ഇപ്പോഴിതാ കിങ് ഖാന്റെ ബിരുദ സര്‍ട്ടിഫിക്കറ്റ് വീണ്ടും വാര്‍ത്തകളില്‍ ഇടംപിടിക്കുകയാണ്. സോഷ്യല്‍ മീഡിയയിലൂടെ ഒരു ആരാധകനാണ് ഇതു പങ്കുവെച്ചിരുക്കുന്നത്. ഇത് എസ്.ആര്‍.കെ ആരാധകര്‍ ഏറ്റെടുത്തിട്ടുണ്ട്.

പഠനം പൂര്‍ത്തിയാക്കി 28 വര്‍ഷങ്ങള്‍ക്ക് ശേഷമാണ് നടന് സര്‍ട്ടിഫിക്കറ്റ് ലഭിച്ചത്. 2016ല്‍ ഫാന്‍ എന്ന ചിത്രത്തിന്റെ ചിത്രീകരണത്തിനായി ഡല്‍ഹി യൂണിവേഴ്‌സിറ്റിയുടെ കീഴിലുള്ള ഹന്‍സ് രാജ് കോളേജില്‍ എത്തിയപ്പോഴാണ് പ്രിന്‍സിപ്പിള്‍ രാമ ശര്‍മ എസ്. ആര്‍.കെക്ക് സര്‍ട്ടിഫിക്കറ്റ് കൈമാറിയത്. 1985 മുതല്‍ 1988 വരെയുള്ള കാലയാളവില്‍ അദ്ദേഹം പഠിച്ച ബി.എ ഇക്കണോമിക്‌സ് കോഴ്‌സിന്റെ പരീക്ഷ എഴുതി വിജയിച്ചതിന്റെ സര്‍ട്ടിഫിക്കറ്റാണിത്. 1988-ല്‍ ടെലിവിഷന്‍ താരമായി അഭിനയജീവിതം തുടങ്ങിക്കഴിഞ്ഞിരുന്നു. ജവാനാണ് ഇനി പുറത്തിറങ്ങാനുള്ള ഷാറൂഖ് ഖാന്‍ ചിത്രം.

ഷാരൂഖ് ഖാന്റെ ഏറ്റവും പുതിയ ചിത്രമായ ‘സീറോ’യുടെ ഫസ്റ്റ് ലുക്ക് അണിയറ പ്രവര്‍ത്തകരും ഷാരൂഖാനും പുറത്തുവിട്ടു. സീറോയിലെ കഥാപാത്രത്തിന്റെ വേഷപ്പകര്‍ച്ചയില്‍ ആരാധകരെ ശരിക്കും ഞെട്ടിച്ചിരിക്കുകയാണ് ബോളിവുഡ് നടന്‍ ഷാരൂഖ് ഖാന്‍. തീര്‍ത്തും പൊക്കം കുറഞ്ഞ ഒരാളുടെ വേഷത്തിലാണ് ഷാരൂഖ് ചിത്രത്തില്‍ എത്തുന്നത്. ഷാരൂഖിന്റെ പുത്തന്‍ ഗറ്റപ്പിന് വന്‍വരവേല്‍പ്പാണ് സമൂഹമാധ്യമങ്ങളില്‍ നിന്ന് ലഭിച്ചുകൊണ്ടിരിക്കുന്നത്.

ആനന്ദ് എല്‍ റായാണ് ചിത്രം സംവിധാനം നിര്‍വഹിച്ചിരിക്കുന്നത്. ചിത്രത്തില്‍ നായികമാരായി എത്തുന്നത് പ്രശസ്ത നടിമാരായ കത്രീന കൈഫും അനുഷ്‌ക ശര്‍മയുമാണ്. അതേസമയം സല്‍മാന്‍ ഖാന്‍, ദീപിക പദുകോണ്‍, റാണി മുഖര്‍ജീ, കജോള്‍, ആലിയ ഭട്ട്, ശ്രീദേവി, കരിഷ്മ കപൂര്‍, ജൂഹി ചാവ്‌ല എന്നീ വമ്പന്‍ താരങ്ങള്‍ ചിത്രത്തില്‍ അതിഥി വേഷങ്ങളില്‍ എത്തുമെന്ന് അഭ്യൂഹങ്ങളുണ്ട്. ചിത്രം 2018 ഡിസംബര്‍ 21ന് തിയേറ്ററുകളിലെത്തും.

‘എന്റെ ജീവിതമാകുന്ന മേളയുടെ ടിക്കറ്റ് എടുത്തു കാത്തിരിക്കുന്നവരേ, കളി പൂര്‍ണ്ണമാവുക തന്നെ വേണമല്ലോ’ എന്നാണ് ഷാരൂഖ് കുറിച്ചത്. ശശി കപൂര്‍ നായകനായ ‘ജബ് ജബ് ഫൂല്‍ ഖിലെ’ എന്ന ചിത്രത്തിലെ ‘ഹം കോ തും പെ പ്യാര്‍ ആയാ’ എന്ന ഗാനത്തിന് കിങ് ഖാന്‍ ചുവടു വയ്ക്കുന്ന വിഡിയോ ശകലമാണ് അണിയറക്കാര്‍ പുതുചിത്രത്തിന്റെ ഫസ്റ്റ് ലുക്ക് പുറത്തു വിട്ടിരിക്കുന്നത്.

ഹിറ്റ് ചിത്രമായ ജബ് തക് ഹേ ജാന്‍’ നിനു ശേഷം ഷാരൂഖ്-കത്രീയ-അനുഷ്‌ക ത്രയം ഒന്നിക്കുന്ന എന്ന സവിശേഷതകൂടി സീറോക്കുണ്ട്.

അമേരിക്കന്‍ ചിത്രം ‘വെന്‍ ഹാരി മെറ്റ് സാലി’യില്‍ നിന്നും പ്രചോദനം ഉള്‍ക്കൊണ്ട് ഇംത്യാസ് അലി തയ്യാറാക്കുന്ന റൊമാന്റിക് ചിത്രത്തില്‍ അനുഷ്‌ക ശര്‍മയാണ് നായിക. ഹാരിയുടേയും സേജലിന്റെയും കഥ പറയുന്ന ചിത്രത്തിന്റെ ക്യാരക്ടര്‍ ഖരാബ് (മോശം സ്വഭാവം) എന്ന് ആദ്യ ട്രൈലില്‍ റൊമാന്റിക് സ്വഭാവമുള്ള ടൂറിസ്റ്റ്‌ഗൈഡിന്റെ വേഷത്തിലാണ് ഷാരൂഖ് എത്തുന്നത്. ഹാരി സിങ് എന്ന ഞാന്‍ ഇത്തിരി മോശം സ്വഭാവക്കാരനാണ് എന്ന സ്വയം വിശേഷണത്തോടെയാണ് എസ്.ആര്‍.കെ പ്രത്യക്ഷപ്പെടുന്നത്.

താമാശക്കും ഹ്യൂമറിനും പ്രാധാന്യം നല്‍കിയ ട്രൈലുകള്‍ വര്‍ഷങ്ങള്‍ക്ക് ശേഷമാണ് ഒരു മുഴു നീള റൊമാന്റിക്ക് ചിത്രം പ്രേക്ഷകര്‍ക്ക് എത്തിക്കും എന്ന സൂചനയും നല്‍കുന്നതാണ്. ആഗസ്ത് നാലിനാണ് ഹാരിയും സേജലും പ്രേക്ഷകര്‍ക്ക് മുന്നിലേക്കെത്തുന്നത്.

റബ് നേ ബനാദി ജോഡി, ജബ് തക്ക് ഹേ ജാന്‍ എന്നീ സൂപ്പര്‍ ഹിറ്റുകള്‍ക്ക് ശേഷം ഷാരുഖും അനുഷ്‌കയും ഒന്നിക്കുന്ന ചിത്രമാണെന്ന പ്രത്യേകത കൂടി ജബ് ഹാരി മെറ്റ് സേജലിനുണ്ട്. ആംസ്റ്റര്‍ഡാം, പ്രേഗ്, ലിസ്ബണ്‍ തുടങ്ങി വിദേശ നഗരങ്ങളിലായിരുന്നു ലൊക്കേഷന്‍.
ദി റിംഗ്, റെഹ്നുമ എന്നിങ്ങനെ വ്യത്യസ്ത പേരുകള്‍ ചിത്രത്തിന്റേതായി പ്രചരിച്ചിരുന്നെങ്കിലും ‘ജബ് ഹാരി മെറ്റ് സേജല്‍’ എന്ന പേര് ദിവസങ്ങള്‍ക്ക് മുന്‍പ് സംവിധായകന്‍ തന്നെ പുറത്ത് വിടുകയായിരുന്നു.

ഷാരുഖിന്റെ സ്വന്തം സംരംഭമായ റെഡ് ചില്ലീസ് പ്രൊഡക്ഷന്‍സ് തന്നെയാണ് ചിത്രം നിര്‍മിക്കുന്നത്. ജനുവരിയില്‍ പുറത്തിറങ്ങിയ ഷാരൂഖ് ചിത്രം റയീസിന്റെ ക്യാമറമാന്‍ കെ.യു മോഹനനാണ് ഈ ചിത്രത്തിന്റെയുംഛായഗ്രഹണം നിര്‍വ്വഹിക്കുന്നത്. പ്രീതമാണ് സംഗീത സംവിധായകന്‍.

ഷാരൂഖ് ഖാന്‍ ഒരു മണല്‍ക്കുഴിയില്‍ ഒരു സ്ത്രീയുമായി വീഴുന്നതും അവരെ ഒരു കൊമോഡോ ഡ്രാഗണ്‍ ആക്രമിക്കാന്‍ വരുന്നതുമായിരുന്നു സംഭവം. സംഭവം പരിധിവിട്ടപ്പോള്‍ ഷാരൂഖ് ഖാന്‍ അവതാരകനെ മര്‍ദ്ദിക്കുന്നതാണ് ദൃശ്യങ്ങളില്‍ കാണുന്നത്. എന്നാല്‍ ഈ അടിയും പിടിയുമെല്ലാം വെറുതെയായിരുന്നുവെന്നാണ് പുതിയ വെളിപ്പെടുത്തല്‍. സംഭവം നേരത്തെ തയ്യാറാക്കപ്പെട്ട തിരക്കഥയായിരുന്നുവെന്ന് ഷാരൂഖിന്റെ മാനേജര്‍ പൂജ ദദ്‌ലാനി സമ്മതിച്ചു. ഇതിനായി ഷാരൂഖിന് 2.57കോടി രൂപ നല്‍കിയെന്നാണ് അറബി പ്രസിദ്ധീകരണമായ അല്‍ ആലം റിപ്പോര്‍ട്ട് ചെയ്യുന്നത്. എന്നാല്‍ ഇതിനെക്കുറിച്ച് മാനേജര്‍ മൗനം പാലിക്കുകയായിരുന്നു.

watch video: 

റഈസിന്റെ പ്രചരണാര്‍ത്ഥം മുംബൈയില്‍ നിന്ന് ഡല്‍ഹിയിലേക്ക് ആഗസ്റ്റ് ക്രാന്തി രാജധാനി എക്സ്പ്രസില്‍ ഷാരൂഖ് യാത്ര ചെയ്തിരുന്നു. ട്രെയിന്‍ രാജസ്ഥാനിലെ കോട്ടയിലെത്തിയപ്പോള്‍ നടന്ന സംഘര്‍ഷമാണ് കേസെടുക്കുന്നതിന് കാരണമായത്. സ്റ്റേഷനിലെത്തിയ ഷാരൂഖിനെ കാണാന്‍ ആരാധകര്‍ തടിച്ചുകൂടിയിരുന്നു. ആരാധകര്‍ക്ക് നേരെ ഷാരൂഖ് സമ്മാനപ്പൊതി എറിഞ്ഞു നല്‍കുകയും ഇതിന് വേണ്ടിയുള്ള ആരാധകരുടെ ബഹളത്തില്‍ വിക്രം സിങ്ങിന്റെ കട നശിപ്പിച്ചെന്നുമാണ് പരാതി. പണം മോഷ്ടിച്ചുവെന്നും വിക്രംസിങ്ങ് പരാതി നല്‍കിയിരുന്നു. ഉന്തും തള്ളിനുമിടെ പരിക്കേറ്റ വിക്രംസിങ്ങ് ഇപ്പോള്‍ ചികിത്സയിലാണ്.

ഹോളിവുഡില്‍ പക്ഷപാതമില്ലായിരുന്നുവെങ്കില്‍ ‘മൈ നെയിം ഈസ് ഖാന്‍’ എന്ന സിനിമയിലെ അഭിനയ മികവിനു ഷാറൂഖ് ഖാന് ഓസ്‌കര്‍ പുരസ്‌കാരത്തിന് അര്‍ഹതയുണ്ടെയിരുന്നെന്നാണ് കൊയ്ലോയുടെ നിരീക്ഷണം. കരണ്‍ ജോഹര്‍ സംവിധാനം ചെയ്ത സിനിമയെ കുറിച്ച് കൊയ്‌ലോ തന്റെ ട്വിറ്ററിലൂടെയാണ് അഭിപ്രായം അറിയിച്ചത്.

“My name is Khan and I am not a terrorist” Congratulations @iamsrk for the 7th anniversary of this wonderful movie! pic.twitter.com/6IlqFtGfMl

— Paulo Coelho (@paulocoelho) February 11, 2017

ഈ മികച്ച സിനിമ 2008ല്‍ ഇറങ്ങിയതാണെങ്കിലും ഇപ്പോഴാണു കാണാന്‍ കഴിഞ്ഞതെന്നും താന്‍ കണ്ട ഏക ഷാറൂഖ് പടം ഇതാണെന്നും പൗലോ കൊയ്ലോ ട്വീറ്റില്‍ എഴുതി. അതേസമയം നോവലിസ്റ്റിന്റെ പ്രശംസയ്ക്കു ഷാറൂഖും കരണ്‍ ജോഹറും ട്വിറ്ററിലീടെ നന്ദി അറിയിച്ചു.

Thank u so much. My next journey is to try and meet u in person. Love and health to u. https://t.co/J2hMsBybI6

— Shah Rukh Khan (@iamsrk) February 12, 2017

അടുത്ത യാത്രയില്‍ കൊയ്‌ലോയെ നേരിട്ടു കാണാന്‍ ആഗ്രഹിക്കുന്നെന്നും ഷാറൂഖ് വ്യക്തമാക്കി.

So honoured you liked our film this much…. https://t.co/MSMQoGtDdC

— Karan Johar (@karanjohar) February 11, 2017

തിങ്കളാഴ്ച്ച രാത്രി 10.30ഓടെയായിരുന്നു സംഭവം. മുംബൈയില്‍ നിന്ന് ഡല്‍ഹിയിലേക്ക് പോവുകയായിരുന്ന ഷാരൂഖ് വഡോദര സ്‌റ്റേഷനിലെത്തിയപ്പോഴാണ് ആളുകള്‍ തടിച്ചുകൂടിയത്. ഷാരൂഖ് ഉണ്ടായിരുന്ന കോച്ചിന് സമീപം ആളുകള്‍ തടിച്ചുകൂടുകയായിരുന്നു. തുടര്‍ന്ന് പത്തുമിനിറ്റിനുശേഷം ട്രെയിന്‍ ഓടിത്തുടങ്ങിയപ്പോള്‍ ആളുകള്‍ പിന്നാലെ ഓടി. ആളുകളെ മാറ്റാന്‍ പോലീസ് ലാത്തി വീശുകയായിരുന്നു. എന്നാല്‍ തിക്കിലും തിരക്കിലും പെട്ട് ശ്വാസം മുട്ടി ഒരാള്‍ മരിച്ചു.

ക്രിക്കറ്റ് താരങ്ങളായ ഇര്‍ഫാന്‍, യൂസഫ് പത്താന്‍ എന്നിവരും ഷാരൂഖ് ഖാനെ സന്ദര്‍ശിക്കുന്നതിന് സ്റ്റേഷനിലെത്തിയിരുന്നു.