‘ഭഗവാന്‍ കൃഷ്ണന്‍ ശിശുപാലന്റെ 99 തെറ്റുകള്‍ ക്ഷമിച്ചു. നിശബ്ദതയ്ക്ക് പിന്നാലെ വിപ്ലവമാണ് വരേണ്ടത്. അവരുടെ തലയറുക്കാന്‍ സമയമായി. ജയ് ശ്രീകൃഷ്ണന്‍’, എന്നായിരുന്നു കങ്കണയുടെ ട്വീറ്റ്. വിവാദമായതോടെ ട്വീറ്റ് ഡിലീറ്റ് ചെയ്തു.

ഈ പരാമര്‍ശത്തിനെതിരെ നിരവധി പേര്‍ വിമര്‍ശനവുമായി രംഗത്തെത്തിയിരുന്നു. നിരവധി പേര്‍ കങ്കണയുടെ ട്വിറ്റര്‍ അക്കൗണ്ട് റിപ്പോര്‍ട്ട് ചെയ്യുകയും ചെയ്തിരുന്നു. താണ്ഡവ് വെബ് സീരിസിന്റെ സംവിധായകന്‍ അലി അബ്ബാസിനെതിരെയും കങ്കണ രംഗത്തുവന്നിരുന്നു. അള്ളാഹുവിനെ കളിയാക്കാന്‍ അബ്ബാസിന് ധൈര്യമുണ്ടോ എന്നാണ് കങ്കണ ചോദിച്ചത്. ബിജെപി നേതാവ് കപില്‍ മിശ്രയുടെ വര്‍ഗീയ പരാമര്‍ശമുള്ള ട്വീറ്റ് റീട്വീറ്റ് ചെയ്തുകൊണ്ടാണ് കങ്കണയുടെ വെല്ലുവിളി.

വൈകുന്നേരത്തോടെ അക്കൗണ്ട് വീണ്ടും പ്രവര്‍ത്തനസജ്ജമായി. തുടര്‍ന്ന് തന്റെ അക്കൗണ്ട് റദ്ദാക്കിയതിനെതിരെ വെല്ലുവിളിയുമായി കങ്കണ വീണ്ടും പ്രത്യക്ഷപ്പെട്ടു.

ബില്‍കിസ് ബാനോ സമരത്തില്‍ പങ്കെടുക്കുന്ന ചിത്രങ്ങള്‍ വെച്ച് നിരവധി ആളുകള്‍ ഇത്തരത്തിലുള്ള ആരോപണങ്ങള്‍ ഉന്നയിച്ചിട്ടുണ്ട്. രാഹുല്‍ ഗാന്ധിയെയും, പ്രിയങ്ക ഗാന്ധിയെയും സമീപിച്ചാല്‍ ഇത്തരം സമരങ്ങള്‍ക്ക് ദാദിയെ ലഭിക്കുന്നതാണ്. ഒരു ദിവസത്തെ കൂലിയും, വസ്ത്രവും, ഭക്ഷണവും, അവാര്‍ഡും നല്‍കുകയാണെങ്കില്‍ ദാദി സമരത്തിന് വരുമെന്നാണ് ആരോപണം.

കര്‍ഷകര്‍ ഡല്‍ഹിയിലേക്ക് നടത്തുന്ന ദില്ലി ചലോ മാര്‍ച്ച് മൂന്നാം ദിവസത്തിലാണ്. മൂന്നാം ദിവസമായ ഇന്ന് രാജ്യതലസ്ഥാനത്തേക്ക് കൂടുതല്‍ കര്‍ഷകരെ എത്തിച്ച് സമരം കൂടുതല്‍ ശക്തിപ്പെടുത്താനാണ് കര്‍ഷക സംഘടനകളുടെ നീക്കം. സമരക്കാര്‍ക്ക് ദില്ലിയിലേക്ക് പ്രവേശിക്കാന്‍ അനുമതി ലഭിച്ചത് സമരത്തിന്റെ വിജയമാണെന്ന് പ്രതിഷേധക്കാര്‍ പറയുന്നത്. അരലക്ഷത്തോളം കര്‍ഷകരാണ് നിലവില്‍ ദില്ലിയിലേക്ക് പുറപ്പെട്ടിട്ടുള്ളത്.

ഈയിടെ ട്വിറ്റര്‍ കേന്ദ്ര ആഭ്യന്തര മന്ത്രി അമിത് ഷായുടെ ചിത്രം ഔദ്യോഗിക അക്കൗണ്ടിന്റെ പ്രൊഫൈലില്‍ നിന്ന് നീക്കം ചെയ്തിരുന്നു. തൊട്ടുപിന്നാലെ ചിത്രം പ്രത്യക്ഷപ്പെടുകയും ചെയ്തു. ഇതിന്റെ കൂടി സാഹചര്യത്തിലാണ് ബിജെപിയോട് ചായ്‌വു കാണിക്കുന്ന നടി സൈറ്റ് നിരോധിക്കണമെന്ന ആവശ്യമുന്നയിക്കുന്നത്.

നേരത്തെ, വിദ്വേഷ പരാമര്‍ശങ്ങളുടെ പേരില്‍ നടിയുടെ സഹോദരി രംഗോലി ചന്ദലിന്റെ അക്കൗണ്ട് ട്വിറ്റര്‍ പൂട്ടിയിരുന്നു.

‘സവര്‍ക്കറേയും നേതാ ബോസിനേയും ഝാന്‍സി റാണിയേയും ഞാന്‍ ആരാധിക്കുന്നു. ഇന്ന് സര്‍ക്കാര്‍ എന്നെ ജയിലില്‍ അടയ്ക്കാന്‍ ശ്രമിക്കുന്നു. എന്നാല്‍ അത് എന്റെ തിരഞ്ഞെടുപ്പുകളില്‍ എനിക്ക് ആത്മവിശ്വാസം നല്‍കുകയാണ് ചെയ്യുന്നത്. ഞാന്‍ ജയിലില്‍ പോകാന്‍ കാത്തിരിക്കുന്നു, ഞാന്‍ ആരാധിക്കുന്നവരുടെ അതേ ദുരിതങ്ങളിലൂടെ കടന്നുപോകുക, അത് എന്റെ ജീവിതത്തിന് ഒരു അര്‍ത്ഥം നല്‍കും, ജയ് ഹിന്ദ്.’ കങ്കണ പറഞ്ഞു. നടന്‍ ആമിര്‍ഖാനെ ടാഗുചെയ്തു കൊണ്ടാണ് കങ്കണയുടെ പ്രതികരണം. ബോളിവുഡില്‍ നേരത്തെ അസഹിഷ്ണുതയില്‍ പ്രതികരിച്ച നടനാണ് ആമിര്‍ഖാന്‍. എന്നാല്‍ കങ്കണയുമായി ബന്ധപ്പെട്ട വിഷയങ്ങളില്‍ മൗനം പാലിച്ചതിനായിരിക്കണം കങ്കണ ടാഗ് ചെയ്തതെന്നാണ് സൂചന.

റാണി ലക്ഷ്മി ഭായിയുടെ കോട്ടതകര്‍ന്ന പോലെ തന്റെ വീടും തകര്‍ന്നു. സവര്‍ക്കറെ ജയിലിലടച്ചപോലെ എന്നെയും ജയിലിലടക്കാന്‍ ശ്രമിക്കുന്നു അവര്‍. അസഹിഷ്ണുതാസംഘങ്ങള്‍ അസഹിഷ്ണുത അനുഭവിക്കുന്നവരുടെ വേദനയെക്കുറിച്ച് ചോദിച്ചു നോക്കണമെന്നും കങ്കണ പറഞ്ഞു. ഇതാണ് ആമിര്‍ഖാനെ പരാമര്‍ശിച്ച് നടത്തിയിട്ടുള്ളത്. നേരത്തെ, രാജ്യത്ത് അസഹിഷ്ണുത ഉണ്ടെന്ന് ആമിര്‍ഖാന്‍ പ്രതികരിച്ചിരുന്നു.

കങ്കണ സോഷ്യല്‍മീഡിയയില്‍ വിദ്വേഷം നിറക്കുന്ന പോസ്റ്റ് പങ്കുവെച്ചതിനെതിരെ മുംബൈയിലെ അഭിഭാഷകനായ അലി ഖാസിഫ് ദേശ്മുഖ് പരാതി നല്‍കിയിട്ടുണ്ട്.

ബോംബെ ഹൈക്കോടതിയുടെ നിര്‍ദ്ദേശ പ്രകാരം കങ്കണക്കും സഹോദരിക്കുമെതിരെ പോലീസ് കേസെടുത്തിരുന്നു. ഇതേത്തുടര്‍ന്നാണ് അന്വേഷണ ഉദ്യോഗസ്ഥന് മുന്നില്‍ ചോദ്യംചെയ്യലിന് ഹാജരാകാനുള്ള നിര്‍ദ്ദേശം.

സുശാന്ത് സിങ് രജ്പുത്തിന്റെ മരണവുമായി ബന്ധപ്പെട്ട് നടത്തിയ ട്വീറ്റുകളുടെ പേരില്‍ നടി കങ്കണയും മഹാരാഷ്ട്രയിലെ ഭരണ കക്ഷിയായ ശിവസേനയും തമ്മില്‍ നേരത്തെ കൊമ്പുകോര്‍ത്തിരുന്നു. മുംബൈയിലെ ക്രമസമാധാനം തകര്‍ന്നുവെന്ന് അവര്‍ ആരോപിച്ചിരുന്നു. രാജ്യത്തിന്റെ സാമ്പത്തിക തലസ്ഥാനമായ മുംബൈയെ പാക് അധീന കശ്മീരിനോട് ഉപമിച്ച കങ്കണ തനിക്ക് അവിടെ ജീവിക്കാന്‍ ഭയമാണെന്നും പറഞ്ഞിരുന്നു. എന്നാല്‍, കങ്കണയെ മുന്‍നിര്‍ത്തി നിഴല്‍യുദ്ധം നടത്തുന്നത് ബിജെപിയാണ് എന്നാണ് ശിവസേനയുടെ ആരോപണം.

സോഷ്യല്‍മീഡിയയിലൂടേയും മറ്റും ബോളിവുഡിനെ അപകീര്‍ത്തിപ്പെടുത്താനും താരങ്ങള്‍ക്കിടയില്‍ വര്‍ഗീയ വിഭജനമുണ്ടാക്കാനും നടി കങ്കണ ശ്രമിക്കുന്നുവെന്ന് ആരോപിച്ച് ഒരു കാസ്റ്റിങ് ഡയറക്ടര്‍ മുബൈ മജിസ്‌ട്രേറ്റ് കോടതിയില്‍ ഹര്‍ജി നല്‍കിയിരുന്നു. ഈ ഹര്‍ജി പരിഗണിച്ച ശേഷം കോടതി ഈ വിഷയത്തില്‍ വിശദമായ അന്വേഷണം നടത്തണമെന്ന് നിര്‍ദേശിച്ചിരുന്നു.

നടന്‍ സുശാന്ത് സിങ് രജ്പുത്തിന്റെ മരണവുമായി ബന്ധപ്പെട്ട് കങ്കണ നടത്തിയ ചില ട്വീറ്റുകളുടെ പേരില്‍ നടിയും മഹാരാഷ്ട്രയിലെ ഭരണ കക്ഷിയായ ശിവസേനയും തമ്മില്‍ മുമ്പ് ഇടഞ്ഞിരുന്നു. ഇതിനിടെ നടിയുടെ മുംബൈയിലെ ഓഫീസ് മുംബൈ കോര്‍പറേഷന്‍ പൊളിക്കുകയുണ്ടായി. മുംബൈ നഗരസഭക്കെതിരേ രണ്ട് കോടി നഷ്ടപരിഹാരം ആവശ്യപ്പെട്ടും കങ്കണ രംഗത്തെത്തിയിരുന്നു. കഴിഞ്ഞ മാസം മുംബൈ വിട്ട് കങ്കണ ജന്മദേശമായ മണാലിയിലേക്ക് മാറിയിരുന്നു. കങ്കണയെ മുന്‍നിര്‍ത്തി ബിജെപിയാണ് എല്ലാ കരുക്കളും നീക്കുന്നതെന്നാണ് ശിവസേനയുടെ വാദം.

എന്നാല്‍ തന്റെ ഫേസ്ബുക്ക് അക്കൗണ്ട് ആരോ ഹാക്ക് ചെയ്തതാണ് എന്ന് അഭിഭാഷകന്‍ അവകാശപ്പെട്ടു. ഒരു സമുദായത്തിലെയും സ്ത്രീകള്‍ക്കു നേരെ ഇത്തരം വാക്കുകള്‍ ഉപയോഗിക്കില്ല. താന്‍ തന്നെ ഞെട്ടിപ്പോയി. അതില്‍ മാപ്പു പറയുന്നു. തന്റെ ക്ഷമാപണം സ്വീകരിക്കണമെന്ന് അഭ്യര്‍ത്ഥിക്കുന്നു- അദ്ദേഹം പറഞ്ഞു. തന്റെ പേരില്‍ വന്ന കമന്റ് ഇയാള്‍ നീക്കം ചെയ്യുകയും ചെയ്തു.

സുശാന്ത് സിങ് രജ്പുതിന്റെ മരണത്തിന് പിന്നാലെ ബോളിവുഡ് താരങ്ങള്‍ക്കും മഹാരാഷ്ട്ര സര്‍ക്കാറിനുമെതിരെ നിലപാടെടുത്ത നടിയാണ് കങ്കണ. ബിജെപിയുമായി ചേര്‍ന്നു നില്‍ക്കുന്ന അവര്‍ ഈയിടെ ബോളിവുഡിനെതിരെയും വിമര്‍ശനവുമായി രംഗത്തെത്തിയിരുന്നു. ഈയിടെ രണ്ട് സമുദായങ്ങള്‍ക്കിടയില്‍ സ്പര്‍ദ്ധ വളര്‍ത്തുന്ന പ്രതികരണം നടത്തിയെന്ന ആരോപണത്തില്‍ ഇവര്‍ക്കെതിരെ മുംബൈ പൊലീസ് കേസ് രജിസ്റ്റര്‍ ചെയ്തിരുന്നു.

കാസ്റ്റിങ് ഡയരക്ടറായ മുനവ്വറലി സയ്യിദാണ് ഇരുവര്‍ക്കുമെതിരെ കോടതിയെ സമീപിച്ചിരിക്കുന്നത്. കങ്കണ റാവത്തും സഹോദരി രംഗോലി ചന്ദേലും സമൂഹമാധ്യമങ്ങളിലൂടെയും ചാനല്‍ അഭിമുഖങ്ങള്‍ വഴിയും മതവിഭാഗങ്ങള്‍ക്കിടയില്‍ ഭിന്നിപ്പുണ്ടാക്കാന്‍ ശ്രമിച്ചെന്നും ഒരു പ്രത്യേക മതവിഭാഗത്തിനെതിരെ പ്രചാരണം നടത്തുകയും ചെയ്തുവെന്നാണ് ഹര്‍ജിയില്‍ ആരോപിക്കുന്നത്.

ബിജെപി വക്താവായി മാറിയ കങ്കണ ആര്‍എസ്എസ് നേതൃത്വത്തിന്റെ പ്രീതി നേടാന്‍ കടുത്ത വര്‍ഗീയ പരാമര്‍ശങ്ങളാണ് അടുത്ത ദിവസങ്ങളില്‍ നടത്തിയത്. മോദി ഭക്തയായ കങ്കണക്ക് കേന്ദ്രസര്‍ക്കാന്‍ വന്‍ സുരക്ഷയാണ് നല്‍കുന്നത്.

ബോളിവുഡ് ഹോളിവുഡില്‍ നിന്ന് കടമെടുത്തതാണ്. ഇന്ത്യന്‍ സിനിമാ വ്യവസായമാണ് ഉള്ളത്. അതില്‍ കലാകാരന്മാരും. അല്ലാതെ ബോളിവുഡ് അല്ല. എന്ത് പരിഹാസ്യമായ വാക്കാണത്. ദയവായി ആ വാക്കുകള്‍ നിരാകരിക്കൂ- എന്നാണ് അവര്‍ ട്വിറ്ററില്‍ കുറിച്ചത്. ഇന്ത്യ റിജക്ട് ബോളിവുഡ് എന്ന ഹാഷ്ടാഗും അവര്‍ ട്വീറ്റിനൊപ്പം ചേര്‍ത്തിട്ടുണ്ട്.

https://twitter.com/KanganaTeam/status/1316771306063314944?s=20

നേരത്തെ, ബോളിവുഡിനെ തകര്‍ക്കാന്‍ അനുവദിക്കില്ല എന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ വ്യക്തമാക്കിയിരുന്നു. ഇതിന് പിന്നാലെയാണ് കങ്കണയുടെ പരാമര്‍ശങ്ങള്‍. നോയ്ഡയില്‍ കൂറ്റന്‍ ഫിലിം സിറ്റി നിര്‍മിക്കാനുള്ള യുപി സര്‍ക്കാര്‍ പദ്ധതി പുറത്തുവന്ന സാഹചര്യത്തിലാണ് ഉദ്ധവ് ഇക്കാര്യം പറഞ്ഞിരുന്നത്. സിനിമാ വ്യവസായത്തെ ഇല്ലാതാക്കാനോ മറ്റെവിടേക്കെങ്കിലും മാറ്റാനോ ഉള്ള നീക്കത്തെ വച്ചു പൊറുപ്പിക്കില്ല എന്നായിരുന്നു താക്കറെയുടെ പ്രസ്താവന.

കാര്‍ഷിക നിയമത്തിനെതിരെ പ്രക്ഷോഭം നടത്തുന്നവരെ തീവ്രവാദികളുമായി ഉപമിച്ചായിരുന്നു കങ്കണയുടെ ട്വീറ്റ്. അഭിഭാഷകനായ എല്‍. രമേഷാണ് ട്വീറ്റിനെതിരെ കോടതയില്‍ പരാതി നല്‍കിയിരുന്നത്. ക്യാതസാന്ദ്ര പൊലീസ് സ്റ്റേഷന്‍ ഇന്‍സ്‌പെക്ടര്‍ക്കാണ് എഫ്‌ഐആര്‍ രജിസ്റ്റര്‍ ചെയ്ത് അന്വേഷണം നടത്താന്‍ കോടതി നിര്‍ദേശം നല്‍കിയത്.

‘പ്രധാനമന്ത്രി മോദി ജി, ഉറങ്ങുന്നവരെ ഉണര്‍ത്താന്‍ കഴിയും, തെറ്റിദ്ധരിക്കപ്പെട്ട ഒരാള്‍ക്ക് കാര്യങ്ങള്‍ പറഞ്ഞ് മനസ്സിലാക്കി കൊടുക്കാന്‍ കഴിയും, എന്നാല്‍ മനസിലാകാത്ത പോലെ അഭിനയിക്കുന്നവരെ എന്തു ചെയ്യാനാണ്. സി.എ.എ കൊണ്ടുവന്നതിലൂടെ ഒരു വ്യക്തിക്ക് പോലും ഇവിടെ പൗരത്വം നഷ്ടപ്പെട്ടിട്ടില്ല. ഇതേ തീവ്രവാദികളാണ് അന്ന് ഇവിടെ രക്തപ്പുഴയൊഴുക്കിയത്.’ എന്നായിരുന്നു സെപ്തംബര്‍ 21ന് കങ്കണ ട്വീറ്റ് ചെയ്തത്.

ട്വീറ്റിനെതിരെ വ്യാപക പ്രതിഷേധം ഉയര്‍ന്നതോടെ നടി പരാമര്‍ശങ്ങള്‍ പിന്‍വലിച്ചിരുന്നു. കാര്‍ഷിക മേഖലയില്‍ സര്‍ക്കാര്‍ ഈയിടെ പാസാക്കിയ നിയമത്തിനിതെരെ പ്രതിഷേധം നടത്തുന്ന കര്‍ഷര്‍ക്കെതിരെയായിരുന്നു കങ്കണയുടെ ട്വീറ്റ്.

സണ്ണി ലിയോണിനെപ്പോലുള്ളവര്‍ റോള്‍ മോഡലാകരുതെന്ന് പറഞ്ഞതിന് ലിബറല്‍ സംഘങ്ങള്‍ ഒരിക്കല്‍ ഒരു പ്രശസ്ത എഴുത്തുകാരനെ നിശബ്ദരാക്കി. സണ്ണി ലിയോണിനെ ഒരു താരമായി സിനിമാമേഖല അംഗീകരിച്ചതോടെ വ്യാജ ഫെമിനിസ്റ്റുകള്‍ അവരെ അപമാനമാണെന്ന് തള്ളിപ്പറയുകയാണ് ചെയ്തതെന്നും കങ്കണ റാണൗത്ത് പറയുന്നു. സണ്ണി ലിയോണിനെക്കുറിച്ച് ഗാനരചയിതാവും തിരക്കഥാകൃത്തുമായ പ്രസൂണ്‍ ജോഷി നടത്തിയ പരാമര്‍ശത്തെയാണ് കങ്കണ സൂചിപ്പിച്ചത്. സണ്ണി ലിയോണ്‍ ഒരിക്കലും ഒരു മാതൃകയല്ലെന്ന് പ്രസൂണ്‍ ജോഷി പറഞ്ഞത് നേരത്തെ വിവാദമായിരുന്നു.

ബോളിവുഡ് അഭിനേതാക്കള്‍ സീരിയല്‍ ഡ്രഗ് യൂസേഴ്‌സ് ആണെന്ന് കങ്കണ പറഞ്ഞിരുന്നു. എന്നാല്‍ അത് ആരൊക്കെയാണെന്ന് കങ്കണ വെളിപ്പെടുത്തണമെന്നും പേരുകള്‍ പറയുകയാണെങ്കില്‍ കങ്കണയ്ക്ക് ആദ്യം കയ്യടിക്കുക താനായിരിക്കും എന്നും ഊര്‍മിള ഇന്ത്യാ ടുഡേയ്ക്ക് നല്‍കിയ അഭിമുഖത്തില്‍ പറഞ്ഞു. പണവും പ്രശസ്തിയുമെല്ലാം ലഭിച്ചതിന്് മുംബൈയ്ക്കും സിനിമ രംഗത്തിനും നന്ദി പറയുകയാണ് വേണ്ടത്. എന്തുകൊണ്ടാണ് മുന്‍ വര്‍ഷങ്ങളിലൊന്നും പറയാതെ കഴിഞ്ഞ കുറച്ചു മാസങ്ങളില്‍ മാത്രം ഇതെല്ലാം തുറന്നു പറയുന്നതെന്നും ഊര്‍മിള ചോദിച്ചു. ബിജെപി സീറ്റ് ലക്ഷ്യംവച്ചാണ് കങ്കണയുടെ തുറന്നു പറച്ചില്‍ എന്നാണ് താരം വ്യക്തമാക്കിയത്.

ഇതില്‍ പ്രകോപിതയായാണ് കങ്കണ ഊര്‍മിളയെ ആക്ഷേപിച്ചത്. ‘ബിജെപിയെ സന്തോഷിപ്പിക്കാനുള്ള ശ്രമമാണ് ഇതെല്ലാം എന്നു പറഞ്ഞ് എന്റെ കഷ്ടപ്പാടുകളെ കളിയാക്കുകയും ആക്രമിക്കുകയുമാണ് ഊര്‍മിള ചെയ്തത്. എനിക്ക് സീറ്റ് ലഭിക്കാന്‍ യാതൊരു ബുദ്ധിമുട്ടുമില്ല എന്ന് തിരിച്ചറിയാന്‍ വലിയ ബുദ്ധിയൊന്നും വേണ്ട. ഊര്‍മിള ഒരു സോഫ്റ്റ് പോണ്‍ താരമാണ്. അഭിനയത്തിന്റെ പേരില്‍ അല്ല അവര്‍ അറിയപ്പെട്ടത് എന്ന് ഉറപ്പാണ്. എന്തിന്റെ പേരിലാണ് അവര്‍ പ്രശസ്തയായത്? സോഫ്റ്റ് പോണ്‍ ചെയ്യുന്നതുകൊണ്ട്. അങ്ങനെയുള്ള അവര്‍ക്ക് ടിക്കറ്റ് കിട്ടിയെങ്കില്‍ എനിക്ക് എന്തുകൊണ്ട് കിട്ടിക്കൂടാ?’കങ്കണ പറഞ്ഞു.

കോണ്‍ഗ്രസില്‍ ചേര്‍ന്ന ഊര്‍മിള മാതോണ്ട്കര്‍ തെരഞ്ഞെടുപ്പില്‍ മത്സരിച്ചിരുന്നു. എന്നാല്‍ പിന്നീട് താരം കോണ്‍ഗ്രസ് വിട്ടു. കങ്കണയുടെ അധിക്ഷേപം പുറത്തുവന്നതിന് പിന്നാലെ ഊര്‍മിളയെ പിന്തുണച്ചുകൊണ്ട് നിരവധി പേര്‍ രംഗത്തെത്തി. ഊര്‍മിളയുടെ മികച്ച പ്രകടനങ്ങളെ എണ്ണിപ്പറഞ്ഞുകൊണ്ടാണ് സ്വര ഭാസ്‌കര്‍ കുറിപ്പിട്ടത്. സംവിധായകന്‍ അനുഭവ് സിന്‍ഹയും ഊര്‍മിളയ്ക്ക് പിന്തുണയുമായി എത്തുകയായിരുന്നു.