നടി ആക്രമിക്കപ്പെട്ട കേസില്‍ എന്തുകൊണ്ട് ദിലീപിനെ പിന്തുണക്കുന്നുവെന്നും സിദ്ധീഖ് പറഞ്ഞു. പ്രതിയായ ദിലീപ് കുറ്റം ചെയ്‌തെന്ന് കോടതി പറയാത്തിടത്തോളം കാലം തന്റെ കണ്ണില്‍ പ്രതിയല്ലെന്നാണ് സിദ്ദീഖിന്റെ പ്രതികരണം. കാന്‍ ചാനല്‍ മീഡിയ എന്ന യൂട്യൂബ് ചാനലിന് നല്‍കിയ അഭിമുഖത്തിലായിരുന്നു താന്‍ എന്ത് കൊണ്ട് ദിലീപിനെ പിന്തുണയ്ക്കുന്നുവെന്ന് സിദ്ദീഖ് തുറന്നു പറഞ്ഞത്.

നേരത്തെ നടിയെ ആക്രമിച്ച കേസിലെ വിചാരണയ്ക്ക് ഇടയ്ക്ക് സിദ്ദീഖ് മൊഴി മാറ്റിയിരുന്നു. ഇതിനെതിരെ വിമര്‍ശനങ്ങള്‍ ശക്തമായിരുന്നു. ഇതിനിടെയാണ് സിദ്ദീഖ് തന്റെ നിലപാട് തുറന്നുപറഞ്ഞത്. പബ്ലിക് തന്നെ എതിര്‍ക്കുമോ എന്നതിനേക്കാള്‍ ഉപരി താന്‍ ചെയ്യുന്നത് ശരിയാണെന്ന ബോധ്യം തനിക്കുണ്ടെന്നാണ് സിദ്ദീഖ് പറയുന്നത്. അയാള്‍ക്ക് താനൊരു സ്ഥാനം കൊടുത്തിട്ടുണ്ട്. ആ സ്ഥാനത്തുനിന്ന് അയാള്‍ സത്യസന്ധമായി എന്നോട് ഒരു കാര്യം പറഞ്ഞത് വിശ്വസിച്ച് കഴിഞ്ഞാല്‍ പിന്നെ തനിക്ക് അതിന്റെയപ്പുറം വേറെ ഒന്നും വിശ്വസിക്കേണ്ട കാര്യമില്ലെന്നും സിദ്ദീഖ് പറഞ്ഞു.

അയാള്‍ തെറ്റുകാരനല്ലെന്നൊരു വിശ്വാസം തന്റെ മനസില്‍ ഉണ്ട്, ഇത് കോടതിയില്‍ ഇരിക്കുന്ന വിഷയമാണ്, അയാള്‍ കുറ്റാരോപിതനാണ്. തീരുമാനം പറയാന്‍ പാടില്ല.എങ്കില്‍പ്പോലും താന്‍ അയാളെ വിശ്വസിക്കുന്നുണ്ടെന്നും സിദ്ദീഖ് പറഞ്ഞു.

‘എന്റെ സഹോദരന്‍ ഒരു കേസില്‍പ്പെട്ടുപോയെന്നു കരുതുക. അപ്പോള്‍ എന്റെ സഹോദരനല്ലെന്ന് പറഞ്ഞ് തള്ളിക്കളയാന്‍ ഞാന്‍ തയ്യാറല്ല. അയാള്‍ എന്റെ സഹോദരനാണ്. അയാളെ സഹായിക്കാന്‍ എന്താണ് വേണ്ടതെന്നതിനെക്കുറിച്ച് ഞാന്‍ അന്വേഷിക്കും’, സിദ്ദിഖ് പറഞ്ഞു.’സംഭവം അറിഞ്ഞയുടന്‍ ഞാന്‍ ആ കുട്ടിയെ പോയി കണ്ടു. ദിലീപുമായിട്ടുള്ളതുപോലെത്തന്നെ അടുപ്പം ആ കുട്ടിയോടും ഉണ്ട്. ആ കുട്ടി പറഞ്ഞു ഇന്ന ക്രിമിനലാണ് ആക്രമിച്ചതെന്ന്. താന്‍ അപ്പോള്‍ തന്നെ ഇന്നസെന്റ് ചേട്ടനെ വിളിച്ചു. ഇന്നസെന്റേട്ടന്‍ മുഖ്യമന്ത്രിയെ വിളിക്കുന്നു. മുഖ്യമന്ത്രി അപ്പോള്‍ തന്നെ പറഞ്ഞു, മൂന്ന് ദിവസത്തിനുള്ളില്‍ ക്രിമിനലിനെ പിടിച്ചിരിക്കുമെന്ന്. പേര് വരെ നമുക്കറിയാലോ. മൂന്നോ നാലോ ദിവസത്തിനുള്ളില്‍ ഇയാളെ അറസ്റ്റ് ചെയ്യുന്നു. ഈ കുട്ടി പ്രതിയെ തിരിച്ചറിയുന്നു. തന്നെ സംബന്ധിച്ച് ആ കുറ്റം ചെയ്തയാളാണ് തന്റെ ശത്രു’ എന്നുംസിദ്ദീഖ് പറഞ്ഞു.

ആക്രമിക്കപ്പെട്ട നടിക്കു വേണ്ടി വനിതാ താരങ്ങളുടെ സംഘടനയായ ഡബ്ല്യുസിസി ഒന്നും ചെയ്തില്ലെന്നാണ് സിദ്ധിഖിന്റെ വിമര്‍ശനം. സമൂഹമാധ്യമങ്ങില്‍ തോന്നിയതൊക്കെ എഴുതി വിടുക മാത്രമാണ് അവര്‍ ചെയ്തത്. നടി ആക്രമിക്കപ്പെട്ടതറിഞ്ഞ ഉടന്‍ താരസംഘടനയായ എഎംഎംഎയുടെ ഭാരവാഹികള്‍ മുഖ്യമന്ത്രിയെയും ഡിജിപിയെയും കണ്ടുവെന്നും സിദ്ധിഖ് പറഞ്ഞു.

3 ദിവസത്തിനുള്ളില്‍ പ്രതി പള്‍സര്‍ സുനിയെ പിടികൂടി. 85 ദിവസം ജയിലില്‍ കിടന്ന നടനെതിരെ മാസങ്ങള്‍ക്കു ശേഷമാണ് അയാള്‍ ആരോപണം ഉന്നയിച്ചതെന്നും സിദ്ധിഖ് പറയുന്നു. ലഹരിമരുന്ന് മാഫിയയ്‌ക്കെതിരെ പോലീസുമായി കൈകോര്‍ത്തു പോരാടാന്‍ തയാറാണെന്നും താരം തുറന്ന് പറഞ്ഞു.

നടി ആക്രമിക്കപ്പെട്ട സംഭവത്തിന്റെ പശ്ചാത്തലത്തിലാണ് ഡബ്ല്യുസിസി രൂപപ്പെട്ടത്. സംഭവത്തില്‍ പ്രതിയായ ദിലീപിനെ സംരക്ഷിക്കാന്‍ അമ്മ തയ്യാറായ സാഹചര്യത്തിലാണ് നാലു നടിമാര്‍ അമ്മയില്‍ നിന്നും അംഗത്വം രാജി വെച്ചത്.

2016-ലാണ് സംഭവമെന്ന് നടി പറയുന്നു. തിരുവനന്തപുരം നിള തിയേറ്ററില്‍ വെച്ച് സിദ്ദിഖ് അപമര്യാദയായി പെരുമാറിയെന്ന് രേവതി സമ്പത്ത് പരഞ്ഞു. സുഖമായിരിക്കട്ടെ എന്ന പ്രിവ്യൂഷോക്കിടെ സിദ്ദിഖ് തന്നെ ലൈംഗികമായി അധിക്ഷേപിക്കുകയായിരുന്നുവെന്ന് രേവതി പറഞ്ഞു. ആ സമയത്ത് തനിക്ക് 21 വയസ്സായിരുന്നെന്നും സിദ്ദിഖിന്റെ പെരുമാറ്റം തന്നെ വല്ലാതെ വേദനിപ്പിച്ചെന്നും നടി കൂട്ടിച്ചേര്‍ത്തു. വനിതാ കൂട്ടായ്മയായ ഡബ്ല്യൂസിസിക്കെതിരെ പരാമര്‍ശം നടത്താന്‍ നിങ്ങള്‍ക്ക് എന്ത് യോഗ്യതയാണ് ഉള്ളത്. നിങ്ങള്‍ മുഖം മൂടിയണിഞ്ഞ ജന്റില്‍മാനാണെന്നും രേവതി പറയുന്നു.

അമ്മയുടെ പ്രതികരണം അറിയിക്കാന്‍ സിദ്ദിഖും കെപിഎസി ലളിതയും വിളിച്ചുചേര്‍ത്ത വാര്‍ത്താ സമ്മേളനത്തിന്റെ വീഡിയോയും ഫെയ്‌സ്ബുക്ക് പോസ്റ്റിനോടൊപ്പം നടി പങ്കുവെച്ചിട്ടുണ്ട്.

രേവതി സമ്പത്തിന്റെ ഫേസ്ബുക്ക് കുറിപ്പ്

‘ഈ വീഡിയോ വീണ്ടും വീണ്ടും കാണുമ്പോള്‍ (അഭിപ്രായം പറയുന്നതില്‍ നിന്നും) എന്നെ തടഞ്ഞുനിര്‍ത്താനാവുന്നില്ല. തിരുവനന്തപുരം നിള തീയേറ്ററില്‍ 2016ല്‍ നടന്ന ‘സുഖമായിരിക്കട്ടെ’ എന്ന സിനിമയുടെ പ്രിവ്യൂവിനിടെ നടന്‍ സിദ്ദിഖ് എന്നോട് ലൈംഗികമായി അപമര്യാദയായി പെരുമാറാന്‍ ശ്രമിച്ചു. വാക്കാലുള്ള ലൈംഗികാധിക്ഷേപം 21-ാം വയസ്സില്‍ എന്റെ ആത്മവീര്യം കെടുത്തി. അതുണ്ടാക്കിയ ആഘാതം ഇപ്പോഴും ഞാന്‍ ഓര്‍ക്കുന്നുണ്ട്. 

അദ്ദേഹത്തിന് ഒരു മകളുണ്ടെന്നാണ് ഞാന്‍ മനസിലാക്കുന്നത്. അവള്‍ അദ്ദേഹത്തിനൊപ്പം സുരക്ഷിതയായിരിക്കുമോ എന്ന് ചിന്തിക്കുകയാണ്. നിങ്ങളുടെ മകള്‍ക്ക് സമാനമായ അനുഭവമുണ്ടായാല്‍ നിങ്ങള്‍ എന്തുചെയ്യും സിദ്ദിഖ്? ഇതുപോലെ ഒരു മനുഷ്യന് എങ്ങനെയാണ് ഡബ്ല്യുസിസിയെപ്പോലെ ആദരിക്കപ്പെടുന്ന, അന്തസ്സുള്ള ഒരു സംഘടനയ്‌ക്കെതിരേ വിരല്‍ ചൂണ്ടാനാവുന്നത്? നിങ്ങള്‍ ഇത് അര്‍ഹിക്കുന്നുണ്ടോ? സ്വയം ചിന്തിച്ച് നോക്ക്. ഉളുപ്പുണ്ടോ? ചലച്ചിത്ര വ്യവസായത്തിലെ മുഖംമൂടിയിട്ട, സ്വയംപ്രഖ്യാപിത യോഗ്യന്‍മാരെക്കുറിച്ച് ആലോചിക്കുമ്പോള്‍ ലജ്ജ തോന്നുന്നു’, രേവതി സമ്പത്തിന്റെ കുറിപ്പ് അവസാനിക്കുന്നു.

തന്റെ സിനിമയില്‍ പരാതി പരിഹാര സമിതിയുണ്ടാക്കുമെന്ന ആഷിക് അബുവിന്റെ പ്രസ്താവന ചൂണ്ടിക്കാട്ടിയപ്പോള്‍ ആഷിക് അബുവിന്റെ സിനിമയില്‍ ഇത്തരം കാര്യങ്ങള്‍ നടക്കുന്നുണ്ടാവുമെന്നായിരുന്നു സിദ്ദീഖിന്റെ പരിഹാസം.

സിനിമയില്‍ പരാതി പരിഹാര സമിതിയുടെ ആവശ്യമില്ല. ആണ്‍, പെണ്‍ ഭേദമില്ലാത്ത തൊഴില്‍ മേഖലയാണ് സിനിമയെന്നും അവിടെ എന്തെങ്കിലും വിവേചനമുള്ളതായി തനിക്കറിയില്ലെന്നും സിദ്ദീഖ് പറഞ്ഞു.

വര്‍ഷങ്ങളായി സിനിമാ രംഗത്തുള്ളവരാണ് കെ.പി.എ.സി ലളിതയും താനും. ഇവിടെ ഇത്തരം പ്രശ്‌നങ്ങള്‍ ഉള്ളതായി തങ്ങള്‍ക്ക് തോന്നിയിട്ടില്ല. ഇപ്പോഴത്തെപ്പോലെ കാരവന്‍ ഒന്നും ഇല്ലാതിരുന്ന കാലത്ത് ഞങ്ങളെല്ലാം പിടിച്ചുകൊടുക്കുന്ന തുണിയുടെ മറവിലാണ് സ്ത്രീകള്‍ വസ്ത്രം മാറുകപോലും ചെയ്തിരുന്നത്.

ആരോപണങ്ങള്‍ കേട്ട് നടപടിയെടുക്കാനുള്ളതല്ല സംഘടന. ദിലീപ് കുറ്റാരോപിതന്‍ മാത്രമാണ്. ദിലീപിന് ജോലി ചെയ്യാനുള്ള അവകാശമുണ്ട്. അത് തള്ളിക്കളയാന്‍ കഴിയില്ല. പള്‍സര്‍സുനിയാണ് തെറ്റുകാരന്‍. പള്‍സര്‍സുനി പറഞ്ഞ ഒരാളില്‍ മാത്രമാണ് ദിലീപെന്നും സിദ്ധീഖ് പറഞ്ഞു. ആക്രമിക്കപ്പെട്ട പെണ്‍കുട്ടിയെ മുന്‍നിര്‍ത്തി പലരും കളിക്കുകയാണ്. ഡബ്ല്യു.സി.സി അംഗങ്ങളുടെ ആരോപണങ്ങള്‍ ബാലിശമാണെന്നും സിദ്ധീഖ് പറഞ്ഞു.

ഡബ്ല്യു.സി. സിയോടുള്ള സാമൂഹ്യമാധ്യമങ്ങളുടെ എതിര്‍പ്പ് ജനം വെറുക്കുന്നത് കൊണ്ടാണ്. തെറ്റു ചെയ്യുന്നവരെ ജനങ്ങള്‍ അംഗീകരിക്കില്ല. ആണ്‍-പെണ്‍ വേര്‍തിരിവ് സിനിമയില്‍ സാധിക്കില്ലെന്നും അമ്മയില്‍ അധികാര വടംവലി ഇല്ലെന്നും സിദ്ധീഖ് കൂട്ടിച്ചേര്‍ത്തു.

അമ്മയില്‍ എന്തെങ്കിലും പ്രശ്‌നങ്ങള്‍ ഉണ്ടെങ്കില്‍ സംഘടനയിലാണ് പ്രയാസങ്ങള്‍ പറയേണ്ടതെന്ന് കെ.പി.എ.സി ലളിതയും പറഞ്ഞു. മോഹന്‍ലാലിനെ ബഹുമാനിക്കണം. മമ്മുട്ടി, മോഹന്‍ലാല്‍ എന്നിവരെ ജനമനസ്സുകളില്‍ നിന്ന് ഇല്ലാതാക്കാനാവില്ലെന്ന് അവര്‍ കൂട്ടിച്ചേര്‍ത്തു.

അമ്മയില്‍ നിന്ന് രാജിവെച്ചവരെ തിരിച്ചെടുക്കില്ല. തിരിച്ചെടുക്കണമെങ്കില്‍ മാപ്പു പറയണം. സംഘടനയെ പൊളിക്കാമെന്നത് വ്യാമോഹമാണ്. മൂന്നിലൊന്ന് അംഗങ്ങള്‍ ആവശ്യപ്പെട്ടാല്‍ മാത്രമേ പെട്ടെന്ന് യോഗം വിളിക്കൂ. മീടു ക്യാപെയ്ന്‍ ദുരുപയോഗം ചെയ്യരുത്. രേവതി ഉന്നയിച്ച ആരോപണത്തില്‍ എവിടെയാണ്, എന്താണെന്ന് വ്യക്തമാക്കണമെന്നും സിദ്ധീഖ് കൂട്ടിച്ചേര്‍ത്തു.

പത്രക്കുറിപ്പിന്റെ പൂര്‍ണരൂപം

13.10.2018 ന് ണഇഇ യിലെ അംഗങ്ങള്‍ വിളിച്ചു കൂട്ടിയ പത്രസമ്മേളനത്തില്‍ അമ്മയ്‌ക്കെതിരെ നടത്തിയ പരാമര്‍ശങ്ങള്‍ക്ക് മറുപടിയായിട്ടാണ് ഈ പത്രക്കുറിപ്പ്. നടി ആക്രമിക്കപ്പെട്ട കേസില്‍ കുറ്റാരോപിതനായ ദിലീപ് അപരാധിയാണെന്നോ നിരപരയാണെന്നോ ഉള്ള നിലപാട് അമ്മ എടുത്തിട്ടില്ല. ആക്രമിക്കപ്പെട്ട നടിക്ക് നീതി ലഭിക്കണം എന്ന നിലപാടാണ് അമ്മ നാളിതുവരെയും സ്വീകരിച്ചിട്ടുള്ളത്. ഇത്തരം കേസുകളില്‍ കുറ്റവാളി എന്ന് കോടതി വിധിക്കുന്നതു വരെ കുറ്റാരോപിതന്‍ നിരപരാധിയാണ് എന്ന് വാദിക്കുന്നവരുണ്ട്; കുറ്റാരോപിതന്‍ നിരപരാധിയാണ് എന്ന് കോടതി വിധിക്കുന്നതു വരെ അയാളെ അപരാധിയായിട്ട് കണക്കാക്കണമെന്ന വാദവുമുണ്ട്. ആദ്യത്തെ അഭിപ്രായത്തിന് നിയമത്തിന്റെ പിന്‍ബലവും രണ്ടാമത്തെ അഭിപ്രായത്തിന് ധാര്‍മ്മികതയുടെ അടിത്തറയുമാണ് ഉള്ളത്.

ദിലീപിനെ പുറത്താക്കാന്‍ എക്‌സിക്യൂട്ടീവ് കമ്മിററി എടുത്ത തീരുമാനത്തിന് നിയമസാധുത ഇല്ലെന്ന് കണ്ടെത്തി ആ തീരുമാനം മരവിപ്പിച്ച് ജനറല്‍ ബോഡിക്ക് വിടാന്‍ തുടര്‍ന്നു കൂടിയ എക്‌സിക്യൂട്ടീവ് കമ്മിറ്റി തീരുമാനമെടുത്തു. പുറത്താക്കാനുള്ള എക്‌സിക്യൂട്ടീവ് കമ്മിററി തീരുമാനം ശരിയായിരുന്നില്ല എന്ന നിലപാടാണ് ജനറല്‍ ബോഡി എടുത്തത് . ഈ വിഷയത്തെക്കുറിച്ച് കൂടുതല്‍ ചര്‍ച്ചകള്‍ അവിടെ നടന്നിട്ടില്ല എന്നു സമ്മതിക്കുമ്പോള്‍ത്തന്നെ, കോടതി വിധി വരുന്നതിനു മുന്‍പ് പുറത്താക്കുന്നത് ശരിയല്ല എന്ന അഭിപ്രായത്തിനായിരുന്നു അവിടെ മുന്‍തൂക്കം. ഈ വിഷയം അമ്മ കൈകാര്യം ചെയ്ത രീതിയോടുള്ള വിയോജിപ്പ് രേഖപ്പെടുത്തിയ രേവതി, പാര്‍വതി, പത്മപ്രിയ എന്നിവരുമായി അമ്മ ചര്‍ച്ച നടത്തി. അവരുടെ ആവശ്യങ്ങള്‍ കേട്ട ശേഷം എല്ലാ കാര്യങ്ങളിലും ഒരു ഒത്തുതീര്‍പ്പ് ഉണ്ടാക്കാനുള്ള ശ്രമങ്ങളുമായി മുന്നോട്ട് പോകാന്‍ എക്‌സിക്യൂട്ടീവ് കമ്മിറ്റിയും, ചര്‍ച്ചയില്‍ പങ്കെടുത്ത രേവതിയും പാര്‍വതിയും പത്മപ്രിയയും തമ്മില്‍ ധാരണയായി. അതനുസരിച്ച് ദിലീപിനെ പുറത്താക്കാനുള്ള എക്‌സിക്യൂട്ടീവ് കമ്മിറ്റിയുടെ തീരുമാനം ജനറല്‍ ബോഡി റദ്ദാക്കിയത് വിദഗ്ദ്ധ നിയമോപദേശത്തിന് വിടാന്‍ ഇരുകൂട്ടരും തീരുമാനിച്ചു.

അമ്മയ്ക്ക് ലഭിച്ച ഉപദേശം ഒരു ജനറല്‍ ബോഡി വിളിച്ചു കൂട്ടി തീരുമാനം എടുക്കണം എന്നതായിരുന്നു. എന്നാല്‍ രേവതിയ്ക്കും പാര്‍വതിയ്ക്കും പത്മപ്രിയയ്ക്കും ലഭിച്ച ഉപദേശം എക്‌സിക്യൂട്ടീവ് കമ്മിറ്റിക്കു തന്നെ തീരുമാനമെടുക്കാം എന്നതായിരുന്നു. ശ്രീ തിലകന്റെ കാര്യവും അവര്‍ ചൂണ്ടിക്കാട്ടി. എന്നാല്‍ ശ്രീ തിലകന്റെ എക്‌സിക്യൂട്ടീവ് കമ്മിറ്റിയുടെ തീരുമാനം ജനറല്‍ ബോഡി ശരി വയ്ക്കുകയായിരുന്നു. ദിലീപിന്റെ വിഷയത്തില്‍ ജനറല്‍ ബോഡി എടുത്ത തീരുമാനമായതു കൊണ്ട് അത് റദ്ദാക്കാനുള്ള അവകാശവും ജനറല്‍ ബോഡിക്ക് മാത്രമാണുള്ളത് എന്ന വാദമാണ് അമ്മയുടെ അഡ്വക്കേറ്റ് മുന്നോട്ടു വച്ചത്.

അമ്മയില്‍ നിന്നും രാജി വച്ച നടിമാരെ തിരിച്ചെടുക്കുന്നതില്‍ തനിക്ക് സന്തോഷമേയുള്ളുവെന്ന് പ്രസിഡന്റ് ശ്രീ മോഹന്‍ലാല്‍ ആവര്‍ത്തിച്ചു വ്യക്തമാക്കിയതാണ്. മാത്രമല്ല എല്ലാ വിഷയങ്ങളിലും സ്‌നേഹത്തിന്റെയും സമന്വയത്തിന്റെയും പാതയിലൂടെ മുന്നോട്ട് പോകാമെന്ന് രേവതിയ്ക്കും പാര്‍വതിയ്ക്കും പത്മപ്രിയയ്ക്കും ഉറപ്പു നല്‍കിയതുമാണ് .കാര്യങ്ങള്‍ ഇങ്ങനെയായിരിക്കെ എക്‌സിക്യൂട്ടീവ് കമ്മിറ്റി ഏകകണ്ഠമായ തീരുമാനങ്ങള്‍ ശ്രീ മോഹന്‍ലാലിന്റെ മാത്രം തലയില്‍ കെട്ടിവച്ച് ആരോപണം ഉന്നയിക്കുന്നത് ശരിയല്ല.

രേവതിയും പാര്‍വതിയും പത്മപ്രിയയും ഉന്നയിച്ച പ്രശ്‌നങ്ങള്‍ പരിഹരിക്കാനുള്ള അമ്മയുടെ ശ്രമങ്ങള്‍ക്കിടയിലാണ് ചരിത്രം കണ്ടിട്ടുള്ളതില്‍ വച്ചു ഏറ്റവും വലിയ പ്രളയം കേരളത്തെ ഗ്രസിച്ചത്. ശ്രീമതി കവിയൂര്‍ പൊന്നമ്മ ഉള്‍പ്പടെയുള്ള അമ്മയുടെ പല അംഗങ്ങള്‍ക്കും ഈ പ്രളയത്തിന്റെ ദുരന്തങ്ങള്‍ അനുഭവിക്കേണ്ടി വന്നു. അവര്‍ക്കു വേണ്ടിയുള്ള പുനരധിവാസ പ്രവര്‍ത്തനങ്ങള്‍ക്ക് അമ്മ കൂടുതല്‍ പ്രാധാന്യം നല്‍കി.

പ്രളയക്കെടുതികളില്‍ നിന്നും കര കയറ്റി കേരളത്തെ പുനര്‍നിര്‍മ്മിയ്ക്കുന്നതിനുള്ള സര്‍ക്കാരിന്റെ ശ്രമങ്ങളില്‍ അമ്മയുടെ സജീവ പങ്കാളിത്തമുണ്ടായിരുന്നു. ആദ്യ രണ്ടു ഗടുക്കളായി 50 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കിക്കഴിഞ്ഞു .തുടര്‍ന്ന് ഡിസംബറില്‍ ഗള്‍ഫില്‍ ഒരു ഷോ നടത്തി നല്ലൊരു തുക സമാഹരിച്ചു നല്‍കാന്‍ അമ്മ ഉദ്ദേശിക്കുന്നുണ്ട്. ആ ഷോയുടെ തയ്യാറെടുപ്പിലാണ് ഞങ്ങള്‍. എന്നാലും അധികം വൈകാതെ തന്നെ ഒരു വിശേഷാല്‍ ജനറല്‍ ബോഡി യോഗം വിളിച്ചു കൂട്ടാമെന്ന് അമ്മ കരുതുന്നു. ഈ വിഷയത്തില്‍ സാംസ്‌കാരിക കേരളത്തിന്റെ ഉത്കണ്ഠ കണക്കിലെടുത്തു കൊണ്ട് ജനറല്‍ ബോഡി യോഗത്തില്‍ ചട്ടങ്ങള്‍ക്കപ്പുറം, ധാര്‍മ്മികതയിലൂന്നിയുള്ള ഉചിത തീരുമാനങ്ങള്‍ കൈക്കൊള്ളാന്‍ കഴിയുമെന്ന് അമ്മ പ്രത്യാശിക്കുന്നു.

പ്രശ്‌നത്തില്‍ ഇടപെടാനുള്ള സന്നദ്ധത അറിയിച്ച് ബഹു.സാംസ്‌ക്കാരിക വകുപ്പു മന്ത്രി ശ്രീ.എ.കെ.ബാലന്‍ നടത്തിയ പ്രസ്തവന അമ്മ സ്വാഗതം ചെയ്യുന്നു. പ്രശ്‌ന പരിഹാരത്തിനുള്ള സര്‍ക്കാരിന്റെ ശ്രമങ്ങള്‍ക്ക് അമ്മ പൂര്‍ണ്ണ പിന്തുണ വാഗ്ദാനം ചെയ്യുന്നു. .

അമ്മയ്ക്കു വേണ്ടി

ഔദ്യോഗിക വക്താവ്

ജഗദീഷ്

ആക്രമിക്കപ്പെട്ടതിനുശേഷം നടി ഒരിക്കല്‍ ശ്രിതയുടെ വീട്ടില്‍ തങ്ങിയിരുന്നു. മജിസട്രേറ്റിന് മുന്നില്‍ മൊഴി കൊടുക്കാന്‍ വന്നപ്പോഴായിരുന്നു ശ്രിതയുടെ വീട്ടില്‍ തങ്ങിയത്. ഇതിന്റെ അടിസ്ഥാനത്തിലാണ് അന്വേഷണസംഘം ശ്രിതയെ ചോദ്യം ചെയ്യാന്‍ തീരുമാനിച്ചത്. നടി തന്റെ അടുത്ത സുഹൃത്താണെന്ന് ശ്രിത പറഞ്ഞു. തന്റെ വിവാഹത്തില്‍ പങ്കെടുത്തിട്ടുണ്ട്. ദിലീപുമായി യാതൊരു തരത്തിലുള്ള ബന്ധവും ഇല്ല. വിദേശഷോകളില്‍ ദിലീപിനൊപ്പം പങ്കെടുത്തിട്ടില്ലെന്നും ശ്രിത വ്യക്തമാക്കി. ദിലീപുമായി സൗഹൃദമില്ലെന്നും ആക്രമിക്കപ്പെട്ടതിന് ശേഷം നടിയെ നിരവധി തവണ ഫോണില്‍ വിളിച്ചിട്ടുണ്ടെന്നും ശ്രിത അന്വേഷണ സംഘത്തോട് മൊഴി നല്‍കിയിട്ടുണ്ട്.

ഇന്നലെ കേസുമായി ബന്ധപ്പെട്ട് നടന്‍ സിദ്ധീഖിനെ ചോദ്യം ചെയ്തിരുന്നു. നടി ആക്രമിക്കപ്പെടുമെന്ന് മുമ്പ് അറിയാമായിരുന്നോ എന്നറിയാനായിരുന്നു ചോദ്യം ചെയ്യല്‍. നടിയും ദിലീപുമായും തര്‍ക്കങ്ങള്‍ ഉണ്ടായിരുന്നുവെന്നും അവരുമായുള്ള പ്രശ്‌നത്തില്‍ നിന്ന് ദിലീപിനെ പിടിച്ചുമാറ്റിയത് താനാണെന്നും സിദ്ധീഖ് മൊഴി നല്‍കിയിരുന്നു.

നടി ആക്രമിക്കപ്പെടുമെന്ന കാര്യം നേരത്തെ അറിയാമായിരുന്നോ എന്നായിരുന്നു പ്രത്യേക അന്വഷണസംഘം പ്രധാനമായും ചോദിച്ചത്. ദിലീപുമായുള്ള സാമ്പത്തിക ഇടപാടുകളെക്കുറിച്ചും പോലീസ് ചോദിച്ചറിഞ്ഞു. എന്നാല്‍ നടിയെ ആക്രമിച്ച സംഭവത്തെ കുറിച്ച് ഒന്നും അറിയില്ലെന്നായിരുന്നു സിദ്ദിഖിന്റെ മൊഴി.താരനിശയുമായി ബന്ധപ്പെട്ട് നടിയും ദിലീപുമായി ബന്ധപ്പെട്ട പ്രശ്‌നങ്ങള്‍ അന്വേഷണസംഘം ചോദിച്ചറഞ്ഞു. സംഭവുമായി ബന്ധപ്പെട്ട് ദിലീപിനെ പിടിച്ച് മാറ്റിയത് താനാണെന്ന് സിദ്ധിഖ് അന്വേഷണസംഘത്തിനെ അറിയിച്ചിട്ടുണ്ട്.

നടി ആക്രമിക്കപ്പെടുമെന്ന് സിനിമയിലെ പ്രമുഖര്‍ക്ക് അറിയാമായിരുന്നുവെന്ന് പുറത്തുവന്നിരുന്നു. കൂടാതെ ദിലീപിനുനേരെ ആരോപണങ്ങള്‍ ഉയര്‍ന്നപ്പോഴെല്ലാം ദിലീപിനെ പിന്തുണക്കുന്ന നിലപാടായിരുന്നു സിദ്ധീഖിന്റേത്. ആലുവ പോലീസ് ക്ലബ്ബില്‍ ദിലീപിനേയും നാദിര്‍ഷയേയും 13 മണിക്കൂര്‍ ചോദ്യം ചെയ്തപ്പോഴും സിദ്ധീഖ് പോലീസ് ക്ലബ്ബിലെത്തിയിരുന്നു. കുറ്റം തെളിയുന്നതിനുമുമ്പു ഒരാളെ കുറ്റവാളിയായി ചിത്രീകരിക്കരുതെന്നും സിദ്ധീഖ് അഭിപ്രായപ്പെട്ടിരുന്നു.

മമ്മുക്കയും മോഹന്‍ലാലും തമ്മിലുള്ള വ്യത്യാസം തോന്നിയിട്ടുള്ളത് മമ്മുക്ക ദേഷ്യം വരുമ്പോള്‍ സിദ്ധീഖ് എന്ന് വിളിക്കുന്നതും ലാല്‍ സിദ്ധീഖ് എന്ന് വിളിക്കുന്നതും തമ്മിലാണെന്ന് സിദ്ധീഖ് പറയുന്നു. ലാല്‍ സിദ്ധീഖ് എന്ന് വിളിക്കുക വളരെ സ്‌നേഹത്തോടുകൂടിയാണ് എന്ന് പറഞ്ഞു തുടങ്ങിയ താരം ലാലിനെക്കുറിച്ചായിരുന്നു പിന്നീട് പറഞ്ഞതെല്ലാം. ഏതു കാര്യവും വളരെ സില്ലിയായിട്ട് എടുക്കുന്നയാളാണ് ലാല്‍. ഇതൊന്നും നമ്മളെ ബാധിക്കുന്ന കാര്യമല്ല എന്നുള്ള മനോഭാവമാണ്. ദേഷ്യപ്പെടുകയോ, ഓവറായി സന്തോഷിക്കുകയോ ഇല്ല. അഭിനയിച്ച ഒരു പടം സൂപ്പര്‍ഹിറ്റാകുമ്പോള്‍ ലാലിനൊട്ടും എക്‌സൈറ്റ്‌മെന്റ് തോന്നുകയില്ല. അതിന് കാരണമായി ലാല്‍ പറയുന്നത് ആദ്യമായിട്ടൊന്നുമല്ലല്ലോ സൂപ്പര്‍ഹിറ്റാകുന്നത് എന്നാണ്. ഇതിന് മുമ്പും ആയിട്ടില്ലേ എന്നും ഇനിയും സൂപ്പര്‍ ഹിറ്റാകണ്ടേ. നമ്മുടെ മിടുക്കൊന്നുമല്ലല്ലോ എത്രയോ പേര്‍ ശ്രമിച്ചിട്ടാണ് ഒരു പടം സൂപ്പര്‍ഹിറ്റാകുന്നത് എന്നും ലാല്‍ പറയും. എന്നാല്‍ പടം ഒട്ടും വിജയിച്ചില്ലെങ്കില്‍ പോലും ലാല്‍ ഒരു പരിധിവിട്ട് വിഷമിക്കാറുമില്ല. ആ സിനിമയുടെ വിധി അതാണ്. അങ്ങനെ എന്തുകാര്യവും വേറൊരു തലത്തില്‍ കാണുവാന്‍ കഴിവുള്ള ആളും മെച്യൂരിറ്റി കാത്തുസൂക്ഷിക്കുന്നയാളുമാണ് ലാല്‍-സിദ്ധീഖ് പറയുന്നു.

ജീവിതത്തില്‍ സെല്‍ഫ്മാര്‍ക്കറ്റിങ് ചെയ്യുന്നവരോട് തനിക്ക് വെറുപ്പാണെന്നും സിദ്ധീഖ് പറയുന്നു. ആത്മപ്രശംസ നടത്തുന്നത് കാണുമ്പോള്‍ വിമര്‍ശിക്കാറുണ്ട്. അതല്ല, അതിന്റെ നല്ല രീതിയെന്നും മറ്റൊരാള്‍ പറഞ്ഞുകേള്‍ക്കുമ്പോഴാണ് സന്തോഷമെന്നും താരം കൂട്ടിച്ചേര്‍ത്തു.