പ്രധാനമന്ത്രിക്കു പുറമെ വിദേശകാര്യ മന്ത്രി സുഷമാ സ്വരാജിന് 74,132 പേരെയും ഡല്‍ഹി മുഖ്യമന്ത്രി അരവിന്ദ് കെജ് രിവാളിന് 92,000 ഫോളോവേഴ്‌സിനേയും നഷ്ടമായി.

ലോകത്ത് ഏറ്റവും കൂടുതൽ പിന്തുടരുന്ന രാഷ്ട്രത്തലവനായ യു.എസ് പ്രസിഡന്റ് ഡോണൾഡ് ട്രംപിന്റെ (5.3 കോടി) ഒരു ലക്ഷം പേരെയാണു ട്വിറ്റർ ഒഴിവാക്കിയത്. യു.എസ് മുൻ പ്രസിഡന്റ് ബറാക് ഒബാമയ്ക്ക് (10.4 കോടി) നാലു ലക്ഷം പേരെ നഷ്ടപ്പെട്ടു.

ബോളിവുഡ് താരം ഷാറൂഖ് ഖാനും, മുന്‍ ക്രിക്കറ്റ് താരം സച്ചിന്‍ ടെണ്ടുല്‍ക്കര്‍ക്കും യഥാക്രമം 3,50,000, 2,50,000 ഫോളോവേഴ്‌സിനെ നഷ്ടമായിട്ടുണ്ട്. അതേ സമയം കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് 17,000 പേരുടെ പിന്തുണ മാത്രമേ കുറഞ്ഞിട്ടുള്ളൂ.

നേരത്തേ പുറത്തുവന്ന ട്വിറ്റർ ഓഡിറ്റ് റിപ്പോർട്ടിൽത്തന്നെ പ്രമുഖരുടെ അക്കൗണ്ടിലെ വ്യാജന്മാരുടെ സാന്നിധ്യം സ്ഥിരീകരിച്ചിരുന്നു. സംശയകരമായ അക്കൗണ്ടുകള്‍ വരും ദിവസങ്ങളിലും അവസാനിപ്പിക്കുമെന്ന് ട്വിറ്റര്‍ വ്യക്തമാക്കിയിട്ടുണ്ട്.

റിയാദ്: അഴിമതി വിരുദ്ധ പോരാട്ടത്തിന്റെ ഭാഗമായി 1,200 ലേറെ അക്കൗണ്ടുകള്‍ മൂന്ന് ദിവസത്തിനിടെ സഊദി ബാങ്കുകള്‍ മരവിപ്പിച്ചു. അഴിമതി കേസുകളില്‍ അറസ്റ്റിലായ രാജകുമാരന്മാരുടെയും മന്ത്രിമാരുടെയും വ്യവസായികളുടെയും അക്കൗണ്ടുകളും ഇവരുടെ ഉടമസ്ഥതയിലുള്ളതോ ബിനാമിയായി നടത്തുന്നതോ ആയ കമ്പനികളുടെ പേരിലുള്ള അക്കൗണ്ടുകളുമാണ് മരവിപ്പിച്ചത്. അറസ്റ്റിലാകാത്ത നൂറുകണക്കിന് ആളുകളുടെ അക്കൗണ്ടുകളും മരവിപ്പിച്ചിട്ടുണ്ട്. അഴിമതിയില്‍ പങ്കുള്ളതായി സംശയിച്ചാണ് ഇവരുടെ അക്കൗണ്ടുകള്‍ മരവിപ്പിച്ചത്. അക്കൗണ്ടുകള്‍ മരവിപ്പിക്കേണ്ട നൂറുകണക്കിന് ആളുകളുടെ പട്ടിക സഊദി അറേബ്യന്‍ മോണിട്ടറി അതോറിറ്റി ബാങ്കുകള്‍ക്ക് കൈമാറിയിട്ടുണ്ടെന്ന് ബ്ലൂംബെര്‍ഗ് ന്യൂസ് ഏജന്‍സി റിപ്പോര്‍ട്ട് ചെയ്തു.