി ഇവിടേക്ക് കൊണ്ടുപോകുന്ന കേരളത്തിലെ ട്രെയിനുകളില്‍നിന്നുള്ള നല്ല കോച്ചുകള്‍ അഴിച്ചെടുക്കുകയും പഴയത് കയറ്റിവിടുകയുമാണ് ചെയ്യുന്നത്. ഇതും കേരളത്തോടുള്ള അവഗണനയുടെ ഭാഗമാണ്.
പരമാവധി 25 വര്‍ഷമാണ് കോച്ചുകളുടെ കാലാവധി. ഈ ഡിവിഷനു കീഴില്‍ 200ലധികം കോച്ചുകള്‍ 20 വര്‍ഷത്തിലധികം പഴക്കമുള്ളതുമാണ്. 16നും 20നും ഇടയ്ക്ക് പഴക്കമുള്ള 450ഓളം കോച്ചുകളും 15 വര്‍ഷം വരെ പഴക്കമുള്ള 400ലധികം കോച്ചുകളുമുണ്ട്. അഞ്ച് വര്‍ഷത്തില്‍ താഴെ പഴക്കമുള്ള 350ഓളം കോച്ചുകളുമുണ്ട്. കാലപ്പഴക്കം കൂടിയ കോച്ചുകള്‍ സമയബന്ധിത അറ്റകുറ്റപ്പണികള്‍ക്ക് അയക്കുമ്പോള്‍ അറ്റകുറ്റപ്പണികള്‍ക്കായി കൂടുതല്‍ സമയം വേണ്ടിവരുന്നുണ്ട്. ഇതിനു പകരം കോച്ചുകള്‍ തിരിച്ചുകിട്ടാത്തതും പ്രതിസന്ധിയുണ്ടാക്കുന്നു. കാലപ്പഴക്കം ചെന്ന കോച്ചുകള്‍ മാറ്റി പുതിയത് നല്‍കണമെന്ന ആവശ്യത്തിന് റെയില്‍വേയുടെ ഭാഗത്ത് നിന്നും അനുകൂലമായ സമീപനം ഉണ്ടാകുന്നില്ല.

ഷിംല: ഹിമാചല്‍ പ്രദേശിലെ കംഗ്ര ജില്ലയില്‍ സ്വകാര്യ സ്‌കൂളിലെ കുട്ടികള്‍ സഞ്ചരിച്ച ബസ് കൊക്കയിലേക്ക് മറിഞ്ഞ് 30 പേര്‍ മരിച്ചു. 20ഓളം കുട്ടികള്‍ക്ക് പരിക്കേറ്റു. പലരുടേയും നില ഗുരുതരമായതിനാല്‍ മരണ സംഖ്യ ഉയര്‍ന്നേക്കുമെന്ന് സൂചനയുണ്ട്. 27 കുട്ടികളും ബസിന്റെ ഡ്രൈവറും രണ്ട് വനിതാ അധ്യാപകരുമാണ് മരിച്ചത്.
നൂര്‍പൂര്‍ വസീര്‍ റാം സിങ് പതാനിയ മെമ്മോറിയില്‍ സ്‌കൂളിലെ കുട്ടികളാണ് അപകടത്തില്‍പെട്ടത്. ഇന്നലെ വൈകീട്ട് സ്‌കൂള്‍ വിട്ട് വീട്ടിലേക്ക് മടങ്ങും വഴി നുര്‍പൂര്‍-ചമ്പ റോഡിലെ ഗുര്‍ചാലിലായിരുന്നു അപകടം. റോഡിലെ കുഴിയില്‍ വീണ് നിയന്ത്രണം വിട്ട ബസ് കൈവരി തകര്‍ത്ത് 100 അടിയോളം താഴ്ചയുള്ള കൊക്കയിലേക്ക് പതിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു.
മരിച്ച കുട്ടികളെല്ലാം അഞ്ചാം ക്ലാസിലോ അതിനു താഴെയോ പഠിക്കുന്ന പത്തു വയസ്സിനു താഴെയുള്ളവരാണെന്ന് പൊലീസ് സ്ഥിരീകരിച്ചു. അപകട സമയത്ത് 40ലധികം കുട്ടികള്‍ ബസില്‍ ഉണ്ടായിരുന്നതായാണ് വിവരം. പലര്‍ക്കും ഗുരുതരമായി പരിക്കേറ്റിട്ടുണ്ട്. അപകട വിവരം അറിഞ്ഞ് തടിച്ചുകൂടിയ പ്രദേശവാസികളാണ് രക്ഷാ പ്രവര്‍ത്തനത്തിന് മുന്നിട്ടിറങ്ങിയത്.
പൊലീസും അഗ്നിശമന സേനയും പിന്നീട് രക്ഷാ പ്രവര്‍ത്തനത്തില്‍ പങ്കുചേര്‍ന്നു. ദുരന്ത നിവാരണ സേനയും സംഭവ സ്ഥലത്തെത്തിയിട്ടുണ്ട്. ഒമ്പത് കുട്ടികള്‍ സംഭവ സ്ഥലത്തുതന്നെ മരിച്ചു. മറ്റുള്ളവര്‍ കംഗ്ര സര്‍ക്കാര്‍ ആസ്പത്രിയിലേക്കുള്ള യാത്രാമധ്യേയും ആസ്പത്രിയില്‍ വെച്ചുമാണ് മരിച്ചത്. ഗുരുതരമായി പരിക്കേറ്റ ചില കുട്ടികളെ പഞ്ചാബിലെ പത്താന്‍കോട്ടിലുള്ള ആസ്പത്രികളിലേക്ക് മാറ്റി. 20ലധികം കുട്ടികള്‍ മരിച്ചതായി വിവരം ലഭിച്ചിട്ടുണ്ടെന്ന് ഹിമാചല്‍ വിദ്യാഭ്യാസ വകുപ്പ് മന്ത്രി സുരേഷ് ഭരദ്വാജ് സ്ഥിരീകരിച്ചു.
ചീഫ് സെക്രട്ടറി, ഡി.ജി.പി, കംഗ്ര ഡെപ്യൂട്ടി കമ്മീഷണര്‍ എന്നിവരുമായി ബന്ധപ്പെട്ടതായും രക്ഷാ പ്രവര്‍ത്തനം വേഗത്തിലാക്കാന്‍ നിര്‍ദേശം നല്‍കിയതായും മുഖ്യമന്ത്രി ജയറാം താക്കൂര്‍ പറഞ്ഞു. ദുരന്ത നിവാരണ സേനയോട് സംഭവ സ്ഥലത്തേക്ക് തിരിക്കാന്‍ നിര്‍ദേശിച്ചിട്ടുണ്ടെന്നും തദ്ദേശവാസികളുടെ സഹായത്തോടെ രക്ഷാ പ്രവര്‍ത്തനം പുരോഗമിക്കുകയാണെന്നും അപകടം സംബന്ധിച്ച് മജിസ്‌ട്രേറ്റു തല അന്വേഷണത്തിന് ഉത്തരവിട്ടതായും മുഖ്യമന്ത്രി കൂട്ടിച്ചേര്‍ത്തു.