പത്ത് മണിയോടെ സ്വദേശമായ പത്തനംതിട്ടയിലേക്കു കൊണ്ടുപോയി. വൈകിട്ട് 3.30 വരെ മാക്കാംകുന്ന് സെന്റ് പീറ്റേഴ്‌സ് കത്തീഡ്രല്‍ ഓഡിറ്റോറിയത്തില്‍ വരെ പൊതുദര്‍ശനത്തിനു വെക്കും. 3.45 മുതല്‍ 4.15 വരെ ഓമല്ലൂരിലെ ബന്ധുവീട്ടില്‍ പൊതുദര്‍ശനം. അഞ്ചിന് സംസ്‌കാരം നടത്തും.

ഏറെ നാളായി ചികിത്സയിലായിരുന്നു. പക്ഷാഘാതത്തെ തുടര്‍ന്ന് ചികിത്സയിലായിരുന്ന ക്യാപ്റ്റന്‍ രാജു ആസ്പത്രിയില്‍ നിന്ന് വീട്ടിലേക്ക് മാറിയിരുന്നു. സംസാരശേഷി ഭാഗികമായി നഷ്ടപ്പെട്ടിരുന്ന ക്യാപ്റ്റന്‍ രാജു പൂര്‍ണ്ണ ആരോഗ്യത്തിലേക്ക് തിരിച്ചുവന്നിരുന്നില്ല. പത്തനംതിട്ടയിലെ ഓമല്ലൂരില്‍ 1950-ലാണ് അദ്ദേഹം ജനിച്ചത്.

1981-ല്‍ പുറത്തിറങ്ങിയ രക്തമാണ് ആദ്യ ചിത്രം. ഇതാ ഒരു സ്‌നേഹഗാഥ, പവനായി എന്നീ രണ്ട് ചിത്രങ്ങള്‍ സംവിധാനം ചെയ്തിട്ടുണ്ട്. നടനായും വില്ലനായും തിളങ്ങിയ താരമായിരുന്നു ക്യാപ്റ്റന്‍രാജു. ചുരുങ്ങിയ കാലത്തിനുള്ളില്‍ തന്നെ അഞ്ഞൂറോളം ചിത്രങ്ങളില്‍ അഭിനയിച്ചിട്ടുണ്ട്. 37 വര്‍ഷത്തോളം സിനിമാരംഗത്ത് സജീവമായി. മലയാളത്തിനു പുറമെ ഹിന്ദി, തമിഴ്, തെലുങ്ക് എന്നീ ഭാഷകളിലും അഭിനയിച്ചിട്ടുണ്ട്. മാസ്റ്റര്‍പീസ് എന്ന ചിത്രത്തിലാണ് അവസാനമായി അഭിനയിച്ചത്. നാടോടിക്കാറ്റ്, പട്ടണപ്രവേശം, ഒരു വടക്കന്‍വീരഗാഥ എന്നിവയാണ് ശ്രദ്ധിക്കപ്പെട്ട ചിത്രങ്ങള്‍.