മണിയുടെ കഥ പറഞ്ഞ ചിത്രത്തിലാണ് മരണത്തെക്കുറിച്ചുള്ള വിവാദങ്ങളുള്ളത്. രണ്ടുമണിക്കൂറും 40മിനിറ്റുമുള്ള ചിത്രം തെങ്ങുകയറ്റക്കാരനായ സിനിമാമോഹിയായ രാജാമണിയില്‍ നിന്നാണ് തുടങ്ങുന്നത്. സിനിമയിലും ജീവിതത്തിലും മണിക്ക് ജാതി പ്രതിബന്ധമായി നില്‍ക്കുന്നതും മദ്യപാനം വില്ലനായി എത്തിയതോടെ സാമ്പത്തികമായി ചതിക്കപ്പെടുന്നതും ചിത്രത്തില്‍ കാണിക്കുന്നുണ്ട്.

മാക്ട പിളര്‍ത്തി ഫെഫ്ക രൂപീകരിച്ചതും വിനയനേയും തിലകനേയും വിലക്കിയതുമെല്ലാം ഈ ചിത്രത്തില്‍ വിനയന്‍ കാണിക്കുന്നു. താരസംവിധായക സംഘടനകളുടെ വിലക്ക് നീങ്ങി എത്തിയ വിനയന്റെ തിരിച്ചുവരവ് അടയാളപ്പെടുത്തുന്ന ചിത്രമായിരിക്കുമിതെന്ന കാര്യത്തില്‍ സംശയമില്ല. വിനയന്റെ കഥക്ക് വിനയനും ഉമ്മര്‍ മുഹമ്മദും ചേര്‍ന്നാണ് തിരക്കഥ ഒരുക്കിയിരിക്കുന്നത്.

ആര്‍.എല്‍.വി രാമകൃഷ്ണന്‍ പറയുന്നതിങ്ങനെ:

ഒരു സ്വകാര്യ എന്ന ഓണ്‍ലൈന്‍ പത്രത്തില്‍ ഞാന്‍ അഭിപ്രായപ്പെട്ടു എന്ന് പറഞ്ഞു കൊണ്ട് വന്ന ഒരു ന്യൂസ് കാണാനിടയായി.ഇത് ശരിയായ വാര്‍ത്തയല്ല.

സി.ബി.ഐ അന്വേഷണം ഏറ്റെടുത്ത അന്നു മുതല്‍ യാതൊരു പത്രമാധ്യമങ്ങള്‍ക്കു മുന്‍പില്‍ ഇത്തരത്തിലുള്ള പരാമര്‍ശങ്ങള്‍ നടത്തിയിട്ടില്ല’. സോഷ്യല്‍ മീഡിയായിലൂടെയുള്ള ഇത്തരം പരാമര്‍ശങ്ങളുടെ ഉറവിടം എവിടെ നിന്നാണ് എന്നറിയില്ല. ദയവായി ഇത് ഒരു അറിയിപ്പായി കരുതണം.സി.ബി.ഐയുടെ അന്വേഷണ റിപ്പോര്‍ട്ട് കോടതിയില്‍ എത്തുന്നതു വരെ യാതൊരു അഭിപ്രായ പ്രകടനത്തിന് പ്രസക്തിയില്ല.

സഹോദരനടക്കമുള്ളവര്‍ ഉയര്‍ത്തിയ സിബിഐ അന്വേഷണമെന്ന ആവശ്യത്തിന്റെ അടിസ്ഥാനത്തില്‍ ഹൈക്കോടതി ഉത്തരവിട്ടതിനെ തുടര്‍ന്നാണ് സി.ബി.ഐ അന്വേഷണം. ഫൊറന്‍സിക് രേഖകളിലെ വൈരുദ്ധ്യം ഉള്‍പ്പെടെയുള്ളവ ചൂണ്ടിക്കാട്ടിയാണ് പരാതിക്കാര്‍ കോടതെ സമീപിച്ചത്.

അന്വേഷണത്തെ ആരംഭിച്ചതിനെ തുടര്‍ന്ന് കഴിഞ്ഞ ദിവസം കേസ് ഡയറി അടക്കമുള്ളവ സിബിഐ ചാലക്കുടി പൊലീസില്‍നിന്ന് ഏറ്റുവാങ്ങി.

2016 മാര്‍ച്ച് ആറിനാണ് കലാഭവന്‍ മണി മരിക്കുന്നത്. ഒഴിവുകാലവസതിയായ പാഡിയില്‍ അവശനിലയില്‍ കണ്ടെത്തിയ മണിയെ ആസ്പത്രിയിലെത്തിച്ചെങ്കിലും മരിക്കുകയായിരുന്നു.

മഹാനാകാന്‍ മണി മരിക്കേണ്ടി വന്നുവെന്നായിരുന്നു സലീം കുമാര്‍ പറഞ്ഞത്. ‘മണിയെ തലകറങ്ങി വീഴ്ത്താന്‍ മുന്‍കൈ എടുത്ത ഒരു നടന്‍, അദ്ദേഹത്തിന്റെ വേര്‍പാടില്‍ കണ്ണീര്‍ പൊഴിക്കുന്നത് കണ്ടപ്പോള്‍ ഞെട്ടിപ്പോയി. വാസന്തിയും ലക്ഷ്മിയും പിന്നെ ഞാനും എന്ന ചിത്രത്തിന്റെ റിസള്‍ട്ട് പ്രഖ്യാപിക്കുന്ന ദിവസം ഒരു വിഡ്ഢി എന്ന രീതിയില്‍ കളിയാക്കാന്‍ വേണ്ടി ശ്രമിച്ചവരാണ് ഈ കണ്ണുനീര്‍ പൊഴിച്ചതെന്നും സലീംകുമാര്‍ പറഞ്ഞു.

മണിയോട് വലിയ ക്രൂരതയാണ് ഇവര്‍ ചെയ്തത്. എന്നിട്ടും മണി മരിച്ചപ്പോള്‍ ജീവിക്കുന്നു ഞങ്ങളിലൂടെ എന്നൊക്കെ പറഞ്ഞത് കേട്ടപ്പോള്‍ തനിക്ക് നാണമാണ് തോന്നിയതെന്നും നടന്‍ പറഞ്ഞു. എന്നാല്‍ ആരാണ് നടനെന്ന് വെളിപ്പെടുത്താന്‍ സലീംകുമാര്‍ തയ്യാറായില്ല.