വെയില്‍ എന്ന ചിത്രത്തിലെ കരാറുമായി ബന്ധപ്പെട്ടതാണ് ഷൈന്‍ നിഗത്തിന്റേയും ജോബി ജോര്‍ജ്ജിന്റേയും തര്‍ക്കം. തനിക്ക് നേരെ വധഭീഷണി ഉണ്ടെന്നാണ് ഷൈന്‍നിഗത്തിന്റെ പരാതി. എന്നാല്‍ സിനിമക്കായി വളര്‍ത്തിയ മുടി ഷൈന്‍ വെട്ടിയെന്നും പ്രതിഫലം 30 ലക്ഷം 40 ലക്ഷമായി വേണമെന്ന് ആവശ്യപ്പെട്ടുവെന്നുമാണ് ജോബി ജോര്‍ജ്ജിന്റെ ഭാഗം. സംഭവം വിവാദമായതോടെ ചര്‍ച്ചക്ക് തയ്യാറാവുകയായിരുന്നു ഇരു സംഘടനകളും.

എന്നാല്‍ ഷൈനിനെ ഭീഷണിപ്പെടുത്തിയിട്ടില്ലെന്ന വിശദീകരണവുമായി കഴിഞ്ഞ ദിവസം നിര്‍മ്മാതാവ് ജോബി ജോര്‍ജ് പത്രസമ്മേളനം നടത്തിയിരുന്നു. 4.82 കോടി മുതല്‍മുടക്കുള്ള തന്റെ സിനിമയുടെ അവശേഷിക്കുന്ന ചിത്രീകരണത്തില്‍നിന്നും ഷൈന്‍ ഒഴിഞ്ഞുമാറുകയാണെന്നും ഇപ്പോള്‍ പ്രതിഫലം കൂട്ടിച്ചോദിക്കുകയാണ് എന്നുമാണ് ജോബി ജോര്‍ജ് പറഞ്ഞത്. മുപ്പത് ലക്ഷമാണ് ഷൈനിന് നല്‍കിയത്. എന്നാല്‍ ഇപ്പോള്‍ 40 ലക്ഷം വേണമെന്നാണ് പറയുന്നത്. ഈ വിഷയം ഉന്നയിച്ച് താന്‍ നിര്‍മ്മാതാക്കളുടെ സംഘടനക്ക് പരാതി നല്‍കിയിട്ടുണ്ടെന്നും ജോബി ജോര്‍ജ് പറഞ്ഞു.

ഇതിനു മറുപടിയുമായി ഇപ്പോള്‍ ഷെയ്ന്‍ തന്നെ രംഗത്ത് എത്തിയിരിക്കുകയാണ്. ഇന്‍സ്റ്റഗ്രാമിലൂടെ ആണ് താരം ഇതിനുള്ള മറുപടി നല്‍കിയത്. ‘ജോബി ജോര്‍ജിന്റെ പത്രസമ്മേളനം കണ്ടവരാണെന്ന് വിശ്വസിക്കുന്നു. ഇത് പത്രസമ്മേളനത്തിനുള്ള മറുപടിയല്ല,? അതിലുള്ള ഒരു സെന്റന്‍സിനുള്ള മറുപടിയാണ്. പിന്നെ അതിന്റെ താഴെ കമന്റ് ചെയ്തിരിക്കുന്ന നല്ലവരായ ജനങ്ങള്‍ക്കുമുള്ള മറുപടിയാണ്. ഇത് വെല്ലുവിളി അല്ലാട്ടോ.., എന്നെ നിയന്ത്രിക്കുന്നയൊരു ശക്തിയുണ്ടെങ്കില്‍, എന്റെ റബ്ബ് ഉണ്ടെങ്കില്‍ ഞാന്‍ ഇതിന് മറുപടി തരുന്നില്ല. റബ്ബ് തന്നോളും’ എന്നാണ് ഷെയ്ന്‍ വീഡിയോയില്‍ പറഞ്ഞത്.

മുന്‍പുണ്ടായിരുന്നവരുടെ പക്വത ഇപ്പോഴുള്ളവര്‍ക്ക് ഇല്ലെന്ന് ഇടവേള ബാബു പറഞ്ഞു. ‘തിങ്കളാഴ്ചയോ ചൊവ്വാഴ്ചയോ എല്ലാവരെയും വിളിച്ചുകൂട്ടി, ഒരു മേശക്ക് ചുറ്റും ഇരുന്ന് തീര്‍ക്കാവുന്ന പ്രശ്‌നമല്ലേയുള്ളൂ. ഇപ്പൊ എല്ലാവര്‍ക്കും ആ പഴയകാലത്തെ പക്വത ഇല്ല എന്നുള്ള അഭിപ്രായം ഉണ്ട് എനിക്ക്. ഷെയ്‌നിന്റെ കാര്യം മാത്രമല്ല. ഹാന്‍ഡില്‍ ചെയ്യാന്‍ ആര്‍ക്കും ക്ഷമയില്ല. അതാണ് ഇപ്പോഴത്തെ ഒരു പ്രശ്‌നം’, മാധ്യമപ്രവര്‍ത്തകരുടെ ചോദ്യത്തിന് ഉത്തരമായി ഇടവേള ബാബു പറഞ്ഞു.

വെയില്‍ എന്ന ചിത്രത്തിലെ നായകനായ തനിക്കെതിരേ അതിന്റെ നിര്‍മ്മാതാവ് ജോബി ജോര്‍ജ് വധഭീഷണി മുഴക്കുന്നുവെന്നായിരുന്നു ഷെയ്ന്‍ നിഗത്തിന്റെ ആരോപണം. ‘വെയിലില്‍ മുടി നീട്ടിയ ഒരു ഗെറ്റപ്പ് ഉണ്ടായിരുന്നു. എന്നാല്‍ അതിന്റെ ആദ്യ ഷെഡ്യൂള്‍ പൂര്‍ത്തിയാക്കിയതിന് ശേഷം ജോയിന്‍ ചെയ്ത കുര്‍ബാനി എന്ന ചിത്രത്തിനുവേണ്ടി പിന്നിലെ മുടി അല്‍പം മാറ്റി.’ ഇത് തന്റെ ചിത്രത്തിന്റെ ഷൂട്ടിംഗ് മുടക്കാനാണെന്ന് ആരോപിച്ച് നിര്‍മ്മാതാവ് വധഭീഷണി മുഴക്കുകയായിരുന്നെന്ന് ഷൈന്‍ പറഞ്ഞിരുന്നു.

മേജര്‍ രവിയുടെ ഫേസ്ബുക്ക് പോസ്റ്റ്

അന്തരിച്ച നടന്‍ അബിയുടെ മകന്‍ ഷെയ്ന്‍ നിഗത്തിന്റെ വീഡിയോ കാണാനിടയായി. ആ കുട്ടിയെ വേദനിപ്പിക്കുന്നവര്‍ ഒന്ന് മനസ്സിലാക്കണം. സ്വയ പ്രയത്‌നത്താല്‍ കഠിനാദ്ധ്വാനം ചെയ്ത് വളര്‍ന്ന് വന്നതാണ് അവന്‍. വളര്‍ന്നുവരുന്ന താരങ്ങളെ നിരുത്സാഹപ്പെടുത്തരുത്. അത് മലയാള സിനിമയ്ക്ക് മോശമാണ്. ഷെയ്‌ന് എന്റെ എല്ലാ പിന്തുണയും. പ്രിയപ്പെട്ടെ ഷെയ്ന്‍ നിരാശപ്പെടരുത്. എല്ലാം ശരിയാകും. സ്‌നേഹത്തോടെ മേജര്‍ രവി.

ആദ്യം 30 ലക്ഷം രൂപ തന്നോട് ആവശ്യപ്പെട്ട ഷെയ്ന്‍ പിന്നീട് 40 ലക്ഷം രൂപ ചോദിക്കുകയായിരുന്നുവെന്നും നിര്‍മ്മാതാവ് പറഞ്ഞു. ജോബി ജോര്‍ജിന്റെ വെയില്‍ സിനിമയിലെ ഷെയിനിന്റെ കഥാപാത്രത്തിന്റെ ഗെറ്റപ്പ് സംബന്ധിച്ചാണ് വിവാദം ആരംഭിച്ചത്. വെയിലിന്റെ ആദ്യ ഷെഡ്യൂള്‍ കഴിഞ്ഞ് താന്‍ അതേസമയം അഭിനയിച്ച ബുര്‍ഖാനി എന്ന ചിത്രത്തിലെ കഥാപാത്രത്തിന്റെ ആവശ്യത്തിനായി മുടി വെട്ടേണ്ടി വന്നുവെന്നും ഇത് ഇരുസിനിമകളുടെയും പ്രൊഡ്യൂസര്‍മാരുടെ സമ്മതത്തോട് കൂടിയായിരുന്നുവെന്നും ഷെയ്ന്‍ ‘അമ്മ’ സംഘടനയ്ക്ക് നല്‍കിയ പരാതിയില്‍ പറഞ്ഞിരുന്നു. തന്റെ ചിത്രത്തിന്റെ കണ്ടിന്യൂവിറ്റി നഷ്ടപ്പെടും എന്ന് കാട്ടിയാണ് ജോബി ജോര്‍ജ് ഷെയ്‌നിനെ ഭീഷണിപ്പെടുത്തിയതെന്നും ഷെയ്ന്‍ പറഞ്ഞിരുന്നു.

തനിക്കെതിരെ നിര്‍മ്മാതാവിന്റെ വധഭീഷണിയുണ്ടെന്ന് കാണിച്ച് ഇന്നലെയാണ് ഷെയ്ന്‍ നിഗം രംഗത്ത് വന്നത്. ഷെയ്ന്‍ അഭിനയിച്ച് കൊണ്ടിരിക്കുന്ന ഖുര്‍ബാനി എന്ന ചിത്രത്തിലെ നിര്‍മ്മാതാവാണ് തനിക്കെതിരെ വധഭീഷണി മുഴക്കിയതെന്ന് താരം പറഞ്ഞു. ഖുര്‍ബാനിയുടെ ഒന്നാം ഷെഡ്യൂള്‍ കഴിഞ്ഞതിന് ശേഷമാണ് നടനെതിരെ നിര്‍മ്മാതാവ് വധ ഭീഷണിയുമായി രംഗത്തെത്തിയത്. തന്നോടും വെയില്‍ എന്ന ചിത്രത്തിന്റെ നിര്‍മ്മാതാവിനോടും വളരെ മോശമായ രീതിയിലാണ് ഇദ്ദേഹം പെരുമാറിയതെന്നും ഷെയ്ന്‍ പറഞ്ഞു.

ഒരാളുടെ ഹൃദയത്തില്‍ പ്രണയമുണ്ടെങ്കിലേ അല്ലെങ്കില്‍ അതിനോടുള്ള അഭിനിവേശമുണ്ടെങ്കിലേ നന്നായി അഭിനയിക്കാന്‍ കഴിയൂവെന്നും താന്‍ പ്രണയത്തിലാണെന്നും ഷൈന്‍ പറഞ്ഞു. എന്നാല്‍ അത് ആരാണെന്ന് ഷൈന്‍ വെളിപ്പെടുത്തിയില്ല. അഭിനയിച്ചതില്‍വെച്ച് ഏറ്റവും ഇഷ്ടം തോന്നിയ കഥാപാത്രം കിസ്മത്തിലെ ഇര്‍ഫാന്‍ ആണ്. കൂടാതെ കുമ്പളങ്ങി നൈറ്റ്‌സിലേയും കൈയര്‍ ഓഫറ് സൈറാബാനുവിലേയും കഥാപാത്രങ്ങള്‍ ജീവിതത്തോട് അടുത്തുനില്‍ക്കുന്നതാണെന്നും ഷൈന്‍ പറഞ്ഞു.

നവാഗതനായ ജീവന്‍ ജോജോ സംവിധാനം ചെയ്യുന്ന ‘ഉല്ലാസം’ ആണ് ഷെയ്‌നിന്റെ പുതിയ ചിത്രം. ചിത്രത്തിന്റെ ഫസ്റ്റ് ലുക്ക് അടുത്തിടെ റിലീസ് ചെയ്തിരുന്നു. ഇതുവരെ കണ്ടതില്‍ നിന്നും വ്യത്യസ്തമായി പുതിയ രൂപത്തിലും ഭാവത്തിലുമാണ് ഷെയിന്‍ നിഗം ഈ ചിത്രത്തില്‍ പ്രത്യക്ഷപ്പെടുന്നത്. ചിത്രത്തിന്റെ തിരക്കഥ ഒരുക്കിയിരിക്കുന്നത് പ്രവീണ്‍ ബാലകൃഷ്ണന്‍ ആണ്. ‘അരവിന്ദന്റെ അതിഥികള്‍’ എന്ന ചിത്രത്തിലൂടെ ശ്രദ്ധേയനായ സ്വരൂപ് ഫിലിപ്പ് ആണ് ഛായാഗ്രാഹകന്‍. പവിത്ര ലക്ഷ്മിയാണ് ഈ ചിത്രത്തിലെ നായിക.

‘വലിയ പെരുന്നാള്‍’, ഷാജി കരുണ്‍ ചിത്രം ‘ഓള്’ എന്നിവയാണ് ഇനി റിലീസിനെത്താനുള്ള ഷൈനിന്റെ മറ്റു ചിത്രങ്ങള്‍. നവാഗതനായ ഡിമല്‍ ഡെന്നീസാണ് ‘വലിയ പെരുന്നാള്‍’ സംവിധാനം ചെയ്യുന്നത്. സൗബിന്‍ ഷാഹിര്‍, ജോജു ജോര്‍ജ്ജ് എന്നിവരും അണിനിരക്കുന്ന ചിത്രത്തിന്റെ നിര്‍മ്മാണം അന്‍വര്‍ റഷീദാണ്.

സിനിമയില്‍ അബി ചെയ്യുന്നത് സ്‌ത്രൈണത കലര്‍ന്ന സംഗീതസംവിധായകന്റെ വേഷമാണെന്ന് അദ്ദേഹം പറഞ്ഞു. രോഗത്തിന്റെ അസ്വസ്ഥതകള്‍ ഉണ്ടായിരുന്നുവെങ്കിലും അതൊന്നും സെറ്റിലാരെയും അറിയിക്കാതെ ചിത്രീകരണത്തിന് മുഴുവനായും അബി തയ്യാറായി. ഷൈന്‍ നിഗത്തിനൊപ്പം അഭിനയിക്കണമെന്നായിരുന്നു അബിയുടെ വലിയ ആഗ്രഹം. ഇത് അധികമാരോടും അബി പറഞ്ഞിരുന്നുമില്ലെന്നും സംവിധായകന്‍ കൂട്ടിച്ചേര്‍ത്തു. മലയാള സിനിമയിലെ യുവതാരങ്ങളിലൊരാളാണ് ഷൈന്‍ നിഗം. ഒട്ടേറെ ശ്രദ്ധിക്കപ്പെട്ട വേഷങ്ങള്‍ ചെയ്ത ഷൈന്‍ മലയാള സിനിമയുടെ പ്രതീക്ഷ കൂടിയാണ്. ‘ഈട’ യാണ് ഷൈന്റ ഇനി പുറത്തിറങ്ങാനുള്ള ചിത്രം. പുതുമുഖങ്ങളായ മുഹമ്മദ് ഷാ, റിഷാദ്, മഞ്ജുഷ എന്നിവരാണ് കറുത്തസൂര്യനില്‍ അഭിനയിക്കുന്നത്. ഡിസംബര്‍ എട്ടിനാണ് ചിത്രം തിയ്യേറ്ററുകളിലെത്തുന്നത്.

കഴിഞ്ഞയാഴ്ച്ചയാണ് അബി മരണത്തിന് കീഴടങ്ങുന്നത്. രക്തസംബന്ധമായ അസുഖത്തെ തുടര്‍ന്നായിരുന്നു മരണം. മിമിക്രിയിലൂടെ സിനിമാ രംഗത്തേക്കുവന്ന അബി 50 ലേറെ സിനിമകളില്‍ അഭിനയിച്ചിട്ടുണ്ട്.

പോസ്റ്റിന്റെ പൂര്‍ണ്ണരൂപം:

പ്രിയ അബീ.. പോകുന്ന പോക്കില്‍ താങ്കള്‍ക്ക് വ്യക്തമായും അഭിമാനിക്കാവുന്ന രണ്ട് പ്രധാന കാര്യങ്ങളുണ്ട്.
ഒന്ന് : കിട്ടിയ ജീവിതകാലം ഏകദേശം മുഴുവനും തന്നെ അനുകരണകലയും സിനിമയും ഉള്‍പ്പെടെയുള്ള കേരളത്തിലെ മുഖ്യ വിനോദവ്യാപാരമേഖലയുടെ ബാക്‌ഡ്രോപ്പില്‍ ജീവിച്ചിരുന്നിട്ടും താങ്കള്‍ ആളുകളെക്കൊണ്ട് ‘വേണ്ടാത്തത് പറയിപ്പിച്ചിട്ടില്ല’ എന്നതാണു. കേള്‍ക്കുന്നവര്‍ക്ക് തമാശയായി തോന്നാമെങ്കിലും മലയാള ‘മുസ്ലിം’ പശ്ചാത്തലത്തില്‍ നിന്നും ‘പൊതു കലാരംഗത്തേക്ക്’ വരുന്ന മിക്ക ആര്‍ട്ടിസ്റ്റുകളെ സംബന്ധിച്ചും (ആ ഐഡന്റിറ്റി തീരെ അലട്ടാതിരിക്കുന്നവരെ
മാറ്റി നിര്‍ത്തുന്നു) അത് അത്ര ചെറിയൊരു കാര്യമല്ല.മാത്രമല്ല, അക്കാര്യത്തിലൊക്കെ പ്രത്യേകം ശ്രദ്ധ പുലര്‍ത്താന്‍ തന്നെ എന്തോരം സ്‌ട്രെയിന്‍ വേണ്ടി വന്നിട്ടുണ്ടാകും എന്നും മനസ്സിലാകുന്നവര്‍ക്ക് മനസ്സിലാകും! അങ്ങനെയുള്ളവര്‍ സ്വന്തം ഇന്നര്‍ ഡിസിപ്ലിന്‍ മൂലം വേണമെന്നും വേണ്ടെന്നും വെക്കുന്ന കാര്യങ്ങളും പല വിധത്തിലുള്ളതാണു.അവയൊക്കെ മറ്റു ‘പൊതു’കലാകാരരെ സംബന്ധിച്ച് നോക്കിയാല്‍ അല്‍പ്പം അല്‍ഭുതം നിറഞ്ഞത് തന്നെയാകാനാണു സാധ്യത.അതേക്കുറിച്ചൊന്നും താങ്കള്‍ അധികം പറഞ്ഞിട്ടുമില്ല.മറ്റുള്ളവരാല്‍ കാര്യമായി ചോദിക്കപ്പെട്ടിട്ടുമില്ല .പോട്ടെ.ഇനി അത് വിടാം…
രണ്ടാമത്തെക്കാര്യം സ്വന്തം മകന്‍ തന്നെ! ഷെയ്ന്‍ നിഗം! അവന്‍ മിടുമിടുക്കനല്ലേ! കൊച്ചി സ്റ്റയിലില്‍ പറഞ്ഞാല്‍ പൊളി!! ‘ഈട’ അത്യാവശ്യം വേണ്ട ഒരുത്തന്‍! ‘ഈട’ കലക്കും ചെയ്യും അവന്‍ ! താങ്കളുടെ അനുഭവപാഠങ്ങള്‍ തന്നെയാവാം ഒരു പക്ഷേ,അവനെ ഇത്ര ചെറുപ്പത്തിലേ ലെസ് ആക്രാന്തിയും സെലക്ടീവും എന്നാല്‍ എണ്ണം പറഞ്ഞ ഒരുത്തനും ആക്കിത്തീര്‍ത്തത്! അവനു ചെയ്യാന്‍ ഒരുപാടുണ്ട്! അതൊക്കെ ഓന്‍ നോക്കി ചെയ്‌തോളും! ഷെയ്ന്‍ എന്നു പറയുന്ന കുട്ടി കേവലം ഒരു പിന്തുടര്‍ച്ച എന്ന നിലക്ക് മാത്രമല്ല,സാംസ്‌കാരികമായും കലാപരമായും ഉള്ള താങ്കളുടെ ഒരു പ്രധാന കോണ്ട്രിബ്യൂഷന്‍ കൂടിയാണു പ്രിയ അബീ! ധൈര്യമായി പോകൂ! പോകുന്നിടത്തെല്ലാം നല്ലതു വരട്ടെ…
നിറയേ സ്‌നേഹം

രക്തത്തില്‍ പ്ലേറ്റ്‌ലെറ്റ്‌സ് കുറയുന്ന രോഗമായിരുന്നു അബിക്ക്. ഏറെ നാളായി ചികിത്സയിലായിരുന്ന അദ്ദേഹം പലപ്പോഴും സിനിമയില്‍ നിന്നും ഷോകളില്‍ നിന്നും രോഗം മൂലം വിട്ടുനില്‍ക്കുകയായിരുന്നു. മകനും യുവതാരവുമായ ഷൈന്‍ ഏറെ ശ്രദ്ധിക്കപ്പെട്ട നടനായി വളര്‍ന്നുവരുന്നതിനിടെയാണ് അബിയുടെ അപ്രതീക്ഷിത വിയോഗം. അന്തരിച്ച അബിക്ക് ആദരാഞ്ജലികളുമായി സിനിമാലോകമെത്തി. നടന്‍ മമ്മുട്ടി, ദുല്‍ഖര്‍, മോഹന്‍ലാല്‍, സുരേഷ്‌ഗോപി, കുഞ്ചാക്കോ ബോബന്‍, അജുവര്‍ഗ്ഗീസ്, സിദ്ധീഖ്, ആഷിഖ് അബു തുടങ്ങി സിനിമാമേഖലയിലെ പ്രമുഖര്‍ ആദരാഞ്ജലികള്‍ അര്‍പ്പിച്ചു.

കലാഭവനിലും കൊച്ചിന്‍ സാഗറിലും ഹരിശ്രീയിലും കലാകാരനായി പ്രവര്‍ത്തിച്ച അബി മഴവില്‍ കൂടാരം, സൈന്യം, രസികന്‍, കിരീടമില്ലാത്ത രാജാക്കന്‍മാര്‍ തുടങ്ങി 50 ലേറെ സിനിമകളില്‍ ശ്രദ്ധേയമായ വേഷം ചെയ്തു. അമിതാഭ് ബച്ചന് മലയാളത്തില്‍ ശബ്ദം നല്‍കിയിരുന്നതും അബിയായിരുന്നു.