ആസൂത്രണം നടത്തിയവര്‍ കൂടി ശിക്ഷിക്കപ്പെടുമ്പോഴേ അതിജീവിതയ്ക്കുള്ള നീതി പൂര്‍ണമാവുകയുള്ളൂവെന്നും മഞ്ജു പറഞ്ഞു. കേസില്‍ സമ്പൂര്‍ണ നീതി ഉറപ്പാക്കാന്‍ ഇനിയും നടപടികള്‍ ആവശ്യമാണെന്ന സൂചനയോടെയാണ് അവരുടെ പ്രതികരണം.

പോസ്റ്റിന്റെ പൂര്‍ണരൂപം;

ബഹുമാനപ്പെട്ട കോടതിയോട് ആദരവുണ്ട്. പക്ഷെ ഇക്കാര്യത്തില്‍ നീതി പൂര്‍ണമായി നടപ്പായി എന്ന് പറയാന്‍ ആവില്ല. കാരണം കുറ്റം ചെയ്തവര്‍ മാത്രമേ ഇപ്പൊള്‍ ശിക്ഷിക്കപ്പെട്ടിട്ടുള്ളൂ. ഇത് ആസൂത്രണം ചെയ്തവര്‍, അത് ആരായാലും, അവര്‍ പുറത്ത് പകല്‍വെളിച്ചത്തിലുണ്ട് എന്നത് ഭയപ്പെടുത്തുന്ന ഒരു യാഥാര്‍ഥ്യമാണ്. അവര്‍ കൂടി ശിക്ഷിക്കപ്പെട്ടാലേ അതിജീവിതയ്ക്കുള്ള നീതി പൂര്‍ണ്ണമാവുകയുള്ളൂ. പൊലീസിലും നിയമസംവിധാനത്തിലും ഞാനുള്‍പ്പെടെയുള്ള സമൂഹത്തിനുള്ള വിശ്വാസം ദൃഢമാകാന്‍ അതു കൂടി കണ്ടെത്തിയേ തീരൂ. ഇത് അവള്‍ക്ക് വേണ്ടി മാത്രമല്ല. ഈ നാട്ടിലെ ഓരോ പെണ്‍കുട്ടിക്കും, ഓരോ സ്ത്രീക്കും, ഓരോ മനുഷ്യര്‍ക്കും കൂടി വേണ്ടിയാണ്. അവര്‍ക്ക് തൊഴിലിടങ്ങളിലും തെരുവിലും ജീവിതത്തിലും സധൈര്യം തലയുയര്‍ത്തിപ്പിടിച്ച് ഭയപ്പാടില്ലാതെ നടക്കാന്‍ കഴിയുന്ന സാഹചര്യമുണ്ടാകണം. ഉണ്ടായേ തീരൂ.

അന്നും, ഇന്നും, എന്നും അവള്‍ക്കൊപ്പം

-മഞ്ജു വാര്യര്‍

നടി മഞ്ജുവാര്യറുടേയും ദിലീപിന്റേയും വ്യക്തിജീവിതത്തിലുണ്ടായ പ്രശ്‌നങ്ങളാണ് നടി ആക്രമിക്കാന്‍ കാരണമായത്. എന്നാല്‍ ആക്രമിക്കപ്പെട്ട പെണ്‍കുട്ടിയെ അമ്മ സംഘടന തഴഞ്ഞപ്പോഴും മഞ്ജുവാര്യര്‍ അതിനോടൊന്നും പ്രതികരിച്ചിരുന്നില്ല. വിഷയത്തില്‍ പ്രതിഷേധിച്ച് അന്നും നാലു നടിമാര്‍ അമ്മയില്‍ നിന്ന് രാജിവെച്ചിരുന്നെങ്കിലും മഞ്ജുവാര്യറും പാര്‍വ്വതിയും സംഘടനയില്‍ തുടരുകയായിരുന്നു. തുടര്‍ന്ന് സിനിമയിലെ വനിതകളുടെ സംഘടനയെന്ന പേരില്‍ ഡബ്ല്യുസിസി നിലവില്‍ വന്നു. എന്നാല്‍ ഇതിനോടും മഞ്ജുവാര്യര്‍ക്ക് വിയോജിപ്പുുണ്ടായിരുന്നു എന്നായിരുന്നു വിവരം. എങ്കിലും ഇരു സംഘടനകളില്‍ നിന്നും താരം ഇതുവരേയും രാജിവെച്ചിട്ടില്ലെന്നതും ശ്രദ്ധേയമാണ്.

കഴിഞ്ഞ ദിവസം പാര്‍വ്വതി പുറത്തിറക്കിയ കുറിപ്പിലാണ് മന:സാക്ഷിയുള്ളവര്‍ അമ്മയില്‍ നിന്നും രാജിവെക്കുമെന്നുള്ളത്. എന്നാല്‍ ഇത് ആരെയൊക്കെയാണ് എന്ന് വ്യക്തമല്ല. അന്ന് ആക്രമിക്കപ്പെട്ട പെണ്‍കുട്ടിയോട് പിന്തുണ പ്രഖ്യാപിച്ച പൃഥ്വിരാജ്, ആസിഫ് അലി, കുഞ്ചാക്കോ ബോബന്‍ തുടങ്ങിയ മുന്‍നിര യുവതാരങ്ങളേയും പാര്‍വ്വതി ഉദ്ദേശിച്ചിട്ടുണ്ടാവാം. നാനൂറിന് മുകളില്‍ അംഗങ്ങളുള്ള അമ്മയില്‍ നിന്ന് ഇപ്പോള്‍ വിരലിലെണ്ണാവുന്നവര്‍ മാത്രമാണ് പുറത്തുപോയിട്ടുള്ളത്.

അതേസമയം, സാമൂഹ്യ-സാംസ്‌ക്കാരിക മേഖലകളിലുള്ളവര്‍ പാര്‍വ്വതിക്ക് പിന്തുണയുമായി രംഗത്തെത്തിയിട്ടുണ്ടെങ്കിലും മുന്‍നിര താരങ്ങളാരും പിന്തുണ നല്‍കിയിട്ടില്ല. സീനിയര്‍ താരങ്ങളായ മമ്മുട്ടി, മോഹന്‍ലാല്‍, ജയറാം ഉള്‍പ്പെടെയുള്ളവര്‍ ഇപ്പോഴും മൗനത്തിലാണ്. ഇത് സാമൂഹ്യമാധ്യമങ്ങള്‍ ചോദ്യം ചെയ്യുന്നുമുണ്ട്.

ദിലീപിനെ തിരിച്ചെടുത്തതില്‍ പ്രതിഷേധിച്ചാണ് അമ്മയില്‍ നിന്ന് നാലു നടിമാര്‍ രാജിവെച്ചത്. നടിമാരായ റിമകല്ലിങ്കല്‍, ഭാവന, രമ്യ നമ്പീശന്‍, ഗീതുമോഹന്‍ദാസ് എന്നിവരാണ് രാജിവെച്ചത്. എന്നാല്‍ മഞ്ജുവാര്യര്‍ അമ്മയില്‍ നിന്ന് രാജിവെച്ചിരുന്നില്ല. എന്നാല്‍ പുതിയ സംഭവങ്ങളുടെ പശ്ചാത്തലത്തില്‍ മഞ്ജുവാര്യര്‍ എങ്ങനെ പ്രതികരിക്കുമെന്നാണ് ഏവരും ഉറ്റുനോക്കുന്നത്.

ഇന്നലെയാണ് കൂടിക്കാഴ്ച്ച നടന്നത്. മാധ്യമങ്ങളെ ഒഴിവാക്കി പിന്‍വാതിലിലൂടെയാണ് മഞ്ജുവാര്യറും സംവിധായകനായ ഫാന്റം പ്രവീണ്‍, നിര്‍മ്മാതാക്കളായ മാര്‍ട്ടിന്‍ പ്രക്കാട്ട്, ജോജു എന്നിവര്‍ മുഖ്യമന്ത്രിയെ സന്ദര്‍ശിച്ചത്. തന്റെ പുതിയ ചിത്രമായ ഉദാഹരണം സുജാത തകര്‍ക്കുവാന്‍ ബോധപൂര്‍വ്വമായ ശ്രമങ്ങള്‍ നടക്കുന്നുവെന്ന് മഞ്ജു മുഖ്യമന്ത്രിയോട് പരാതി പറഞ്ഞതായാണ് വിവരം. തിയ്യേറ്ററുകളില്‍ ചിത്രം പ്രദര്‍ശിപ്പിക്കാന്‍ പലരും വിമുഖത കാണിക്കുകയാണെന്ന് മഞ്ജുവാര്യര്‍ പറഞ്ഞു. അതേസമയം, ഉദാഹരണം സുജാത കാണാന്‍ ക്ഷണിക്കാനാണ് മഞ്ജുവാര്യര്‍ എത്തിയതെന്നായിരുന്നു മുഖ്യമന്ത്രിയുടെ വിശദീകരണം.

ദിലീപിന്റെ ‘രാമലീലയും’ മഞ്ജുവിന്റെ ‘ഉദാഹരണം സുജാതയും’ ഒരേ ദിവസമായിരുന്നു റിലീസ്. ഉദാഹരണം സുജാതക്ക് മികച്ച രീതിയിലുള്ള പ്രതികരണം ലഭിച്ചെങ്കിലും തിയ്യേറ്ററുകളില്‍ നിന്ന് നീക്കം ചെയ്യപ്പെടുകയാണെന്നുള്ള പ്രചാരണം ഉണ്ടായിരുന്നു.

രണ്ടു തവണയാണ് ദിലീപ് ജാമ്യത്തിനായി ഹൈക്കോടതി സിംഗില്‍ ബെഞ്ചിനെ സമീപിച്ചത്. അതിനാല്‍ ഇനി ജാമ്യഹര്‍ജിയുമായി ഡിവിഷന്‍ ബെഞ്ചിനെ സമീപിക്കാം. അല്ലെങ്കില്‍ സുപ്രീംകോടതിയെ സമീപിക്കുകയും ചെയ്യാം. എന്നാല്‍ ഇതിനെക്കുറിച്ച് ഉച്ചക്കുശേഷം മാത്രമേ തീരുമാനത്തിലെത്തൂ എന്ന് ബി.രാമന്‍പിള്ള അറിയിച്ചു. ജൂലായ് 24നും ആഗസ്റ്റ് 11നുമാണ് ഹൈക്കോടതിയെ ദിലീപ് സമീപിക്കുന്നത്.

ദിലീപ് ഗൂഢാലോചന നടത്തിയതിന് തെളിവുണ്ടെന്ന പ്രോസിക്യൂഷന്‍ വാദം കോടതി അംഗീകരിക്കുകയായിരുന്നു. ഇരു വിഭാഗങ്ങളുടേയും ശക്തമായ വാദം കോടതി കേട്ടിരുന്നു. ദിലീപ് പുറത്തിറങ്ങിയാല്‍ തെളിവ് നശിപ്പിക്കപ്പെടുമെന്ന വാദം അംഗീകരിച്ച് ജാമ്യമില്ലെന്ന് കോടതി ഇന്ന് വ്യക്തമാക്കുകയായിരുന്നു.

കേസുമായി ബന്ധപ്പെട്ടുള്ള രണ്ട് കാര്യങ്ങളാണ് പ്രധാനമായും പ്രതികൂലമായത്. കേസിലെ മാഡം എന്ന് പറഞ്ഞ കഥാപാത്രം. ഫെനി ബാലകൃഷ്ണന്‍ ഉന്നയിച്ച ആ മാഡത്തെക്കുറിച്ച് അന്വേഷണം നടക്കുന്നുവെന്നത് പ്രചാരണങ്ങളായിരുന്നു. അത് അന്വേഷണത്തെ പ്രതികൂലമായി ബാധിക്കുകയാണുണ്ടായത്. പിന്നീട് ദിലീപിന്റെ ആദ്യ വിവാഹത്തെ സംബന്ധിച്ചുള്ള വാര്‍ത്തകളും പ്രത്യക്ഷപ്പെട്ടു. എന്നാല്‍ ഇത് തെറ്റായ പ്രചാരണമാണ്. ഇവയെല്ലാം കേസന്വേഷണത്തെ ബാധിച്ചതായാണ് ഉദ്യോഗസ്ഥര്‍ വിലയിരുത്തുന്നത്.

കൊച്ചിയിലെ മെഡിക്കല്‍ വിദ്യാര്‍ത്ഥികള്‍ക്ക് മുമ്പില്‍ നടി ആക്രമിക്കപ്പെടുന്നതിന്റെ ദൃശ്യങ്ങള്‍ കാണിച്ചുവെന്നതും അട്ടിമറി ശ്രമത്തിന്റെ ഭാഗമായുണ്ടായതാണ്. അങ്ങനെയൊരു സംഭവം ഉണ്ടായിട്ടില്ലെന്ന് വിദ്യാര്‍ത്ഥികളും അധ്യാപകരും മൊഴി നല്‍കിയിട്ടുണ്ട്. അന്വേഷണത്തെ അട്ടിമറിക്കുക, ചില ഉന്നതഉദ്യോഗസ്ഥരുടെ പ്രതിച്ഛായ മോശമാക്കുക എന്നിവയാണ് ഈ വാര്‍ത്തകളുടെ അടിസ്ഥാനമെന്നാണ് നിഗമനം.

ദിലീപിന്റെ കുടുംബവുമായി ബന്ധപ്പെട്ട് നടത്തുന്ന തെറ്റായ പ്രചാരണങ്ങള്‍ അന്വേഷണത്തെ പ്രതികൂലമായി ബാധിക്കും. ഇത് യഥാര്‍ത്ഥ പ്രതികളെ രക്ഷപ്പെടുത്താനാണ് ശ്രമിക്കുക. ഇത്തരം ശ്രമങ്ങളെക്കുറിച്ച് എ.ഡി.ജി.പി ബി.സന്ധ്യയും ഡി.ജി.പിയെ അറിയിച്ചിട്ടുണ്ട്. വിവാഹവുമായി ബന്ധപ്പെട്ടുള്ള അന്വേഷണം പ്രചാരണം മാത്രമാണ്. കേസുമായി ബന്ധമില്ലാത്ത കാര്യങ്ങള്‍ എന്തിനാണ് അന്വേഷിക്കുന്നതെന്ന് പോലീസ് പറഞ്ഞതായി മനോരമ ഓണ്‍ലൈന്‍ റിപ്പോര്‍ട്ട് ചെയ്യുന്നു.

‘മികച്ച നടിക്കുള്ള പുരസ്‌കാരം ഏറ്റുവാങ്ങാനായിരുന്നു മഞ്ജു അമേരിക്കയിലെത്തിയത്. പുരസ്‌കാരം സ്വീകരിച്ചതിനുശേഷം മഞ്ജുവാര്യര്‍ വളരെ വികാര നിര്‍ഭരമായാണ് സംസാരിച്ചത്. ഇവിടെയെത്താന്‍ സാധിക്കുമെന്ന് കരുതിയിരുന്നില്ല. അതിന് കഠിനാദ്ധ്വാനം തന്നെ വേണ്ടി വന്നു. കടുത്ത മാനസിക സംഘര്‍ഷത്തിലൂടെയാണ് കടന്നുവരുന്നത്. പ്രിയ സുഹൃത്തുക്കളായ മാര്‍ട്ടിനും ജോജുവും ഒപ്പം നിന്നതാണ് പ്രതീക്ഷക്ക് വകവെച്ചത്. അവര്‍ക്ക് നന്ദി പറയുകയാണ്’ മഞ്ജുവാര്യര്‍ പറഞ്ഞു. ആമിയുടെ ചിത്രീകരണത്തിനിടയില്‍ നിന്നാണ് വരുന്നത്. അതിന് അനുവദിച്ച സംവിധായകനും നിര്‍മ്മാതാവിനും നന്ദി പറയുകയാണെന്നും മഞ്ജു കൂട്ടിച്ചേര്‍ത്തു.

നേരത്തെ മഞ്ജുവിന്റെ അമേരിക്കന്‍ യാത്ര റദ്ദാക്കിയെന്ന് പ്രചാരണമുണ്ടായിരുന്നു. നടി ആക്രമിക്കപ്പെട്ട കേസുമായി ബന്ധപ്പെട്ട് വിദേശയാത്ര പോലീസ് വിലക്കിയിട്ടുണ്ടെന്നായിരുന്നു വാര്‍ത്തവന്നത്. എന്നാല്‍ മഞ്ജുവിനോട് അടുത്ത വൃത്തങ്ങള്‍ അമേരിക്കന്‍യാത്ര റദ്ദാക്കിയിട്ടില്ലെന്ന് വ്യക്തമാക്കിയിരുന്നു.

നടി ആക്രമിക്കപ്പെട്ട കേസ് നിര്‍ണായകമായ അവസ്ഥയിലൂടെ കടന്നുപോകുമ്പോഴാണ് മഞ്ജുവാര്യറുടെ തുറന്നുപറച്ചില്‍. കേസില്‍ ദിലീപിന് ഹൈക്കോടതിയും ജാമ്യം അനുവദിക്കാത്ത സാഹചര്യമാണ്. കാവ്യമാധവനെ ഇന്നലെ ചോദ്യം ചെയ്തിരുന്നുവെങ്കിലും മൊഴിയിലെ അവ്യക്തതയെ തുടര്‍ന്ന് വീണ്ടും ചോദ്യം ചെയ്യുമെന്ന് പോലീസ് അറിയിച്ചു.

ആക്രമിക്കപ്പെട്ട നടിയാണ് കാവ്യയുമായുള്ള ദിലീപിന്റെ ബന്ധം തന്നോട് പറഞ്ഞതെന്ന് മഞ്ജുവാര്യര്‍ മൊഴിയില്‍ പറയുന്നു. നടി തന്റെ അടുത്ത സുഹൃത്താണ്. അതുകൊണ്ടാണ് വിവരം തന്നോട് അറിയിച്ചത്. 2012 മുതല്‍ കാവ്യയുമായി ദിലീപിന് അടുപ്പം ഉണ്ടായിരുന്നു. ഇതിനെക്കുറിച്ച് ചോദിച്ചപ്പോള്‍ ആ പൊട്ടിപ്പെണ്ണ് പറയുന്നതൊന്നും വിശ്വസിക്കരുതെന്നായിരുന്നു ദിലീപിന്റെ മറുപടി. ദിലീപുമായുള്ള കുടുംബജീവതം ഇതോടെ തകര്‍ന്നു. എന്നാല്‍ നടിക്കുനേരെയുള്ള ആക്രമണത്തില്‍ ദിലീപേട്ടന്‍ കുറ്റക്കാരനാവരുതെയന്നാണ് പ്രതീക്ഷിക്കുന്നതെന്നും മഞ്ജു പറഞ്ഞതായാണ് വിവരം. കൂടാതെ ദിലീപിന്റെ സാമ്പത്തിക ബന്ധങ്ങളെക്കുറിച്ചും മഞ്ജു പോലീസിന് വിവരം നല്‍കിയിട്ടുണ്ടെന്നാണ് റിപ്പോര്‍ട്ട്. എന്നാല്‍ പോലീസ് ഇത് സ്ഥിരീകരിച്ചിട്ടില്ല.

ആക്രമിക്കപ്പെട്ട നടിയോട് ദിലീപിന് കുടുംബജീവിതം തകര്‍ന്നതുമൂലമുള്ള വ്യക്തിവൈരാഗ്യമാണെന്ന് പറയുമ്പോഴും ഇരുവരും തമ്മിലുള്ള സാമ്പത്തിക ഇടപാടുകളും പോലീസ് അന്വേഷിക്കുന്നുണ്ട്. സാമ്പത്തിക ഇടപാടുകളെ തള്ളി നടി രംഗത്തുവന്നെങ്കിലും പോലീസ് അന്വേഷിച്ചുവരികയാണ് വിവരങ്ങള്‍.

മാധവിക്കുട്ടിയുടെ ജീവിതചരിത്രം പറയുന്ന കമലിന്റെ ആമിയുടെ ചിത്രീകരണവുമായി ബന്ധപ്പെട്ട് മഞ്ജുവാര്യര്‍ക്ക് തിരക്കിട്ട ഷെഡ്യൂളുകളാണ്. എറണാംകുളത്തും ഫോര്‍ട്ട് കൊച്ചിയിലുമായി പുരോഗമിക്കുന്ന ചിത്രീകരണവും മൂലമാണ് മഞ്ജുവാര്യറുടെ വിദേശയാത്ര റദ്ദ് ചെയ്തതെന്നായിരുന്നു പരന്നിരുന്നത്. എന്നാല്‍ ന്യൂയോര്‍ക്ക് യാത്ര റദ്ദ് ചെയ്തിട്ടില്ലെന്ന് താരം സംഘാടകസമിതിയെ അറിയിച്ചിട്ടുണ്ടെന്ന് മഞ്ജുവാര്യറോട് അടുത്ത വൃത്തങ്ങള്‍ പറയുന്നു. അതേസമയം, നടി ആക്രമിക്കപ്പെട്ട കേസില്‍ വിദേശയാത്ര റദ്ദ് ചെയ്യണമെന്നാവശ്യപ്പെട്ടുള്ള അന്വേഷണസംഘത്തിന്റെ യാതൊരു തരത്തിലുള്ള നോട്ടീസോ നിര്‍ദ്ദേശങ്ങളോ മഞ്ജുവിന് ലഭിച്ചിട്ടില്ലെന്നും അടുത്തവൃത്തങ്ങള്‍ പറയുന്നു. കേസിന്റെ ഗൂഢാലോചനയുമായി ബന്ധപ്പെട്ട് മഞ്ജുവാര്യറുടെ മൊഴി എടുത്തെന്ന് വാര്‍ത്തയുണ്ടായിരുന്നു. കേസില്‍ മഞ്ജു രണ്ടാം സാക്ഷിയാണെന്നും മറ്റു നടിമാരും സാക്ഷികളാകുമെന്നുമുള്ള പ്രചാരണവും ആലുവ റൂറല്‍ എസ്.പി എ.വി ജോര്‍ജ്ജ് നിഷേധിച്ചു.

ഫ്രീഡിയ എന്റര്‍ടൈന്‍മെന്റ് ആണ് നോര്‍ത്ത് അമേരിക്കയില്‍ പരിപാടി സംഘടിപ്പിക്കുന്നത്. സംവിധായകന്‍ മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന അവാര്‍ഡ് നിശയില്‍ നിവിന്‍പോളി, ടോവിനോ തോമസ്, ഭാവന, അജു വര്‍ഗ്ഗീസ്, കുഞ്ചാക്കോ ബോബന്‍, ആഷിഖ് അബു, ദിലീഷ് പോത്തന്‍, എബ്രിഡ് ഷൈന്‍, സൗബിന്‍ ഷാഹിര്‍, ചെമ്പന്‍ വിനോദ്, ആശാ ശരത് എന്നീ താരങ്ങള്‍ പങ്കെടുക്കും.

ശക്തമായ തെളിവുകളുടെ അടിസ്ഥാനത്തിലാണ് ദിലീപ് അറസ്റ്റിലാവുന്നത്. കേസില്‍ നടിമാരെ സാക്ഷികളാക്കില്ല. ദിലീപിന്റെ ജാമ്യാപേക്ഷയെ ഹൈക്കോടതിയില്‍ പോലീസ് എതിര്‍ക്കുമെന്നും തെളിവുകളുടെ അടിസ്ഥാനത്തില്‍ ഇനിയും അറസ്റ്റുണ്ടാവുമെന്നും എസ്.പി കൂട്ടിച്ചേര്‍ത്തു. നേരത്തെ ദിലീപിന്റെ ആദ്യഭാര്യയും നടിയുമായ മഞ്ജുവാര്യറെ കേസില്‍ സാക്ഷിയാക്കുമെന്ന് റിപ്പോര്‍ട്ടുണ്ടായിരുന്നു. എന്നാല്‍ നടിമാരെ സാക്ഷികളാക്കില്ലെന്ന് എസ്.പി വ്യക്തമാക്കുകയായിരുന്നു.

നടിയെ ആക്രമിച്ച കേസില്‍ നേരത്തെ ദിലീപിനെ 13മണിക്കൂര്‍ ആലുവ പോലീസ് ക്ലബ്ബില്‍ ചോദ്യം ചെയ്തിരുന്നു. പിന്നീട് വിട്ടയച്ചുവെങ്കിലും താരത്തെ അറസ്റ്റ് ചെയ്തിരുന്നില്ല. ദിവസങ്ങള്‍ക്കുശേഷമാണ് കേസില്‍ ദിലീപ് അറസ്റ്റിലാവുന്നത്. ദിലീപിനെതിരെ തെളിവുകള്‍ ലഭിച്ചതിനുശേഷമായിരുന്നു അറസ്റ്റ്. കേസില്‍ പോലീസ് അന്വേഷിക്കുന്ന ദിലീപിന്റെ മാനേജര്‍ ഇപ്പോള്‍ ഒളിവിലാണ്.