എന്നാല്‍ കാവ്യയില്‍ നിന്ന് എന്തൊക്കെ കാര്യങ്ങളാണ് അറിയാനുള്ളതെന്നത് വ്യക്തമല്ല. കേസന്വേഷണം പുതിയ ഘട്ടത്തിലേക്ക് കടക്കുന്നതിന്റെ സൂചനയാണ് കാവ്യയെ വിളിച്ചുവരുത്താനുള്ള തീരുമാനം. റിയല്‍ എസ്‌റ്റേറ്റ് ഇടപാടുകളും ചോദ്യംചെയ്യലിന്റെ പരിധിയില്‍ വരുമെന്നാണ് സൂചന. കഴിഞ്ഞ ദിവസം നടന്‍ ധര്‍മ്മജന്‍ ബോള്‍ഗാട്ടിയയേയും ദിലീപിന്റെ സഹോദരന്‍ അനൂപിനേയും ചോദ്യം ചെയ്തിരുന്നു.

അതേസമയം, തന്റെ മരണമൊഴിയെടുക്കണമെന്ന് മജിസ്‌ട്രേറ്റിനോട് ആവശ്യപ്പെടുമെന്ന് പ്രതി പള്‍സര്‍ സുനി പറഞ്ഞു. ഗൂഢാലോചന വെളിപ്പെടുത്തിയതിന് ശേഷം താന്‍ അനുഭവിക്കുകയാണെന്ന് പള്‍സര്‍ മാധ്യമങ്ങളോട് പറഞ്ഞു. കേസില്‍ പ്രമുഖരുള്‍പ്പെടെയുള്ളവരുടെ അറസ്റ്റ് ഉടനുണ്ടാകുമെന്നാണ് സൂചന. ഇവര്‍ക്കെതിരെ ശക്തമായ തെളിവുകളില്ലാത്തതാണ് അറസ്റ്റു ചെയ്യാത്തതിന് കാരണം.

അതേസമയം, കേസില്‍ നിയമോപദേശം തേടിയിട്ടില്ലെന്ന് ദിലീപ് പറഞ്ഞു. അറസ്റ്റുണ്ടാവുമെന്ന സൂചനയെ തുടര്‍ന്ന് ദിലീപും നാദിര്‍ഷയും ഹൈക്കോടതിയില്‍ മുന്‍കൂര്‍ ജാമ്യത്തിന് ശ്രമിക്കുന്നുവെന്നായിരുന്നു റിപ്പോര്‍ട്ട്. എന്നാല്‍ ഇത് ദിലീപ് നിഷേധിച്ചു. ഇപ്പോള്‍ നടക്കുന്ന അന്വേഷണത്തില്‍ ആശങ്കയില്ലെന്ന് ദിലീപ് വ്യക്തമാക്കി.