സന്തോഷ് പണ്ഡിറ്റ് നല്ല മനുഷ്യനാണ്. വളരെ ബുദ്ധിശാലിയുമാണ്. സംസാരിച്ചിരിക്കാന്‍ പറ്റിയ സുഹൃത്താണ് അദ്ദേഹമെന്നും ഉണ്ണിമുകുന്ദന്‍ പറഞ്ഞു. കുറേ ചിരിപ്പിക്കുന്ന നല്ല സുഹൃത്താണ് സന്തോഷ്. കൂട്ടുകൂടിയിരിക്കാന്‍ നല്ലയാളാണ്. സന്തോഷിനൊപ്പം പ്രവര്‍ത്തിച്ചത് മികച്ച അനുഭവമായിരുന്നു. അഭിനയത്തെക്കുറിച്ച് താന്‍ ഒന്നും പറയുന്നില്ല. മാസ്റ്റര്‍പീസ് സന്തോഷ് പണ്ഡിറ്റിന് മികച്ച അവസരങ്ങള്‍ കൊണ്ടുവരുമെന്നും ഉണ്ണി മുകുന്ദന്‍ പറഞ്ഞു.

പുതിയ സിനിമകള്‍ വരാനുണ്ട്. വരാനിരിക്കുന്ന വര്‍ഷത്തില്‍ പുതിയ ചിത്രങ്ങള്‍ കുറേ കമ്മിറ്റ് ചെയ്തിട്ടുണ്ട്. ഷാന്‍ റഹ്മാന്‍ സംവിധാനം ചെയ്യുന്ന ഒരു ഗാനത്തില്‍ പാടാനിരിക്കുകയാണെന്നും പറഞ്ഞ ഉണ്ണിമുകുന്ദന്‍ വ്യക്തിപരമായി ഉയര്‍ന്നുവന്ന വിവാദങ്ങളോട് പിന്നീട് പ്രതികരിക്കാമെന്നും പറഞ്ഞു.

ഇങ്ങനെ ഒരു അറസ്റ്റ് പ്രതീക്ഷിരുന്നില്ല. ശരിക്കും ഞെട്ടിപ്പോയെന്ന് സന്തോഷ് പണ്ഡിറ്റ് പറഞ്ഞു. ഇപ്പോള്‍ ഈ നടന്‍ കുറ്റാരോപിതനാണ്. ബാക്കി കോടതി തീരുമാനിക്കട്ടെ. പക്ഷേ ഇദ്ദേഹം അറസ്റ്റ് ചെയ്യപ്പെട്ടു കഴിഞ്ഞ് ഒരുപാട് പേര്‍ ഇദ്ദേഹത്തിനെതിരെ പരാതിയുമായി വരുന്നതും പുതിയ കേസുകള്‍ ഉണ്ടാകുന്നതുമാണ് ശരിക്കും തന്നെ ചിന്തിപ്പിക്കുന്നതെന്നും അദ്ദേഹം കൂട്ടിച്ചേര്‍ത്തു.

നേരത്തെ നടി ആക്രമിക്കപ്പെട്ട കേസില്‍ പ്രതികരണവുമായി സന്തോഷ് പണ്ഡിറ്റ് രംഗത്തെത്തിയിരുന്നു. കേസില്‍ അറസ്റ്റിലാവുന്നത് ഏതെങ്കിലുമൊരു ബംഗാളിയാവരുതേ എന്നായിരുന്നു പ്രതികരണം. അതിനുശേഷമാണ് കേസില്‍ ദിലീപ് അറസ്റ്റിലാവുന്നത്. ദിലീപിന്റെ അറസ്റ്റ് പോലീസിന്റെ മണ്ടത്തരമല്ലെന്ന് അടുത്തിടെ നടന്‍ വിനായകനും
പ്രതികരിച്ചിരുന്നു. തനിക്കും ചിലത് പറയാനുണ്ട്. കോടതി നടപടികള്‍ പൂര്‍ത്തിയാവട്ടെയെന്നും അദ്ദേഹം പറഞ്ഞിരുന്നു.

മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളില്‍ ചിത്രം ഒരുങ്ങും. ചിത്രത്തില്‍ സോണിയയെ കൂടാതെ ലീന കപൂറും നായികയായെത്തുന്നുണ്ട്. സന്തോഷ് പണ്ഡിറ്റിനെ കൂടാതെ ചിത്രത്തില്‍ ഒരു താരംകൂടി അതിഥി താരമായെത്തുന്നുണ്ട്.

സാഗര ഫിലിം കമ്പനിയുടെ ബാനറില്‍ ഷിജിന്‍ ലാലാണ് ചിത്രം സംവിധാനം ചെയ്യുന്നത്. തിരുവനന്തപുരം, വര്‍ക്കല, കോവളം എന്നിവിടങ്ങളിലാണ് ചിത്രീകരണം നടക്കുക. മലയാളത്തില്‍ മമ്മുട്ടിക്കൊപ്പം സന്തോഷ് പണ്ഡിറ്റ് അഭിനയിച്ചിരുന്നു. രാജാധിരാജയ്ക്ക് ശേഷം അജയ് വാസുദേവ് സംവിധാനം ചെയ്യുന്നതാണ് മമ്മുട്ടി ചിത്രം. ചിത്രത്തില്‍ മമ്മുട്ടിക്കൊപ്പം ഒരു മുഴുനീള കഥാപാത്രമായാണ് സന്തോഷ് പണ്ഡിറ്റ് എത്തുന്നത്.

അംബേദ്കര്‍ കോളനി സന്ദര്‍ശിച്ച പണ്ഡിറ്റിന്റെ വീഡിയോ തന്റെ ഫേസ്ബുക്കിലൂടെ അജു ഷെയര്‍ ചെയ്തു. പിന്നീട് പണ്ഡിറ്റിനോട് അതിയായ ബഹുമാനം തോന്നുന്നുവെന്നും നിങ്ങളൊരു മാതൃകയാണെന്നും താരം കുറിച്ചു. കഴിഞ്ഞ ദിവസമാണ് കോളനി സന്ദര്‍ശിക്കാന്‍ പണ്ഡിറ്റ് എത്തുന്നത്. സ്‌കൂള്‍ വിദ്യാര്‍ത്ഥികള്‍ക്ക് പഠനോപകരണങ്ങളും ഫീസും ഭക്ഷണ സാധനങ്ങളും നല്‍കിയിരുന്നു. താന്‍ അംബാനിയുടെ മകനല്ലെന്നും, തന്നെക്കൊണ്ട് കഴിയുന്നപോലെ സഹായം ചെയ്യുമെന്നും പണ്ഡിറ്റ് പറഞ്ഞിരുന്നു. പ്ലസ്ടു കഴിഞ്ഞാല്‍ കുട്ടികള്‍ക്ക് പഠിക്കാന്‍ കഴിയുന്നില്ലെന്നും അതിനാല്‍ പഠനാവശ്യത്തിന് സ്‌പോണ്‍സര്‍മാരെ കണ്ടെത്താന്‍ ശ്രമിക്കുമെന്നും പണ്ഡിറ്റ് അറിയിച്ചു.

ചെയ്ത സിനിമകളിലൂടെയെല്ലാം ഒട്ടേറെ വിമര്‍ശനങ്ങള്‍ക്കും പരിഹാസങ്ങള്‍ക്കും ഇരയായ താരമാണ് സന്തോഷ് പണ്ഡിറ്റ്. എന്നാല്‍ അടുത്തിടെ സിനിമക്ക് പുറത്തുള്ള താരത്തിന്റെ പ്രവൃത്തികള്‍ക്ക് അങ്ങേയറ്റം പ്രശംസകളാണ് സാമൂഹിക മാധ്യമങ്ങളിലുള്‍പ്പെടെ ലഭിക്കുന്നത്.