യുവതിയുടെ പരാതിയില്‍ അടിമാലി പൊലീസ് കേസ് രജിസ്റ്റര്‍ ചെയ്തിരുന്നു. സംസ്ഥാന പൊലീസ് മേധാവിക്ക് യുവതി ഇ-മെയില്‍ വഴിയാണ് പരാതി നല്‍കിയത്. പരാതി അടിമാലി പൊലീസിന് കൈമാറുകയായിരുന്നു.തൊടുപുഴ ഡിവൈഎസ്പിയുടെ നേതൃത്വത്തിലാണ് അന്വേഷണ സംഘത്തെ രൂപീകരിച്ചത്.

സിനിമയില്‍ അവസരം വാഗ്ദാനം ചെയ്ത് വിളിച്ചുവരുത്തി ബാബുരാജ് പീഡിപ്പിച്ചെന്ന് ജൂനിയര്‍ ആര്‍ടിസ്റ്റാണ് പരാതി നല്‍കിയത്. തുടര്‍ന്ന് ബലാത്സംഗ കുറ്റം ചുമത്തി അടിമാലി പൊലീസ് കേസെടുക്കുകയായിരുന്നു.

യുവതിയില്‍ നിന്ന് ഫോണ്‍ വഴി വിവരങ്ങളെടുത്ത ശേഷമാണ് അടിമാലി പൊലീസ് കേസ് രജിസ്റ്റര്‍ ചെയ്തത്. പെണ്‍കുട്ടി ബാബുരാജിന്റെ റിസോര്‍ട്ടിലെ മുന്‍ ജീവനക്കാരിയായിരുന്നു. പരാതിക്ക് പിന്നില്‍ ഗൂഢാലോചന ഉണ്ടെന്നും കേസ് കെട്ടിച്ചമച്ചതാണെന്നുമാണ് ബാബുരാജിന്റെ വാദം.

ഞങ്ങളെ ഇരയായ ആ കുട്ടിയില്‍ നിന്ന് അകറ്റുകയാണവരുടെ ഉദ്ദേശം. ആക്രമിക്കപ്പെട്ട നടിക്കുവേണ്ടിയല്ല ഡബ്ല്യു.സി.സിയുടെ നീക്കമെന്നും അദ്ദേഹം പറഞ്ഞു. പ്രസിഡന്റായ ലാലേട്ടന്റെ മേക്കിട്ട് കേറുകയാണ്. നടിമാര്‍ എന്നു വിശേഷിപ്പിച്ചതില്‍ എന്താണ് പ്രശ്‌നം? എന്റെ ഭാര്യ ഒരു നടിയാണ്, ഡോക്ടറെ ഡോക്ടര്‍ എന്നു വിളിച്ചാല്‍ എന്താണ് തെറ്റെന്നും അയാള്‍, അദ്ദേഹം, അങ്ങേര് എന്നൊക്കെയാണ് അവര്‍ ലാലേട്ടനെ വിശേഷിപ്പിച്ചതെന്നും ബാബുരാജ് പറഞ്ഞു.

ആക്രമിക്കപ്പെട്ട കുട്ടി എന്റെ ചങ്കാണ്. ആ കുട്ടിക്ക് നീതി കിട്ടാന്‍ ഏതറ്റം വരെയും പോകാന്‍ തയാറാണ്. അടുത്ത ജനറല്‍ ബോഡിക്കെ ദിലീപിന്റെ കാര്യത്തില്‍ തീരുമാനം എടുക്കാനാകൂ. ബൈലോ തിരുത്താന്‍ പാടില്ല. ഇവരുടെ ഓലപ്പാമ്പ് കണ്ടിട്ട് അത് മാറ്റാന്‍ പറ്റുമോയെന്നും ബാബുരാജ് ചോദിച്ചു. പാര്‍വതി അത് തെറ്റിദ്ധരിച്ചതാകാം. അല്ലെങ്കില്‍ അര്‍ത്ഥമറിയാത്തതിനാലാവാമെന്നും മാധ്യമങ്ങളോട് ബാബുരാജ് പറഞ്ഞു. ആരോപണങ്ങളോട് അമ്മ പ്രതികരിക്കുമെന്നും 24ന് എക്‌സിക്യൂട്ടീവ് കൗണ്‍സില്‍ ചേരുമെന്നും ബാബുരാജ് പറഞ്ഞു. ജനറല്‍ ബോഡി വിളിക്കാനും ആലോചനയുണ്ടെന്നും ബാബുരാജ് വ്യക്തമാക്കി.

ഇന്നലെയാണ് അമ്മക്കെതിരെ വനിതാ സംഘടന വിമര്‍ശനവുമായി രംഗത്തെത്തിയത്. ദിലീപിനെ തിരിച്ചെടുത്തതുമായി ബന്ധപ്പെട്ടുള്ളതായിരുന്നു വിമര്‍ശനങ്ങള്‍.

രാഷ്ട്രീയത്തില്‍ ഇറങ്ങുകയാണെങ്കില്‍ തെലുങ്ക് രാഷ്ട്രീയത്തിലായിരിക്കുമെന്ന് വാണിവിശ്വനാഥ് പറഞ്ഞു. തനിക്ക് ഏറെ പ്രിയപ്പെട്ട പാര്‍ട്ടി തെലുങ്ക് ദേശംപാര്‍ട്ടിയാണ്. രാഷ്ട്രീയത്തില്‍ ഇറങ്ങുകയാണെങ്കില്‍ ടി.ഡി.പിയിലായിരിക്കും ഇറങ്ങുകയെന്നും അവര്‍ പറഞ്ഞു. പാര്‍ട്ടിയില്‍ ചേരണമെന്നാവശ്യപ്പെട്ട് തെലുങ്കുദേശം പാര്‍ട്ടിയിലെ ചില നേതാക്കള്‍ തന്നെ സമീപിച്ചിരുന്നു. രാഷ്ട്രീയത്തിലെത്തുമ്പോള്‍ അവര്‍ക്കൊപ്പമുണ്ടാവുമെന്ന് താന്‍ ഉറപ്പ് നല്‍കിയിട്ടുണ്ട്. താനേറെ ബഹുമാനിക്കുന്ന നേതാവ് ചന്ദ്രബാബു നായിഡുവുമായുള്ള കൂടിക്കാഴ്ച്ച അടുത്ത് തന്നെ നടക്കുമെന്നാണ് കരുതുന്നത്. രാഷ്ട്രീയത്തിലിറങ്ങാന്‍ കുടുംബത്തിന്റെ പിന്തുണയുണ്ട്. തെലുങ്ക് ജനതയും ഒപ്പമുണ്ടാവുമെന്ന് കരുതുന്നതായും താരം കൂട്ടിച്ചേര്‍ത്തു.

അതേസമയം, വരുന്ന തെരഞ്ഞെടുപ്പില്‍ നടി റോജക്കെതിരെ മത്സരിക്കുമെന്ന വാര്‍ത്ത അടിസ്ഥാന രഹിതമാണെന്ന് വാണിവിശ്വനാഥ് പറഞ്ഞു. നടന്‍ ബാബുരാജിന്റെ ഭാര്യയാണ് വാണിവിശ്വനാഥ്. ബാബുരാജുമായുള്ള വിവാഹത്തിന് ശേഷം സിനിമയില്‍ നിന്ന് വിട്ടുനില്‍ക്കുകയായിരുന്നു വാണി. നിലവില്‍ തമിഴ്‌നാട്ടിലാണ് താരദമ്പതികള്‍ താമസിക്കുന്നത്.

ജീനിനെ അടുത്തറിയാവുന്ന വ്യക്തിയാണ് താന്‍. ജീനിനെ വിളിച്ച് ഇക്കാര്യം ചോദിച്ചിരുന്നു. പരാതിക്കാരിയെ ഹണി ബീ 2ല്‍ ഒരു വേഷത്തിനായി പരിഗണിച്ചിരുന്നു. പിന്നീട് വേഷം നല്‍കിയില്ല. അതിന്റെ ദേഷ്യമാണ് പരാതിയുടെ കാരണമെന്നാണ് അറിയാന്‍ കഴിഞ്ഞതെന്ന് ബാബുരാജ് പറയുന്നു. എന്നാല്‍ ജീനും സുഹൃത്തുക്കളും അങ്ങനെ പറഞ്ഞിട്ടുണ്ടെങ്കില്‍ ശിക്ഷ ലഭിക്കണമെന്നും ബാബുരാജ് പറഞ്ഞു.

ഹണിബീയുടെ ചിത്രീകരണം കഴിഞ്ഞിട്ട് ആറ് മാസമായി. ഇത്രയും കാലം ഈ കുട്ടി എവിടെയായിരുന്നു. ഒരു പരാതി നല്‍കാന്‍ ഇത്രയും കാലം താമസിച്ചത് എന്തിനാണെന്നും ബാബുരാജ് ചോദിച്ചു. നടി ആക്രമിക്കപ്പെട്ട കേസും എം.എല്‍.എയുടെ പീഢനക്കേസും നിലനില്‍ക്കുന്നതിനാലാണ് ഇതിന് ഇത്രയും പ്രാധാന്യം കിട്ടുന്നത്. കുറേ കഴിയുമ്പോള്‍ ആളുകള്‍ക്ക് മടുക്കും. പരാതിക്കാര്‍ കള്ളം പറയുന്നുവെന്ന് ജനങ്ങള്‍ക്ക് തോന്നും. ഇതുമൂലം യഥാര്‍ത്ഥ ഇരയ്ക്ക് പോലും നീതി കിട്ടാതെ വരുമെന്നും ബാബുരാജ് കൂട്ടിച്ചേര്‍ത്തു.

‘തെറ്റിദ്ധാരണയുണ്ടാക്കുന്ന വാര്‍ത്തകളാണ് സംഭവത്തെത്തുടര്‍ന്ന് പുറത്തുവന്നത്. ഞാന്‍ എന്തോ കുഴപ്പത്തിന് പോയി എന്ന തരത്തിലായിരുന്നു പ്രചരണം. ബാബുരാജ് പറഞ്ഞു. ‘ബാബുരാജ്’ എന്ന് കേള്‍ക്കുമ്പോഴേ ആളുകള്‍ വിധിയെഴുതുകയാണ് കുഴപ്പം എന്റെ ഭാഗത്താണെന്ന് -ബാബുരാജ് പറഞ്ഞു.

കുളം വറ്റിക്കാനല്ല അന്ന് റിസോര്‍ട്ടില്‍ പോയത്. കുളം വൃത്തിയാക്കാനും വെള്ളം താഴ്ന്നതുകൊണ്ട് മോട്ടാര്‍ താഴ്ത്തിവെക്കാനുമായിരുന്നുവെന്ന് ബാബുരാജ് പറഞ്ഞു. റിസോര്‍ട്ട് വാങ്ങിയതുമായി ബന്ധപ്പെട്ട് ചില തര്‍ക്കങ്ങള്‍ നിലനിന്നിരുന്നു. അതുകൊണ്ടുതന്നെ കോടതിയില്‍ നിന്നുള്ള ഇഞ്ചക്ഷന്‍ ഓര്‍ഡറുമായാണ് പോയത്. എന്നാല്‍ അവിടെ ചെന്നപ്പോള്‍ പ്രകോപനമൊന്നുമില്ലാതെ അയാള്‍ തന്നെ വെട്ടുകയായിരുന്നുവെന്ന് ബാബുരാജ് വ്യക്തമാക്കി.

ഇന്നലെയായിരുന്നു സംഭവം. അടിമാലിയിലെ ആസ്പത്രിയില്‍ പ്രാഥമിക ചികിത്സ നല്‍കിയ ശേഷം ബാബുരാജിനെ രാജഗിരി ആസ്പത്രിയിലേക്ക് കൊണ്ടുപോയി.

റിസോര്‍ട്ടിലെ കുളം വറ്റിക്കുന്നതുമായി ബന്ധപ്പെട്ടുള്ള വഴക്കാണ് കത്തിക്കുത്തില്‍ കലാശിച്ചത്. സമീപവാസികളുമായുണ്ടായ തര്‍ക്കത്തില്‍ ഒരാള്‍ വാക്കത്തി ഉപയോഗിച്ച് വെട്ടുകയായിരുന്നു. ഈ കുളത്തിലെ വെള്ളമാണ് സമീപവാസികള്‍ ഉപയോഗിച്ചിരുന്നത്. കുളം വറ്റിക്കാനുള്ള ബാബുരാജിന്റെ ശ്രമത്തെ എതിര്‍ത്ത് പ്രദേശത്തുള്ളവര്‍ സംഘടിക്കുകയായിരുന്നു.

സംഘര്‍ഷത്തില്‍ ബാബുരാജിന്റെ ഇടതുനെഞ്ചിലാണ് വെട്ടേറ്റത്. പരിക്ക് ഗുരുതരമല്ല. തുടര്‍ന്ന് അടിമാലിയിലെ സ്വകാര്യ ആസ്പത്രിയില്‍ പ്രവേശിപ്പിച്ച് പ്രാഥമിക ചികിത്സ നല്‍കിയ ശേഷം കൊച്ചിയിലേക്ക് കൊണ്ടുപോവുകയായിരുന്നു.