സംഭവം അതീവ ഗൗരവത്തോടെയാണ് പോലീസ് കൈകാര്യം ചെയ്യുന്നതെന്നും വർലി പോലീസ് കേസ് രജിസ്റ്റർ ചെയ്ത് അന്വേഷണം തുടങ്ങിയതായും പൊലീസ് ദേശീയമാധ്യമങ്ങള്‍ റിപ്പോര്‍ട്ട് ചെയ്തു.

ഭീഷണി സന്ദേശത്തിൽ പറയുന്നത് ഇങ്ങനെ;

‘‘ഇത് ലോറൻസ് ബിഷ്ണോയ്‌യുടെ സഹോദരനാണ്. സൽമാൻ ഖാന് ജീവൻ നഷ്ടമാകേണ്ടെങ്കിൽ ഞങ്ങളുടെ ക്ഷേത്രത്തിലെത്തി മാപ്പു പറയുകയോ അഞ്ചുകോടി നൽകുകയോ വേണം. ഇല്ലാത്ത പക്ഷം ഞങ്ങൾ അദ്ദേഹത്തെ കൊല്ലും. ഞങ്ങളുടെ ഗ്യാങ് ഇപ്പോഴും സജീവമാണ്’’ – സന്ദേശം അയച്ച നമ്പർ പോലീസിന് ലഭിച്ചതായാണ് വിവരം.

അടുത്ത ദിവസങ്ങളിലായി സല്‍മാൻ ഖാന് നേരെയുണ്ടായ രണ്ടാമത്തെ വധഭീഷണിയാണിത്. രണ്ടുകോടി രൂപ ആവശ്യപ്പെട്ടുകൊണ്ട് ഒക്ടോബര്‍ 30നും സമാനമായ വധഭീഷണി സന്ദേശം എത്തിയിരുന്നു.

ആയുധ നിയമപ്രകാരമുള്ള മറ്റൊരു കേസില്‍ ജാമ്യത്തിലാണ് ഇയാളെന്ന് പൊലീസ് അറിയിച്ചു. ‘പഞ്ചാബ് ഗായകനായ സിദ്ധു മൂസെവാലയുടെ ഗതി വരും’ എന്നായിരുന്നു ഭീഷണി.

ഇന്‍സ്റ്റഗ്രാമില്‍ സല്‍മാനെ കാശ്‌മേര ഷാ അഭിനന്ദിച്ചു. നിങ്ങള്‍ തീര്‍ച്ചയായും ഒരു വലിയ മനുഷ്യനാണ്. ഫറാസ് ഖാന്റെ മെഡിക്കല്‍ ബില്ലുകള്‍ അടച്ചതിന് നന്ദി. നടന്‍ ഫറാസ് ഖാന്‍ ഗുരുതരാവസ്ഥയിലാണ്. സല്‍മാന്‍ അദ്ദേഹത്തോടൊപ്പം നില്‍ക്കുകയും മറ്റുള്ളവരെ സഹായിക്കുന്നതുപോലെ സഹായിക്കുകയും ചെയ്തു. ഞാന്‍ എല്ലായ്‌പ്പോഴും ഒരു യഥാര്‍ത്ഥ ആരാധകനായി തുടരും. ആളുകള്‍ക്ക് ഈ കുറിപ്പ് ഇഷ്ടമല്ലെങ്കില്‍ ഞാന്‍ കാര്യമാക്കുന്നില്ല. എന്നെ പിന്തുടരാതിരിക്കാന്‍ നിങ്ങള്‍ക്ക് ഒരു ചോയ്‌സ് ഉണ്ട്. ഇതാണ് എനിക്ക് തോന്നുന്നതും അനുഭവപ്പെടുന്നതും. ഈ ചലച്ചിത്രമേഖലയില്‍ ഞാന്‍ കണ്ടിട്ടുള്ളതില്‍ വച്ച് ഏറ്റവും യഥാര്‍ത്ഥ വ്യക്തി അദ്ദേഹമാണെന്ന് ഞാന്‍ കരുതുന്നുവെന്ന് താരം കുറിച്ചു. നിരവധി പേരാണ് സല്‍മാനെ അഭിനന്ദിച്ച് രംഗത്തെത്തിയിട്ടുള്ളത്.

ന്യൂറോളജിക്കല്‍ ഡിസോര്‍ഡര്‍ ബാധിച്ചിരിക്കുകയാണ് താരത്തിന്. ഫറാസ് ഖാനിപ്പോള്‍ ബംഗളൂരുവിലെ ഒരു ആശുപത്രിയുടെ ഐസിയുവിലാണ്. അദ്ദേഹത്തിന്റെ സഹോദരന്‍ ഫഹ്മാന്‍ ഖാന്‍ നടന്റെ ആരോഗ്യത്തെക്കുറിച്ചുള്ള വിശദാംശങ്ങള്‍ ഫണ്ട് റൈസിങ് പ്ലാറ്റ്‌ഫോമില്‍ പങ്കുവെക്കുകയും ചികിത്സയ്ക്കായി സാമ്പത്തിക സഹായം അഭ്യര്‍ത്ഥിക്കുകയും ചെയ്തിരുന്നു. 25 ലക്ഷം രൂപയാണ് ചികിത്സക്ക് ആവശ്യമായി വരുന്നത്. ‘ഫറാസ് സുഖം പ്രാപിച്ച് സാധാരണ ജീവിതത്തിലേക്ക് മടങ്ങാന്‍ ഒരു അവസരമുണ്ടെന്ന് ഡോക്ടര്‍മാര്‍ പറഞ്ഞു. എന്നാല്‍ അദ്ദേഹത്തിന് ഐസിയുവില്‍ ആവശ്യമായ ചികിത്സ ലഭിക്കുകയും വൈദ്യസഹായം ലഭിക്കുകയും ചെയ്താല്‍ മാത്രമേ ഇത് സാധ്യമാകൂ. നിങ്ങളുടെ സഹായത്തോടെയും പിന്തുണയോടെയും മാത്രമേ ഇത് സാധ്യമാകൂ,’ അദ്ദേഹം കുറിച്ചു.

മെഹന്തി (1998), ദുല്‍ഹന്‍ ബാനൂ മെയിന്‍ തെരി (1999), ചന്ദ് ബുജ് ഗയ (2005) തുടങ്ങിയ ചിത്രങ്ങളിലൂടെ ശ്രദ്ധേയനായ നടനാണ് ഫറാസ് ഖാന്‍.

പുതിയ സീസണില്‍ ഓരോ എപിസോഡിയും 20 കോടി രൂപ വീതം സല്‍മാന് പ്രതിഫലമായി ലഭിക്കും. പരിപാടിയുടെ പ്രമോഷനും വെര്‍ച്വല്‍ കോണ്‍ഫറന്‍സും എല്ലാം അടങ്ങുന്നതാണ് ഈ പ്രതിഫലമെന്നാണ് വിവരം. സല്‍മാന്‍ ഖാന്റെ ജനപ്രീതിയും ആരാധകരുടെ പിന്തുണയും കണ്ടാണ് ഇത്രയും വലിയ തുകക്ക് അദ്ദേഹത്തെ ആതിഥേയനായി കൊണ്ടുവരുന്നത്. സല്‍മാന്‍ ഖാന്റെ സാന്നിധ്യം പരിപാടിയുടെ റേറ്റിങ് കുത്തനെ ഉയര്‍ത്തുന്നതില്‍ നിര്‍ണായക പങ്കുവഹിക്കുന്നുണ്ടെന്നാണ് ബിഗ്‌ബോസിന്റെ സംഘാടകര്‍ പറയുന്നത്.

സല്‍മാന്‍ ഖാനെ വധിക്കാന്‍ നിര്‍ദേശം നല്‍കിയത് ലോറനസ് ബിഷ്‌നോയ് ആണെന്ന് ഇവര്‍ പറഞ്ഞതായി പൊലീസ്് അറിയിച്ചു. ജനുവരിയില്‍ രാഹുല്‍ മുംബൈയിലെത്തുകയും രണ്ടു ദിവസം തുടര്‍ച്ചയായി സല്‍മാന്റെ വസതി നിരീക്ഷിക്കുകയും ചെയ്തുവെന്ന് പൊലീസ് പറയുന്നു. 2018 ല്‍ ഹൈദരാബാദില്‍ നിന്നും അറസ്റ്റിലായ ഷൂട്ടര്‍ നെഹ്‌റ, ബിഷ്‌നോയുടെ നിര്‍ദേശപ്രകാരം സല്‍മാനെ വധിക്കാന്‍ ഗൂഢാലോചന നടത്തിയതായി വെളിപ്പെടുത്തിയിരുന്നു.

മാന്‍ വേട്ടക്കേസില്‍ സല്‍മാന്‍ ഖാനെതിരെ ലോറന്‍സ് ബിഷ്‌നോയ് സംഘം നേരത്തെയും വധഭീഷണി നടത്തിയിരുന്നു. കൃഷ്ണമൃഗത്തെ സംരക്ഷിക്കുന്ന ബിഷ്‌നോയ് വിഭാഗത്തില്‍പ്പെട്ടയാളാണ് ലോറന്‍സ് ബിഷ്‌നോയ്. 1998 ല്‍ ജോധ്പൂരില്‍ വെച്ച് കൃഷ്ണമൃഗത്തെ കൊന്ന കേസില്‍ സല്‍മാന്‍ ഖാനെതിരെ ശിക്ഷാ നടപടികള്‍ ഇല്ലാതിരുന്നത് ഇവരെ ചൊടിപ്പിച്ചിരുന്നു.

‘ലവ് രാത്രി’യെന്ന ചിത്രത്തിന്റെ ടൈറ്റില്‍ ഹൈന്ദവ ആഘോഷമായ നവരാത്രിയുടെ പേര് വളച്ചൊടിക്കുകയാണെന്നാണ് ശിവസേനയുടെ ആരോപണം. സിനിമയുടെ പ്രവര്‍ത്തകര്‍ ടൈറ്റില്‍ മാറ്റാന്‍ തയ്യാറാകാത്ത പക്ഷം ചിത്രം തിയേറ്ററുകളില്‍ പ്രദര്‍ശിപ്പിക്കാന്‍ പാടില്ല എന്നാണ് തിയേറ്റര്‍ ഉടമകള്‍ക്ക് ശിവസേനയുടെ താക്കീത്. ഞായറാഴ്ച്ചയാണ് ശിവസേന തിയേറ്റര്‍ ഉടമകളെ സമീപിച്ച് താക്കീത് നല്‍കിയിരിക്കുന്നത്.

ചിത്രം പേരുമാറ്റി പ്രദര്‍ശിപ്പിക്കണമെന്നാണ് ഞങ്ങള്‍ ആവശ്യപ്പെടുന്നത്. ചിത്രം ഇതേ പേരില്‍ തന്നെയാണ് തിയേറ്ററുകളില്‍ ഇറങ്ങുന്നതെങ്കില്‍, കടുത്ത പ്രതിഷേധം നേരിടേണ്ടി വരുമെന്നും ശിവസേന വഡോധര ഘടകം വക്താവ് തേജസ് ബ്രാഹ്മ്ഭട്ട് പറഞ്ഞു. അടുത്തിടെ ചില ഹിന്ദു സംഘടനങ്ങളും ചിത്രത്തിന്റെ പ്രമോഷന്‍ പരിപാടികള്‍ അലങ്കോലപ്പെടുത്താന്‍ ശ്രമിച്ചിരുന്നു.

സല്‍മാന്‍ ഖാനെ വധിക്കാന്‍ പദ്ധതി തയാറാക്കിയതും ശ്രമങ്ങള്‍ നടത്തിയതായും നെഹ്‌റയായിരുന്നുവെന്ന് പ്രാഥമിക ചോദ്യംചെയ്യലില്‍ വ്യക്തമായതായി പൊലീസ് പറഞ്ഞു. സല്‍മാന്റെ വീട്ടിലും പരിസരങ്ങളിലുമെത്തി ചിത്രങ്ങള്‍ പകര്‍ത്തുകയും ചെയ്തു.

സല്‍മാന്റെ യാത്രകളും പോക്കുവരവുകളും രേഖപ്പെടുത്തുകയും ആക്രമണത്തിന് ഉചിതമായ സ്ഥലവും ആവശ്യമായ ആയുധവും തീരുമാനിക്കുകയും ചെയ്തതായി ചോദ്യംചെയ്യലില്‍ വ്യക്തമായിട്ടുണ്ടെന്ന് അന്വേഷണ സംഘം തലവന്‍ സതീഷ് ബാലന്‍ പറഞ്ഞു.

ഛണ്ഡിഗഡ് പൊലീസിലെ ഇന്‍സ്‌പെക്ടറുടെ മകനായ സമ്പത്ത് നെഹ്‌റ ലോറന്‍സ് ബിഷ്‌നോയിയുടെ അധോലോക സംഘത്തിലെ പ്രധാന അംഗമാണ്. കൊലപാതകം, കാര്‍ മോഷണം, കൊള്ള തുടങ്ങി നിരവധി കേസുകളില്‍ പ്രതിയാണ് ഇയാള്‍. കാര്‍ മോഷണവുമായി ബന്ധപ്പെട്ട് 2016ല്‍ പൊലീസ് പിടിയിലായ ഇയാള്‍ പിന്നീട് ജാമ്യത്തിലിറങ്ങി മുങ്ങുകയായിരുന്നു.

പട്യാല ജയിലില്‍ കഴിയുമ്പോഴാണ് ഇയാള്‍ ബിഷ്‌നോയിയുമായി സൗഹൃദത്തിലാകുന്നത്.
ജനുവരിയാണ് സല്‍മാന്‍ ഖാനു നേരെ വധ ഭീഷണിയുണ്ടായത്. ജയിലില്‍ കഴിയുന്ന ബിഷ്‌നോയി ഫോണ്‍ മുഖേന തന്റെ അനുചരന്മാരുമായി നിരന്തരം ബന്ധപ്പെടുന്നുണ്ടെന്നും ഇങ്ങനെയാണ് സല്‍മാനെ വധിക്കാനുള്ള പദ്ധതി നെഹ്‌റയെ ഏല്‍പ്പിക്കുന്നതെന്നും പൊലീസ് പറഞ്ഞു.

എന്തൊക്കെയോ കാരണങ്ങള്‍ കൊണ്ട് സല്‍മാന്‍ ആരെയോ രക്ഷിക്കാന്‍ ശ്രമിക്കുകയാണെന്ന് നടി സിമി ഗെയര്‍വാള്‍ പറഞ്ഞു. ചാരിറ്റി ഉള്‍പ്പെടെ നടത്തുന്ന മനുഷ്യത്വമുള്ള മനുഷ്യനാണ് സല്‍മാന്‍ഖാന്‍. കൃഷ്ണമൃഗത്തെ കൊല്ലാന്‍ സല്‍മാന്‍ ശ്രമിക്കില്ല. ആ കുറ്റകൃത്യം ചെയ്യാന്‍ അദ്ദേഹത്തെകൊണ്ടാവില്ല. ചില കാരണങ്ങള്‍ കൊണ്ട് ആരെയോ സംരക്ഷിക്കാന്‍ ശ്രമിക്കുകയാണ് സല്‍മാന്‍ഖാന്‍. അതിന് വലിയ വിലയാണ് അദ്ദേഹം നല്‍കുന്നതെന്നും സിമി ട്വിറ്ററില്‍ കുറിച്ചു. ഒരു മൃഗത്തേയും കൊല്ലാന്‍ അദ്ദേഹത്തിനാവില്ല. മൃഗങ്ങളെ സല്‍മാന്‍ അതിയായി സ്‌നേഹിക്കുന്നയാളാണ്. 20 വര്‍ഷക്കാലമായി ചെയ്യാത്ത കുറ്റത്തിന് അനുഭവിക്കുകയാണ് അദ്ദേഹമെന്നും സിമി പറയുന്നു. ബോളിവുഡില്‍ പരക്കെ സല്‍മാന്‍ സംഭവത്തില്‍ കുറ്റക്കാരനല്ലെന്ന രീതിയിലുള്ള സംസാരം നടക്കുന്നുണ്ട്. ഈ സാഹചര്യത്തിലാണ് ചില താരങ്ങളുടെ പേര് പരാമര്‍ശിക്കാതെയുള്ള കമന്റുകള്‍. സംഭവത്തില്‍ സെയ്ഫ് കുറ്റക്കാരനാണെന്നാണ് രഹസ്യ സംസാരം.

മാന്‍വേട്ട കേസില്‍ ജയിലിലായ സല്‍മാന്‍ഖാന് രണ്ടുദിവസത്തിനു ശേഷമാണ് ജാമ്യം ലഭിച്ചത്. കേസില്‍ കൂട്ടുപ്രതികളായ സൈഫുലിഖാന്‍, സൊനാലി ബെന്ദ്ര, തബു എന്നിവരെ കോടതി വെറുതെ വിട്ടിരുന്നു. 1998-ല്‍ ഹം സാത് സാത് ഹേ എന്ന സിനിമയുടെ ചിത്രീകരണ വേളയിലാണ് സല്‍മാന്‍ഖാന്‍ കൃഷ്ണമൃഗത്തെ വെടിവെച്ചുകൊന്നത്.