കമല്‍ഹാസനെ പിന്തുണക്കുമോ?; ഗൗതമി പറയുന്നു

chandrika — Mon, 09 Oct 2017 08:16:11 +0000

കമല്‍ഹാസന്‍ രാഷ്ട്രീയത്തില്‍ പ്രവേശിച്ചാല്‍ പിന്തുണക്കുമോ എന്ന ചോദ്യത്തിന് പ്രതികരണവുമായി നടി ഗൗതമി. കമലിന്റെ രാഷ്ട്രീയപ്രവേശനത്തെ പിന്തുണക്കുമോ എന്ന ചോദ്യത്തിന് വ്യക്തമായി മറുപടി നല്‍കാന്‍ ഗൗതമി തയ്യാറായില്ല. പൊളിറ്റിക്കല്‍ ലീഡര്‍ഷിപ്പെന്നത് വേറെ വിഷയം തന്നെയാണെന്ന് ഗൗതമി പറഞ്ഞു. പൊളിറ്റിക്കല്‍ ലീഡര്‍ഷിപ്പുകള്‍ വേറെയാണ്. ഒരു രാഷ്ട്രീയ നേതാവായി അനുയോജ്യനായ വ്യക്തി വരുന്നുണ്ടെങ്കില്‍ അദ്ദേഹത്തെ പിന്തുണക്കാനുള്ള ഉത്തരവാദിത്തം എല്ലാവര്‍ക്കുമുണ്ടെന്ന് വ്യക്തമാക്കിയ അവര്‍ ജയലളിതയുടെ മരണത്തെക്കുറിച്ചും പ്രതികരിച്ചു. ജയലളിതയുടെ മരണത്തില്‍ ദുരൂഹതയുണ്ട്. അവരുടെ പെട്ടെന്നുള്ള മരണമായും ചികിത്സയുമായുമൊക്കെ ഇപ്പോഴും ഉത്തരം കിട്ടാത്ത നിരവധി ചോദ്യങ്ങളുണ്ട്. പ്രത്യേക താല്‍പ്പര്യങ്ങളില്ലാതെ അന്വേഷണം നടക്കണമെന്നാണ് ആഗ്രഹം. മരണത്തിന് പിന്നിലെ സത്യാവസ്ഥ ജനങ്ങള്‍ അറിയണമെന്നും ഗൗതമി പറഞ്ഞു. 13 വര്‍ഷം ഒരുമിച്ച് ജീവിച്ചതിന് ശേഷം ഇരുവരും വേര്‍പിരിയുകയായിരുന്നു.

ചോദ്യം ചൊടിപ്പിച്ചു; അഭിമുഖത്തില്‍ നിന്ന് നടി ഗൗതമി ഇറങ്ങിപ്പോയി

chandrika — Wed, 11 Jan 2017 09:15:01 +0000

അഭിമുഖത്തിലെ ചോദ്യം കേട്ട ഗൗതമി അവതാരകനോട് ദേഷ്യപ്പെട്ട് ഇറങ്ങിപ്പോയി. ഒരു റേഡിയോക്കു നല്‍കിയ അഭിമുഖത്തിലാണ് ആര്‍ജെയുടെ ചോദ്യം കേട്ട് ഗൗതമി പൊട്ടിത്തെറിച്ചത്. പിന്നീട് ഇറങ്ങിപ്പോവുകയും ചെയ്തു.

തമിഴ്‌നാട് മുന്‍ മുഖ്യമന്ത്രി ജയലളിതയുടെ മരണത്തില്‍ ദുരൂഹതയുണ്ടെന്നും അന്വേഷണം ആവശ്യപ്പെട്ട് പ്രധാനമന്ത്രിക്ക് കത്തെഴുതിയതിനെ കുറിച്ചായിരുന്നു ചോദ്യം. ഇത് പബ്ലിസിറ്റിക്കുവേണ്ടി ചെയ്തതല്ലേ എന്നായിരുന്നു അവതാരകന്റെ ചോദ്യം. എന്നാല്‍ ചോദ്യം കേട്ട ഗൗതമി ദേഷ്യപ്പെടുകയും പൊട്ടിത്തെറിച്ച് ഇറങ്ങിപ്പോവുകയുമായിരുന്നു.

ജയലളിതയുടെ മരണത്തെക്കുറിച്ച് ദുരൂഹത ഉയര്‍ന്ന സാഹചര്യത്തിലാണ് മരണത്തെക്കുറിച്ച് അന്വേഷണം വേണമെന്നാവശ്യപ്പെട്ട് പ്രധാനമന്ത്രിക്ക് ഗൗതമി കത്തയച്ചത്.

WATCH VIDEO:

actress gouthami – Chandrika Daily

കമല്‍ഹാസനെ പിന്തുണക്കുമോ?; ഗൗതമി പറയുന്നു

ചോദ്യം ചൊടിപ്പിച്ചു; അഭിമുഖത്തില്‍ നിന്ന് നടി ഗൗതമി ഇറങ്ങിപ്പോയി