വിനയ് റായും ബോളിവുഡ് താരം മന്ദിര ബേദിയും മറ്റു പ്രധാന വേഷങ്ങളില്‍ ചിത്രത്തില്‍ എത്തുന്നുണ്ട്. അജു വര്‍ഗീസ്, ഷമ്മി തിലകന്‍, അര്‍ജുന്‍ രാധാകൃഷ്ണന്‍, വിശാഖ് നായര്‍ എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു. ബിഗ് ബജറ്റ് ആക്ഷന്‍ ചിത്രമാണിതെന്നാണ് പുറത്തു വരുന്ന റിപ്പോര്‍ട്ട്.

അഖില്‍ ജോര്‍ജ് ക്യാമറ ചെയ്ത ചിത്രത്തിന്റെ എഡിറ്റിങ് ചമന്‍ ചാക്കോ ആണ്. മ്യൂസിക് ആന്‍ഡ് ബാക്ക്ഗ്രൗണ്ട് ജേക്‌സ് ബിജോയ് കൈകാര്യം ചെയ്യുന്നു. രാഗം മൂവിസിന്റെ ബാനറില്‍ രാജു മല്യത്ത്, കോണ്‍ഫിഡന്റ് ഗ്രൂപ്പിന്റെ ബാനറില്‍ ഡോ.റോയി സി ജെ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ശ്രീ ഗോകുലം മൂവിസ് ആണ് ചിത്രത്തിന്റെ ആള്‍ ഇന്ത്യ വിതരണാവകാശം സ്വന്തമാക്കിയിരിക്കുന്നത്.

എക്‌സിക്യൂട്ടീവ് പ്രൊഡ്യൂസേഴ്‌സ് -നിതിന്‍ കുമാര്‍, പ്രദീപ് മൂലേത്തറ, പ്രൊഡക്ഷന്‍ ഡിസൈന്‍ -അനീഷ് നാടോടി, കോ പ്രൊഡ്യൂസേഴ്‌സ് – ജി ബിന്ദു റാണി മല്യത്ത്, കാര്‍ത്തിക് മല്യത്ത്, കൃഷ്ണ മല്യത്ത്, ആക്ഷന്‍ കൊറിയോഗ്രാഫി – യാനിക്ക് ബെന്‍, ഫീനിക്‌സ് പ്രഭു, സൗണ്ട് മിക്‌സിങ് – എം ആര്‍ രാജാകൃഷ്ണന്‍, സൗണ്ട് ഡിസൈന്‍ – സിങ്ക് സിനിമ, മേക്കപ്പ് – റോണക്‌സ് സേവ്യര്‍, കോസ്റ്റും – ഗായത്രി കിഷോര്‍, മാലിനി, പ്രൊഡക്ഷന്‍ കണ്ട്രോളര്‍ – ജോബ് ജോര്‍ജ്.

‘സെവണ്‍ത് ഡേ’, ‘ഫോറന്‍സിക്’ എന്നീ സൂപ്പര്‍ ഹിറ്റ് ചിത്രങ്ങള്‍ക്കു ശേഷം അഖില്‍ പോള്‍-അനസ് ഖാന്‍ എന്നിവര്‍ തിരക്കഥയെഴുതി സംവിധാനം ചെയ്യുന്ന ചിത്രമാണിത്.

‘നമുക്ക് പാര്‍ക്കാന്‍ മുന്തിരിത്തോപ്പുകള്‍’, ‘ശ്രീകൃഷ്ണപ്പരുന്ത്’, ‘ഭ്രമരം’ തുടങ്ങി പതിനാലോളം സിനിമകള്‍ നിര്‍മിച്ച രാഗം മൂവീസിന്റെ ബാനറില്‍ രാജു മല്ല്യത്താണ് ‘ഐഡന്റിറ്റി’യും നിര്‍മിച്ചിരിക്കുന്നത്.

പരാതിക്കാസ്പദമായ ഇന്‍സ്റ്റഗ്രാം ലിങ്കും ടൊവിനോ സമര്‍പ്പിച്ചിട്ടുണ്ട്. താരം കമ്മീഷണര്‍ക്ക് നല്‍കിയ പരാതി പരാതി പനങ്ങാട് പൊലീസിന് കൈമാറുകയായിരുന്നു. ഇന്നലെ രാത്രിയാണ് എഫ്‌ഐആര്‍ രജിസ്റ്റര്‍ ചെയ്തത്.

ഇന്നലെ ഷൂട്ടിങ്ങിനിടെ വയറില്‍ പരിക്കേറ്റതിനെ തുടര്‍ന്നാണ് ടൊവിനോ തോമസിനെ ആശുപത്രിയില്‍ പ്രവേശിപ്പിച്ചത്. കള എന്ന ചിത്രത്തിന്റെ ഷൂട്ടിങ് ലൊക്കേഷനില്‍ വച്ചായിരുന്നു പരിക്കു പറ്റിയത്. ടൊവിനോയുടെ കരളിനു സമീപം മുറിവുണ്ടെന്ന് ഡോക്ടര്‍മാര്‍ പറഞ്ഞു.

ആശുപത്രിയില്‍ പ്രവേശിപ്പിച്ച താരത്തിന് ആന്തരിക രക്തസ്രാവം കണ്ടതിനെ തുടര്‍ന്ന് ഐസിയുവില്‍ നിരീക്ഷണത്തില്‍ പ്രവേശിപ്പിക്കുകയായിരുന്നു.

‘ദുരിതസമയത്ത് കൂടെ നിന്നതിനു ഒരായിരം നന്ദി പറയുന്നു.. പക്ഷെ അതിന്റെ പേരില്‍ മാത്രം ഈ പടം കാണാന്‍ ഉദ്ദേശിക്കുന്നില്ല (താങ്കളും അത് തീരെ ആഗ്രഹിക്കുന്നില്ല എന്നറിയാം ) നല്ല പടം ആണെങ്കില്‍ തീര്‍ച്ചയായും കണ്ടിരിക്കും’ ഇതായിരുന്നു ടൊവീനോ സമൂഹമാധ്യമത്തില്‍ പങ്കുവച്ച തീവണ്ടിയുടെ പോസ്റ്ററിന് താഴെ വന്ന ഒരു കമന്റ്.

അധികം വൈകാതെ തന്നെ കമന്റിന് മറുപടിയുമായി താരം തന്നെയെത്തി. ‘സത്യം, അങ്ങനെയേ പാടുള്ളൂ. സിനിമ വേറെ ജീവിതം വേറെ.’ എന്നായിരുന്നു ടൊവീനോയുടെ കിടിലന്‍ മറുപടി. ഇതിനു പിന്നാലെ താരത്തിന്റെ മറുപടിയെ പ്രശംസിച്ച് നിരവധി ആളുകള്‍ രംഗത്തെത്തി.

പ്രളയബാധിത സമയത്ത് ദുരിതാശ്വാസ പ്രവര്‍ത്തനങ്ങളുമായി രംഗത്തെത്തിയ സിനിമാ താരങ്ങളില്‍ പ്രധാനിയായിരുന്നു ടൊവീനോ. ക്യാമ്പുകളിലേക്ക് വേണ്ട സഹായങ്ങളെത്തിച്ചും മറ്റും ഓടി നടക്കുന്ന ടൊവീനൊയുടെ വിഡിയോ സാമൂഹിക മാധ്യമങ്ങളില്‍ ചര്‍ച്ചയായി. ക്യാമ്പുകളിലേക്ക് തന്റെ വണ്ടിയില്‍ ഭക്ഷണ പദാര്‍ഥങ്ങളെത്തിച്ചും അവ സ്വയം ചുമന്നും അദ്ദേഹം വളണ്ടിയര്‍മാര്‍ക്ക് ഊര്‍ജം നല്‍കി. ഇത് കൂടാതെ വളണ്ടിയര്‍മാര്‍ക്ക് പ്രചോദനം നല്‍കുന്ന അദ്ദേഹത്തിന്റെ വിഡിയോയും സാമൂഹിക മാധ്യമങ്ങള്‍ ഏറ്റെടുത്തിരുന്നു. ചിലര്‍
നാട്യങ്ങളില്ലാത്ത നായകനെന്ന്  പോലും ടൊവീനോയെ വിശേഷിപ്പിച്ചിരുന്നു.

സമൂഹമാധ്യമങ്ങളിലൂടെ പ്രേക്ഷകരുമായി നിരന്തരം സംവദിക്കുന്ന താരങ്ങളിലൊരാളാണ് ടൊവീനോ തോമസ്. ഹിറ്റ് ചിത്രം മറഡോണയ്ക്കു ശേഷമാണ് തീവണ്ടി റിലീസിങിന് ഒരുങ്ങുന്നത്. നാളെ ചിത്രം തിയേറ്ററിലെത്തും.

നടി ആക്രമിക്കപ്പെട്ട കേസ് ഒരു കുറ്റ കൃത്യം തന്നെ ആയി കാണണം. കോടതി ആണ് അന്തിമ തീര്‍പ്പ് കല്‍പ്പിക്കേണ്ടതെന്നും ടോവിനോ മുംബൈയില്‍ ഒരു ചാനലിനോട് പറഞ്ഞു. നേരത്തെ, ദിലീപിനെ അമ്മയില്‍ തിരിച്ചെടുത്ത സംഭവത്തില്‍ യുവനടന്‍മാര്‍ ആരും പ്രതികരിച്ചില്ലെന്ന് നടി രേവതി പറഞ്ഞിരുന്നു. പിന്നീട് സംഭവത്തില്‍ ദുല്‍ഖറും നിവിന്‍പോളിയും പ്രതികരിച്ചിരുന്നു. അമ്മയുടെ നിലപാടിനൊപ്പമാണ് താനെന്ന് നിവിന്‍പോളി പറഞ്ഞിരുന്നു.

അതേസമയം, നടി ആക്രമിക്കപ്പെട്ട കേസില്‍ പ്രതിയായ നടന്‍ ദിലീപിനെ താര സംഘടനയായ അമ്മയിലേക്ക് തിരിച്ചെടുക്കാനുള്ള നീക്കത്തിനെതിരെ പരസ്യമായി പ്രതിഷേധമറിയിച്ച വിമന്‍ ഇന്‍ സിനിമാ കളക്ടീവ് (ഡബ്യു.സി.സി) ഭാരവാഹികളുമായി അമ്മ നിശ്ചയിച്ച യോഗം നാളെ നടക്കും. നടിമാരായ പാര്‍വതി, പത്മപ്രിയ, രേവതി എന്നിവരെയാണ് ചര്‍ച്ചക്ക് വിളിച്ചിരിക്കുന്നത്.

ദിലീപിനെ അമ്മയിലേക്ക് തിരിച്ചെടുക്കാനുള്ള തീരുമാനത്തില്‍ വനിതാ അംഗങ്ങളെന്ന നിലയില്‍ ആശങ്കയുണ്ടെന്ന് ചൂണ്ടിക്കാട്ടി പാര്‍വതി, രേവതി, പത്മപ്രിയ എന്നിവര്‍ അമ്മ ഭാരവാഹികള്‍ക്ക് നേരത്തെ കത്തയച്ചിരുന്നു. ഇത് പരിഗണിച്ചാണ് ഇവരെ ചര്‍ച്ചക്ക് ക്ഷണിച്ചിരിക്കുന്നത്. അമ്മയുടെ എക്‌സിക്യൂട്ടീവ് കമ്മിറ്റിക്ക് പുറമെ ഷമ്മി തിലകന്‍, ജോയ് മാത്യു തുടങ്ങിയവരെയും ചര്‍ച്ചക്ക് ക്ഷണിച്ചിട്ടുണ്ട്.

‘ഞാനൊരു രാഷ്ട്രീയപാര്‍ട്ടിയുടേയും ആളല്ല. മനുഷ്യത്വമാണ് എന്റെ രാഷ്ട്രീയം. ആരാണ് സംഭവത്തില്‍ കുറ്റവാളിയെന്ന് അറിയില്ല. അത് നിയമവ്യവസ്ഥ കൈകാര്യം ചെയ്യുന്നവരാണ് കണ്ടെത്തേണ്ടത്. ഇന്ത്യന്‍ഭരണ വ്യവസ്ഥചെയ്യുന്ന ശിക്ഷ അവര്‍ക്ക് വാങ്ങി നല്‍കണം. ഞാനിവിടെ വരുന്നത് കൊണ്ട് ഇത് നാലാള്‍ അറിയുകയാണെങ്കില്‍ മറ്റ് ആളുകള്‍ അറിഞ്ഞാല്‍ നന്നായിരിക്കുമെന്ന് തോന്നി. എനിക്കും ഒരു ജ്യേഷ്ഠനുണ്ട്. രണ്ടുപേരും സുഹൃത്തുക്കളാണ്. ശ്രീജിത്ത് നല്ലൊരു മാതൃകയാണ് സമാധാനപരമായി സമരം ചെയ്ത് ഇതുവരെ. അക്രമപരമായി മുന്നോട്ട് പോയിട്ട് ഇതിന് കാര്യവുമില്ല. 760-ല്‍ അധികം ദിവസം സമരം ചെയ്യുകയാണ് ശ്രീജിത്ത്. ഇതിനിടയില്‍ പലപ്പോഴും നിര്‍ത്തിപ്പോകാമായിരുന്നു. നിര്‍ത്തിപ്പോകാത്തതുകൊണ്ടാണ് ആളുകള്‍ ശ്രദ്ധിച്ചത്. സര്‍ക്കാരിന്റെ ഭാഗത്തുനിന്നും നാട്ടുകാരുടെ ഭാഗത്തുനിന്നും ശ്രീജിത്തിന് പിന്തുണയുണ്ടാകുമെന്ന് ഞാന്‍ പ്രതീക്ഷിക്കുന്നു’- ടോവിനോ പറഞ്ഞു.

പോസ്റ്റിന്റെ പൂര്‍ണ്ണരൂപം:

എല്ലാവര്‍ക്കും നമസ്‌കാരം..

ഒരുപാട് സന്തോഷത്തോടെയും സ്‌നേഹത്തോടെയുമാണു ഈ വാക്കുകള്‍ കുറിക്കുന്നത്.

മായാനദി എന്ന ചിത്രം ഈ 22നു തീയറ്ററുകളിലെത്തി.അന്നു മുതല്‍ ഇന്നു വരെ നേരിട്ടും, സോഷ്യല്‍ മീഡിയ വഴിയായുമൊക്കെ ഒരുപാട് പേഴ്‌സണല്‍ മെസേജുകള്‍ എനിക്ക് കിട്ടുന്നുണ്ട് സിനിമ ഇഷ്ടപ്പെട്ടു , കഥാപാത്രങ്ങള്‍ ഹോണ്ട് ചെയ്യുന്നു എന്നൊക്കെ അറിയിച്ച് കൊണ്ട്.നേരിട്ട് മെസേജുകള്‍ക്ക് മറുപടി കൊടുക്കണമെന്നുണ്ട് , പക്ഷേ ഷൂട്ടിനിടയില്‍ അതിനു നിര്‍വ്വാഹമില്ലാത്തത് കൊണ്ടാണു ഇങ്ങനെയൊരു പോസ്റ്റിടുന്നത് എല്ലാവര്‍ക്കും ഒരുപാട് നന്ദി , ഒരുപാട് സ്‌നേഹം 🙂 ആദ്യ ദിവസം മുതല്‍ തീയറ്ററുകളില്‍ എത്തിയതിനു , സിനിമ കണ്ടിഷ്ടപ്പെട്ട് നല്ല വാക്കുകള്‍ മറ്റുള്ളവരോട് പറഞ്ഞ് കൂടുതല്‍ ആളുകളെ തീയറ്ററുകളിലെത്തിച്ചതിനു, സര്‍വ്വോപരി മാത്തനെയും അപ്പുവിനെയും ചേര്‍ത്തു പിടിച്ച് നെഞ്ചിലേറ്റിയതിനു …!

ഇനിയും സിനിമ കാണാത്തവരുണ്ടെങ്കില്‍ തീര്‍ച്ചയായും അടുത്തുള്ള തീയറ്ററുകളില്‍ പോയി കണ്ടു അഭിപ്രായങ്ങള്‍ അറിയിക്കണം.

ഈ സിനിമ കാണുന്നില്ല എന്നു തീരുമാനിച്ചവരോടും യാതൊരു പരാതിയുമില്ല ,വിരോധവുമില്ല, പിണക്കവുമില്ല.കാരണം ഇതിനു മുന്നെയുള്ള എന്റെ സിനിമകള്‍ തീയറ്ററുകളിലും അല്ലാതെയും കണ്ടവരാണു നിങ്ങള്‍ . ഈ സിനിമയും തീയറ്റര്‍ അല്ലാത്ത മറ്റൊരു മാദ്ധ്യമത്തിലൂടെ കാണുമെന്നു പറയുന്നു , അത് നിങ്ങളുടെ ഇഷ്ടമാണു , നിങ്ങളുടെ തീരുമാനമാണു. പക്ഷേ മായാനദി എന്ന ചിത്രം നിങ്ങള്‍ക്ക് തരുന്ന ഒരു തീയറ്റര്‍ എക്‌സ്പീരിയന്‍സ് തീര്‍ത്തും നിസ്സാരമായ കാരണങ്ങളുടെ പേരില്‍,അതു നിങ്ങള്‍ നഷ്ടപ്പെടുത്തരുത് എന്നാണു നിങ്ങള്‍ സ്‌നേഹിക്കുന്ന , നിങ്ങളെ സ്‌നേഹിക്കുന്ന ഒരാള്‍ എന്ന രീതിയില്‍ എനിക്ക് പറയാനുള്ളത് .സിനിമയുടെതല്ലാത്ത ഒരു കാരണം കൊണ്ട് മായാനദി തീയറ്ററില്‍ കാണില്ല എന്ന ഒരു തീരുമാനത്തില്‍ തോല്‍ക്കുന്നത് ഞാനോ നിങ്ങളോ മായാനദിയുടെ അണിയറ പ്രവര്‍ത്തകരോ അല്ല മറിച്ച് നമ്മള്‍ സ്‌നേഹിക്കുന്ന , എന്നെയും നിങ്ങളെയും ഒരുമിപ്പിക്കുന്ന സിനിമ എന്ന കലാരൂപമാണു.അതിനിട വരാതിരിക്കട്ടെ എന്ന് ആത്മാര്‍ത്ഥമായി ആഗ്രഹിക്കുന്നു, പ്രതീക്ഷിക്കുന്നു,പ്രാര്‍ത്ഥിക്കുന്നു.

2017 അവസാനിക്കുകയാണു.ഈ ഒരു വര്‍ഷകാലം നിങ്ങള്‍ എനിക്ക് തന്ന സ്‌നേഹത്തിനു , പിന്തുണയ്ക്ക്, അംഗീകാരങ്ങള്‍ക്ക് ഹൃദയത്തിന്റെ ഭാഷയില്‍ നന്ദി, സ്‌നേഹം.

പുതിയ വര്‍ഷത്തില്‍ എല്ലാവര്‍ക്കും നന്മകള്‍ മാത്രം , നല്ലത് മാത്രം സംഭവിക്കട്ടെ.

സ്‌നേഹപൂര്‍വ്വം

ടൊവിനോ തോമസ്‌