Actress atteck – Chandrika Daily

നടിയെ അക്രമിച്ച കേസില്‍ ദിലീപിന്റെ ജാമ്യം റദ്ദാക്കണമെന്ന ഹര്‍ജി കോടതിയില്‍

ചന്ദ്രിക വെബ് ഡെസ്‌ക്‌ — Tue, 19 Jan 2021 05:12:27 +0000

കൊച്ചി: നടിയെ അക്രമിച്ച കേസില്‍ എട്ടാംപ്രതിയായ നടന്‍ ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷന്‍ സമര്‍പ്പിച്ച ഹര്‍ജി ഇന്ന് പരിഗണിക്കും. കൊച്ചിയിലെ പ്രത്യേക കോടതിയാണ് കേസ് പരിഗണിക്കുക. ദിലീപ് ജാമ്യ വ്യവസ്ഥകള്‍ ലംഘിച്ചുവെന്നാണ് പ്രോസിക്യൂഷന്റെ വാദം.

മാപ്പുസാക്ഷിയായ വിപിന്‍ ലാലിനെ ഭീഷണിപ്പെടുത്തിയെന്നും മറ്റുസാക്ഷികളെ മൊഴിമാറ്റാന്‍ പ്രേരിപ്പിച്ചുവെന്നുമാണ് ദിലീപിനെതിരായ പ്രോസിക്യൂഷന്‍ വാദം. കേസില്‍ പുതിയ പ്രോസിക്യൂട്ടറെ സര്‍ക്കാര്‍ തീരുമാനിച്ചിരുന്നു. അഡ്വ വി എന്‍ അനില്‍കുമാറാണ് സ്‌പെഷ്യല്‍ പ്രോസിക്യൂട്ടര്‍. ജനുവരി 11ന് വീണ്ടും വിചാരണ പുനരാരംഭിക്കാനിരിക്കെയാണ് തീരുമാനം.

‘അമ്മ’ സംഘടനക്കെതിരെ എഴുത്തുകാരന്‍ എന്‍.എസ് മാധവന്‍

chandrika — Thu, 29 Jun 2017 07:58:06 +0000

താരസംഘടനയായ ‘അമ്മ’ക്കെതിരെ രൂക്ഷവിമര്‍ശനവും പരിഹാസവുമായി എഴുത്തുകാരന്‍ എന്‍.എസ് മാധവന്‍. പണം കൊണ്ട് ഭ്രാന്ത് പിടിച്ച ഒരു കൂട്ടം പുരുഷന്‍മാരുടെ സംഘടനയാണ് അമ്മയെന്ന് അദ്ദേഹം പറഞ്ഞു. ട്വിറ്ററിലാണ് അമ്മക്കെതിരെയുള്ള മാധവന്റെ വിമര്‍ശനം. അസോസിയേഷന്‍ ഓഫ് മണി മാഡ് മെയ്ല്‍ ആക്ടേഴ്‌സ് എന്നാണ് അമ്മയെ നിര്‍വ്വചിക്കുന്നത്. ആക്രമിക്കപ്പെട്ട നടിയെ സിനിമയിലെ താരങ്ങള്‍ നേരത്തെ മോശപ്പെട്ട രീതിയില്‍ പരാമര്‍ശിച്ചിരുന്നു. ഇതാണ് വിമര്‍ശനത്തിന് കാരണമായത്. ഇരയെ അധിക്ഷേപിക്കുന്ന സംഘടനയാണ് അമ്മയെന്നും അദ്ദേഹം പറയുന്നു. ഇരയുടെ പേര് വെളിപ്പെടുത്തിയ അജുവര്‍ഗ്ഗീസിനേയും മോശം പരാമര്‍ശം നടത്തിയ സലീംകുമാറിനേയും ദിലീപിനേയും വിമര്‍ശിക്കുന്നുണ്ട് എന്‍.എസ് മാധവന്‍.